ما بين الحزن والافراح
خيط رفيع جدا
خيط مغزول من صوف وحرير
لكن شديد جدا
من المغربيه لحد الفجر ما يادن
وانا باغزل فى صوف
وارسم على كل بسمت حزن الف الحروف
وجوايه رهبه متخبيه خلف جدار الخوف
والقلب ملهوف
والقلب بيدق بيدق
مش عارف ده فرح ولا القلب مرجوف
وبين الامل والفرح
خيط رفيع جدا
من المغربيه لحد الفجر ما يادن
واقف حزين مهموم
ودمعه من عينى نزله تصحى الخلق من النوم
تسرخ تان
تفجر براكين الفرح
فى ارض عطشانه
يا ترى انتى يا دمعه دمعة فرح
ولا انتى يا عينى ندمانه
نزله بتحرقى خدودى
وترفعى صوت الحق فوق صوتى
ولا يا دمعه انتى نزله ونويه على موتى
ولا مش عجبك كلامى
ولا حتى بقى سكوتى
يا دمعه
انتى دمعة فرح
ولا دمعة حزن ومر
بين الفرح وبينك يا دمعه
خيط رفيع بيمر
راحة ليالى الفرح ويا سنين العمر
وجات ليالى الحزن والقحط وخلص منى انا الصبر
يا دمعه
جوبينى
واجرى على خدى
دى دموع الفرح فدنيا مين قدى
ومين يا ناس صبر زيكم صبرى
وادى دموعى نزلت وبتتحكم وحدها فامرى
كل الاحبه كانو نفسهم يبكو على قبرى
ورب الكون وحدو نصرنى
واتارى
ما بين الحزن والافراح خيط رفيع جدا
لزم يجى يوم الحق ينتصر حتما
ودموع الفرح تنزل جرى كما الانهار
وتشق بطن اليل كما الاعصار
ويروح بقى الظلام والظلم وتطل علينا تانى شمس النهار
بين الحزن والافراح خيط رفيع جدا
خيط مغزول من صوف وحرير لكن شديد جدا
موضوع: ما بين الحزن والافراح 
3/3/2010, 9:07 pm
