العمر : 39عدد الرسائل : 52تاريخ التسجيل : 04/12/2009
موضوع: قصيدة ( مدد ) 15/12/2009, 10:30 pm
- استكما ل لقصيدة مدد الوارده فى جريدة الاسبوع يوم( 8/2/2009) مع الاعتزار لكاتب القصيده استاذنا على التطفل على قصيدته.
" مــــــدد"
باموت يامصر ومخنوقلك
كروان فى عشى ومشنوقلك
باموت فى يومى الفين مره
باحسب لنفسى وبحسبلك.
******
نقول مــدد لمين ولمين
للنصابين والحراميين
ولا لعالم هجر الدين
ولا لشيخ ازهر لا يظهر
الا لفتوى زى الطين.
******
نقول مدد خلونا نعيش
ولا لفول واللحمه مافيش
اللى الغلابه مابيشوفوهاش
والمرتاحين قاعدين طرابيش
******
نقول مدد والناس نايمين
نسيوا عمر وصلاح الدين
مش عارف اشجب ولا ادين
الشجب كلمه صعبه اكيد
بس الادانه فعل مفيد
حكام كعوب وجاسوسيين
******
حراميه كتروا فى بلدنا
والناس بتاكل بالعافيه
وحكومه دى تجيب الكافيه
فاتحين بطونهم مش عاتقين
******
مدد ياتلفيزيون نايم
مش فاضى غير للعريانين
وكمان مدد دى للتعليم
داحنا بقينا فى جهل مبين
نقول مدد لمين ولمين
بقينا مضحكه للعالم
******
الشر لينا كشف وشه
حبس الحمام جوا فى عشه
حبس الاسد جوا عرينه
واللى بيصحى بيحشه
******
خلاص عرفت مدد دى لمين
دى للمعارضه فى الجرانين
اقلام مناره وناس صاحيين
******
مدد يادستور دستورنا
مدد يااسبوع لعسلنا
مدد ياوفد يامصر اليوم
ياسيوف ضياء تمحى ظلامنا
******
مدد واللى مايشترى يتفرج
على ناس بتنهب اموالنا
ويهربوا بيها عالخارج
وبلدنا مكسوره بتعرج
******
وكل يوم فيها قضيه
وتسمع كتير بكره هاتفرج
ولا هاتفرج ولا حاجه
دا قصر ديل ناس بتهرج
******
نقول مدد للعالميه
بديموقراطيه طعميه
والكوسه دى للحراميه
وخيارنا احنا ياغلبانين
يانعيش ازله ومحرومين
ومحبوسين فى العزوبيه
ياتبقى وقعه زى الطين
ونروح بقى فى شربة ميه
******
مدد ياقانون للارهاب
مدد يارشوه ويااحساب
مدد ياخيار ويافاقوس
مدد للى معاه فلوس
مدد وكله علينا يدوس
******
مدد لحفله بميت مليون
وغلابه ساكنين فى البدرون
******
مدد لشرطه فى خدمة شعب
معيشاه دايما فى الرعب
******
مدد علينا وقول يالطيف
على اللى خلوا ربيعنا خريف
******
مش عارف مدد الجايه لمين
دى لقرار وقف التعيين
وللبطاله للملايين
شعار جميل واصحوا يانايمين
******
مصطفى البغدادى عضو جديد
العمر : 39عدد الرسائل : 52تاريخ التسجيل : 04/12/2009
موضوع: رد: قصيدة ( مدد ) 15/12/2009, 11:33 pm
القصيده دى من تأليفى ياجماعه على غرار القصيده التى وردت فى الدستور فى التاريخ المكتوب بأعلى القصيده وكانت ايضا بعنوان مدد
علي عبد الله مؤسس المنتدى
العمر : 53عدد الرسائل : 3082تاريخ التسجيل : 19/08/2008
موضوع: رد: قصيدة ( مدد ) 16/12/2009, 8:14 am
رائع يا أستاذ مصطفى
نورت المنارة بإبداعاتك الجميلة
قصيدة جميلة تعبر عن ما بداخلنا جميعا سلمت يمينك
وفي انتظار المزيد
المستشارصلاح رسلان مشرف سابق
العمر : 50عدد الرسائل : 864تاريخ التسجيل : 05/12/2008
موضوع: رد: قصيدة ( مدد ) 16/12/2009, 1:25 pm
اهنيك يا استاذ مصطفى ع الكلام الجميل النابع من القلب والذى وصل لقلوبنا واهنيك على اختيار اللفظ والكلمه المعبره حقا كلام يوزن بميزان الماس لك كل الشكر
ياسمين عضو فعال
العمر : 43عدد الرسائل : 322تاريخ التسجيل : 19/11/2009
موضوع: رد: قصيدة ( مدد ) 16/12/2009, 1:59 pm
جميلة جدا استاذ مصطفى
سلمت اناملك
سمفونية عزفت احلى الكلام
شكرا لك
مصطفى البغدادى عضو جديد
العمر : 39عدد الرسائل : 52تاريخ التسجيل : 04/12/2009
موضوع: رد: قصيدة ( مدد ) 16/12/2009, 4:47 pm
شكرا جدا على مروركم ياجماعه وانا يشرفنىويسعدنى انكم قراتم كتاباتى وتابعتموها شكرا للاستاذ على عبد الله وللمستشار صلاح رسلان وللأستاذه ياسمين الانسانه الرقيقه وانا فعلا سعيد انى اتعرفت على حضراتكم على المناره واتمنى نلتقى فى منتديات فعليه قريبه ان شاء الله
موضوع: قصيدة ( مدد ) 
15/12/2009, 10:30 pm
