عبر عن مواجيدك هنا فى المنارة

طبعا نحب نسمع ارائك المفيده يازهرتنا اتفضلي

وبعدين انتي عارفه السهر مع الاساتذه الكبار بيكون ممتع جدا انتي طبعا بنلتمس ليكي العذر محدش يقدر يتكلم طبعا ههههه

شويه وراجعه

في انتظار حضرتك

الكلام كان عن فساتين الزفاف
وزمان والآن
منذ عدة سنوات كان سعر فستان الزفاف مثل سعر
الفستان الآن للتأجير
فستان سيرتدى لساعتان او ثلاث يتجاوز سعر تأجيره الى 1200 جنيه
ونخضع مش عايزين نزعل عروستنا
طيب يا ولاد الحلال مثلا هنا فى البلد فيه فساتين باسعا معقوله
العروسه طبعا رافضه هذه الفكره
لا فى محلات قنا اشيك واجمل بكتير
طيب نروح قنا
اسعار فوق الوصف...والبنت عايزه فستان متفرد ما يكونش حد جابه فى البلد قبل كده
يعنى يكون مشاهدة اولى
بالزمه دا كلام احنا ليه بقينا كده

يا جماعه فيه حاجه غريبه بتحصل في الجهاز

كل ماحبيت ادخل علي المنتدي يظهر عندي

اعلان سخيف ومش قادر اطلع منه ابدا

تحايلت ودخلت علي المنتدي من طريق اخر

ولكن كل ما حاولت ادخل الصفحه الرئيسيه يظهر مره تاني

ومتعرفش تفلت منه

حد منكم عنده علاج ؟؟؟؟؟؟؟؟؟؟؟؟

افيدونا بسرعه

العدوى دى موجوده عندنا كلنا يا استاذ عبد الفتاح
الظاهر فيه حاجه حصلت فى برمجيات المنتدى لخبطت الدنيا
ونحن مثلك نتحايل للدخول عبر الأقسام بعيدا عن الصفحة الرئيسية
ياريت حد يتصل بالاستاذ على ولا الاستاذ محمد جلال لحل هذا الاشكال

مشكله والله يازهره

الواحد مش عارف يتفاعل غير مع المواضيع

الموجوده في النافذه فقط

لا سهله يا استاذ عبد الفتاح
من المواضيع التى فى النافذة اختار موضوع تكون عارف انه فى قسم الموضوعات العامه
ولا أقولك حالا حاديلك رابط تدخل من خلاله على المواضيع الجديدة
وعرض مساهماتك
لغاية ما تتحل المشكله

[ندعوك للتسجيل في المنتدى أو التعريف بنفسك لمعاينة هذا الرابط]

دايما سريعه يازهرة

انا مش بدور علي موضوعاتي والله

انت كنت بدور علي موضوعك فساتين زفاف

لانك سالتيني سؤال ومكنتش فاضي اجاوب عليه

ولما اصبح عندي وقت شويه قلت اجاوب سؤالك

لكن نعمل ايه دخل علينا الاعلان

ونشكر الاستاذ علي علي توضيح الامر

والله العظيم اتصلت من الصبح بالاستاذ علي والاستاذ محمد جلال والموضوع خارج عن الاراده والاستاذ علي وضح الكلام ده ادعولي بقي ههههه

يبدو ان هذا العطل قد تاذى منه
اخى عبد الفتاح عبد الشافى
لان النت توقف عنده الان تماما
وهو يقدم اعتذاره لكل الاخوة
والاحباب لعدم التواصل هذا اليوم

يبدو ان هذا العطل قد تاذى منه
اخى عبد الفتاح عبد الشافى
لان النت توقف عنده الان تماما
وهو يقدم اعتذاره لكل الاخوة
والاحباب لعدم التواصل هذا اليوم

دائما سباق بالخير ابوحسن

وتعمل الواجب والاصول

تم ايصال الخط الان

كل دا حصل من امبارح للنهارده
انا هنا يا استاذ عبد الفتاح كلى آذان صاغيه
تقدر تتضل حضرتك تكلمنى عن فساتين الزفاف

صباح الخير يا ام الطفله الجميله

فقد قرات ما رويتيه عنها في موضوع غزه

ربنا يخليها لك طبعا ابن المناضل مناضل

هي هتطلع لمين يعتي ؟

المهم انا اردت ان اجاوبك علي سؤالك بخصوص فساتين الزفاف وكان سؤالك يعني ايه فوطه صفيح وبرده رجالي

ومين عم بشري؟ اليس كذلك؟

الفوطه الصفيج ياستي (ليه بس كده يا اخت زهره هتضحكي الناس علينا)المهم

هي عباره عن قطعه من قماش الحرير الطبيعي حوالي 3متر ×متر ونص تقريبا وكان لونها بنفسجي ومخططه خطوط

بيضاء ولا توجد الا لدي نساء علية القوم وكانوا يستعيرونها ليلفوا بها العروس ليلة زفافها وتحيط النساء العروس من جميع

الجهات بشكل دائري اثناء الذهاب بها من منزل ابيها الي منزل زوجها او عريسها سيرا علي الاقدام اذا كان منزل العريس

في نفس القريه لانه كان مفيش سيارات كتير زي دروك وزفه وكوافير وما الي ذلك

وان تعذر الحصول علي الفوطه الصفيح ياتون بقطعه من صوف الغنم ولكنها ناعمة شويه حوالي 4متر×متر ونصف

تقريبا لاداء نفس المهمه وكانوا يسمونها برده رجالي او برده وابوري وكان لونها بني فاتح وكان النساء يرتدينها للخروج ايضا

قبل ظهور البرده السودا والملايه اللف

اما لماذا هذه التسميات لهذه القطع من الصوف والحرير هذا لا اعرفه

اما عمي بشري فهو تاجر في هذه الاشياء وكان ساكن في شارع الكنيسه عندكم في دشنا وقد مات منذ فتره طويله

لكني اعف شكله كويس

واي اسئله تاني انا حاضر

يعنى يا استاذ عبد الفتاح
هى مش اسئله هى مناقشة
اكيد طبعا حضرتك اطلعت على الحوار اللى كان
حاصل هنا عن فساتين الزفاف والاسعار المولعه
وأهمية الفستان وراى الاعضاء فى الكلام ده
لم تقل رأيك قول وأنا حاستوعب كلامك ورايك مهما كان

انا لما شفت مناقشانكم علي الفساتين

وغلو اسعارها وانظمتها المختلفه

بالزلابيه والقشطه وال يدوب في الميه

ترحمت علي ايام زمان وقلت فينك ياعم بشري

وهتستوعبي كلامي مهما كان ؟

بعض الاحيان باحس اني من كوكب تاني

او من زمن تاني غير زمنكم

ودي حقيقه

عارف يا استاذ عبد الفتاح
انا اعيش نفس الاحساس
اعيشه من زمان..حتى فى طفولتى
اتصرف كأنى كبيرة فى السن
ولا يعجبنى الحال الراهن
ولا اتعلق بالموضات
كنت دائما اردد اغنية مدحت صالح
رفضك يا زمانى يا مكانى يا اوانى
انا عايزاعيش فى كوكب تانى
وكلما تقدم بى السن هذا الاحساس يطغوا اكثر
ما يحدث من مبالغات فى كل شىء
ليس فى الفساتين فقط
لكن فى كل شىء
يصيبنى بالغثيان
كن كما تكون فقيرا او غنيا ولديك بنت ستتزوج غصب عنك سوف
تأتى بما ياتى به الناس....شعار النا اليوم
بالله عليك هل ترضى عن حال الافراح اليوم

موضوع الفراح بصراحه انا بتجنب الدخول فيه

لانهم بيعتبروني دقه قديمه* ليه

لاني مش من المؤيدين لا في طريقة الفرح ومصاريفها

ولا في طريقه عرض العروسه امام مئات الناس

بهذه الطريقه التي انا من وجهة نظري اعتبرها مهينه لها

لان العرض امام الرجال والنساء علي حد السواء

لو ان الامر يقتصر علي النساء فقط لمشاهدة العروس

وهي في ابهي زينتها لكان الامر مقبول ولكن نساء ورجال

وفساتين الايام دي شئ مش عاوز اكمل

والمصاريف والبذخ

طيب احكي لك حكايه معانا واحد زميلنا في الشغل ليه اربع سنين

مروحش مصر ولماروح يتجوز بتحويشة الاربع سنين غربه

اتجوز والحمدلله المشكله فين ؟

رجع من مصر مديون ب 90 الف جنيه

يعني صرف تعب اتلاربع سنين زائد اداين ب المبلغ ده

طيب هل دا كلام عاقلين؟

انشا لله قدامه كام سنه علي ميسدد ديونه ؟ وايه معني الجواز وانت بعيد عن عروستك

شهرين ورجعت الي هذا الحد وصل البذخ وطلبات الاهالي والعادات والتقاليد

بذخ مبالغ فيه ومظاهر كاذبة وديون متلتله
ودا بيحصل كتير المهم يتعمل الفرح
انت عارف يكون الواحد عيشته على القد
والبنت اهلها اتقطع نفسهم من الجهاز
وييجوا عند حكاية الفرح دى والفستان لازم يكون مش عارف ايه
والفرح يكون نظامه ازاى
والله انا باسمع الصخب اللى فى الافراح اللى بتستمر للساعه 3 الفجر
بابقى عايزه اقوم اعمل ثوره واتخانق مع الناس
ليه علشان ايه دا كله ....الفرح عمره ما يكون بالشكل ده
نأتى لافراح الطبقات المرتاحه وافعالهم ومظاهر البذخ اللى بجد
لو وصفت لك لن تصدق يا استاذ عبد الفتاح ما يتم ويحدث

سلااااااااااااام عليكم

مسااااء الخيرات

انتو وصلتو للفرح

طيب انا شايف ان الفرح شيء مهم وهو ليلة في العمر مش هتتكرر تاني

ولازم نستغلها ونفرح فيها بس كل شخص علي حسب قدراتها

وبصورة معقولة مش مبالغ فيها

ويا استاذ عبد الفتاح عندكم وعندنا في البلد جنبكم العروسة ب

تيجي من الكوفير علي بيت العريس محدش بيشوفها

وبتحس انك في معركة ومحدش يدخل معها وحاجه تخض الحقيقة

بيخافو من الحسد والربط ومش عارف ايه

مين قال لك بتاجي علي بيت جوزها

انت بقالك كام سنه مشفتش بلدكم يامسك

امال فين ال دي جي؟ والنوادي؟ والفرق الموسيقيه؟

ياراجل بقيت حفلات زي بتوع السيما

وانا مش ضد الفرح لكن الفرح المهذب

المتواضع المراعي لحدود الله الذي ليس به ختلاط

وكشف عورات وال ما يشتري يتفرج

وكانه اوكازيبون للبنات والشباب معا

انا لسه مبقاليش سنتين

بس عارف اللي بيحصل ولسه ما زال

ومفيش دي جي ولا يحزنون

اخرهم يعشو المعزيم المغرب ولا العصر

وكل واحد يشوف طريقة

فين فين لما واحد بيعمل فرح

وللاسف كل اللي حضرتهم بيبقو حاجه تقرف

من المشروبات والمخدرات ولا كانك في غرزة

يا حامل المسك نحن لسنا ضد الفرح
هناك فرح يكون بسيط ومعقول جدا
والعريس وعروسته فى قمة الانبساط والراحه
وهناك فرح مبالغ فيه ورغم ذلك العروسين واللى حواليهم مش مرتاحين
المهم هو الفرحة القلبيه
اللى بعدها ما يقولوش ياه دا احنا صرفنا كذا وكذا
او لا قدر الله يحدث عدم اتفاق بينهم بعد كل هذه الهيصه

» معا من أجل المنارة
» فضل المنارة
» الى كل محبى المنارة
» المنارة سوق كبير
» طابع المنارة