صباح الخير لكل من يقرا سطوري ويمر هنا صباح الخير علي كل اهلنا بدشنا صباح الخير علي صوت السواقي صباح الخير علي صوت المكن وهو بيروي الزرع صباح الخير علي ست عجوز طالعه الغيط تساعد زوجها صباح الخير علي كل طالب رايح مدرسته وامس كان بالغيط بيساعد والده صباح الخير علي كوبري فاو وحزمه قصب شايلها ولد من غيطه صباح الخير علي جرجس وجمال وصليب وحنا صباح الخير علي محمد وعلي وطه احمد صباح الخير علي الصنايعيه في ورش دشنا وعلي السواقين الموجوديين علي كبري حلاوه صباح الخير علي سيد بسيوني وهو رايح شغله صباح الخير لكل ام اليوم خابزه وقاعده قدام الفرن بتحمي الفرن وانا منتظر العيش الحامي واكله بالسكر والسمن صباح الخير علي عم علي الي بيعمل شويه شاي قدام المحكمه صباح الخير علي محامي من بالليل بيراجع اوراق قضيه عم اسماعيل الي البنك حجز علي جاموسته وهو ما عندهوش جاموسه بس بالقريشين جو ز البنت صباح الخير يا امه يا حبيبتي يا ام ناجي وحشني اني احط راسي علي رجلك وانام وتلعبي بيدك الحانيه علي شعري وصباح الخير علي اولاد عم عبد البصير واحنا بنقرا الجرايد منهم ونرجعها تاني!!!!!!!!!!!!!! صباح الخير علي عم عاصم وهو بيقلي شويه الطعميه الي جايبيني علي ملي وشي اهرول لاشم الريحه وساعتها اعرف اني وصلت دشنا ارض الامن ارض الامان اه اه اه ياحبيبتي لو تعرفين كم احبك لكنت قطعتي جواز سفري وبلغت السلطات الدشتاويه حقك اني ممنوع من السفر بحبك وصباح الخير يا بلدي وهناك ركبت القطر ورحت مصر اصبح علي اخي صلاح رسلان وارجع تاني
موضوع: صباح الخير دشنا 
29/10/2009, 7:48 am
