العمر : 41عدد الرسائل : 198تاريخ التسجيل : 20/10/2009
موضوع: قطار الموت 25/10/2009, 7:37 am
أفاد شهود عيان أن عدد الجثث التى تم انتشالها بعد تصادم قطارى العياط مساء اليوم، تراوح بين 50 إلى 60 شخصا ،بالإضافة إلى إصابة 70 آخرين، وساهم الأهالى فى مساعدة رجال الشرطة فى انتشال 20 جثة من ضمنها سيدة مفصول رأسها عن جسدها، كما أكد شهود عيان على وجود العشرات من الجثث الأخرى جارٍ انتشالها.الله انى اسئلك رب العرش العظيم ان تجعلهم من الشهداء وان تجعل الصبر فى قلوب زويهم
المستشارصلاح رسلان مشرف سابق
العمر : 50عدد الرسائل : 864تاريخ التسجيل : 05/12/2008
موضوع: رد: قطار الموت 25/10/2009, 9:54 am
اسمح لى ان اجيب واصرح بدلا من السيد الدكتور رئيس مجلس الوزراء والسيد الدكتوروزير النقل والسيد المهندس رئيس هيئه سكك الحديديه اولا اقد م واجب العزاء لاسر الضحايا واشكر اهل مدينة العياط الذين دائما نجدهم فى حوادث قطاراتنا الدائمه والمتكرره امام بلدهم وكل مره يثبتوا تواجدهم ومواقفهم فى انتشال الجثث وارسال المصابين الى مستشفى العياط المركزى الزباله زى غيره من المستشفيات لانهم يعلمون جيدا ان وهذا فى خلال الساعات التى لم تحضر فيها سيارات الشرطه او الاسعاف او المطافى عشان الشرطه مش فاضيه من تامين وبرستيج البهاوات الوزرا ومن المشاكل مع المواطنين وكمان سيارات الاسعاف والمطافى فى الاستاد عشان فيه مطش كوره وامام المسارح لربما تحصل حاجه لفنانينا وطبعا الناس الغلابه مقدرين كدا وحتى لو مقدروش لازم يقدروا غصب عنهم اما عن سبب هذا الحادث الاليم البشع فطبعا لو تتذكرون حادث حريق القطار الذى راود صلاح رسلان بتاع دشنا فى منامه اياما كثيره لدرجه انه حرمه النوم من بشاعته ومن الناس الغلابه اللى بتداس بالجزم وتدفن زى الكلاب ولا حد يسال فيها طبعا الحادث بتاع الحريق كان سببه انه الست ام محمد كانت عازمه بتوع العربيه التانيه اللى نازلين اسيوط عشان يتعشوا معاها ومعاها وابور جاز بتاع الفتايل ده اللى احل محل الكانون عشان مكنتشى لاقيه جله ولما اوقدت على وابور الجاز حصلت الحريقه فى القطار وتفحمت الناس وطبعا لاماس كهربائى ولا غيره ولا دى عيديه زى العيديه اللى بناخدها كل سنه ولا غيره ولا خطا من اى مسؤل الا من الست بتاعة الوابور اللى ماتت هى وعياله والمعازيم ومتقدرش تدافع عن نفسها وكمان فيه مسؤال فى السكه الحديد هو السبب ومقدم للمحاكمه اللى العامل بتاع ورشة ابو رواش وده عامل حاصل على ابتدائيه وابوه راح باس على جزمة النائب بتاعه وجابله تاشيره مؤقت بدل معار فى الورشه وهو السبب فى الحريق عشان معرفش يصمم فى القطارات مكان للجله ومكان للكانون كويس ويكون امن اما عن سبب الحادث الذى نحن بصدده فهذا الحادث هو ان القطار الامامى توقف فجاه فى الطريق بسبب جاموسه اصطدم بها وجاء القطار الاخر الذى كان من خلفه فاصطدم به وحدث ما حدث والسبب فى تلك الحادث هى الجاموسه وبما ان الجاموسه لاتحاكم فيكون السبب هو عمدة البلد ة لانه اهمل فى الاشراف على الغفراء الذين لم يمنعوا الجاموسه من السير امام القطارات كما ان السبب الاخر والمسؤال الوحيد هو صاحب الجاموسه الذى لم يذهب بها الى مدرسة القياده التى اعدتها ادارة المرور التابعه لوزارة الداخليه لتعليم واعداد المواطنين بما فيهم جواميسهم لاشارات المرور ونحن من مناصبنا ومن اماكنا التى لايلحلحنا منها احد لاننا شايفين شغلنا كويس نتقدم بالتعازى لاسر الشهداء وبعدين همه يعنى عايشين عيشه كويسه عشان نزعل عليهم دول كانت عيشتهم طين وفى الاخره حيلاقوا جزائهم الجنه الفردوس الاعلى يركبو البراق وياكل لحوم وقفواكه ويشربوا ببس كولا وسفن
احمد عادل عضو مميز
العمر : 41عدد الرسائل : 198تاريخ التسجيل : 20/10/2009
موضوع: قطار الموت 25/10/2009, 11:08 am
عزيزى الاستاذ صلاح رسلان احيك على الوقوف على مسئؤلية كل شخص فاذا كانت الحكومة مقصرة فلابد من وجود نظام يتبعة هذا الشعب فمثلا عندك الشعب الصينى مافعلوة وما يفعلوة وما سيفعلوة هل من حكوماتهم ولا من انفسهم شكرا احمد عادل ابو مناع بحرى
المستشارصلاح رسلان مشرف سابق
العمر : 50عدد الرسائل : 864تاريخ التسجيل : 05/12/2008
موضوع: قطار الموت 
25/10/2009, 7:37 am
