أختى العزيزه خلى بالك من لسانك

علي نفس منوالنا السابق ..........ولاننا عادلين ولا نظلم طرفا علي حساب اخر .......رغم ظلم السحالي لنا .......وعلي نفس طريقه موضوعي السابق ( موضوع هيعجب كل البنات )
حبيت انزل موضوع هيعجب برضه كل الشباب ........الواقع ياسيدتي يحمل الكثير من العبارات التي اذا تفوهتي بها فتحتي الباب علي نفسك علي العديد من المشاكل مع حبيبك ......ماذا تعرفين عن الشباب (الرجال) ؟؟؟ وماهذه العبارات التي يجب علي كل فتاة تجنبها ؟؟
1- انت كنت فين ؟
هذه الجمله في قاموس الشاب تعني انك بنت متحكمه وسوف تحولين حياته الي جحيم
2- ماهي خططك المستقبليه لشكل علاقتنا معا ؟
اياك من هذه العبارة خاصه ان شباب العرب يكرهون التخطيط للمستقبل ( متقلبيش دماغنا بقي احنا شايفين حاضر لما نشوف مستقبل )
3- ماما قالتلي ..........
عادة يفضل عدم الاشارة لوالدتك في حوارتكما معا.....يكره الشاب تدخل والدتك في كل صغيرة وكبيرة ( مش ناقصه ناس حشريه )
4- انا لااخفي سرا عن صديقتي الانتيم.........
وهذا معناه انه لايوجد اسرار بينكما (وكويس انك قلتيلي ياغبيه عشان اخد بالي )
5- انا لااحب اصدقائك..........
الصداقه منطقه محرمه ومقدسه في حياة الشاب ولا يحق للبنت التدخل فيها خاصه مع من تحبه
6- لقد قابلت اليوم زميلا جديدا واثار اعجابي ..............
لا تبدي اعجابك بشاب اخر غير حبيبك ( فتحتي علي نفسك بوابات الشك الناريه وبدات كل ديدان الشرق الاوسط تلعب في دماغ حبيبك )
7- علينا قبل الاقدام علي اي خطوة استشارة والدي............
عندما يعرض عليك فكرة لاتطلبين منه اخذ راي شخص اخر فهذا يعني انك لاتثقين في حكمه ( مش مالي عينك ولا ايه؟ )
8- بتحبني؟؟؟
سؤال يرفض الشباب عادة الاجابه عليه ويفضل عدم طرحه ( واذا تحبي تسمعيها ابقي قوليله انا بحبك وهو اكيد هيقولك وانا كمان >>>>>>> يامظبط الشباب ياعبود )
9- ملابسك مش شيك...............
الان تحول المظهر الي جزء مهم في حياة اي شاب واي اهانه لمظهره هي طعن لكرامته ( خليكي في حالك بدل ماتتاذي وشوفي بس انتي لابسه ايه )
10- انا مش بحبك...........
لا تتفوهي بهذه العبارة ابدا ولو علي سبيل التهريج او الهزار فالشباب لايعرفون الهزار ابدا عندما يتعلق الامر بالقلب .........اخطر عبارة تمس الشاب ( متلعبيش في عداد عمرك ياشابه )
اللهم اما بلغت اللهم فاشهد .........العبارات منقوله بتصرف وتعديلات كتير لوجه الله وصالح الشباب الغلبان ............ربنا علي الظالم والمفتري
انتظروا الجديد دائما
تحياتى السمان