تم تكليفك وتعينك رئيسا لمجلس مركز ومدينة دشنا

ان لو جنى التكليف دة طبعا عمرى ما هرفض فرصة كبيرة وجتنى ارفض اذى يسلام

طبعا هتقولى ماذا أنت فاعل فى الحال المتردى لمدينتنا الفاضلة

يبقا الحل على ماهو علية وعلى المتضرر اللجوء للقضاء

ماذا أنت فاعل فى حال الصرف الصحى

بصراحة بنسبالى فرصة كبيرة اقدار اعمل منها مصلحة جامدة وكتر الله من المقاولون اللى يسعدونى

من تحاسب على حفر الشوارع من بعد رصفها

المحاسب ربنا هو انا هعمل اية ولا اية




ماذا أنت فاعل فى الكم الهائل من القمامة والقازورات ؟

صراحة هعمل ذى القبلى هأهتم بى الشارع الرئيسيه اللى انا بعد ي علية من اول كوبرى الجبانة لحد المجلس
عوذين اية تانى دة الشارع دة كل يوم يتكنس اكتر من 3 مرات فى اليوم وفيها كل عمل النظافة اللى حضرتك بتدفع ليهم فلوس ذيادة على فتورة الكهرباء وبعدين معكم انت هتفتر على النعمة انا ملش دعو بشاورع الدخليا انا اهم حاجة الشارع لى امش علية يكون نظيف



ماذا انت فاعل فى الشوارع الكالحة؟؟

اذى كان سكان الشارع كلحين انا هعمل اية للشارع

ماذا أنت فاعل فى التعديات وتساهل مهندسى التنظيم عن قصد حاشى لله او بدون قصد؟

يا جدعان دى ناس مهندسين يعنى انتم هتعرفو اكتر منيهم ياستار يارب الواحد مش عارف يعمل اية معا البشر دى

ماذا انت فاعل فى تجاوز وعلو وارتفاع قيمة استهلاك فواتير الكهرباء الشهرية

طيب قولى انت ان اعمل اية معا شركة اتخصخصت يعنى شغالة بمزجها

ماذا أنت فاعل مع تجاوز الباعة الجائلين واحتلالهم للطريق دون ترك اى مساحة لكى يمر فيها الناس من بعد اذنهم يعنى ؟؟؟؟

يا جمعا لذم نشيل بعض شواية هيا الناس كترت على بعض لية

شارع المركز يكتظ بالباعة بتوعالفواكه و الخضار والخس والفجل والليمون والبصل والقصب والجرجير والكرات والحلبة الخضراء كل دول انتاج محلى ناهيك عن

يعنى يا جمعا احنا بنفور الصناعة والزرعة المصرية وبنشجعها تعمل كدة معنا
تشجيعا للمنتج المحلي

فاعل مع بتوع السرفيس تقدر ياعم تتكلم معاهم وتسأ ل عن نمر العربيات دى جاية منين تصدق بالله إحنا اللى مش عارفين نركب سيبك منهم . التوتوك حل الموضوع دة حتى العيال الصغيرة بتسوقة اصلة ساهل ياشيخ برضة سيبك من دول لغاية ماتوقع جريمة وحادثة ابقى اتحرك اصلى اللى مش عاجبة يمشى على رجليه احسن دا لولقى لية مكان يحط رجلة

ياخى ماسيب الناس تكل عيش وبعدين محدش بيموت ناقص عمر يارجل خليك معا الله

ماذا أنت فاعل فى الغرز

كلة كوم والغرز دى ياعمى كوم تانى حضرتك كدة عاوزني اخسر جميع الكيفا_(شاربي الي بالي بال) لا حرام عليك

مذا أنت فاعل مع بتوع التموين اللى مش بيحاسبوا بتوع المخابز

مين قال كدة حضرتك غلطان بتع التموين بيخد حقة وذيادة ولو حقة مخدهوش بيوصلة لحد البيت

ماذا انت فاعل مع سائقى عربيات الكبود بتاعتة السمطا اللى عاملة موقف فى قلب شارع المركز !!! ياعم خلينا بعيد عن الجماعة دول أحسن !!!!!!!

ناس السمطا فوق فوف فوق رسنا من فوق وفوق اول شارع المركز اى نعم هو شارع راسئ وذحمة وكل يوم خنقاقة هنك بس هيا دى السمطا يجمعا وبعين الناس دى بتعرف تمش اومرها ذوق او عفيا وبعدين لذم يكونو مميزين دى السمطا ياعالم
شكرا استاذ / عبد الباسط

وجزك الله كل خير لكى الله يا دشنا
طبعا هذا الكلام ليس صحيحا
اعتذر لان ردي ساخر ليس من حضراتكم لكن من اللي بالي بالك
فعلا موضوعك اعجبني فهو يتكلم عن جوهر وواقع نعيشه اقصد مأساة ومصيبه بشتي الصور
وزي ميقولو الخليجيين
الله لايبلانا
او يرفع البلاء
مشكووووورين ماقصرتو

اولا انا موافق على المنصب وهيكون تعاملى معاه زي محب القبطي بس بأسلوب مختلف شوية

يعني
اول حاجة اعملها انى اجمع المشاكل اللى حضرتك بتتكلم عنها دي:

1. الصرف الصحي
   
2. القاذورات والقمامة
   
3. الحفر واعادة الرصف
   
4. مهندسو التصميم
   
5. الكهرباء والمياه
   
6. الباعة الجائلين والتجاوزات بشارع المركز
   
7. الجزارين
   
8. السرفيس والتوكتوك
   
9. التموين
   
10. المخابز
    
11. عربات كبود السمطا
    
12. تجاوزات القهاوي
    

وشوف يا سيدي الحلول
وهي عبارة عن خطة مدروسة ومنظمة وسوف اقوم بالاشراف عليها شخصيا مع الاستعانة ببعض موظفي مجلس المدينة المميزين والمعروفين لدى الجميع بدشنا
بالنسبة للصرف الصحي
سوف يتم مخاطبة الشركة المسئولة عن تنفيذ الصرف الصحي بالمدينة واستعجالهم لانهاء العمل على اسرع وجه وذلك بخطاب رسمي وموضحا بالخطاب انه سوف يتم ايقاع غرامة كبيرة على الشركة في حالة التأخيرعن التنفيذ بالموعد المحدد
ومرفق مع الخطاب الرسمي خطاب غير رسمي بموافقتى على التأخير ولكن مع ايداع مبلغ محترم في حسابنا الخاص نظير تجاهلنا للمشكلة والتطنيش عليها.
بالنسبة للقاذورات والقمامة
سوف نقوم بتكليف عربة المجلس بالمرور على اماكن القمامة ومحاولة جمعها مع اعطاء تصريح غير رسمي للعاملين على العربة بتنظيف الاماكن التى يقوم اصحابها بدفع الاكرامية المناسبة والتى يكون لنا النصيب الاكبر فيها
وأيضا التنبيه على عمال النظافة المنتشرين على طول الخط بالشارع الرئيسي بتجميع ما تم كنسه من أتربة ووضعها على جانب الطريق الايمن ثم نقلها في اليوم التالى الى جانب الطريق الايسر وهكذا المهم هو اثبات الحالة وضرورة تواجدهم في محل عملهم من 8 الى 9 على اقصى حد وبعد كده كل واحد منهم يشوف مصلحته
الحفر والرصف
يتم التنبيه على شبكة المياة والصرف الصحي وشبكة الكهرباء بعدم اصلاح اى اعطال او مد مواسير او خطوط كهرباء الا بعد الانتهاء من الرصف وذلك حتى نقوم بعد ذلك بإعادة الرصف لما تم حفره من قبل وتظبيط الميزانية
بالنسبة لمهندسي التصميم
يتم التنبيه عليهم بالالتزام بقانون التنظيم بالمدينة وتطبيق المخالفات اللازمة على كل من تجاوز في البناء وحاول ان يبني بدون ترخيص ووان يقوم كل منهم بتدليع وهشتكة كل من يتقدم بطلب لترخيص منزله وضرورة ان يكون هناك فرق في الغرامة بين المخالف والذي يطلب الترخيص المهم ان كل واحد منهم يدفع الفيزيتا غصب عنه حتى لو كان ماشي قانوني وحسب الرسم الهندسي و.....
الكهربا والمية
الكهربا والمية مش تبعنا لانهم شركات خاصة واحنا نصيبنا يوصل لنا على الجاهز
الباعة الجائلين والتجاوزات بشارع المركز
سوف اقوم بارسال رجالي من مجلس المدينة لفرض اتاوات قصدي كارته على هؤلاء الباعة واللى يدفع خليه ياكل عيش واللى ما يدفع يترمي له الفرش بتاعه في الشارع مع انى عارف ان بتوع الكارتة مش بيوصلوا حاجة لخزينة مجلس المدينة ولكن انا طبعا هقول لهم مكان الخزينة الخاصة بي لتوريد ما تم جمعه من الباعه وغيرهم واحتمال اخلى كارته على المارة بشارع المركز
الجزارين
سوف اقوم بمتابعة الجزارين شخصيا واخذ عينة لاختبارها مع الشوربة يوميا وذلك حرصا على صحة المواطن والجزار في نفس الوقت
السرفيس والتوكتوك
سوف أقوم باصدار لائحة داخلية لفرض غرامات على السرفيس و التوكتوك وتسدد بطلب الى مجلس المدينة باسم رئيس المجلس اللى هو انا وتحديد خط سير لكل منها للتيسير على المواطن ولتحسين عمل رجال الكارتة وزيادة الدخل عن طريق الكارتة الى خزينتنا الخاصة
بالنسبة للتموين والمخابز والاكشاك والمخابز
تم الاتفاق مه هيئة التموين لتسهيل وصول رغيف العيش المثالى للمواطن واشترطنا عليهم عدم وجود مسامير بالرغيف خصوصا بعد ارتفاع سعر الحديد مما ادي بالمواطنين الى شراء رغيف العيش من اجل تجميع كمية المسامير الموجودة بداخله وبيعها لتجار الخردة وسوف يتم تغيير موعد فتح الاكشاك للجمهور في فصل الشتاء الى الساعة الثانية صباحا لتخفيف الزحام والتيسير على المواطنين وحتى يأخذ اصحاب المخابز فرصتهم لبيع حصة الدقيق في السوق البيضاء وارسال عدد 2 جوال دقيق الى مشرف التموين وعمل خبزة خاصة لافراد التموين ومجلس المدينة
عربات كبود السمطا
تم عمل موقف لهم ولكن تم احتلاله وتحويله الى موقف قنا بدلا من موقف السمطا وطبعا بتوع السمطا واخدينها بالدراع واحسن واحد فيهم كان بيسوق جرار وممكن يحرتوا لنا البلد
بالنسبة لتجاوزات القهاوي
تم الاتفاق مع اصحاب القهاوي لحجز اماكن لموظفي مجلس المدينة بكل مقهى وطبعا الحساب على صاحب المحل
ومش مشكلة لو خدوا حته من الشارع يعنى من كتر العربيات في البلد
وطبعا حضرتك نسيت شوية حاجات مهمة زي اللى بيحصل في المستشفى وتوزيع اتابيب البوتاجاز والكورنيش وتندات الكورنيش واللوحات الجدارية اما موقف الاتوبيس وامام الشبكة ودي كلها مصادر رزق وفلوس بالكوم
وفي النهاية اتقدم بالشكر لعمنا الريحاني اللى علمنا نظرية ميزانية الخروف
(حبل وجردل للخروف
صابون لزوم استحمام الخروف
بناء غرفة خاصة بالخروف
نقاش لدهان غرفة الخروف
حلاق للخروف
طبيب لمتابعة صحة الخروف
حارس لغرفة الخروف
وهكذا دواليك.....)

بسم الله الرحمن الرحيم........ الاستاذ |محمد جلال ..... تحية من القلب اليك . طبعا انت عارفنى......... ردك جميل قوى ومنظم ومرتب لأنك طمعان فى المنصب والوظيفة . وواضح إنك فاهم الفولة كويس وعارف من أين تؤكل الكتف ... ومنين يجيى الهبر اللى يشبع ويسمن ... بس ياعم أنت مدير الادارة طمعان فى الوظيفة دى ليه .. سيب حاجة للغلابة بعد ماعرفوا السكة كويس وفين الخزينة وهات ياعد فى التحصيل .. تصدق فتحت عنينا قوى ليك بس برضة لازم تبص للغلابة برضة قرايبنا ومفروض نبص ليهم والخير كتير وإحنا خلاص عرفنا السكة وعرفنا إن الخزينة عندك .... بس والله برضة انت رئيس انت فاهم كويس ومذاكر ادواتك بعناية

بسم الله الحمن الرحيم .... الى الاستاذ زعيم الزعيم زعيم ... على فكرة انا عارفك كويس لانك ابن واحد صاحبى وعزيز على قوى ووحشنى كمان .. من خلالك تحياتى .. بناء على ترشيحك سوف يتم تعيين الاستاذ محب القبطى عمدة لباريس . لان باريس لها عمدة مش رئيس وكمان عمدة لدشنا وهو فاهم فى الموضوع ده كويس