من اليوم انا مضرب عن الطعام حتي تعود كرامه بلدي مصر ناجي شمندي

لن اشدو بعد الان بالقوميه العربيه لن اقول من الان اننا اكبر من التفاهات والكبير لازم يستحمل خلاص الكبير فاض بيه الكيل وطفح الكبير دي باقولها لابني احمد لما اخوه الصغير ياخد لعبته منه
ولكن ما حدث ان الاخ الاصغر ضرب اخوه الاكبر من غير ما يعملوا حاجه
والكبير مستني مني انا ابوه اجيب له حقه من اخوه الصغير
لان الموضوع زاد عن حده
فيا من اسمكم شعب الجزائر ما فعلتوه بنا علي مستوي الشعب وعلي مستوي الحكومه عندكم لا يمكن السكوت عليه
ويا سياده الرئيس ان ما فعلوه بنا وبكرامتنا امر لا يمكن السكوت عليه لان اولادك المصريين وعلي راسهم جمال وعلاء مبارك شاهدوا باعينهم ما حدث وما حدث شئ لا يمكن السكوت عليه
كفانا يا سياده الرئيس وشعبنا من هؤلاء المستعربه كفانا بجد
لن انام ولن اذوق الطعام ولو مت ان لم ترد كرامتنا كمصريين التي انتهكت من الشعب الجزائري انا لا اقبل من اي دوله مهما كانت قرابتنا بها او علاقتنا بها ان تحرق علم بلدي مصروتدوس عيه الارجل والسيارات واسمع شتيمه بلدي علي الفضائيات ورئيس دولتهم لم يكلف نفسه ببيان استنكار من البيانات اياها
ولسنا المصريون حراميه وليست مصر بلد المليون راقصه يا سياده الرئيس
لسنا يهود يا سياده الرئيس
نعتونا باقصي عبارات السب وهم الفائزون
اتوجه بسؤالي اليهم لما انتم عندكم الدين والغيره والاسلام فينكم يا رجاله من قضيه فلسطين فينكم يا بلد المليون شهيد من احداث غزه الكل يعلم ماذا قدمت مصر للقضيه واولهم الجزائريين وان كنا فشلنا اعلاميا في قضيه غزه الاخيره
فدا يا سياده الرئيس لان مسئول الاعلام المصري فاشل لاننا نعرف نخن الشعب ماذا فعلت سيادتكم في احداث غزه ولم تحل المشكله الا بيدك انت يا سياده الرئيس ولكن للاسف وزير الاعلام فشل ان ينقل الصوره صحيحه عن ما فعلتموه من موقف بطولي تجاه القضيه الاخيره ونجح غيره من القنوات الاخري ان يقول للدنيا ان مصر قفلت المعبر في وجه الفلسطنيين
ومصر بريئه وسيادتكم بريئ من هذا الافتراء الكذب كبرائه الذئب من دم ابن يعقوب الذي تكالب عليه بعض اخوته ورموه في الجب حقدا وغيره منه لانه افضلهم عند ابيه واعلاهم شانا وفكرا وادبا وقيمه
لن نسمح لهؤلاء او من علي شاكلتهم ان يرمونا بالجب
لن نسمح لهؤلاء ان يدوسوا اعلامنا ويشتمونا لان نعول احذيتنا اطهر منهم
والله والله والله ان اطفالي يسالوني وهم يشاهدون علي الفضائيات ما حدث بعد الماتش ليه احنا ضربونا الجزائريين واحنا الي اتهزمنا في الماتش مش همه طيب يا بابا لو فزنا كانوا عملوا ايه

ومش انت بتقول لنا اننا دوله قويه طيب ليه يابابا سبناهم يضربونا ارجو الرد
علي الي حصل
ارجو الرد علشان اقوله لاولادي الصغار شكراا

أخي العزيز ناجي شمندي ما حدث ليس بغريب علينا .لقد سمحنا لأنفسنا بالإهانة والسب والشتم

فبدلا من توجيه اللوم والعتاب والشكوى ،فنحن قادرون على أن نرد الصاع صاعين وأكثر من ذلك

وبدلا من قافلة الفنانين والإعلاميين الذين ذهبوا إلى السودان كان من باب أولى أن تذهب كتيبة من رجال

الصاعقة والقوات الخاصة مع الجماهير المصرية لحمايتهم أو على الأقل حي من أحياء شبرا وبورسعيد

أو قافلة من أبناء الصعيد (قنا /سوهاج ) كل هؤلاء كانوا قادرين أن يفعلوا بجماهير الجزائر طباطيب

العجب ،يظهر يا أستاذ ناجي بتوع الإعلام والفنانين والفنانات افتكروها سهرة أو حفلة غنائية

كان يجب علينا أن نعد العدة لهم قبل المباراه بأيام والكل يعلم أنه سوف يحدث ما حدث سواء

كانت النتيجة إيجابية أو سلبية .كفانا عارا وذلا وهراء ويجب علينا أن نقطع جميع العلاقات مع هؤلاء

الأعراب لأنهم أهل بربر طينتهم مصبوغة بذل الاستعمار وسيظل عار الاستعمار يسري في عروقهم

حتى يوم الدين .

الموت بشرف ولا الحياه بدون كرام
لاننا مصريين وكرامتنا فوق اي شئ
يا ناس يا عالم دا احنا مصر
يا ناس يا بشر مصر ست الكل وخيرها علي الكل
يا عالم لو مفيش في الارض مصر ما تبقاش الارض ثابته
يا كون ويا فضاء اتكلم دي مصر
يا مصريين دي مصر واحنا افضل جنود الارض
افضل جنود السماء هم الملائكه من الملائكه
وافضل جنود الارض من البشر هم المصريين
مش هنفرض في حقنا الي اختصنا به الله عز وجل
يا عرب ويا مسلميين لو حد منكم نسي مين مصر فكروه مش بالكلام
فكروه بكلام الله ان مصر بلد الامن والسلام
فكروهم من نكون الله يرحم عبد الناصر خيره عليكم يا جزائريين

ياعم ناجي أنت فاضي واللى إيه
ا ضراب إيه اللى أنت بتقول عليه

ياعم ناجي احنا ميتين لينا ألف عام

والحساب شغال فينا

برضه مش هتنازل عن حق بلدي مصر واول الغيث قطره واهي ميته ولا اكتر

مصدقوش كلام ناجي هو واد خبيث عشان الناس تجوع وعمي شمندي يبيع العيش الى فى الطبونه واضرب يابو خلف وعلى العموم الله يرحمك ياناجي كان واد زين

[علينا أن نهدأ حتى تهدأ الأمور وتتكشف الحقائق فالموضوع مش ماتش المومضوع كبييييييييييييييييييييييييييير؟

يا اخواني الاعزاء الموضوع المره دي كبير واوعوا تفتكروا اننا هنسلم في حقنا والقياده السياسيه هيكون ردها ايجابي وامس اتصلنا بسفيرنا في السودان والموضوع ليه رد بطريقتنا ولاتهداوا ادخلوا علي موقع الفيفا وقدموا الشكوي الي الفيفا وما تفرطوش في حق مصر وفعلا انا من امس عايش علي السوائل فقط نفسنا نقول قدمنا حاجه ايجابيه ولنبدا بانفسنا دا انت لو رايح مدرستك ولا عملك وفي ايدك علم بلدك علم صغير كده تبقي بتقول له قيمتك عاليه يا اغلي علم والعيب يا علمي لما جالك من اهل البربر دا مش عيب لانهم اهل العيب والغيره منك ملات القلوب وحياه ابوهم الفرنسي هيجي اليوم الي يمسحوا فيه شوارع وحارات مصر باجسادهم النجسه دول شويه همج ولو كان هناك رجاله من بتوعنا كانوا فرجوهم علي الضرب بحق وعلي راي المهندس ابو نصير لو ابو خلف كان هناك كان سقاهم رصاص في حلوقهم ولكن انا متاكد علي حد معلوماتي ان الريس مش هيسكت والرد هيكون بطريقه مصر وبكره تشوفوا

بصرحة يا استاذ ناجى معلش انا اسف فى الرد

ومع احترامى الشديد لحضرتك ولوطنيتك

بكرا انت واحدك هتشوف مش احنا علشان احنا عرفين بكرة هيحصل اية

اظهار انى حضرتك ليك فترة كبيرة برة مصر

اصبح على الكل وقول فى الشدائد يظهر المعدن الاصيل لشعب مصر وخاصة الشباب ولكن بهدوء ولانكون كالذي يحب ان يحارب ولايعلم من فنون القتال شيئ فهو ذاهب للانتحار فاذا تحولنا الى بربر فنحن اذا فى الهم شرق او بالورود فهو الحنوع والضعف فبماذا برب السماء لاسبيل الا بالاعتصام حول هذا الوطن ونبذ الفتن وجمع الامة حول مشروع قومي نضحي من اجله وليس من اجل اللغو الذى امرنا به ربنا عز وجل بالاعراض عنه /وجزا الله الشدائد كل خير علمتني صديقي من عدوى/ وعلى العموم حبيبي ناجي الردالسابق كان بهدف اخراجك من حالة النكد التى احسست بها لديك فانت الاخ والعزيز والجار والصديق/ وانا انصحك مش عاوزك تجبلنا مشاكل فان الف صديق لقلبل وعدو واحد لكثير ولااخف عليكم مدي سعادتي بما جري فقد اثبتت الاحداث باننا شعب فى رباط الى يوم الدين كما اخبرنا الحبيب روحي له الفداء حيث قال اذا فتحتم مصر فخذوا منها جيش كثير فهم خير اجناد الارض فهم فى رباط الى يوم الدين او كما قال حفظ الله مصرنا من كل مكروه ورد الله كيد الكائدين فى نحورهم واختم بدعاء اللهم اهلك الظالمين بالظالمين واخرجنا من بينهم سالمين / ودمتم بالف خير

تحياتي ليك يا استاذ ناجي ولكل اعضاء المنتدي
وبكل امانه الموضوع ده اخذ مسلك كبير وكلام
من مؤليين رفيعين المستوي ويفترض ان لايخذلو الشعب فيما قلوه من التوعد لاعاده الكرامه
للانسان المصري لان هذا غعلا سيفقد الشعب بالثقه بهم لان هتصعيد علي كل المستويات الحزبيه والشعبيه والسياسيه
وجميع طبقات الشعب

:يأستاذ ناجي أنا عايزك تاكل وتشرب وتريح نفسك لأن مصر من زمان وهي في غيبوبة والموضوع شوطة وتخلص وترجع المايه لمجريه ونرجع ننداس من ناس اقل من دول كمان ، ونرجع نصحة وتضرب تاني عن الطعام وهاكذاااااااااااا

اولا اشكر جميع الاخوه الذين تفاعلوا معي واشكر ردودهم التي اشبعتني خلال اليوميين الماضيين واحب ان اوضح لكم ما هو اتي
اولا انا بفكره الاضراب عن الطعام لم اكن مجنونا ولا بالقي بنفسي الي التهلكه وانا عارف ومتاكد اني ماحدش هيسمعني ولا الكرامه المنتهكه هترجع بالاضراب عن الطعام
بس حبيت اني اعمل حاجه اقدر اعملها انا وما استناش حد علشان يساعدني فيها حبيت اعبر عن رفضي بطريقه ما عما يحدث لبلدي لانه شئ صعب ان تري علم بلدك بيتهان قدام عنيك واهلك بيضربوا واحنا واقفيين عجازي
حبيت اقول للناس مش شهره ولا جنون ولاعنتريه احنا شعب عنيد حتي لو هيؤذي نفسه لان ايه فاضل بعد الكرامه الالاكل والشرب
يموت البطن الي بينداس ويموت القلب الي بيسامح الي داسه
يا اخي انا ضد الفرقه ومع لم الشمل ولكن انا ضد اننا نفضل نحسس علي الي بيضربونا ويشتمونا
انا ضد حد يتطاول علي مصر
انا ضد الهمجيه والبربريه
انا ضد الزفه الكدابه
لو فزنا بماتش كنا هنلروح السما يعني ابدا اه زعلنا علي الخساره بيس مش لدرجه الموت
الموت كان بالنسبه لي هو ضربنا وبهدلتنا علي يد اخوه عرب كانوا اخوه لنا قبل هذا ولكن بعد الي عملوه فينا باي باي صديق انت في طريق وانا في طريق
والعفو مع اهل العفو الي بيخطئوا وبيعترفوا بخطاهم مش الي بيفاخروا به
والايام بيننا وهيجي اليوم الي تندموا علي ما فعلتموه بنا وساعتها وقت الندم مش عارف هنسامح ولالا المهم اشكر اخوتي اهل دشنا الرجال وعارف لو هناك واحد بس من اهل دشنا هناك كان الوضع تغير تماما
واحب اطمانكم علي انا بخير وغدا فك الاضراب عن الطعام بعد ان نما لعلمي ان القياده لها في ردها اسلوب خاص والرئيس مش ساكت والحمد لله انه حدث ذلك لان دا وحدنا كلنا ونحن في رباط ليوم الدين تحياتي وشكرا لكم وسامحوني وكل رد منكم اثلج صدري حتي وان كان بالرد سخريه حميده فانا فهمت ما وراء السخريه لانكم كلكم اكثر وطنيه مني ولا يوجد في مصر الا كل وطني وتحياتي للخوه سيد بسيوني والاخمحب القبطي والاخ احمد صالح والاخ الزعيم والاخ جاتو ريد والاخ اسامه يوسف والاخ بهاء والاخ احمد منصور وكل من تاثر بالاحداث لان مصر كلها تاثرت اخوكم ناجي شمندي عوض وغدا نبدا الطعام والحساب علي جاتو ريد مش علي ايمن سليم

الله يجازيك يا عم عبد الناصر
الليل مليّل
والألم عاصر
لسه اللى بيبيع أمته كسبان
وكل يوم
أطلع أنا الخاسر
******

أما أنت خميت مصر دى خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد.. ما بنزورهاش
إلا.. فواعلية وبنايين وسواقين
وخدامين.. وطباخين.. وكناسين
بلاد أسافرها سعيد
أرجع حزين
حبيتها زى ما قلت لي.. وأكتر
ع الأجنبى ما استكترتش.. عليا تستكتر
ع الأجنبى ما اتنقورتْش عليا تتنقور.
تطمع فى دمعي
وف تعاسة راتبي.
مُلهم أنا.. وأعمل غبى
وأدى الألم يا عم عبد الناصر
زاحف وبيحاصر
وآدى الجميع خاسر
وآدى فجر أمتنا الجميل مغلوب
وآدى انتحار الأمة بالمقلوب
وأنا... غريب الدار..
لابسنى توب العار
ساكن فى وطنى بالإيجار
***

قاعد أنا ع الجسر فى القيَّالة
من قلب اللهيب مِنشالة
وقلبى.. ساقية حزن سَيالة
باغنى..
ما أعرف مغنى وألاّ عديد
زى افتكار الميتين.. فى العيد.
باعانى وحدانى
شياطينى لابسانى
والأمة قدامى.. مفارقانى
يا رب...
ما تحببنى فى الناس الملاح تانى
يا رب
ما ترجعنى أعشق
ضحكة إخوانى
يا رب
كرهنى فى أوطانى
***

ما أخيبك أمَّة
ما أتعسك أمة
لا عقل... ولا همة...
لا مصدقه فعلك
ولا تحفظى كلمة.
أمة.. تدور وتلف..
تقيلة.. مش حتخف
حماسية... وحماسها
بكتيرُه ساعة.. يجف.
أمة بتتخابِط
أمة بتتعابط
أمة ومالهاش
لا زابط ولا رابط
ولا كبير عيلة
ولا قرابةْ دم
وفكرة وهمية
ما تورث إلاّ الهمّ...
ما تحل عنى يا عم..
إحنا ورثنا كلام
إحنا تاريخنا كلام
علشان كده لما تقول..
على طول أقول:
وبكام؟؟
ما هو حب؟؟ دبرنى
وتاريخ؟.. فكرنى
وطريق؟.. نورنى
ومصير؟.. بصرنى
ده انا بقيت عربى
من قبل ما ألقى
اللى يمصرني.
أنا انتمائى لأمتى...
ممسخرنى.
محسوبة فى الأحزان على
فى الفرح تنكرنى
ياللى إنتى لا أمة
ولا أنتى أم..
فيه أم
ما تعرفش ساعة الألم..
تضم؟..
****

قد ما ننورها
هيه مضلمة
قد ما نعلمها..
مش متعلمة.
كل ليلة بايتة مظلومة
وهيه الظالمة!!
آخرة السكك الوعار
مجد.. متلطخ.. بعار.
قد ما نحجمها...
تفلت م الإطار!!
السلاح من صنع بره
والكلام من صنع بره
المآكل
الملابس
والهوا البارد فى بيتى..
صنع بره.
لا نسجْت الهدمة..
لا زرعْت.. ولا اكتفيت
شفتها.. جريت اشتريت.
جلاّبيتى.. عمامتى.. سجادتى
وحواديت الصغار
والحلاوة: حلوة.. مرة
شغل بره.
إيه يهم
إن مت من أجل البشر
ولا سبت الديب يصرَّخ
واتغابيت؟...
أو نسيتها؟ أو اتناسيت؟؟..
الشهادة مجانية...
والبطولات...
نفحات استعراضية
والليل مليّل
والألم... عاصر
لسه اللى بيبيع أمته
كسبان..
وكل يوم..
أطلع أنا الخاسر...
الله يجازيك
يا عم عبد الناصر

يا عم ناجى انا هموت من الجوع ومفيش لسه خبر عن الكرامه

انت السبب بقالى يومين مكلتش

يا عم انا عارف انها مش راجعه اروح اتغدى احسن

انا اسف يا استاذ عامر جوعت نفسي وجوختك معاي بس ايه رايك اول مره تعمل حاجه قادر تعملها من غير مساعده من احد هو تعبير عن رفض الاهانه مش اكتر واكيد كمان خسيت زي ومخسرناش يا عم عامر والكرامه راجعه امتي الله اعلم اشكر مرورك واسف اني جوعتك واول ما انزل اجازه ليك غدوه عندي بالبلد وجوع نفسك من الان علشان الغدوه تستاهل