اجمل خبر للمناره وليد معانا الان فى المناره بنفسه

منذ دقائق جائنى اتصال من تليفون وليد الجنيدى
والمفاجاه ان المتصل ليس ابن خاله بل هو وليد الجنيدى بنفسه
والحمد لله ربنا يتم الشفاء له ولكل مرضى السلمين وهو حيروح عمره يوم الثلاثاء القادم
ربنا يتقبل منك يا وليد وتكون مية زمزم شفاء لك ويكون مرضك كفاره لذنوبك فانت نعم العبدلله
ونعم الرجل الصالح الصابر واسال الله ان يعطيك جزاء صبر ايوب وان يتم عليك نعمته بالشفاء العاجل
واوعى تنسى المسابح من العمره واختنا نفرتيتى حتروح عمره برضه قريب بس اوعى تتفق معاك وتقولك نجيبلهم المسابح مع بعض وتقسموا ثمنها لا انت تجيب المسابح ال33 وهى جزاء ليها تجيب المسابح ال 99 عشان الجزاء من جنس العمل وهى كريمه جلده زى ما انت عارف ونرفع اكف الضراع الى الله ونتوسل اليه باسماءه الحسنى وصفاته العليا وبجميع سور القران واياته واحرفه حرفا حرفا وعدد كل حرف الفا الفا ان يتم عليك نعمة الصحه وان ترجع لنا من العمره معافى فى بدنك ومعافى من الذنوب كيوم ولدتك امك
واصلى واسلم على النبى العربى القرشى الهاشمى سيد ولد ادم وسيد الخلق وحبيب الحق محمد بن عبد الله بن عبد المطلب شفيعنا يوم القيامه

السلام عليكم
ربنا يشفيه أن شاء الله وعمرة مقبولة بأذنه ومشيئته
ياسلام أنت تؤمر يامستشارنا
وأيه رأي حضرتك علشان حلاوة رجوع أ/ وليد أن السبح كلها عليا
ربنا بس يعينى على شيلهم هههههههه
وأهو علشان يكون عندكم علم السفر بالطيارة له وزن محدد لحسن حد فيكم يفتكر أن أنا أسترخصت ولا حاجة ولاأستقللت العدد ههههههههههههههه
أما بالنسبة للدعوة فى الحرمين فدى بعون الله مقدور عليها
بالنسبة للغالية منحة ماهو لازم أتضابف وأتفسح على حسابها مش نا أختها وجايلها من الصعيد
بس التأشيرة توصل وأتأكد من يوم السفر حأبلغها علشان تعمل حسابها وتستعد ههههههههههههههه

خبر مفرح والله والحمد لله على سلامتك يا وليد وباذن الله دوما معافى وعمرة باذن الله مقبولة وموفقة انتا والاخت نفرتيتى
والحمد لله مرة اخرى على سلامتك يا وليد وشكرا لك سيادة المستشار انك طمنتنا على صحة الاخ وليد نتنمى له دوما الصحة والعافية
مع ارق امنياتى لهما بعمرة موفقة ومقبولة باذن الله

فعلا والله أجمل خبر
والحمد لله الذي أخرجه من هذه الأزمة
وإن شاء الله تكون كفارةً لذنوبه ورفعاً لدرجاته
وعمرة مقبولة إن شاء الله

يارب يخليكى لينا يا اختنا العزيزه وتيجينا بالسلامه انتى ووليد
وطبعا اوعى تنسينا فى دعواتك زى ما انتى قولتى الدعوات مقدور عليها
وع العموم من ناحية الوزن على الطياره فى حلين الاول انك تجيبى سبح خشب اقيم واخف
او ممكن ترسليهم مع اى حد يكون جاى فى عباره بس اوعى تقولى انا بعتهم والعباره بححححححححححح
لان كده حيروح عليكى ثواب العمره وانا عارف انك طبعا مش حتخلى ثواب العمره يروح عشان السبح لان العمره مكلفه ومعندكيش استعداد انك تعملى واحده تانيه
ههههههههههههههههههههههههههههههههههههه
ولو التاشيره حتتاخر قوليلى تبع جمعية ايه او تبع مكتب ايه وانا استعجلهملك ولا يهمك يا ست الكل

صباح الورد على الجميع والف سلامة للاخ وليد وعمرة مقبولة وتحياتى للجميع وبعدين موضوع السبح ده ليه زمان كانوا بيسبحوا ربنا بالحصى وانا اقولكم على طريقة حلوة سبح الله مع طلوع الانفاس طريقة ببلاش كده ولا هو لازم تسبحوه بفلوس

ااسف على التأخير كنت باخد هدنه جزيل الشكر لسعادة المستشار صلاح رسلان والاستاذ على عبد الله والاستاذ مصطفى الفخرانى والبش مهندس ايمن حسين والاخت نفرتيتى لكم منى اطيب تحيهواحترام وتقدير على كل التعب الى بتتعبوه من اجلى واهتممكم بى انتم وجميع اهل المناره فعلا رب اخ لم تلده امك وبعد يا سعادة المستشار ادعيلى ارجع بالسلامه انا والاخت نفرتيتى ان شاء الله وخلى المسابح والمصليات على والمسواك كمان لجل عيون كل اهلى الغلين اهل بالمناره يا اغللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللا الناس يا اعز واحسن الناس

دائما سباق مستشارنا العزيز
خلاص زى ما قالت اختنا نفرتيتى حضرتك مستشارنا العزيز
وخبر جميل والله خبر رجوع استاذ وليد المنزل
عمره مقبولة ويارب يرجع لنا فى كامل صحته وعافيته هو والاخت نفرتيتى وكل المسلمين اللهم آمين
اما بالنسبة للسبحة انا هستخدم طريقة مهندس ايمن
ومكان السبحة تدعولى بعدد 33 مرة
يبقى كدة خالصين
تقبلوا تحياتى

دعاء الشفاء

</I>1- ضع يدك على الذي يألم من جسدك وقل :
بسم الله ثلاث وقل سبع مرات : (أعوذ بعزة الله وقدرته من شر ما أجد وأحاذر) رواه مسلم
2- اللهم رب الناس اذهب اليأس اشف أنت الشافي لا شفاء إلا شفاؤك شفاء لا يغادر سقماً .
(متفق عليه)
3- من عاد مريضاً لم يحضر أجله فقال عنده سبع مرات : اسأل الله العظيم ، رب العرش العظيم أن يشفيك إلا عافاه الله. صححه الحاكم ووافقه الذهبي
[ندعوك للتسجيل في المنتدى أو التعريف بنفسك لمعاينة هذا الرابط]
انشروووووووووووووووووووووووووووووووووووووووووووووه فى دشنا

سيادة المستشار --- الأستاذ نصر

كل الناس إللى بيجو عمره بيشتروا السبح من قدام المينا

أو من جده وبيقولولكم جايبينها من مكه

وإنتوا بتسبحوا بيها وفاكرينها من مكه وكل واحد بعد ما

يسبح بيها بيمسح الجلابيه بإيديه مكان السبحه المباركه

وهيه من جده من سوق العلوى تحت الكوبرى هههههههههه

إسألونى أنا

أنا إللى هبعت لكم السبح من مكه بجد

[ندعوك للتسجيل في المنتدى أو التعريف بنفسك لمعاينة هذه الصورة]دى صور السبح اليسر الجميلة

الله عليك
نورت المنتدى وكشفت الحقائق
الله يكرمك يارب
بس مش كل الناس زى بعض
قصدى الاخت نفرتيتى واخى وليد
ليس من هؤلاء لكن هما من اهل المنارة واهل منارة دشنا لا يعرفون ذلك
عموما انا اريد الدعاء بذلك اضمن حقى هههههههههههههههه
تقبلوا تحياتى

شكرا استاذ نصر الغالى وشكرا يا بش مهندس ايمن على الدعاء الغالى وشكرا يا اخى جنتل يا غالى بس لما اجيلك تعرفنى من فين اجيب السبح الغاليه للغلين يارب نلتقى على خير امين

السلام عليكم ورحمة الله وبركاته
الف حمدا لله على سلامتك ابو احمد
والله اسعدنا جدا رجوعك للمنارة مرة اخرى
عودا حميدا اسال الله ان يتمم لك العلاج
واهلابك فىبلاد الحرمين الشريفيين
واسال الله ان يتقبل عمرتك
وماء زمزم لما شرب له
وياريت تشرفنا تليفون زوجى 0506669742
نرجوالاتصال عند وصولك بالسلامة وربنا معاك يارب
الاخت نفرتيتى على فكرة العمرةمفيهاش وزن فى الطيارة انت حتتلككى ولا ايه
وليه السبح بالذات
فيه حاجات حلوة تانى
اهلابك مرة اخرى اخ وليد

جزاكى الله خيرا اختنا الفاضله الاخت منحة القاضى وانا والله مش عارف اودى جميلكم فين وام اخمد شكرت في حضرتك كتير وحكتلى عن اتصالك بها المستمر ورسايلك ليها وسؤالك علينا ربنا يكرمك وبارك الله فيكى وفى جميع اهل المنارة ورقم زوج حضرتك معى وان شاء الله سوف اتصل بيه لما اجى وشكرا جزيل الشكر لكم وسلامى الى زوج حضرتك واسألكم الدعاء

والله اجمل خبر فى المناره عودتك يابو جنيدى بارك الله فيك ياسياده المستشار

ووالله انت وحشتنا جدا والمناره من غير ابو جنيدى ناقصه حاجه مهمه جدا

الف الف حمدا لله بالسلامه وربننا يتمم الشفاء ويكرمك بدوام العفو والعافيه

وعمره مقبوله ان شاء الله ومتنسناش بصالح الدعاء

الله أكبر
بتفرق سبح كمان
اقول روح الله ياولاد
يعني انا شارب المرار
وانت بتفرق سبح
مااااشي ماشي
تلات سبح ومن الكبار كمان
لأا

ويكونوا خشب من الاصلى
أيـــــــوة
وراح أخدهم منك وأهديهم لأبو فارس
على هذا الخبر الجميل اللي فرحنا بيه
حمداً لله على السلامة والله ياوليد
يعلم الله إن المنارة كلها كانت في أشد الحزن عليك
لكن الحمد لله رب العالمين

الاخ الغالى محمد الامير ابو عبد الله والخ الغالى مصطفى عدلى انا لو ظليت اشكر فيكم للعام القادم ما هوفيكم حققم على التعب الى تعبتوه معى والسؤال على والدعاء لى والموضيع الجميله الى كتبتوها فى حقى جزاكم الله خيرا وربى يقدرنى على رد جميلكم وربنا يكتبلى العمره وسوف ادعيلكم بازن الله

اخ وليد اتاكد من الرقنم تانى

اختنا الفاضله منحه غالبا الرقم ناقص وجزاكى الله خيرا

السلام عليكم

على فكرة
اللى طلب سبح هو سيادة المستشار ان كان عليا أجيبلكو مياه زمزم
دى أولا
ثانيا أنا عمرى ماوعدت وخلفت وعدى وعمرى ماكذبت علشان أبرئ موقفى
ولو ربناأراد و أدانى العمر حأوصلكو السبح لغاية عندكم
وليه أشتريها من المينا ممكن نشتريها هنا من قنا (بس على فكرة النصب والتزوير مش طبعى) فاهمنى أنت يامستشارنا
أنا يادوب حريصة شوية لكن مش بخيلة هو أيه ده أنتو كلكم عليا
الله يسامحكم
الحقينى يامنحة أتحدو عليا

سيبكم من السطرين اللى فوق

المهم أ/ وليد منور المنارة ورجع الفرحة لينا
ربنا يتم شفائك ويجعلها عمرة مقبولة
أن شاء الله
أيوه يامحمد ياأمير بوزع سبح حلاوة رجوع أ/ وليد المنارة ورغم أنت هناك لكن برضه سبحتك محجوزة بس واحدة بس الباقى أتصرف أنت فيه ماشى

والله يامستشارنا أنت تؤمر
والشركة هنا فى قنا شركة سياحية أسمها رمسيس بس سبب التأخير أننا كنا رايحين باخرة فعلا وحصلت ظروف عندهم خاصة بكشف وحجز فى السعودية وتأخيرات تخصهم المهم قررنا نروح طيران علشان ننجز وأن شاء الله
يكون السفر 5 رمضان والرجوع 5 شوال

يسلم فمك يأ ستاذ نصر

منحة
بصراحة أنا ماعرفش حكاية الوزن ولكن هما اللى قالو أنه فى الطيران الوزن محدد لكل فرد وفعلا عندى أخي الكبير لما يسافر بيتأكد من وزن الشنطة عندنا ميزان أرضى فى البيت نقيس به وزننا ومن خلاله بيوزن شنطته
وعلىالعموم ياسيتى أنا موافقة ياسلام دايوم المنى
خالص ودى وتحياتى
رمــــضـــان كـــريم

ع العموم يا استاذه نفرتيتى تروحى وتيجى بالسلامه واحنا يهمنا الفعل مش الكلام وانا حفترض فيكى انك كريمه جلده الى ان تثبتى العكس وعلى فكره صاحب شركة رمسيس للسياحه وليد بك صلاح والحاج احمد اسماعيل دول من اعز اصدقائى
وانا برحلهم المقر بتاع الشركه فى ميدان التحرير و الحمد لله مش بنقصر معاهم فى اى خدمه لو احتاجتى اى استفسار او تغيير الرحله او اى حاجه فى رحلتك قوليلى وعلى فكره اكيد حيروح معاكم الحاج احمد اسماعيل ابقى قوليله انك استاذة المستشار صلاح رسلان وانا لو سالنى عليكى حقول والله ما اعرفها لانه حيسالنى على واحده تانيه خالص مش نفرتيتى طبعا الا اذا قالى اسمك وقال ((نفرتيتى)) بين قوسين حعرفك طبعا و انا وحخليه يعمل الواجب وزياده ومتخفيش اخوكى ليه خدمات على الشركه كتير وياريت يكون وليد حاجز فى نفس الشركه دى ع العموم اوعى تنسينى فى الدعاء

الف حمدلله على سلامتك ياستاذ وليد
وبقولها من قليى ودليل على كدة انى مش طمعن فى سبحة ولا حاجة
والف حمدلله على السلامة

الله يسالمك يا تايه وان شاء الله برضو ليك سبحه والاخت نفرتيتى النور ده نورك ونور اهل المناره كلهم و عقبال مترجعى من العمره بالف سلامه وان شاء الله عمره مقبوله منا ومنكى وعقبال كل الى ما رحش يروح يزور النبى وششرب من زمزم ويشاهد الحرامين امين يا رب العالمين

[b]ويشاهد الحرمين الحرم المكى والحرم النبوى ياه مرت سنوات احدى عشر سنة منذ حجتى الاولى ولم يسعفنى الوقت للزيارة والله يرحم الحاج صبرى كان اخر لقاء به فى المسجد النبوى واتعشينا سوا فى الفندق المطل على الحرم النبوى بالمدينة اللهم ارحمه رحمة واسعة فى هذه الساعة من الليل ودقائق خمسة تفصلنا عن اذان الفجر اللهم اغفر له وارحمه وتجاوز عن خطاياه ونور قبره واجعله روضة من رياض الجنة والله كاننى الان فى رحاب المسجد النبوى فى روضة حبيبنا محمد تلك التى صليت بها ولسعدنى الحظ ان كررت الصلاة فيها وفى مكة صليت يوما فى الصف الثانى من العكبة المشرفة والحمد لله على نعمه ونعمائه وان شاء الله ارتب زيارة قريبة للحرمين وكل هذه المساهمة الجميلة من اجل ان اقول لوليد الحرمين ليس بها الف فله كل الشكر على هذه الغلطة الاملائية التى ذكرتنى بليالى الحج وايامه مع حبيبى اسامه كمان واحمد عوض فى المدينة وغيرهم من رجالات دشنا الاحباب ولن اكمل لان الاذان الان فى الدوحة 9-8-2009 الله اكبر الله اكبر اشهد الا اله الا الله اشهد الا اله الا الله اشهد ان محمدا رسول الله اشهد ان محمدا رسول حى على الصلاة حى على الصلاة حى على الفلاح حى على الفلاح الصلاة خير من النوم الصلاة خير من النوم الله اكبر الله اكبر اشهد الا اله الا الله[/b]

» نتابع حصريات المناره مع اجمل مطربي الصعيد ابورسلان
» الان كما وعدتكم احبابى الاعضاء القصة الاكثر اثارة وتشويق فى المنتدى واولى مشاركاتى (فتاة من الشرق )لا تضيعوا الوقت اذهبوا وتابعوا من الان الحلقة الاولى
» اجمل بوسة فى العالم من اجمل امرأه
» قصيده ومدحت بطيبه طه حصريا للمناره كامله
» الله سبحانه وتعالى كما عرفنا بنفسه