من رسايل الفلاح الفصيح

موضوع: من رسايل الفلاح الفصيح 23/11/2009, 6:29 pm

اهدي هذه القصيدة
الي / كل اعضاء منارة دشنا
شـــعــر /
النميرى متولي أبو المجد
دشــــنا - العزازية
ـــــــــــــــــــــــــــــــــــ
( 1)
من رسايل الفلاح الفصيح
يا مولانا
يا أطول من كل رقاب الخلق
يا المولود من غير الطلق
يا مالك هذا الشرق
امنحني
وأنا المسفوك الدم
والمكسو بالهم
والمتباع من غير قوانين
أنى أتكلم
يا صاحب هذا الملك الجوال
إحنا خيوطك ع المنوال
واحنا اللي بتكرهنا الحواديت
أما بنكدب على مولانا يبقى طاووس
معذرة على قلة أدبي
النيل معر فش يربى
ولا تعرف سواقينا تخبي
أنت الإنسان الإنسان واحنا الجدعان
اللي ف ساعة الأزمة تصوم
اللي ف ساعة الحرب تخوم
اللي عكس التيار بتعوم
يا اللي ايديك بتطول
يا اللي عينيك بتصول وتجول
أنا مسجون بالخوف والجوع
هل تعرف ماذا يعنى الجوع ؟؟
أن تعرف تلك فضيلة
وإذا لم تعرف هذى عين الحكمة .
يا اللي ايديك بتطول
وترقص أحلامنا على الأرغول
إحنا ف ساعة الحضرة طبول

2)
واحنا ف ساعة الحرب طبول
مش بنحاف م الغول ولا ترعشني العفاريت
أنا مرعوب مرعوب م الكلمة
أما بيخنقها العسكر
ومن الخوف باسكر
ومن اللون الأصفر
كانت أمي بتشك بدبوس الإبرة عروسه :
من عينك يا فيتورى
يا فدوى طوقان
يا نزار
من عينك يا جميل يا عبد الرحمن
من عي ي ي ي ي ن ك يا سلطان
هجم العسكر واترشق هذا الكون دبابير
قال الأصفر :
أمك تغتالُ المعني أمك لعنة

في تقريره من بعد النكسة
أبوي بيلعب سيجه لوحده وما بيكسبش
يبقى شيوعي / إمبريالي أو حلزوني أو منشق
يا مولانا
يا أطول من كل رقاب الخلق
يا المولود من غير الطلق
يا مالك هذا الشرق
هل ارق جفنك أن يقتلك الحرف ؟؟
ذاك هو الخوف
أن تعرف تلك فضيلة وإذا لم تعرف
هذى عين الحكمة .
ـــــــــــــــــــــــــــــــــــــــــــــــــ
شـــعــر /
النميرى متولي أبو المجد
قـــنـــا – دشــــنا

موضوع: رد: من رسايل الفلاح الفصيح 23/11/2009, 9:47 pm

يقال ان عصر الكلمة اندثر

وطال الليلة كثقل الحجر

وأيام في العمر بتجري

وروح شاردة في غربة وطن

لا ده معدش وطن

وطن الحكم والريس والعسكر

احنا فين من البشر راح الصوت والقلب انوجع

من كتر الحزن العين دمعها نشف زي الحجر

يالليل الظلم وياقسوة أيام المنتظر

فين احنا وفينا من بني البشر

آه ياظلمك يازمان

وظلم البشر للبشر

اخي الفاضل/ على عبدالله
تسلم على نقلك الجميل بلسان
الشاعر النميري
سلمت اناملكم

موضوع: رد: من رسايل الفلاح الفصيح 23/11/2009, 10:03 pm

كلام رائع مش عارف اشكر الاستاذ على ولا الاستاذ النميرى ولا الاستاذه ياسمين على العموم لكم جميعا كل الشكر على تلك الكلمات الرائعه وتقبلوا مرورى

موضوع: رد: من رسايل الفلاح الفصيح 23/11/2009, 11:13 pm

الله

استمتعت بالقصيده وشعرت كانى مولود بين طياات سطورها

فهى تحكى عنا جميعا بل عن وطن باسره

الاستاذ/على عبدالله خالص التقدير لاهتمامك بالروائع الجميله

الاستاذ/النميرى متولى متولى سلم القلم ياشعرنا المحترم

وفى انتظارك معنا فى مناره دشنا

موضوع: رد: من رسايل الفلاح الفصيح 23/11/2009, 11:52 pm

المنارة بصراحة اصبحت روعة
بكتابها ومفكرينها
تسلموا جميعا وربنا يوفقكم

موضوع: رد: من رسايل الفلاح الفصيح 24/11/2009, 5:39 am

الله الله تسلم الايادي
وما شالله احنا كده بنحس اننا عندنا مواهب كبيره
ونتمني منهم المذيد من المشاركات الجميله
والابداعات الشعريه التي تنافس الاعمال الكبري
دمتم ودامت اقلامكم
وتقبلو مروري

موضوع: رد: من رسايل الفلاح الفصيح 3/12/2009, 7:15 pm

اشكركم علي هذا التواصل مع قصيدتي ولكم مني كل المحبة والامتنان

موضوع: رد: من رسايل الفلاح الفصيح 16/12/2009, 5:59 pm

على فكره يااستاذ نميرى
انا اول مره اقرالك قصيده
ودلوقتى باقولك انا اسف جدا انى ماقريتلكش من زمان
ومهيالى انك لو ماكنتش كاتب قصيده غير القصيده دى فالقصيده دى تكفيك
ايوه كده رجعلنا ايام احمد مطر وأمل دنقل

موضوع: رد: من رسايل الفلاح الفصيح 17/12/2009, 9:27 am

عزيزى مصطفي
ازدانت مساهمتي بكم ولكم مني التحية
ملحوظة : اليك قصيدة اخري بعنوان ماذا قال ابن السوداء

انتظر مرورك عليها

» اجمل رسايل موبايل
» شعرنا من العربى الفصيح إلى العبرى الكسيح