شعر احمد فؤاد نجم

موضوع: شعر احمد فؤاد نجم 24/7/2009, 9:11 pm

الشاعر احمد فؤاد نجم[ندعوك للتسجيل في المنتدى أو التعريف بنفسك لمعاينة هذه الصورة]
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

موضوع: رد: شعر احمد فؤاد نجم 24/7/2009, 9:44 pm

اشكرك اخى الفاضل علاء عبد الرافع على تلك القصيده الرائعه فى معانيها للمناضل احمد فؤاد نجم الذى عاش طيلة حياته يناضل ويكتب وتزوج من جميلات مصر فى غرفه فوق السطح الى الان يعيش فيها عشان لسانه طويل ومش ساكت على اللى بيحصل فى البلد ولكن اخطا فى تلك القصيده خطا فادح لانه وجه العتاب واللوم والتجريح لشخص الرئيس ولم يوجهه للشعب باكمله فرئيس الدوله لم يكن ملكا قد فرض علينا بالوراثه ولكن رئيس الدوله هو من اختيار الشعب والشعب وحده الذى يتحمل نتيجة اختياره وهذا مبدأى فى هذا الموضوع انا لا اعيب الرئيس ولكن اعيب المرؤسين فالحمد لله دولتنا دولة ديمقراطيه ونحن نضحك على انفسنا ونتخذ موقفا سلبيا بحجة ان الانتخابات ستسود وانا تكلمت فى هذا الموضوع مرارا وتكرارا لابد ان نكون شعبا ايجابيا نقول لا او نعم بمحض ارادتنا فالشاعر هنا يتكلم على عيد ميلاده فوق السبعين اى قبل انتخابات 2000و2005 فلماذا هذا الكلام هل سنظل نبكى على اللبن المسكوب ونبكى على اننا اطعنا سادتنا وكبرائنا فاضلونا السبيلا ام اننا ندلى باصواتنا وانا اقولها بصراحه لو ان السيد الرئيس تم ترشيحه للفتره القادمه ساقول نعم له لان العيب ليس فيه العيب فينا فنحن قد قتلنا الخوف والجبن من الحكومه حتى اصبحت اصواتنا خافته لا تصل اليه كما اننا قد قمنا باختيار حاشيته بايدينا فالوزراء من اختيارنا لاننا قمنا باختيار مجلس الشعب الذى يسائل الحكومه ويستجوبها ويسحب الثقه منها وايضا من رئيس الدوله طبقا للدستور فلو قولت ان الانتخابات تسود اقول لك لا لم يحدث تسويد فى ظل الاشراف القضائى على الانتخابات وزانا كنت رئيسا للجان فى كل الانتخابات ورايت بنفسى فى انتخابات الرئاسه وفى مجلسى الشعب والشورى ولكن التسويد سيكون فى الايام القادمه بعد الغاء نظام الاشراف القضائى الكامل على الانتخابات ولو قولت لى اااااه الحكومه لغت الاشراف القضائى عشان تسود وتظبط اقول لك لا باللذى الغى الاشراف القضائى هو الشعب ومجلسه الم تتذكر الاستفتاء الذى حدث منذ سنتين على تعديل الدستور الم تصوت على الغاء المواد التى تلغى الاشراف القضائى لو قولت لى انك لم تذهب اقول لك اذن العيب فيك لانك ممكن ان تقول لا لتعديل الدستور وكلنا نقول لا فلا يلغى ولا يعدل ولكن كيف نقول ذلك واعضاؤنا الذين نجحوا فى تلك الدوره ولم ينجحوا الا ببركة الاشراف القضائى قد وافقوا على القانون وعلى الدستور من قبلنا
واخيرا اقول لكم جميعا كما قال موسى لقومه
استعينوا بالله واصبروا ان الارض لله يورثها من يشاء من عباده والعاقبة للمتقين قالوا يا موسى اوذينا من قبل ان تاتينا ومن بعد ماجئتنا قال عسى ربكم ان يهلك عدوكم ويستخلفكم فى الارض فينظر كيف تعملون

موضوع: رد: شعر احمد فؤاد نجم 25/7/2009, 1:05 am

يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..

و انتو عارفين شعب مصر

يا عرب يا عرب يا أهل مصر

----------------------------

اللي خانوا العهد بينا .. و استباحوا كل حاجة

و استهانوا بالعروبة .. و استكانوا للخواجة

مستحيل حيكونوا منا .. نحنا حاجة و هما حاجة

هما باعوا الجلابية .. و الوطن و البندقية

و ا حنا أصحاب القضية ..

احنا ما بنبيعش مصر

يا عرب يا عرب يا أهل مصر

----------------------------

يطلع الدجال بزيفو .. يملا وادي النيل ضباب

ينزل الجلاد بسيفو ... يزرع الموت و الخراب

يطول الليل زي كيفو .... الصباح له ألف باب

و احنا بوصلتنا بإيدينا .. ما تخافوش من الليل علينا

مهما غبتو عن عينينا ..

انتو جوا بقلب مصر

يا عرب يا عرب يا أهل مصر

-------------------------

سينا و لا .. يافا و لا .. حيفا ولا ... دير ياسين

اسألوا الشمس اللي هالة .. عللي صحيوا مبدرين

يزرعوها نور و غلة .. دول جدودنا و لا مين ؟

حقنا و حتما ً يُعاد .. بس لو بانت سعاد

و البيان ده لوه معاد ...

و المعاد حيكون في مصر

يا عرب يا عرب يا أهل مصر

موضوع: رد: شعر احمد فؤاد نجم 25/7/2009, 10:37 am

الأخ علاء عبد الرافع .. المحترم

قصيدة أحمد فؤاد نجم هذه تخالف شروط المنتدى
عوضاَ عن كونها لشاعر مجاهر بالمعصية لذكره بحديث تليفزيونى
أنه لا يصلى ولا يعرف الصوم فى رمضان ويستعرض صولاته وجولاته مع الحشيش والمسكرات
بأنواعها .. حتى وإن تطاول على رمز الدوله بوقاحة كعادته -مع عدم إحترامه لشيخوخته -
فلا يجوز أخى أن نردد كلامه وننقله فى المنارة

لك منى كل التحية

موضوع: رد: شعر احمد فؤاد نجم 25/7/2009, 4:35 pm

اخى الفاضل الجنتل مان
احمد فؤاد نجم لو تكلمنا على لسانه فنتفق على ان لسانه يتصف بصفتين متناقضتين البذائه والفصاحه فعلى قدر انهما متناقضتين الا انهما لايتعارضان فشعره يتسم بالتهكم والاستهزاء واختيار الالفاظ الغريبه وايضا يتسم ببلاغته وروعتة فسبحان الله على هذا الرجل كما احب ان انبهك اننى اتفق معك فى عربدته وسؤ سلوكه ولكن الشاعر لا عيب شعره شخصيته فكثير من الشعراء يتصفون بالمجون والوصف الفادح للمراه ورغم ذلك فاقت اشعارهم نظرائهم لروعة الكلمه وبلاغتها وتنظيم القصيده من حيث اوزانها وقافيتها وعروضها وضروبها ومقبوضها ومبسوطها وغير ذلك من اوزان الشعر فنجم فى عربدته وبزائته لايقارن بامرؤ القيس حامل لواء الشعراء الى جهنم فلو نظرت لقصائده تجدها فى منهى الروعه فناخذ منها ما يتفق مع تعاليم ديننا ونقرا الباقى للاطلاع فمثلا له قصيد ه لا يمكن قرائتها على الملا اذكر منها مثلا وصفه للقاء بينه وبين محبوبته حيث قال
سموت اليها بعد ما نام اهلها ***سمو حباب الماء حلا على حال
فقالت سباك الله انك فاضحى***الست ترى السمار والناس احوال
طبعا لا استطيع تكملة القصيده لما تحتويه من وصف خادش للحياء ومتعديا على الحرومات
ايضا لو قارنا مثلا بشعراء المعلقات نجد انهم يبدؤن قصائدهم بالغزل مثلا ثم يتكلمون عن موضوعهم فها هو عمرو بن كلثوم بدا معلقته بقوله
الا هبى بصحنك فاصبحنا*****ولاتبقى خمور الاندرينا
ثم تكلم بعد ذلك عن الفخر
وهاهو مثلا كعب بن زهير بدا قصيد ته بقوله
بانت سعاد فقلبى الوم متبول
ثم قام بمدح المصفى عليه السلام وقال مهلا هداك الذى اعطاك نافلة ال***قران فيها مواعيظ وتفصيل
لا تؤاخنى باقوال الوشاة فانى*****لم اظلم ولو كثرت فيا الاقاويل
ولا نذهب بعيدا فشعراء العصر الحاضر قدموا لنا اثله كثيره على ذلك فشخصية الشاعر لا نحكم عليها ولكن نحكم على شعره
من ناحية جماله وروعته حتى ولو كان للهجاء فى رمز من رموزنا الوطنيه والمعتقل موجود ومش غريب عليه وهو اتحبس كتير جدا ولسه قاعد فى غرفه فوق السح وع العموم يا عم الجنتل مان متزعلش نفسك اوى هو الرئيس احنا اولياء اوره ولا هو ولى امرنا كل واحد يدافع عن نفسه بطريقته وهو مش حيقدر يدافع عن نفسه يعنى وميقدر يرفع قضيه على نجم ويطالبه بالتعويض عن القصيده دى هو ممعهوش فلوس للمحامى لا طبعا معاه ده بيركب المواصلات ببلاش وبيروح يصيف ببلاش
اما عن الشعر يا جنتل مان فاقول لك واذكرك بقوله تعالى
والشعراء يتبعهم الغاوون* الم تر انهم فى كل واد يهيمون* وانهم يقولون ما لايفعلون*الا الذين امنوا وعملوا الصالحات وذكروا الله كثيرا وانتصروا من بعد ما ظلموا وسيعلم الذين ظلموا اى منقلب ينقلبون صدق الله العظيم

موضوع: رد: شعر احمد فؤاد نجم 25/7/2009, 4:44 pm

الرجاء من الاخت كبرئاء امراه تكبير كلمات القصيده لانى
شممت فيها رائحه غريبه وامعنت النظر فيها جيدا
والرجاء من الاخوه ا هل اللغه فى المنتدى قرائة قصيدة الاخت كبرياء امراه
وامعنوا النظر فيها حتى يرتاح قلبى لان القصيده لاافهم مغزاها
واشكرك عليها اختى الفاضله واتمنى ان يكون ظنى خاطئ فى معانيها
التى حاولت قرائتها ولم اعرف اقراها جيدا
ولو احد فهم تلك القصيده الرجاء القيام بشرح معانيها
طبعا انا لا انقدها لانى لم اقراها الى الان وادعوا اخوانى الى قرائتها جيدا
لان الخط صغير وانا خلاص بقى حسن الختام

موضوع: رد: شعر احمد فؤاد نجم 25/7/2009, 10:44 pm

وحدوه
الشاعر احمد فؤاد نجم لايمكن ان نصفه بما وصف به اولا لانه حى والتوبة مفتوحة ولكن لايصح ان يفضح بين العباد انه وانه وانه عافانا الله بما ابتلاه به ان كان صحيحا وسامحنا على ذلك الكلام ان كان تقولا ولكن دع الخلق للخالق
وكثير من القصائد قيلت هجاءا للرؤساء ونزار له قصيدة سب فيه عبد الناصر وكل حكام النفط وطبعا الا حافظ الاسد ومنع من دخول مصر وووولكنه اعظم من قال شعرا فى عصرنا ولاشك واخمد فؤاد نجم كذلك كل فى ملعبه والقصائد السياسية هى اقصر طريق للسجن وسوف اوافيكم بشعراء المعتقلات قريبا والا لكم التحية ودمتم سالمين

موضوع: رد: شعر احمد فؤاد نجم 25/7/2009, 10:51 pm

الأخ المهندس أيمن
أولا إن أحمد فؤاد نجم شخصيه عامه ومش زميلنا فى الشغل مثلاَ
ثانيا كل الصفات التى ذكرت هنا أخذت من لسانه وهو يفاخر بها وهو يذكرها ويكررها
أمام الكاميرات ولا يوجد مقابله معه إلا وذكر فيها حكاياته ومغامراته مع الحشيش
وشكراَ

موضوع: رد: شعر احمد فؤاد نجم 25/7/2009, 11:07 pm

ده فين العن من كده انا هقولك هو قال ايه افتح صفحة

موضوع: رد: شعر احمد فؤاد نجم 25/7/2009, 11:13 pm

تقصد كلامه على القناة اللبنانيه عن روبى

» دخل احمد فؤاد نجم السجن فى قضية تزوير وخرج مناضلا ضد الدولة
» الجماهير فى الخرطوم تحاول قتل احمد بدير ومحمد فؤاد وغيرهم
» هما مين و إحنا مين أحمد فؤاد نجم
» الأعمال الكاملة لأحمد فؤاد نجم
» قصيدة /الكلمات المتقاطعة لأحمد فؤاد نجم