الساده اعضاء ومشرفي المنارة لحظه من فضلكم

ايه الحكايه ايه الروايه
فين الشباب فين البدايه
الصمت ليه السكوت ده ليه مالكم ايه اللي حصل
فين الجديد المنارة عليكم بتنادي بتسئل فين ولادي
ايوه الكلام ده ليك انتا
راجع نفسك شارك بكلمه
اصح معايا وارجع وقولي ايه الحكايه
عايشين في صمت ليه فين الجديد
كل عضو وكل زائر بيشارك معانا بيكون سعيد
نحرمه ليه ونتعبه ليه احنا اخوه ونخبه صفوه
نخبه منتقاه ليه بقي نعيش في صمت
بقالنا مده علي الحاله دي مفيش جديد فين الضحكه فين الهمسه فين الفكرة
فين المشاركه
ايوه انتا مستغرب ليه ؟
شاركني فرحي شاركني حزني
تلاقيني جنبك والقيك جنبي
هي المنارة مش ليها حق
عليا وعليك امال ولادها ازاي لازم نساعد لازم نشارك
تطلع مواهب مني ومن ايديك
اكسر الحاجز اللي مانعك
احكي وقول ايه اللي تاعبك نفسك في ايه
اطلب معانا شارك معانا وابدي رأيك وقول مبادئك
اكيد هتلاقي حد جنبك
اظهر مواهبك بلاش تخاف هتلاقي اهلك وحبايبك حواليك
انا مديت ايدي دورك انتا تمد ايديك
يلا فيدني علشان افيدك وتبقي المنارة في مكان كبير
مش في حاره
الكلام ده مش شعر ولازجل لا بالعكس ده نداء للكل

ندائك وصل ياباشمهندس

واحنا معاك

والله فيه مواضيع جديده

قلب وهتلاقي

لك التحيه

الاستاذ الغالي/ عبدالفتاح
كل التحيه والتقدير لتفاعلك معي بس الحكايه مش حكاية جديد وبس
لالالا
الحكايه ايه المفيد دايماً مواضيع مكررة وفيها تشابه كبير احنا عاوزين الجديد في الفكر فين المواهب احنا لو دورنا في بعضنا هنلاقي مواهب فزه والله بس الاعضاء بخلانين علينا ومش عارف بقالنا فترة في حالة صمت رهيب
الكل يدخل يرد علي الموضوعات وخلاص من غير تفاعل ولا مشاركه وده احساس غريب
عاوزين نعمل مراجعه لانفسنا ايه اللي حصل التقصير فين والتقصير جاي من فين ؟
علشان نقدر نتدارك الامر والمنارة تفضل في المركز الاول في كل المجالات

كل ما افكر اطرح موضوع جديد
أو خاطره او اى شىء ايجابى
ابقى عارفه مسبقا انه لن يتواجد تفاعل
الاعضاء اللى دايما بشاركو فعلا معدودين على الاصابع
نعم البركه فيهم
لكن فين التفاعل المطلوب لموقع مثل منارتنا لا ينقصها شىء
لا ادرى ما الشىء الذى يخلق هذا التفاعل بداخلهم ليكسر حواجز الصمت

شكرا لتفاعلك الجميل يازهرة
بس لو فضلنا علي الحال ده ؟؟؟ مش كويس لازم نشوف حل طبعا ونعرف ايه السبب
هل هو تقصير ؟
هل انه لاجديد؟
العيب فين ؟ الخلل
الصمت ليه اصلا المفروض اننا اسرة واحده وكلنا اخوات مع الاحترام للاساتذه الكبار فهم اخوه اكبر لنا طبعاً ونتعلم منهم
لكن شيئ محير ليه الصمت وعدم التفاعل
لازم نشوف حل

سلاام عليكم

موضوع مهم

ونداء في وقته

فعلا المشاركة محدودة

واي عضو بيدخل في البداية بيشارك

وبعد فترة بيلاقي مفيش مشاركة ولا اهتمام

وبالتالي هو مش بيهتم وبنلاقي مقالات بدون مشاركة

وده بيخالي اي شخص يفكر كتير ويتراجع احيانا عن انزال اي موضوع جيديد

بالاضافة الي تكرار الموضوعات انا مثلا من يومين نزلت موضوع عن عماد متعب

ومحدش علق عليه ودخلت باليل لقيت نفس الموضوع بشكل تاني والتعليقات قليلة برضو

شكرا للتفاعل ياحامل المسك
وهذا مؤشر جيد ان الموضوع لقي صدي منكم وان شاء الله المواضيع كلها تكون كده علشان ترتقي بالمنارة الي الاعلي بفضل الجهود المبذوله من الجميع
ادعي معايا وقول يارب الندا يلاقي اجابه

ياااااااااااارب يا استاذ حماده

بس ده حال اغلب المنتديات

قلة في التفاعل والتعليقات

بس السبب غلبا بيرجع ان التواصل بين الاعضاء قليل

ومن خلال التعليقات فقط و رغم اني ممكن اشوف

فلان وفلان متصل ولكن مفيش بينا حوار او كلام او حتي سلام

وده الحقيقة بيفرق كتير وياريت نتجنب الموضوعات المتكررة

انا معاك طبعا وبنادي بكده

صياح الخير للجميع

انا طبعا من المؤيدين لكلام كل الاخوه الذين شاركوا او تفاعلوا مع
طرح الاستاذ/حماده شحات وكذلك اؤيد ماذهب اليه الاستاذ حماده
في هذا الطرح ولكن
لو ذهبتم الي المواضيع التي لم يتم الرد عليها ستجدوها كثيرة جداوكل موضوع امامه عدد الردود=صفر
كما قال الاخ حامل المسك والاخت زهرة عدد الذين يتفاعلون مع المواضيع لا يتعدي اصابع اليدين
بالامس كان للاخت زهره علي سبيل المثال لا الحصر موضوع قصيده للشاعر الفلسطيني المقدسي
قمه في الروعه لم يتفاعل معها الا القليل جدا
انا اضفت علي موضوع نقطـــــــــــــــــــة ضوء اضافه اري انها مهمه وظلت في النافذه الي الان
ولم يتفاعل معها اي احدكذلك الاخ حامل المسك كان قد طرح موضوع عماد متعب ايضا لم يجد
التفاعل المناسب
هذه هي بعض الامراض ولكن دعونا نذهب الي التشخيص اذا جاز التعبير
سبب رئيسي لذلك هو كاس العالم وانشغال الناس هذه الايام به
سبب اخر كما ذكر الاخوه عدم التفاعل او المشاركه الفعاله اللهم الا شكرا للمـــــــرور
شكرا للدوريات وتمر العربيات قصدي المواضيع بدون اي مخالفات مروريه
يعني لا نقد ولا تفاعل
سبب ثالث تشابه بعض المواضيع
واسباب اخري قد يكون للاخوه علم بها
سبب اخر وهذا يالمني كثيرا وهو اذا كتب فلان من الناس يرد عليه فلان وفلان وفلان
واذا كتب فلان ياتيه رد من فلان وقلان وغلان
وهذا مرده يجوز للتقارب الجغرافي اي الانتماء لنفس القريه او المنطقه او حتي القبيله
وهذا اخطر مافي الموضوع ؛؛؛ اصبحنا نشبه ربطيات اصبحنا نعطي صوتنا لاهل الثقه لا اهل المعرقه
مع احترامي الشديد جدا جدا للجميع فانا اقف علي مسافه واحده من كل الزملاء
وهناك موضوعات قيمه جدا يرد عليها من الادارة والاعضاء علي حد سواء
لذلك لابد ان يكون الرد علي كل المواضيع وقد ذكرت هذا في موضوع سابق حتي ولو بالنقد
فهذا يخلق نوع من التفاعل بين الاعضاء يصل في النهايه الي غربلة الموضوع نفسه
وتنقيته مما قد يكون علق به من شوائب او الوصول بالموضوع للهدف الاسمي وتطبيقه والاستفاده
منه اذا كان الموضوع جيد وفي نهايه الامر سنصل الي موضوع جيد مفيد الكل اضاف اليه
او تم تقويم سلبياته اذا كان دون المستوي
اطلت عليكم اعذروني لهــــــــــــــــــــــــــــــــــــــذا

شكرا لسعة صدركم

تحياتنا لك يا استاذ عبدالفتاح وحتى الان النداء مازال ينتظر التلبيه والمناره تنادى اولادها ولا احد يجيب