على البصيلى
عضو جديد
العمر : 53
عدد الرسائل : 16
تاريخ التسجيل : 13/09/2009
 |  موضوع: يا بلاد الغربه  14/9/2009, 12:43 pm | |
| يا بلاد الغربه
يا بلاد الغربه علي حني *** نفسي اشوف بنتي ويا ابني
نفسي ارجع واعلي وابني *** واخد ولادي يوم في حضني
بعت للاحباب جواب عليه اسمي *** ومن جوه فيه كمان صورتي
قلت انا راجع وراكب سفينتي *** اتاري القدر وضع حد لنهايتي
من بلاد الغربه ركبنا السفينه *** وفيها دعينا وصلينا علي الهادي نبينا
وقلنا يا مسهل ويلا بينا *** كفايه غربه ونعيش وسط اهالينا
رفعنا الهلب وعلي الامواج مشينا *** السما غطانا والميه ارض لينا
وفي لحظه ضاع الامل وراحت امانينا *** السفينه اتقلبت وبروحنا ما درينا
نزعق باعلي صوت يا رب نجينا *** دا الخلق كتير والمولي يلطف بينا
البحر هايج ولا فيش حاجه بايدينا *** والموت قدامنا شايفينه بعنينا
في وسط الظلام مات اللي مات منينا *** وراح شقانا وضاع سهر ليالينا
يا بلاد الغربه حرام عليكي *** قتلت فرحه اولادنا واهالينا
يا بلاد الغربه حرام عليكي *** بغدرك ليه كده ضيعتينا
والله يجازي اللي كان السبب *** في خراب بيوتنا ودموع عنينا
| |
|
مصطفى عدلى
مراقب عام المنارة
العمر : 40
عدد الرسائل : 1951
تاريخ التسجيل : 08/01/2009
| | موضوع: رد: يا بلاد الغربه 15/9/2009, 6:01 am | |
| هايل يا استاذ/على البصيلى بدايه موفقه ان شاء الله
وفكره تحمل هموم وطن باسره
استمر على بركه الله فانت تمتلك من الادوات مايؤهلك لتكون شاعر متميز
واشد على يدك لانك فضلت المجهود الشخصى على الكوبى باست
فى الاخير تقبل خالص تحياتى | |
|
