الحقيقه الغائبه وانتخابات مجلس الشعب بدشنا

تعد انتخابات مجلس الشعب عموما وفي دائره دشنا خصوصا لا تحكمها المصلحه ومن يستطيع ان يمثل دشنا ويحل المشاكل اكثر من البحث عن معركه ساخنه كل انتخابات لمجلس الشعب بين الصعايده والعزازيه ومن تكون له السياده فهناك عده قضايا هامه وعديده ابرزها الكوبري الذي يصل دشنا بالغرب الذي يامل به كل شخص ومراكز الشباب الخاويه من الشباب واري ان كل عضو يصل الي البرلمان لا نسمع عنه شي الا في الانتخابات المقبله وهناك الكثير منهم كل ما اريده منكم هو اختيار خير من يمثلكم وليس اختيار من يسلبكم حقوقكم وفي الختام اقول لكم هل سياتي اليوم الذي نحكم فيه عقولنا في اختيار من يمثلتا ام سنحكم قلوبنا كالعاده

والله يا اخ عماد انت بتنفخ فى قربه مقطوعه
عارف لو نزل ملك من السماء وترشح فى انتخابات مش حينجح لانه حيقول الحقيقه
ومع الاسف اهل دشنا عايزين يضحكوا على نفسهم ويعيشوا فى الوهم وواخدهم كبر الجد زى ما بيقولوا وواخدهم التعصب الاعمى لمرشحهم وفى ناحيه اخرى واخداهم الكراهيه من المرشح اللى ضده وعلى هذا الحال كل بلد ليها مرشحها وكل قبيله ليها مرشحها لدرجة انه فى الانتخابات اللى فاتت واحد سقطوه ناخبينه وده كان على ايدى انا بلد كامله فى اكتر من اربع صناديق صوتوا لمرشحهم بس وكان الواحد فيهم يقول والله ما اصوت لحد غيره ويحط فى الصندوق اسم مرشحه بس وبكده يبقى صوته باطل زى الدبه اللى قتلت صاحبها ومع الاسف واخد الناس فى شنا الامل انه يكون فلان النائب بغض النظر عن فلان ده حينفع ولا مش حينفع حيقدر يدخل لمكتب الوزير ولا حيقول مين يا عمى يقدر يدخل للوزير مكتبه ويخاف ويبقى اخره بس النابتجيه بتاعة مركز دشنا وميقدرش يدخل مكتب مدير الامن وكمان يخلى الباشا الظابط يمشى قدامه لما خلوا مركز دشنا بقى مسخه وبقى الظباط يتهافتوا على اللى يروح دشنا ويشتغل فيها لانه حيبقى فرعون فيها يجلد ويضرب ويحبس ويدى لنفسه سلطات القضاء والنيابه ويرجع عصر الاستعباد تانى لانه مفيش حد يزجره ويمنعه ولا فيه نايب ونايبه تغوا بعيد عن دشنا ولاحتى حد بيشتكى ولا بيتكلم انت فاكر الظابط اللى ضرب الراجل بالنار عند كمين المصنع ولا فاكر الظابط اللى كلبش الولد وربطوا فى العربيه والعربيه نزلت بالولد الترعه وغرق ومات ولا فاكر الظابط اللى كان يحط الناس فى فتحة المجارى ولا فاكر لما كنت تدخل المركز وتلاقى ناس معلقه من رجليها ومن ايديها بالكلابشات ولافاكر لما الظابط بيبص من الشباك ويقول مين تحت يقولوا العمده فلان يقول مش عايز الاقى اى حد هنا والعمده يمشى وقفاه يقمر عيش وتبص تلاقى الظابط يدخل البيوت من غير ما يراعى حرمه زى ما يكون رايح يقبض على اللى قتل السادات وهو يكون واحد عليه حكم تبديد ولا مال ارض مدفعهاش ولا حتى غرامة محكمه وتلاقيهم ياخده مراته ولا امه ولا بنته طيب فين الناس فين النواب فين العمد والاعيان فين رجال الدين فين العلماء كل يبكى على ليلاه
انسى ياباشا ومتتكلمش على الانتخابات لانه حينجح واحد جديد وبعد ما ينجح الناس حتندم انها صوتتله والانتخابات اللى بعدها حينجح المرشح اللى سقطوه الدوره اللى فاتت وبعدين حيطلع واحد جديد وهكذا الى ان يرث الله الارض وما عليها
واذكرك بقوله تعالى على لسان موسى لقومه وانا دايما اذكر الايه الشريفه دى لانى حاسس اننا متطهدين فكريا وعقليا كاطهاد بنى اسرائل فى مصر زمان((قال موسى لقومه استعينوا بالله واصبروا ان الارض لله يرثها من يشاء من عباده والعاقبة للمتقين*قالوا اوذينا من قبل ان تاتينا ومن بعد ماجئتنا قال عسى ربكم ان يهلك عدوكم ويستخلفكم فى الارض فينظر كيف تعملون))

ده كأنه سجن ابو غريب ولا ايه بس الساكت عارف انه ليس على حق والذى لابد ان نعرفه هل يستحق الشخص ذلك مثلا الشخص الذى قتل 48واحد هل نغضب انه علق من رجليه مثلا ولا الشخص اللى قتل معاون المباحث نغضب لو غطسوه فى المجارى ولا بياعين المخدرات نزعل عليهم لو اعتقلوهم ولكن الغضب على التعامل مع بقية الناس واغلبهم محترمين على اساس انهم مجرمين الى ان يثبت العكس ولابد من احترام الناس ولابد لن يعرف الناس مثلا ان الجهة المسئولة عن تجاوزات الضباط هى تفتيش الضباط وليس الضابط هو الله الذى لاراد لقضائه وانا ارى من العيب فى حق اى عضو مجلس شعب ان يستمر فى وظيفته اذا مشى ضابط امامه تكبرا ولو لم يستطع ان ينقله الى حلايب مثلا فاالاكرم له ان يستقيل فى مؤتمر صحفى عالمى وساعتها وزير الداخلية نفسه سيتصل به ويسترضيه والوزير نفسه من سوهاج صعيدى يحكم يقبضة من حديد ولن يرضيه مثل هذا الحاصل

طالما أن العصبية تملأ قلوب الناس

والعضو المنتخب لا يهتم إلا بنفسه

فلن يكون هناك أي تقدم ولا رقي لدشنا

ياسيادة المستشار موضوع الانتخابات والنظام القديم خلاص انتهى والناس أصبح عندها وعي كافي

أقصد الرجل الذي يقدم الخدمات للجميع ويراعي الحقوق

ويحاول تلبية مطالب الجماهير دون أي تفرقة اجتماعية أو قبلية أو دون ذلك

أعتقد هو ده الإنسان الذي يستحق ان الناس تتفق عليه ولكن إذا أخذتنا العزة بالإثم قول يا دشنا عليك العوض ومنه العوض

ولذا أناشد كل شباب دشنا المثقف والعادي بأن الاختيار لابد أن يكون عن اقتناع كافي بعيدا عن العصبية والقبلية أو أي شئ آخر أنا فرد من مجموعة أفراد مثلا لو كان المرشح أخي ولم يقدم لى عونا أو خدمة أو تجاهل موضوع

يخصني أو يخص أهل بلدي سوف أقف له بالمرصاد ولوكان الثمن حياتي

وعلى العموم لا نسبق الأحداث

ايه يا استاذ سيد انت مش واخد بالك انه الاشراف القضائى خلاص انتهى
والانتخابات القادمه ان شاء الله حتكون بالتسويد يعنى مفيش حاجه اسمها انك تروح وتختار وتحط صوتك فى الصندوق
بكل حياد ونزاهه اللهم الا فى بعض اللجان لكن اغلب اللجان حيكون نظام التسويد وكل بلد ليها مرشحها حتسودله صناديقها ولو هناك اكثر من مرشح لبلد واحده يبقى البقاء للاقوى وكمان حتلاقى البلاد اتباعت واشتريت من اهلها واصحابها وحتلاقى العمد والاعيان يبيعوا ويشتروا فى الناس براحتهم وفى اصواتهم ويوم ما حد يتكلم يقولوا انت اتجننت عايز تصوت لفلان بتاع بلد كذا وتسيب مرشحنا وولد عمنا وحبيبنا اللى خيره مغرق البلد وخدماته علينا طبعا قصدهم خيره مغرق جيوبهم لانه نظام الدفع حيرجع تانى انت يا استاذ سيد ممكن تكون بعيد عن الكلام ده بس تعالى فى قرانا وشوف الكلام ده تعالى شوف المرشح يروح لراجل من البلد ليه كلمته ووضعه وعصبيته ويدفعله مبلغ عشان يسود له مع مرشح البلد يعنى صوت مرشح البلد ماشى والمبلغ ده مقابل انك تمشى صوتى مع مرشح البلد وهكذا تلاقى برضه من ناحيه تانيه بتوع الحزب يعملوا مؤتمرات ويتشدوا شده ميرى من الراجل الكبير بتاعهم عشان يحاولوا ياخدوا اكبر عدد من الاصوات لمرشح الحزب وحبزا كمان لو مرشح الحزب كان هو نفسه مرشح البلد وكان هو نفسه اللى دافع للناس يبقى كده اللى يتكلم لا يلومن الا نفسه
خلاص زمن الدلع ولى وراح الدلع على الهيئه القضائيه المشرفه على الانتخابات ايام ما كان المرشح نفسه ميقدرش يتكلم كلمه مع اصغر وكيل نيابه او معاون نيابه فى اللجنه ايام ماكان المستشار اللى فاللجنه درجته معاون نيابه وعمره 21 سنه وكان يطرد مدير الامن لو دخل اللجنه ويطرد الغول او الوحش او السبع المرشح من اللجنه طالما ليه واحد بتوكيل موجود
الناس مش حتعرف قيمة التصويت على الدستور الا فى الايام القادمه يوم ما يشوفوا الاهانه من التسويد وعلى راى الاستاذ سراج الله يرحمه نسال الله السلامه

والعمل ياوزير

العمل خليك فى قطر وخلينى فى القاهره وخلينا فى المنتدى وسيبك من السياسه
ومن الكلام فيها ان الله لايغير ما بقوم حتى يغروا ما بانفسهم حتعمل ايه يا برنس
خلاص ياباشا كل واحد يخدم نفسه بنفسه وكل واحد يتحمل مسؤلية اختياره
على فكره الموضوع والله والله فى غاية الخطوره والله يا بشمهندس ايمن انت بتقول الحل ايه
الحل الوعى والتجرد من العصبيه انا حديك مثال والكل عارفه راجع قصة حياة عبد الرحيم الغول
حتلقيه كان راجل موظف بسيط كاتب غفر فى مركز نجع حمادى وملوش اى عصبيه ولا قبليه ووالده كان راجل مدرس فى التعليم وناس فى غاية البساطه بس كان راجل خدوم جدا فى مجال عمله يخدم كل من يريد الخدمه ودخل الاتحاد الاشتراكى زمان وجمع الشباب حوله وترشح فى مجلس الشعب ودى كانت حاجه كبيره جدا لانه حيترشح ضد عيله كبيره جدا ومعروفه الا انه ناس الشرقى بهجوره ناس عندهم حب لبلدهم ونظرتهم نظره مجرده عن التعصب والهوى وعايزين المفيد والنافع فقط وبالفعل وقفوا معاه وقفه لم يقفها ابناء العم مع ابن عمهم لدرجه انهم عرضوا انفسهم للمخاطر من اجل نجاحه وبالفعل وفقه الله ونجح وكمل تعليمه بعد كده وبدا فى الخدمات للناس لدرجة انه الشرقى بهجوره كانت محرمه على اى ظابط مباحث ولا تموين ولاتنفيذ احكام ولا اى حاجه كان المركز يبعت للغول وهو اللى يبعت المتهمين او المطلوبين والكلام ده على لسانهم وشوف من امتى الغول يحتل المركز الاول لنواب الصعيد واسمه لامع فى المجلس ورئيس الجمهوريه بنفسه ارسله طياره خاصه لاخوه لما كان مريض وبيتصل بيه دائما وعلى علاقه قويه معاه وبيناضل للقص وللناس اللى فى الصعيد عموما انا مليش دعوه بشخصيته ولا لى دعوه بعلاقته الشخصيه مع الناس بس انا بتكلم على شخصيته السياسيه وتمثيله لبلده وانا حضرت موقف مشكله كانت حصلت ونزل الناس من عربية الشرطه وضرب الظابط لما تطاول عليهم ونقله وانا بقول الكلام ده بكل حيده وصدق ولو قولتلك انه كان ضد واحد من اقرب اقربائى فى انتخابات المحليان ورئاسة المجلس الشعبى المحلى وفى جمعية القصب وغيرها بس انا بقول ما يرضى الله فى حق هذا الرجل الذى لو قارنا به وبالراجل بتاع المنيا اللى ظابط المباحث قال لابنه هات المتهم وانا حعمله قضية فرد خرطوش وحخليك تاخده معاك وبعد ما ابن النائب جاب المتهم عمله قضية مخدرات وسلاح وخرب بيته والواد طلع من المركز قفاه يقمر عيش تلاته بالله العظيم ما يكون عمل الموضوع ده مع ابن الغول ولا مع اى حد تبع الغول لكان كسر المركز على دماغ اللى فيه ولو عاملها مع واحد ليه مركز معين لكان اتبلى على ظابط المباحث وحولى لجنة صلاحيه المهم الحل فى ايدى الناس وما ظلمهم الله ولكن كانوا انفسهم يظلمون

موضوع: زعماء دشنا 7/8/2009, 4:18 pm

انا هنا فى قطر الحمد لله رب العالمين وكمان ممكن اكون اسبوعين بالمدينة المنورة واسبوعين فى قطر والواحد بباخذ له بيت فى المدينة ويريح دماغه من الدنيا واللى فيها واما دشنا فستقضى عمرها تبحث عن زعيم ومشكلتها ان بها 254000زعيم