مسابقة أجمل نكتة ((نكتة واحدة فقط))

السادة زملائي أعضاء منارة دشنا
مسابقتنا اليوم هي أجمل نكتة
المطلوب من كل عضو أن يقول لنا نكتة مضحكة جداً
شروط المسابقة أن لا تزيد النكت عن واحدة فقط لكل عضو
لجنة التحكيم ستكون من الأستاذ علي عبدالله والأستاذ محمد جلال
تنتهي المسابقة يوم الخميس القادم بإذن الله
ياله عايزين ننبسط

سلاام عليكم

صباح الفل يا استاذ احمد

يعني مفيش غير نكته واحدة بس

طيب هنحتاج وقت علشان نحسن الاختيار

يا حامل المسك صباح النور
انا قاصد اعمل كده علشان الواحد يعصر مخه مش يقول نكتة بايخة تضايقني وتضايقك
عايزين ننبسط يا باشا

متآسف استاذ / احمد
هذه النكة التى اشارك بها من الواقع
من 8 سنين تم تعيينى مدرسا للحاسب الآلى بدشنا الثانوية
فرحت جدا ذهبت كى استاجر شقة فأخذت معى اصدقائى
وتحدثنا مع صاحب العمارة وكان مرتبى 265 جنيه قال لنا صاحب العمارة انا مشغول ( كان وقت الصباح ) نتقابل بعد المغرب فقلت له ما اجر الشقة فقال ب250 جنيه بس فى الشهر فضحكت وقلت له معذرة لن ترانى بعد المغرب أو حتى بعد 10 سنوات .
دمتم بالخير

بيقولك الحاكم كان طالع يصطاد طبعا كان معاه الشلة بتاعته المهم جلالته نشن على اول حمامة شافها فوق شجرة(حظها كده) الطلقة صابت ووقعتها كان ساعتها جنبه سيادة النائب وطبعا ما صدق يا سلام ... الله اكبر بالصلاه على النبى ايه العظمة دى يا فندم ايه الحلاوة دى ...وسعادته بص له وابتسم ونشن على الثانية ووقعها برضه كبير الوزراء كان حاضر .... يا عينى يا ريس والله دى عين صقر ربنا يخليك لينا وللبلد يا فندم وعندما سدد الحاكم واطلق على الحمامة الثالثة هيفت والحمامة وطارت بعيد كان بجوار الحاكم هذه المرة شيخ المشايخ الكبير فنظر متأملا الى الحمامة وهى تطير بعيدا وقال بخشوع عميق الله اكبر وتهدج صوته من فرط الايمان واردف سبحان الله ... طايرة وهى ميتة

صرصار بيجري ورا عربية المجاري
سألوه ليه
قال
ابن الكلب شفط المدام

اسد قالولو حنسفرك السعودية .. الاسد فرح جدا وقالك بقى دى بلد اللحمة والفتة وحنعيش
الاسد وصل السعودية وفى اول يوم مستنى الغدا الحارس رمالوا موزة .. الاسد استغرب قوى وسكت.
تانى يوم فى الغدا الحارس برضو قطعلوا موزة ورمهالوا .. الاسد قال ايه العبط ده .. وراح ماسك الحارس وقاله انا ايه؟ قاله اسد .. والاسد بياكل ايه؟ قاله لحمة .. قاله طب ايه الموز ده .. الحارس قاله: 'ماهو انت داخل السعودية بتاشيرة قرد'

واحد واخد صاحبه معاه بيفرجه على شقته وبيقوله : دا بقا الصالون ودا الانتريه ودا الحمام .. ودخل اوضه النوم شاف مراته مع واحد غريب ام خارج بسرعه وقفل الباب وراه وقال لصاحبه أأ..أ أ..أعملك شاى ؟؟؟ فصاحبه قاله: شاى ايه ياعم واللى مع مراتك جوا دا ؟؟؟ قاله: لا دا يبقى يعمل لنفسه بــروح أمــه

استاذ بيعلم التلامذه الطرح فبيقول لتلميذ افرض
ان معايا فى جيبى 5 جنيه وقع منهم 2 جنيه يبقى فى جيبى ايه
التلميذ : يبقى جيبك فيه خرم

زوج حب يغازل زوجته قال لها : لو أنتي بالهند كانوا عبدوكي
قالت له : يعني أنا ملاك..؟؟
قال : لا ، بقرة

مرة واحد صعيدي لقي علبة لبن مكتوب عليها خالي من الدسم
راح جنب الكلمه وكتب وانا خالي من سوهاج

راقصة بتسأل شيخ: هو أنا ممكن أبوسك؟ رد عليها وقال: هو فعل الخير يحتاج مشورة .

[ندعوك للتسجيل في المنتدى أو التعريف بنفسك لمعاينة هذه الصورة]

السادة الأعضاء
غداً انتهاء المسابقة
شدوا حيلكم

الحق نفسى واشترك معاكم مسابقه خفيفه الظل ومرحه جدا

اضحك الله سنك يااستاذ/ احمد ياسنبسى

غضب الصعايدة من النكت التي تقال عليهم و لإثبات مدى ذكائهم تقرر عمل اختبار ذكاء لهم فتم اختيار 3 منهم و كانوا من أذكيائهم
وكان السؤال الأول هو : ما هو الشئ الذى نلبسه في القدم و لونه أسود
فأجاب الأول الجذمة
السؤال الثانى ما هو الشئ الذى نلبسه في القدم و لونه بني
فأجاب الثاني الجذمة
السؤال الثالث ماهو الشئ الأبيض المستدير الذي نأخذه من الدجاج
فأجاب الثالث هل هو برباط
فقيل لا
فقال إذا هي الشبشب

صرصار في العنايه المركزه بيسال صرصار جمبه بيقولو بيرسول ........؟ قالو لا فردة شبشب

مرة واحد ضحك علي جماعة صعايدة وقالهم عايزين نعمل رحلة للمريخ
وكان رسم الاشتراك 1000 جنيه المهم وافقوا جماعة من الصعايدة وخد منهم الفلوس وجابلهم عربية وركبهم كلهم ووداهم في الصحراء عند الاهرام في الجيزة وقالهم وصلنا المريخ
واتفضلوا اتفسحوا

فهريدي قابل واحد بيقول أنا مصدع من الشمس قام قله وانا هريدي من الارض

النتيجة النهائية
فوز الأستاذ حمادة شحات
والوصيف المهندس عمرو علي
وأنقل اليكما تحيات الأستاذ علي عبدالله
ومبروك وبصراحة نكتة حمادة شحات جامدة آخر حاجة

مبروك للاستاذ حماده المركز الاول
يكون ساب الزمالك علشان كده اتفك نحسه
عموما هى فعلا نكتته جديده وجميله

هو زملكاوي
ده انا نسيت
هم مش الزمالكاوية بيحبوا المركز التاني بس مش مهم
المسابقة الجاية عارف مركزك طبعاً يا غالي
عارف لو عملت ايه
حنخليك التاني
بالحكام
و مبروك

مبروك ياعم حماده وتستاهلها عن جداره يا عبقرينو

وياكل الاهلاويه الزمالك قد يمرض ولاكن لا يموت

وان لم اكن زملكاويا لوددت ان اكون زملكاويا

ومتخافش ياحماده بيه انت مش لوحدك انت فى بلد السبعين مليون زملكاوى

والزمالك هيرجع مدرسه الفن والهندسه وبكره الايام تثبت لكم

سنو سكاكينكم يا اهلاويه احنا جاهزين

صعيدي ركب طيارة مع اتنين مصراوية وجات المضيفة تسالهم يشربوا اية واحد قال شوب مانجة يا مانجة والتاني قال شوب فراولة يا فراوله والصعيدي قال دردل لبن يا جاموسة

حلوة يا اروى
بس المسابقة خلصت
الا لو كنتي أهلاوية
ممكن ندخلك المسابقة
حد عنده اعتراض

سواق قتل 60 واحد في حادثة.... لما سأله الظابط ليه قتلتهم؟ قال له كنت
ماشي وبعدين فجاة العجلة ضربة ..ولقيت على يميني فرح وعلى شمالي راجلين
... ادخل في مين ؟ قاله الظابط ادخل في الراجلين.. قاله م انا دخلت في
واحد والتاني دخل الفرح اسيبه يعني ؟؟ روحت دخلت وراه

الف الف مبروك للاستاذ حماده

واتمني نشوفه معانا زي الاول

صعيدي حب يزور ال10 دولار جاب 100 دولار وشال الصفر

» كل هذا الخير فى دقيقة واحدة
» لجعلتها سجدة واحدة
» ابحث عن اي فتوى بضغطة واحدة
» 300 وجه في لوحة واحدة لفنان يمني
» الجيش والشعب والشرطة ايد واحدة