كيف تعيش في مصر ب 1000 ج في الشهر

شكرا للاخت ياسمين والاخ محب القبطي لتفاعلكم معي في اول مشاركة لي في هذا المنتدي الجميل

لاحول ولاقوة الا بالله

!!!!!!!!!!!!!!!!!!!!!!!!!!

ياراجل 1000 جنيه ايه يامحترم 20لتر بنزين ب 37 جنيه يادوب بروح بيهم الشغل فى الجيزه من مدينة نصر وارجع تانى واروح مشوار حدايق القبه اخر النهار وحط على كل صفيحة بنزين بعشرة جنيه زيت يبقى الجمله 46 جنيه والواد السايس بياخد مثلا 4 جنيه عشان بيطوق العربيه وبيركنى فى جراج المحكمه يبقى كده 50 فى 30 يوم يبقى كام 1500 جنيه ده لو انا مخرجتش غير للشغل وللحدايق بس اما لو حبيت امشى بقى شويه يبقى عايز ميزانيه تانيه اذن 1500 جنيه مصاريف مشى العربيه مش طبعا ترخيص ولا تامين وضرايب للعربيه ولا عطل ولا حاجه طيب نيجى للمدرسه معايا بنت وولد فى مدارس لغات شوف بقى اساتذنا المعلمين حتقاول معاهم على كام بالراس وشوف الباص بتاعهم بكام فى الشهر سيبك من مصاريف المدارس عشان دى بتتفاوت وعلى حسب الوضع الاجتماعى لانى مره بسال واحد معرفه على مصاريف المدرسه البريطانيه اللى جنب اكادمية مبارك للامن كلية الشرطه دى قريبه منى وقال ايه كنت عايز اودى العيال فيها فبقول الراجل مصاريف العيل فى السنه كام قالى لا مش حتقدر عليها انا قولت انت بتستهبل انت مش عارف بتكلم مين قالى ايوه عارف ولولا انى عارف مكنتش قولت كده قولته ازاى قالى لانى لو عارف انى بكلم حرامى ولا واحد من الهليبه كنت حجاوب لكنى عارف بكلم واحد مستشار شريف قولتله كام يعنى قالى الطفل فى سنه اولى ابتدائى التيرم الاول شامل ب 10 الاف دولار والتانى مثله يعنى السنه المنيله الكبيسه قصدى الدراسيه واقعه للعيل فى اولى ابتدائى بتمن فدان قصب مزروع وفى احسن حرجه فيكى يا دشنا باكتر من 120 الف جنيه انا قولت وهى مدارس الحكومه قتلت ابو مين ولا المدارس الخاصه اللى بخمس الاف ولا سبع الاف مالها زى الفل يعنى الواد حيطلع نبى ولا البت حتطلع مريم الصديقه معاك حق يا عم وانت يا حاج تقولى الف جنيه ده احنا فى ايام زى الطين وايام جايه علينا اسود من الخروب وربنا يسترها ويسترنا دنيا واخره وخراب يا مصر قصدى عمار يا مصر بلد السياحه والبترول ولاثاروقناة السويس والتليفزيون

على فكرة سمعت دكتورة فى مركز بحوث الحيوان راتبها 100 جنية فى الشهر

بعد 19 سنة من العمل
ياريت احد يوزع لها الراتب دا

انت نسيت البركة هى سر الوجود لاهل مصر