انا والتهيييس

اللي
حصل اني من السنه اللي فاتت وانا في الضياع انسا كل حاجه ومفتكرش حاجه
ودايما تايه لغايه لما سموي " توهان" وبدا الموضوع يزداد قولت مبدهاش انا
هطلع سفريه لغايه الذاكره بتاعت مخي اتكلم مع الناس هناك اشوف ايه الحكايه
المهم
روحت رايح الرسيبش في مخي وسالت علي قسم الميموري وصفولي المكتب بتاع
الراجل اللي قاعد يكتب كل الاحداث اللي بشوفها يوميا ووصوفلي اوضته فين
دخلته لقيته راجل كبير في السن علي الاخر وقاعد ضهره تقوس من كتر القاعده علي المكتب ودقنه طويله وشكله تعبان علي الاخر
فلقيته
بيكتب فقولتله ياعامونا انتا بتكتب ايه اقالي انتا تخرص خالص انا قاعد
اكتب اخر فصل ذاكرته في المجالات الله يخربيتك الفصل كبير ومنيل بنيله
لازم تتنيل تذاكره اديلي يوم قاعد اكتب
ارحمني حرام عليك
قولتله يابن اللذينه افرض كان عليا امكتحان النهارده وسيادتك لسه بتكتب اعمل ايه فيالامتحان
قالي عنك محليت ولا نيلت الهي تسقط يابعيد عشان ارتاح انا سنه
المهم لقيت الراجل تعبان اوي وعرضت عليه اجبله واحد يساعده فرفض
مش عاوز حد معاه في المكتب
المهم رجعت بعد السفريه وقررت افكر في الكلام اللي دار بيني وبينه وازاي احل المشكله
فقولت في نفسي طيب ما غير الراجل ده واجيب واحد اسشعمال طبيب
بس صعب عليا اني ارميه بعد ما اقضى عمره كليه بيكتب وقررت اني اعيش مهيس طول عمري
دي حكايتي مع التهييس وده هو السبب

بارك الله فيك يا عم التوهان