بسم الله الرحمن الرحيم
اللهم لا سهل إلا ما جعلته سهلا وأنت تجعل الحزن إذا شئت سهلا فاجعل بحولك وقوتك كل صعب علينا سهلا
رب اشرح لى صدرى ويسر لى أمرى واحلل عقدة من لسانى يفقهوا قولى
أما بعد
قبل ما أى حد يضرب
أو بفهم إنى بدافع عن الرئيس السابق
أبدا
أنا بس حابب أستعرض قصته معاكم لأنى حاسس بجد إن أى حد فينا ممكن يكون حسنى مبارك
حسنى مبارك كان طالب مجتهد وكان ممتاز فكريا وبدنيا
احتمال كمان إنه كان بيحفظ قرآن فى الكتاب فى كفر مصيلحى
كبر حنى مبارك ودخل الكلية الجوية وكان طيار ممتاز
اتخرج واشتغل فى الجيش وفضل يترقى فى المناصب حتى صار قائد القوات الجوية
وده دليل على إنه كان طيار بارع ومتقن لعمله
بعد كده جت حرب تلاتة وسبعين حسنى كان فى طليعة الضربة الجوية يعنى مجاهد وشجاع
وكمان شارك فى وضع خطة الحرب
اترقى حسنى تانى وبقى نائب رئيس الجمهورية
وهنا فيه بعض الأقاويل إن حسنى كان بيتعامل مع الأمريكان للضغط على السادات
وفيه أقاويل إنه شارك فى قتل السادات فعلا
بعد مقتل السادات صار حسنى رئيسا لأكبر دولة عربية
ليه حسنى مبارك وقتها ما فكرش إنه يجعلها دولة إسلامية
وليه عادى المسلمين وفتحلهم المعتقلات على الآخر
ليه جاب فى وزارته واحد زى زكى بدر معادى للإسلام أو واحد زى بطرس غالى أو حرامى زى أحمد عز
ليه خلى المسلمين غرباء فى بلدهم
ليه محاولش يحل أزمة القمح طوال 30 سنة
ليه محاولش يحسن التعليم ويخلق سوق عمل فى مصر
ليه مارفعش قلم رصاص يدافع عن المسلمين فى فلسطين أو البوسنة أو كوسوفا أو الشيشان
ليه كان الفقير فى بلد حسنى مبارك بيزداد فقره
والغنى بيزداد غنى
ليه قتل طموحات الشباب
ليه الرشوة
وليه الواسطة
جميلة قوى نظرية طباخ الريس اللى بتقول إن الريس عبيط وما يعرفش إن فيه فساد
لكن قمة المأساة فعلا
لما حسنى كان بيتفرج فى الإستاد على ماتش مصر والسنغال و1500 مصرى بيموتوا فى البحر الأحمر لما غرقت عبارة السلام
كأنهم فعلا دمهم رخيص عنده واللى اتسبب فى موتهم لسه عايش ينعم بثروته محاولش يقتص منه
فى اليوم ده كان حسنى مبارك معاه حفيده محمد علاء
اللى توفى بعد كده بسنتين تقريبا يمكن عشان يحس بدم الغلابة
حسنى كمان صدر الغاز لإسرائيل بأبخس الأثمان
وزور الإنتخابات
وقفل المعبر فى وش الفلسطينين
وبنى الجدار العازل
ده غير التوريث
حسنى مبارك من الآخر خان المسلمين
يا جماعة ده كان بطل مجاهد لسه محارب فى تلاتة وسبعين
علامة استفهام ؟؟؟؟؟؟؟؟؟؟؟؟؟؟
ياترى حسنى كان غافل؟
ولا مغفل؟
لأن ربنا فعلا بعتله رسايل كتير
يعنى مثلا موت الرؤساء حواليه
موت الأسد والملك فهد
موت حفيده نفسه كان رسالة من ربنا إن ليه يوم جاى
معارضين كتير وقفوا فى وش حسنى وقالوله كفاية
لكن الظاهر إنه مكانش بيسمع
لحد ما جت الثورة وخلعت حسنى بالعافية
وهايتحاكم
يا جماعة ده انتقام من ربنا ؟
احنا كمان يا إخوانى
بنظلم وبنعصى
وبنغفل كتير
وبتجيلنا رسايل من ربنا إن الأجل قريب
ونعمل مش واخدين بالنا
لحد ما تيجى القصة
وانتقام ربنا
إذن يا جماعة اللى حصل لحسنى مبارك ممكن يحصل لأى حد فينا كلنا أصحاب معاصى والله أعلم بالتقيل المخفى
استغفروا ربكم و توبوا إليه
اللهم إنا نسألك مردا غير مخز ولا فاضح
اللهم ردنا إلى دينك ردا جميلا
اللهم إنى أعوذ بك أن أشرك بك وأنا أعلم وأستغفرك لما لا أعلم
يا حى يا قيوم برحمتك نستغيث أصلح لنا شأننا كله ولا تكلنا إلى أنفسنا طرفة عين
اللهم ارزقنا قبل الموت توبة وعند الموت شهادة وبعد الموت جنة
اللهم صلى وسلم وبارك على سيدنا محمد
موضوع: كلنا الر ئيس محمد حسنى 
11/5/2011, 1:41 pm
