قولى أأأمين

كان لك نيل واحد يا بلادى
اصبح ليكى يا بلدى نيلين
نيل من دم جدودنا بيروى
نيل من دم الفدائين
والاتنين بيصبوا ف بكره
تصحى كرامة البنى ادميين
تطرح علم ونهضه وخضره
تاخدك تحت رموش العين
تطلعى جوا الحلم عروسه
عزه ورفعه وحصن متين
اهل وعيله نجوم حوليكى
لما تشاورى يقولوا أمين
ويبان ليكى كمان الشاطر
مليون شاطر
لأ ملايين
فرسان شاده اللامه وجاهزه
تبنى صحارى الروح بساتين
اه يا بهيه يا مستنيه ب
قالك عمريجيكى ياسين
جاكى ياسين يا بهيه وجامح
فرسه الدايب منه حنين
نازل جز ف شوك فراعينك
بايدين حانيه ما تعرف لين
دايريبدر فيكى امانى
احلام ملو الروح فدادين
زهر بيشب ويضلل يغزل
اجمل بكره واحلى سنين
يروى شراقى الروح ت تهجى
ادخلوا مصر سلام امنين
ينعس جفن ما داق النعسه
بالضالين غير بالضالين
يضحك طفل ما شاف الضحكه
غير حكايات فى سنين فايتين
يرجع ليكى الطير الهارب
يبنى عشوش مهجوره أنين
يسرح بين الزهر يلقح
الاحلام تنطر ياسمين
جهد يسر القلب يطمن
قلب اتطمن بالصالحين
تعلا راياتك ترجعى تانى
مصر العزه

اكثر من رائع

شكرا على هذا الابداع المتميز