مين دول !!!!!!!!!! ؟؟؟؟؟؟ يلا نسيب لهم البلد ونمشى ..

بسم الله الرحمن الرحيم ........ز[ندعوك للتسجيل في المنتدى أو التعريف بنفسك لمعاينة هذه الصورة]؟؟؟ ياعم لية بتصرخ بس إحنا لسنا كتبنا ولا قلنا حاجة لســـــة ......... الناس الى مكتوب اساميهم . دول منين ... حد عارفهم .. ساكنين فين ... كل يوم الصبح والظهر والعصر والمغرب والعشاء والسحور والفجر دايما النليفزيون جايبهم وكمان الراديو . والجرايد والمجلات ..... يظهر والله أعلم إحنا بنهمهم قوى . كل شوية ينكلموا علينا . وجايبين فىسيرتنا . والله كتر خيرهم . خليهم يتكلموا وقاعدين .. الناس مش خسرانين . انا طلعت معاى اجمع اسماؤهم وانشرهم فى المنتدى ......... وهم ...... مع احترامنا للالقاب .. أحمد نظيف ... أحمد عـــز . أحمدابو الغيط . احمد المغربى .أحمد درويش .( أحمدك يارب ) . سمير زاهر . نجيب ساويرس. حاتم الجبلى . يسرى الجمل . محمد منصور . بطرس غالى . سامح فهمى . أمين اباظة . على مصيلحى . حسن يونس .نصر الدين علام . طارق كامل .عائشة عبدالهادى. ماجد جورج . فارووووق حســــنى . عبدالسلام محجوب . هانى هلال .زهير جرانة . رشيد محمد رشيد . حبيب العادلى . مفيد شهاب . حسن صقر . محمود محيي الدين .. مجرد إقتراح تيجوا نسيب ليهم البلد ونعزل من هنا ونسيبهم يدوروا علينا ومنظهرشى خالص ليهم . نشوفهم هيدوروا علينا ولا .لأ . إحنا بس عاوزين نوريهم قيمتنا . بس يبقى اخدنا مقلب لو ماسألوش علينا . وقالوا بركة ياجامع . بس مين صاحب الفكرة دى بتاعة الاستغماية . ياعم إحنا مش هنلعب خلينا كدة نتفرج ونقراعنهم ونشوفهم كل يوم . وإللى يغيب منهم نسال عنة . برضة فى مصر الناس لبعضها . ....... تقدر تقول مين دول ياخواف . .... نسيب البلد ليه هوه فيه اغلى ولا احلى من البلد دى . بيحافظــوا علينا وهيضربوا لنا ويبنو ســــــــــور عالى من ناحية فلسطين . ويمكن سور من ناحية ليبيا وسور من ناحية السودان .... وسور من البحر الاحمر احسن نغرق ويبقى لونا احمر . وكمان سور من ناحية الاسكندرية علشان البحر المتوسط . أحسن يعلى خلية متوسط احسن ...... مين والنبى الناس دول !!!!!!!!!!

جميع زملائى

فى منتدى دشنا

من يوم 4 شهر يناير 2010

يعنى من قرابة عام واكتر.. كنت قد كتبت فى باب قضايا مجتمعية

رسالة بعنوان

مين دول ....يلا نسيب لهم البلد ونمشى

يعنى كنت عارف ان الحكومة دى مش كويسة وخاربة البلد

وللأسف الشديد

لم اجد اى زميل ومن يتشدق بالثورة عندة جرأة ورد عليا

أو تفاعل مع الموضوع

يبقى مين اللى كان وطنى ومين اللى كان خايف

انا عمرى ماكنت فى يوم جبان ولا خواف

انا اقول الحق ولو على نفسى

بلاش انفعال على الفاضى...فى الذمة اللى راكب الموجة دلوقتى بس

مع خالص محبتى وتقديرى واحتراماتى

اخوكم

عبد الباسط

يعنى سبقتكم فى كراهية النظام

من غير زعل يعنى

شكرا للاستاذ عبد الباسط على موضوعه
وعلى سبقه الدائم
وعلى شجاعته
تم منحك شعار الثائر الاول بالمنارة

أخى المحترم والمهذب

الاستاذ : محمد جلال

لك منى كل الحب والتقدير والاحترام

واشكرك على تجاوبك مع الموضوع مع انه قديم من يوم 4 يناير 2010

ومافيش حد تعاطى معى ولا علق ....مش عارف ليه

هما مش خايفين لا سمح الله.. ولكن يمكن كانت الوزارة عجباهم

واهى احسن من غيرها وادينا عايشين

عموما اشكرك على اللقب مع انى لست بثائر

ولكن يسعدنى ذلك اللقب ( الثائر ) وكمان الأول

لك منى كل التقدير والاحترام على المرورالمسعد

اخوك

عبد الباسط

اخى وحبيبى عبد الباسط

قولى مين بس اللى زعلك

وداس على عرق الوطنية بداخلك

وانت لينا معروف

منهج وكتاب مفتوح

سرك وفكرك لينا معروف

من غير ما تكتب وبيه تبوح

والثورية مش حنجرة وصوت مبحوح

وعنترية كدابة ومسح جوخ

ولا ثرثرة ولا فشخرة وكلام مشروخ

عزيزى
مين اللى زعلك قوللى عليه

عزيزى المقال جميل ولكنى اول مرة اشاهده

يمكن عددت على دى

ويمكن اكون لسة مدخلتش المنارة من اصله

مش فاكر التاريخ بالضبط

ولا يمكن اكون انا اللى زعلتك

وتكون قاصدنى انا

عزيزى عبد الباسط

انا فعلا لم اكن قد سجلت فى المنتدى

يوم ان نشر موضوعك هذا انا تاكدت الان

لان موضوعك نزل فى يناير2010

وانا سجلت فى المنتدى فى شهر مايو 2010

والاحظ شئ انك لم ترد او تتفاعل مع ما اكتب

فى الفترة الاخيرة

أخى وحبيبى

وصديقى

الاستاذ : محمد ابو العبادى

المهذب والخلوق

انا مافيش حد زعلنى غير رجال الحكومة الفاسدة دى

وقد ارسلت هذه الرسالة الى المنارة وكتبتها بشكل تهكمى وعفوى بسيط

لأننى كنت حقا اكره هذة الوزارة لما فيها من فساد

وأنا لست بالثورجى .. انا واحد مصرى غلبان

يهمنى حال الوطن ومصر والعالم .. واتصرف بعفوية وصدق وشفافية

جزء كبير من حالى هم البلد والوطن والعروبة والاسلام

مش عارف ليه

.........................................

بس انا فعلا مصرى

مهموم بحالة مصر

مقسوم معاها بالعيش والملح

والشارع والدرب والطريق

معشوق ومغسول بتراب مصر

ماسك بقلبى قطرات دم لمصر

حاسس بروحى زيك فدا لمصر

البلد بلدنا ومش هنمشى بعد الحرية بإذن الله مفيش استعباد

أخى العزيز والمحترم

الاستاذ

الحسين علـــــى

لك كل تحياتى وتقديراتى

.....

اشكرك على المرور والتعاطى

وفعلا اثبت الحق ان البلد بلدنا نحن المصريون وليست بلدهم القتلة والفاسدين

انهم مجموعة ومافيا منظمة لسرقة الوطن والناس وسرقة مصر

ولكن الحمد للله مصر رجعت وسوف تتعافى

وبقيت ابواب السجون مفتوحة لهم للعقاب والحساب

نهبوا الخيرات وسرقوا الاحلام..ولكن من هو الحر

نعم نحن الاحرار

لأننا لم نسرق الوطن وكنا احرص منهم علية

ولن نترك لهم البلد ..بل هم الذين تركوا الساحة وتم حجبهم واوصدنا ابواب الشياطين عليهم

وحسبنا الله ونعم الوكيل

تحياتي الاخ
الاستاذ
عبــدالباسط
لانه دائما
وابدا يفجر لنا
موضوعات هامة
في حياتنا
انا اري
انه لابد ان نقف علي قلب رجل واحد
كي نحافظ علي وطناالغالي
ولا نتهاون مع الاشخاص الذين
يريدون ان يحكروا صفوي
هذا البلد
ونحن ابناء هذا الوطن
شباب وشياب ورجال ونساء
عشنا وشربنا من نهر النيل
ونشاءنا علي هذة الارض
لن ندع اصحاب النفوس الضعيفة
ان يلوث بلدنا بافكارهم الغير صائبة
من اجل مناصبهم او كراسيهم
فارحيل لابد ان يكون
مفروض علي كل من هو خائن
وعلي كل من كان يتمني بيع هذا الوطن العريق
اما نحن فاانشاء الله باقون الي
ان يشاء الله ونلقاه
تحياتي الي جميع اعضاء المنتدي
الذي اصبح ياخذ مسارا اخري
في النقاش وطرح الافكار
واتمني مزيد من الحور
طرح الافكار
وشكرا

موضوع: مين دول.... يلا نسيب لهم لبلد 30/3/2011, 9:22 am

أخى المحترم : الاستاذ: جمال على الحويكى ال عمران

لك منى كل الشكر والمحبة والتقدير والاحترام

وانا مع نفس الخط الذى تؤمن به وتدافع عنه

وهو بلدنا مصر الغالية

لابد من تضافر الجهود من اجل رفعة هذا الوطن الذى عانى المرض كثيرا بفعل الفاسدين

انها مصر ياسادة التى يعمر حبها فى قلوب الكل

مصر الخيرة والنيرة والمعطاءة والسخية

انا معك ضد كل من يعكر صفو الوطن

بلدنا تبحث عنا ومن واجبنا ان نبحث نحن عنها

نلتقيها ونلقاها

نمد يد العون لها

نبنى ونعمر

نتفاعل معها نحو الخير والعمل والعطاء والجهد

وننبذ الفاسدين ونحاربهم

ونعلى فينا الشيم والقيم والحب والصفو

مصر اليوم ترضى عنا..

ونحن عنها راضون

تحيا مصر وتحيا مصر