عبر عن مواجيدك هنا فى المنارة

دعواتـــــــــــــــــــــــــــــــــــــــــــي لك بالتوفيق ايها الرائع

حـــــــــــــــــــــــــــامل المســـــــــــــــــــــــــــــــــــــــــــــــــــــــك

وانت فعلا تستحق كل خير

وتصبح علي خيرلانه مفيش

غير انا وانت اون لاين

نوم هادئ واحلام سعيده

الله يكرمك يا استاذ عبد الفتاح

واشكرك علي وقتك الثمين

واتفضل انته في رعاية الله

انا قاعد لبكره صاحي

مع الف سلامه

والله وليك وحشة يا حامل المسك

والله كانت سهره ممتعه

يا استاذ اشرف حامل المسك

انسان ظريف جدا جدا

انت واخد بالك من الصوره ال حاططها في مواضيعه وتوقيعه

زي ماتكون صورة طفل مسكين عامل له حاجه غلط وخايف من العقاب

تشوفه رافع راسه لفوق ياعيني وكانه عاوز يستنجد باي حد

انا بشوفه كده وبيصعب عليا قوي وكل ما اشوفه يتهيأ لي ان حامل المسك

زيه بس ايه رايك دمه خفيف جدا جدا

ياريت يشرفنا الليله دي

كل ده يحصل فى غيابى
والموضوعات الشيقه
فرقت معايا قى
كان نفسى اكون معاكم
بس انتظروا عقابا لكم يا اساتذتى
سوف اجعلكم تعيدون الحديث من جديد
من غير ما تضحك على يا استاذ عبد الفتاح
من اسئلتى الغبيه
ونشوف حكاية حامل المسك الكوكتيل الروعه ده

والله انا استمتعت امبارح جدا يا استاز عبد الفتاح
وكنت معشم نفسي نكمل مع بعض لكن النوم غلاب

حامل المسك انسان ظريف جدا
واحلي ما فيه انه بسيط وتلقائي

يدخل القلب علي طول

هو فعلا صورته غامضة
انا شايف انه ليها معني اوسع واشمل
الطفل المسكين حائر
وبيتطلع للسماء يطلب الغوث من الله
انا قرات بقية الحوار
وكنت اتمني اني اقدم له النصيحة
والغريب في الامر انه خدمة اجتماعية
يعني يفترض يحل مشاكل الناس
لما يرجع اساله
انشاء الله يكون معانا الليلة هو والاستاز حمادة

السلام عليكم جميعاً
ايه فين الناس مش شايف حد معانا ليه ؟؟؟؟
انتوا فين يا اساتذه عاوزين نكمل سهرتنا مع الزهرة الجميله زهرة الجنوب واختنا الغاليه لان اكيد ليها اراء مختلفه

حمد الله علي السلامة يا بطل
كدا يبقي ناقص الاستاز محمد
وحامل المسك
واهي استازتنا زهرة مشرفانا

انا موجود عزيزى اشرف سالت عليك العافية
داحمادة شكله كان نايم من سهرة امبارح
ولسة صاحى

ايه رأي حمادة باشا في كلام حامل المسك
حول قضية الزواج والاختيار
وزواج الاقارب
متهيالي يعني موضوع يستحق النقاش

طبعاً انا زادني الشرف ان حضراتكم كنتم معجبين بسهرة امبارح وكلنا كنا علي حامل المسك وزهقنا وطلعنا عينه في مسألة الجواز بس كله كان من روح الدعابه
واله ياساتذتنا الرائعين اعتذر هو النت بس عملها فيا ليس اكثر امبارح والا مكنتش سبت السهرة الجميله
وحمدلله ان زهرتنا معانا اليوم
اما بالنسبه لموضوع زواج الاقارب ده محتاج نقاش فعلا ونقاش كبير جدا
من وجهه نظري الشخصيه والبسيطه انا العبد الفقير الي الله
ان زواج الاقارب برغم ما فيه من فوائد كبيره جدا جدا لكن نرجع ونقول انه بيسبب مشاكل وله اضرار اكبر واكبر الا اذا ؟
اولا فوائده هو انك بتكون مطمئن لمن معك في البيت وواثق تمام الثقه في اخلاقها وتربيتها وستكون حنونه عليك ولاتخرب بيتك ولاحاجه هههههه
وتعرف تربي اولادك علي عاداتك وتقاليدك لانها بتكون هي كمان متربيه عليها
وفوائد كبيرة تاني كتير
اما الاضرار
اولها انه لو حصلت مشكله لاقدر الله بتكون هي الضربه القاسيه او كما يقولون القشه التي قصفت ظهر البعير
وانها تتسبب في اختلاف كبير بين افراد العائله ويكون صاحب المشكله او الزوج منبوذ من بين اهله
علي ما اتذكر انه في حديث بيقول
بارك الله في النسبه البعيده والزرعه القريبه اي النسب
لان النسبه البعيده مش هتتسب في وجود تدخل من اهل الزوجين في حياتهم الخاصه ويكون هناك مجال ومساحه كبيرة وواسعه من التفاهم بين الطرفين وقدرتهم علي حل ازمتهم بنفسهم
مش كل شويه الواحد يزهق مراته تقول له انا رايحه عند اهلي مهو المشوار قريب بقي هههه

اسمحلي يا استاز حمادة اختلف معاك شوية
كان لازم تقول ان رغم العيوب الكبيرة لزواج الاقارب الا ان له قليل من الفوائد
دي اول حاجة
لان زواج الاقارلب من الناحية الطبية يسبب مشاكل وراثية كبيرة
معلش دي احنا درسناها زمان علمي علوم في الثانوية
وبعدين انت تتجوز بنت عمك اللي عايشة معاك ووشك في وشها ليل نهار
وتحس انها زي اختك
اسال كل اللي قاعدين علي القهاوي بيلعبو ضمني هتلاقيهم هربانين من بيوتهم
علشان مفيش الفة ومحبة

بالنسبة لحكاية المشاكل والمنازعات اللى فى الزواج من اقارب

بقت الحكايه واحد دلوقت من اقارب مش من اقارب
لو الراجل او الست مش مظبوطين يبقى المشاكل حاتحصل حاتحصل
والفرقه بين الاهالى بقت شىء عادى دلوقت لأتفه الاسباب
نيجى لأضرار زواج الاقارب الصحية
نلاقى مش انك مثلا ارتحت لبنت خالتك او بنت عمتك وعارف اخلاقها وفيه تراضى
نقول ما ينفعش دا فيه اضرار صحيه
الاضرار الصحية تأتى من الاصرار على استمرار التناسل والزيجات فى عائلات معينه
لا تسمح بالزواج من بره
ويستمر الوضع على هذا الحال مع تعاقب الاجيال
تضعف الزرية وتنشأ المشاكل الصحية

وحامل المسك عنده حق الزواج يحتاج الى تروى وتقارب وجهات نظر
لأنه عشرة وحياه ممتده

طبعا لااختلف معكم وانا هو تعليق بسيط جدا انا عن نفسي مريت بيه ان زواج الاقارب علي قدر مافيه من فوائد انا مصمم انه فيه عيوب وعلي فكره يا استاذ اشرف فعلا اللي بيهربوا علي القهاوي بيكون عندهم حق لسبب بسيط انك زي ماقلت انهم وشهم في وشبعض من زمااااااااااان يعني الواحد متجوز ابن عمه ههههههههههه
اما الغريب في الامر انك مينفعش انك تسيبها لانها هي اقرب ليك حتي في صلة الرحم وبتكون والله ليها موده خاصه جدا لانها قبل كل ده بتكون اختك وبتخاف عليها جدا والمشكله والطامه الكبري انك مش بتحس بده وبتشعر بغلاوتها الا لما لاقدر الله بيحصل ليها مكروة في الوقت ده انت فعلا بتعرف مقدار غلاوتها عندك غير الغريبه تماما
اما عن مسألة التروي في الجواز واتخاذ القرار انا معاكم وابصم بالعشرة انه صح ولما كنا بنضحك ونقول حب ايه وكلام فاضي ده كلام غلط هي مش مسئلة حب ولاغيره هي الحكايه تقارب وجهات النظر علي الاقل وفترة الخطوبه بتكون هي الشاهد الوحيد علي كده بس لسه مازلنا في عادتنا وتقاليدنا بنحافظ علي عدم ترك المخطوبين علي حريتهم اينعم ده مطلوب لكن ؟؟؟؟؟
لابد من وضع واتاحه فرصه للخطيبين انهم يتعرفوا علي بعض اكتر ويتقاربوا في وجهات نظرهم اما عليهم ان يكملوا او اما لاء؟
ولو لاء بتكون وقعه منيله بنيله لو كان قريب من العائله ههههه
صح ولا كلامي مش مضبوط

انا هتكلم معاكم بصراحة
احنا هنا في مجتمعاتنا الحياة مختلفة جدا عن المدن الكبري
يعني احنا طول عمرنا بنعيش في اسر كبيرة بمعني تلاقي
الاخ واخوه وابوه وامه يعيشوا في بيت واحد
يمكن الوضع اتغير شوية عن زمان
بس مازالت المسافات قريبة
يعني بنت عمك او بنت خالك في وشك علي طول
ومن الصغر مبيكنش في اي عاطفة غير الاخوة
وكان زمان يقولو فلان لفلانة
وياما مشاكل حصلت بسبب الحكاية دي
خوات خسروا بعض
لان الشاب شايف ان بنت عمه زي اخته
هنا اتخلقت المشكلة
الكل عارف ان فلانة لفلان مفيش حد هيتقدم
الاهل يضغطو علي الشاب وفي الاخر يوافق مرغما
تري مازا يكون شكل الاسرة
هناك من يتحلي بالايمان والتقوي ويتعايش مع الموقف
وهناك من يفشل في زواجه
انا من وجهة نظري نترك الاختيار للشاب نعطيه الحرية المطلقة يختار
ممكن تكون بنت عمه او خاله قريبة الي قلبه
ولكن لا يجب ان نضغط عليه

لا مش صح يا عبقرينو امتداد فترة الخطوبه مش صح ابدا
هناك عوامل كثيره بتحك الانسان كطبيعه
فترة الخطوبه بيحاول كل طرف انه يتجمل للأخر
حتى لو كذب انطلاقا من فيلم انى لا اكذب ولكنى اتجمل
دا غير العواطف الجياشه اللى بتكون فى الفتره دى
دا غير حصار الاهالى والضغط النفسى
وينفع يقعد معاها وما ينفعش
التصرفات التلقائية هى التى تكشف كل طرف للآخر
وهذا لا ياتى الا مع العشرة
اما المطلوب فى فترة الخطوبة فهو الارتياح النفسى والمحبة
ومع المحبة فيما بعد يتحمل كل طرف عيوب الآخر ويتغاضى هذا عن اخطاء الطرف الآخر
وتسير عجلة الحياه

انا مش هروح بعيد هتكلم عن نفسي
انا عشت في البلد حوالي 14 سنه وبعدين ذهبت للقاهرة بحكم شغل الوالد وكنت في الفترة دي لوحدي مع الجد والاهل واروح للوالد والوالده كل فترة اجازة المهم لا عشت معاهم واكملت دراستي هنا ودخلت جامعة القاهرة واتعرفت علي كتير جدا جدا من الزملاء والاصدقاء راجعت نفسي كويبس لقيت ان هنا ماينفعش ارتبط بحد منهم لانهم مختلفين معايا تماما ومع العادات والتقاليد اللي اتربيت عليها فرجعت للاصل بدون ضغط ولا اكراه من الوالدين ههههه انا اللي اخترت وحبيت امد جزور العيله واتجوزت من ابنة خالي ونعم العشره والحمد لله وعاوز اقولك يا استاذ اشرف نصيحه قالها ليا الوالد من حوالي 5 سنوات قبل الزواج لو اتجوزت من هنا انت حر وليك مطلق الحريه بس شيل لوحدك مش مسئول معاك لو اتجوزت يابني من اهل بلدك هتعيش معاك في الحالتين وليك الاختيار فسألته ما معني كلامك فرد وقال ان بنت بلدك عارفه تقاليدك وعارفه عاداتك وتعرف تربي اولادك صح وعلي خلق وتدين ولو عشت بيها في القاهرة هتعيش معاك وتكون مبسوطه لانها اتغيرت علي ايدك وعاشت في مكان مختلف عن البلد وجوه ولكن بتقاليده
ولو عشت بيها ورجعت لبلد اهي برضوا مراحتش بعيد وبلدها وعارفاها وحفظاها كويس يعني علي كل لون يابتسته ههههه
اما حكايه مد فترة الخطوبه اللي بتكلم عليها انها تكون لمده سنه علي الاقل لتقارب وجهات النظر وترك المساحه الكافيه للتعارف وتباين الطباع لدي كل منهم وليس المقصود بها يادينمو المنارة انها تدوم لمدة خمس سنوات كما هو حاصل وزي ما قال الاستاذ اشرف ان فلانه لفلان وفلان لفلانه هو ده اساس المشكله لازم نسيب ليهم الحريه في الاختيار ونعمل حساب عواطف الشباب من الجنسين هما اصحاب الاختيار دي عشرة عمر مش هزار
ايه ده انا بقيت اول شعر ولا ايه هههههه

الاستاز حمادة اصاب كبد الحقيقة
انت سافرت القاهرة وبعدت وعشت وترعرعت فيها
الموضوع كان سهل بالنسبة لك لانها كانت بعيدة يعني في حالة شوق وعواطف
تخيل يا حاج لو عايشة معاك في بيت واحد زي ما كان بيحصل
متهيالي الوضع كان هيختلف كتير
بس عارف يا حمادة بيه الوضع والله اختلف
النهاردة بنت العم بتبهدل ابن عمها في المحاكم
وممكن تطين عيشته
واكتر حاجة في الارياف دلوقتي
انا ليا واحد صاحبي مازون شرعي بيحكيلي بلاوي

فيه شىء مهم جدا هو اساس بقاء الحياه بين الطرفين
الوازع الدينى لو الزوج او الزوجه بتراعى ربنا
وعارفين حقوق بعض حاتبقى الحياه مليئة بالود والاحترام
المهم يا عبقرينو كلام السيد الوالد دا كله حكم
فعلا ابة بلدك تعرف تقاليدك وطباعك وتصون عشرتك
فهنيئا لك بها
وياللا نغيظ حامل المسك
وفيه طبعا حالات زى اللى ذكرها الاستاذ اشرف بهدله وقلة قيمه
دى حالات فرديه طبعا يا حماده ما تخافش
ربنا يبارك لك فى اهل بيتك

معلش يا جماعة انا بتكلم عن نفسي
يعني تجربة شخصية
وانا متزوج من زوجة برا العيلة خالص ومبسوووووط والحمد لله
المهم الاختيار
والحمد لله
ربنا وفقنا النهاردة 12 سنة زواج الله اكبر يعني ههههههههههههههه
و ولدين وبنت نحمد رب العالمين

قوللى يا استاذ اشرف
هو انت ابن الاستاذ القدير
محمد عبد العزيز

سلاااااااااام عليكم

مساء الخيرات

علي اعضاء المنارة الكرام

الاستاذة زهرة والاستاذ عبد الفتاح والاستاذ محمد والاستاذ اشرف والاستاذ حماده

وانا وصلت وجاهز للسهرة

نعم انا والدي الاستاز محمد عبد العزيز

حمد الله علي السلامة
تصدق انا شامم رائحة المسك تملا المكان قلت انك جيت
حمد الله علي السلامة يا باشا

الله يسلمك يا استاذ اشرف

وبالنسبة لاني خدمة اجتماعية ومحتاج لخبرتكم

ما خاب من استشار وتقريبا ارئنا متفقة

» معا من أجل المنارة
» فضل المنارة
» الى كل محبى المنارة
» المنارة سوق كبير
» طابع المنارة