احنا عايزين ايه

فيه فرق بين الواقعية وتكسير المقاديف

وانا واقعية وبقولك ممكن يمول المشروع

نور شمعة بدل ماتلعن الظلام

الشهادة بس مش كل حاجة فى الزمن دة لازم تعرف علشان متوصلش متاخر زى غيرك

قلت لك قبل كدة حتى موضة تعليقها على الحيط بقت قديمة

ماشي نعمل عشرين مصنع في البلد ونشغل الناس وجمال مستعد يمول المشاريع دي كلها
المرة دي من جنيه الي 11 جنية
مرتاحين
بس ما تطمعوش يزود لان ده كده يبقي ها تكلوا الراجل

انت بتتكلم بلسان الاخ جمال ليه

ال11جنية دول يروح بيهم للوقف دول لو كفو
لازم تغيروا اسلوب تفكيركم

وطريقة الرد

الاخ أحمد ...
كل المشاريع الكبيرة بالتاكيد بدأت بفكرة .. ممكن مبلغ صغير مع توفر الاصرار
والتوكل على المولى عز وجل يصبح المشروع الصغير متوسط ثم يكبرمع خبرة
الممارسة .. وأنا متفق مع الأخت منحه فى مسألة الشهادة فهى لم تعد بالفعل كل شئ
وهناك العديد من الشباب ليس فى الخليج فقط بل داخل مصر بعملون فى أعمال ليست
لها علاقة بتخصصهم العلمى وسعداء جداَ بذلك وربما وجدوا أنفسهم فى هذا العمل ..

وصديق لى تايلندى أقام مشروع مزرعة سمكية فى مساحة صغيره جداَ لا تتعدى
30 متر فى 20 متر ومشروعه ناجح جداَ وتعلم عمل المشروع وإدارته من النت
ولم يكن له أى دراية بالمزارع السمكية ..
المهم الانسان يبدأ ...
تحياتى لك وللدكتور جمال

الاخ الجنتل احييك والله


انا مش بقلل من الشهادة ولا العلم لكن الزمن اختلف التعليم مطلوب لكن الثقافة مطلوبة اكتر

هل كل رجال الاعمال حتى فى مصر بيعملوا فى مجال تخصصهم

انا واحدة صحبتى كانت معيدة فى اعلام و زوجها دارس اعلام وفاتح مكتب عقار

والتانية معيدة فى زراعة وزوجها محاسب وبيعمل فى ادارة سوق تجارى ومهندسين كتير بيشتغلوا فى الالمنيوم


واحدة تانيه محاسبة وزوجها مهندس بيشتغل فى قطع الغيار وبيروح الصين يشتريها من هناك


بيتقولى كل الستات هناك بتشتغل حتى بيصنعوا الشباشب فى البيوت

احسن الواحدة تشتغل فى بيتها ولا تزاحم الناس فى الاتوبيس والشوارع والعمل


واليابان شوفوا بعد الحرب العلمية عملت ايه

المهنة والشغل الحر مش عيب مدام شريف

بنك التنمية بيدى سلفة 5الالاف جنية دول ميعملوش حتى محل فراخ

الدنيا اختلفت الوظيفة بتاعة الحكومة متاكلش عيش

كبار العشرة المبشرين بالجنة كانوا بيعملوا عبد الرحمن بن عوف بدا فى المدينة من الصفر

قال للصحابى دلنى على السوق

لكن احنا لاعايزين نرحم ولانخلى غيرنا يفكر ويشتغل بس ننتريق على الناس ونالس عليهم

الله يبارك لك ماشاء الله تبارك الله ولاقوة الا بالله


والله انا فكراك من فاو

وسعدت جدا بطموحك وربنا يكفيك شر ولاد الحرام ويوفقك ويحقق طموحك هنا وفى مصر

ولايهمك كلنا استلفنا حق الفيزة والحمد لله الذى بنعمته تتم الصالحات


واهلا بك فى موضوعنا احنا بنتكلم عن كل دشنا مش بس البلد

طيب سيبه يكتب هو علشان نرد عليه متخليش حد يستعملك وييجى الكلام فى وشك

وبعدين الله يرحم كل والدينا

محدش اتولد وفى فمه ملعقة دهب
بس قول لنا انت عايز ايه زمتخفش واتكلم على الافل وشجع الباقى يمكن حد يستفاد بارائك ويكون ده فى ميزان حسناتك

ماشي يا اخت منحة انا علي العموم مش خايف من احد ولا اي شيء في الدنيا

متأسف على هذه المداخلة
اخت منحة حضرتك متقدريش تحكمى على البلد لأنك بعيد عنها مع احترامى لحضرتك
وعلى فكرة احمد جاد انا اعرفه كويس ومن قريب
ليس مجاملة احمد جاد من افضل شباب البلد على الاطلاق واكثرهم طموحا
لكن البلد فيها حاجات كتير لازم تتغير الأول قبل ما نتكلم ونقول احنا عايزين ايه
أول شئ احنا عايزينه القضاء على العصبية والقبيلة
اللى تقريبا هى مدمرة كل الطموح
استاذة / منحة فيه حاجات كتير مينفعش اقولها لحضرتك بهذا المنتدى حفاظا على الوجه الحسن للبلد
ابسط حاجة حضرتك فى احد المدارس دون ذكر اسمها حاولت امنع الغش فى الفصول كانوا هيضربونى ، وحاجات كتير ماينفع اقولها
عموما مجرد نقاشنا فى هذا الموضوع حاجة كويسة
وبدل ما نقول عايزين نعمل ايه نقول ازاى نغير افكار الناس أولاً
تقبلوا تحياتى

شكر استاذ نصرعلى دخولك ولاتتاسف لاننا كلنا فى الهوا سوا

انا كنت فى فاو الاعدادية وكنت معروفة انى مش بغشش حتى فى مادتى كنت بمر عليهم واراقبهم علشان ميغششوش

المشاكل فى كل مكان
بس مش نعناه اننا نسكت كل واحد يبدا بنفسه
وحضرتك بدات بمشروعك ومحدش كلمك ولا ايه


وفكرة موضوع نغير ازاى فكرة كويسة نطرحها للمناقشة

والاخ احمد انا زعلانه عليه

شكرا اخت / منحة
لتواصلك واهتمامك
طبعاً ضرورى كلنا نخاف على البلد
ولابد من الطموح
من اجل الاستمرار
مهما كانت المشاكل فدوام الحال من المحال
شكرا لكم جميعا

الاستاذ نصر شكرا لك علي هذا الكلام اخت منحة ما تعرفش
انا كنت باعمل ايه في البلد علشان ادخل النت والناس تعرف معني كلمة نت
الناس كان تعرف اسمها لكن كانت ما تعرفش ايه النت ده
والفضل في دخول النت البلد يرجع الي الله عز وجل ثم ليك انت يا ابو سيف ويرجع الي العبد لله لاني انا صاحب الفكرة ولا كلامي خطأ يا ابو سيف

طبعاً كلامك صح يا باشمهندس
وربنا يزيد من امثالك
والله انا سعيد بكم جميعا
وسعيد بحماس / اخت منحة
وحماسك ياباش مهندس
واشكر كل من شارك فى الحوار والنقاش
وياريت جميعا نعمل على بذل كل ما يمكن عمله من اجل الارتقاء بالبلد
وطالما نعمل ونواجهه ونواصل سننجح بإذن الله

ماشي يا ابو سيف سوف افكر في مشروع سهل للبلد وبأذن الله سوف ينفذ

[quote="منحة القاضى"]انا من فاو قبلى المصنع فى اى مكان الاماكن كتيرة المهم الهمة انا سمعت ان الشيخ محمود جمعوا 125 الف لاهل غزة يعنى البلدفيها خير كتير
بس المشكلة ان الشيخ محمود بيعمل لوحده محدش بيساعده

ياجماعه اعملوا اى حاجه وابدأواوللعلم فى ستات محتاجه للعمل اكتر من الشباب
الارامل اللى بتربى ايتام والله عندك حق وشكرا
مستر راضى

[quote="منحة القاضى"]بارك الله فيك
الاخوة افتكروا ان الموضوع شغل الستات والخروج والبطالة بين الشباب
لكن يااخى الفاضل هؤلاء الارامل اطفالهم بيكونوا صغار ولايجدوا من يعولهم
انا كان قصدى تعليمهم اشياء بسيطة او عمل مشاريع بسيطة لتعينهم
هم اتخضوا من كلمة مشروع
وشكرا لك لفتح الوضوع مرة اخرى
[/quot
اشكرك استاذه منحه انا مقيم فى القاهره وعندما ذهبت لدشنا رأيت جمعيه خيريه تقدم مساعدات لارامل وايتام العزازيه عمل عظيم جدا بارك الله فى القائمين عليه وعرفت ان هدا المشروع يخدم بعض القرى المجاوره فأتمنى من اهل الخير ان بقدموا اى مشروع لارامل وايتام فاو وياريت اهل الخير يتبنوا هذا المشروع
وشكرا
مستر راضى

اهلا يا جماعة معلشي علي الانقطاع عن المنتدي لظروف الشغل
لكن بسم الله ما شاء الله في افكار جديدة ومشاريع حلوة في المشروع يا ريت تتنفذ
لك من المستحيل علي الفرد التنفيذ لظروف المالية لاهل البلد لكن المفروض الجمعيات الخيرية اللي في البلد توفر فلوس من اللي بتجمعها منن الناس وتروح للغلابة
لازم يكون في شوية فكر راس مالي يعني لو وفروا شوية فلوس وعملوا بيها مشروع ولا اتنين هتبقي الجمعيات نفسها ليها دخل تقدر تصرف علي نفسها وتشغل اهل البلد برده
تاني حاجة عايز اشكر الاخت منحة عل حكاية اللغات والتعليم انه مش كفايةة
والكلام ده صحيح يعني لو انت رحت اي مقابلة عمل هيتكلم معاك شوية ويسالك شوية حاجات بره تخصصك ويشوف رد فعلك ايه واسلوبك طبعا زائد السؤال عن الخبرة في مجالك

شكرا ياباش مهندس

حمدا لله على سلامتك افتقدناك فى المنتدى الفترة الماضية

الجمعية الخيرية فى البلد توها ناشئة ويلزمها المساعدة بالافكاروالمال ممكن تكون اسلوب تفكيرهم محصور فى اشياء ضيقة
انا اؤيدك انه لابد من الثقافة بجانب التخصص واللغة
المثل بيقول شىء عن كل شىء وكل شىء عن شىء
انا عندى صديقة من تركيا عندها الابتدائية بس انابشوفها افضل كتير من بعض دارسات الجامعة فى اشياء كثيرة
الشهادة وحدها لاتكفى اكيد ودى مشكلة بعض الصعايدة
لو احد كلمه تلاقيه مبيجمعش كلمتين على بعض
ودة مش نقض ولكن انا اتكلم عن الافضل

منحة القاضى كتب:

السلام عليكم
انا شايفاكم ماشاء الله اتحمستوا للموضوع لكن احنا ابناء فاو عايزين ايه للبلد اقصد نقترح ايه البلد محتاحه كل واحد يفكر ويقترح شىء ويساهم فيه سيبنا من الحكومة احنا عايزين لبلدنا ايه
ارسل قتراحك يمكن نلاقى خاتم سليمان اللى يحل المشكلة ابدا انا نفسى يكون فى البلد مصنع ملابس جاهزة تعمل فيه النساء ودور لتحفيظ القران للسيدات ومشاريع صغيرة للشباب العاطل ودروس تقوية للطلبة برسوم رمزية وفصول محو امية للكبار نساء ورجال
وانت عايز ايه ياريت تشارك

انا نفسى فى حاجه واحده ان نبدأ واشوف حاجه واحده اتعملت لانى بصراحه زرت فاو ولااملك الا انا اقول ربنا معاكم
مستر راضى

[انا طبعا اول مره اشارك معاكم وارجو ان تتقبلو راي بس انا شايف انه من المنطق كلام الاستاذه منحه لانو لو كل واحد ابتدي يفكر فاي مشروع فاعتبرو انه كده خلص نص المشروع بالضبط وبتبقي مساله التنفيذ مجرد خطوات بس نبتدي ونفكر وانا متفائل خير والله انه فه ف بلادنا ناس بتفكر تفكير ايجابي
وطبعا مع احترامي للبقيه وده للاسف الناتج من الوضع الراهن في البطاله اللي الناس عيشاها خلفت احباط وعدم امل في كل حاجه حتي في مجرد التفكير
رجاءا من الجميع اعاده التفكير مره تانيه في اسلوب الحياه والتفكير بجديه محدش اتولد معاه فلوس او مكون نفسه كل واحد بيسعي وعلي كد ما يسعي هيلاقي والتفكير ف اي مشروع ...بس التفكير مجرد سعي
ارجو مكنش اثقلت عليكم تقبلو تحياتي ومشاركتي اخوكم احمد صالح[/b]