هنا القاهرة الساحرة الآسِرة الهادرة الساهرة الساترة السافرة

هنا القاهرة
شعر : سيد حجاب

هنا القاهرة الساحرة الآسِرة الهادرة الساهرة الساترة السافرة
هنا القاهرة الزاهرة العاطرة الشاعرة النيّرة الخيّرة الطاهرة
هنا القاهرة الساخرة القادرة الصابرة المنذرة الثائرة الظافرة
صدى الهمس في الزحمة والشوشرة
أسى الوحدة في اللمة والنتورة
هنا الحب و الكدب والمنظرة
نشا الغش في الوش والإفترا
هنا القرش و الرش و القش والسمسرة
هنا الحب و الحق و الرحمة والمغفرة
و انا فـ قلب دوامتك الدايرة بينا
بصرّخ بحبّك يا أجمل مدينة
يا ضحكة حزينة .. يا طايشة ورزينة
بحبّك و اعفّر جبيني فيترابك
و اعيش في رحابِك و أقف جنب بابك
جنايني أروي بالدم وردة شبابك
يا زينة جنينة حياتنا اللعينة
بحبّك يا بنت اللذين
بحبّك

» الطبيعة الجميلة الساحرة
» جامعة القاهرة
» صور لاتصدق من شوارع القاهرة
» هنا القاهرة اجمل رسالة حب
» كل مستشفيات القاهرة هنا ربنا لايحوجك ليها