اين المصريين؟؟ حتي الطعميه من الصين؟؟

ربنا يتولانا برحمته

..................

اخر زمن اصبحنا نستورد الطعميه

وإلى معركة أخرى خاضها يوم الجمعة زميلنا بجريدة 'الأخبار' عاطف النمر خاصة بالمأكولات، وحق الملكية الفكرية، قال 'تملكتنا الدهشة عندما فوجئنا بعجينة الطعمية المستوردة من الصين في المجمعات والسوبر ماركت، فيا للخيبة الثقيلة عندما تبيع لنا الصين عجينة الطعمية التي هي في الأساس ابتكار مصري له تاريخ طويل. لقد أكد د.هاني بركات على أن تسجيل المأكولات الشعبية المصرية سوف يبدأ بالعسل الأسود، والحلاوة الطحينية، والمش الصعيدي، والكشري والجبن القريش، والطعمية المصنوعة من الفول، والفطير المشلتت، لأن هذه الأطعمة لها مريدوها وعشاقها في الدول العربية والأوروبية ويمكن بسهولة تسويقها رسميا طالما تم تصنيعها وفقا لمواصفات قياسية مصرية معترف بها عالميا، وأضيف للقائمة التي ذكرها د.هاني الابتكار المصري التاريخي للأكلات المتنوعة والمتعددة التي صنعها المصري الشعبي عن طريق شركة أجنبية والجميع يعلم أن الفول صناعة مصرية متعددة الأشكال'.

كل حاجه بقيت صينى يا استاذ عبد الفتاح
من كام يوم قلت اشترى ياميش رمضان
لقيت فيه حاجه كده حجمها صغير
ايه ده يا عم قالولى دى مقرمشات صينيه
ماشى يعنى بكام الكيلو قالولى بستين جنيه
خدت بعضى ومشيت
وكل سنه واتنو طيبين

الله يعينك يا استاذ /محمد صافي

وشكرا لك علي هذه الاضافه

انا كنت عار ان في فول صيني لكن عجينة طعمية صيني لا دي فعلا جديدة
ده احنا اللي اخترعنا الطعمية من مئات السنين

عموما احب اطمن الاستاز عبد الفتاح والاستاز محمد صافي
ان الدولة صاحية موش بتلعب
كله الا الفول والكشري والطعمية
واليكم الخبر التالي

[ندعوك للتسجيل في المنتدى أو التعريف بنفسك لمعاينة هذه الصورة]

القاهرة - في سابقة هي الأولى من نوعها أعلن الدكتور هاني
بركات رئيس هيئة التوحيد القياسي انه تم الاتفاق بين الهيئة ومنظمة الايزو
علي أن تأخذ مصر مبادرة لوضع مواصفات قياسية دولية للأغذية الشعبية
التقليدية المصرية وتسجيلها عالميا حتي يمكن تصدير هذه الأغذية إلي الأسواق
الدولية بمواصفات معتمدة.
وقال بركات إن هذه الخطوة تأخرت كثيرا لدرجة ان بعض الدول
قامت بإنتاج مأكولات مصرية دون الرجوع إلينا وقامت بتسويقها عالميا رغم ان
حقوق الملكية الفكرية لها تعود إلينا مثل الجبنة الدمياطي التي تصدرها
الدانمارك لكثير من دول العالم.
وأوضح ان تسجيل هذه المأكولات عالميا سيمنع أي دولة من أن تنسبها لنفسها.
وأشار رئيس هيئة التوحيد القياسي إلى أن برنامج التسجيل
سيبدأ بالعسل الأسود وهو غذاء مصري خالص، وكذلك الحلاوة الطحينية والمش
الصعيدي والكشري والجبن القريش والطعمية المصنوعة من الفول والفطير المشلتت وغيرها.
وأكد بركات ان هذه الأطعمة لها محبون ومريدون في الدول
العربية وحتي في الدول الأوروبية ويمكن بسهولة تسويقها رسميا طالما تم
تصنيعها وفقا لمواصفات قياسية مصرية معترف بها عالميا.
[ندعوك للتسجيل في المنتدى أو التعريف بنفسك لمعاينة هذه الصورة]

اليكم الخبر التالي
بينما كنت اشتري جبنة من البقال سألته عن الطعمية الصيني قالي مفيش بس عنده مش صيني اي والله مش صيني
وعلي ذكر الصين
من كام يوم كنت في طريقي للبيت بعد انتهاء عملي
وجد شاب صيني يحمل شنطة كبيرة بها كل ما لز وطاب
وكان الوقت متاخر بالليل
الصينيين وصلو دشنا
بعد ان غزو قنا والمعرض الصيني معروف في قنا وفيه ناس صينيين حقيقين

شكرا اشرف باشا علي المداخله

وكل سنه وانت طيب

وصلوا دشنا فعلا؟؟؟؟؟؟؟

والله كارثه

وعاملين ايه في رمضان؟؟؟

بياكلوا في الشوارع

ولا محترمين نفسهم والشهر الكريم؟؟؟

عموما ربنا يستر

في الزمن ده مش مهم البضاعة تكون صيني طالما ارخص
علشان الحكومة ترتاح
كيلو الطماطم في نجع حمادي ب 5 جنيه
والخيار ب 4
لو طماطم صيني ب 1جنيه وخيار بنصف حاشتريهم
وبعد كده ايه اللي سيادتكم بتقولوه
حاجة غريبة
صينيين في دشنا
طيب وحيدوا مين في الانتخابات
ممكن قبل شهر 11 يبقوا كتلة ويرشحوا واحد
ويبقى النائب بتاعنا اسمه لي سونج يونج
ويجيب تأشيرات صيني مضروبة
او تأشيرة تقعد معاك شهرين وبعد كده تنتهي
دمتم بخير وكل عام وحضراتكم بخير

امبارح شوفت جزء من مسلسل كوميدى
بيتريقوا فيه على الغزو الصينى

كان عايز شنطة رمضان بأقل الأسعار
ولم يجد ملجأ سوى المنتجات الصينية

وهو قاعد مع العميل قال له عايز بلح الواحات ولا بلح ردىء

قال له ايه ده انتو احتليتوا الواحات
قال له لأ احنا عملنا مدينه عندنا فى الصين زى الواحات بالظبط

وزرعناها نخل زى الواحات

الصين عرفت خلاص طباع المصريين ويحبوا ايه وبيكرهوا ايه
دى دراسات شامله مش لعب

تبقي كملت........يا سنبسي

طيب وماله

نائب صيني اكيد هيشوف شغله كويس جدا

علي الاقل مش هينام تحت قبة البرلمان زي النواب

اللي بنشوفهم في التليفزيون

وياريت نحصل ربع الصين

...............

الاخت زهره

زي ما قلتي بالظبط

دي دراسات مش لعب

انا خايف ياجي يوم

ويصبح فيه عدد الصينيين في مصر

اكتر من عدد المصريين

ونصبح غرباء في اوطاننا

موضوع: اين المصريين ؟؟ 13/8/2010, 12:07 pm

بسم الله الرحمن الرحيم

اخى الحبيب الغالى

الاستاذ : عبد الفتاح عبد الشافى

كل سنة وانت طيب

ورمضان مبارك وشهر كرم وكريم

على فكرة انا شايف ان الصين دول احسن ناس فى الدنيا كلها

ناس درست المجتمع العالمى كلة وعرفت احتياجات كل الشعوب

ووظفت طاقة الشباب عندهم لارضاء كل العالم

غزت امريكا والدول الاوربية وقدمت منتج عالى الجودة والامكانيات للسوق الغربية جعلوه يدخل كل البيوت

تقدم للعالم الغربى والاوربى منتجات تفوق وصفهم وبجودة تفوق منتجاتهم

ولك ان تعلم بأن مايقدم للشرق الاوسط والادنى غير ما يقدم للعالم الغربى والامريكى

هم يعرفون المستوى المعيشى عندنا ويقدموا المنتج حسب الحالة الاجتماعية

بالله عليكم

كنا احنا رحنا فين من ارتفاع الاسعار والمنتجات

بقى عندنا تليفزيون وفيديو وتليفون محمول به كل المواصفات والامكانيات بسعر زهيد ونفس المواصفات

بمنتج اخر باآلاف الجنيهات

بارك الله فى الصين ويارب اجعلهم خدامين للغلابه

يعنى مش كل بيت فيه منتج صينى

المكواة..السكين والمعلقة والشوكة.حتى المغرفة الخشب بقت صينى

والحلة والكوب والاطباق والصوانى

حتى عود الكبريت

العاب الاطفال

كل التسالى

الخضار والفواكه

التوم والبصل الصينى

كل ادوات المطبخ بقت صينى

والله بارك الله فى الصين

ولعن الله امريكا واسرائيل وكل اوربا

مال الصين

زى الفل

فى الذمة مين احسن

امريكا واسرائيل ودول اوربا

اللى كل يوم غزو وحروب وقتل وهتك عرض وتهجير وهدم بيوت وطرد الاهل من كل فلسطين

قنابل اليهود وامريكا واوربا تهدم القيم والبشر والضرع والزرع والشجر والبشر

غزو الصين تقديم خدمة وسلعة قليلة التكاليف

يشتريها كل من هو دون خط الفقر

عاشت الصين

والموت لامريكا واسرائيل وكل اوربا

الصين بلد زاده العطاء والعمل وقدسية العمل واهميته

شغلوا الدنيا

وباتت امريكا تخاف منهم ومن ارتفاع ميزان التقدم عندهم

اقتصاد الصين اعلى من اقتصاد القتلة الامريكان

انا مع الصين

ومع منتجات الصين

بس ياريت نغير منهم ونعمل ربعهم

لعنه الله على امريكا واسرائيل وكل اوربا

هم الذين يرغبون فى تدمير العربى المسلم ونهب خيراته وسلب ارضه وعرضه ووطنه

من الاحسن والافضل لنا

الصين

طبعا

تحيا الصين

ليس لهم اطماع فينا

ابو رؤي

القيت علي الموضوع تالقا ونورا

واذدان بكلماتكم المفيده والمعبره

اؤيدك في كل ما ذهبت اليه

وابصم لك بالعشره

ولكني حزين لحالنا

هذا ما قصدته

ابسط ....ابسط.....الاشياء

تصنعها لنا الصين ونحن في غفله

انا لا الوم الصين

ولست غاضبا منها

ويعطيها مليون عافيه

وكما قلت ليتنا نصل الي ربع الصين

ولكن حزين علي غفلتنا نحن اهل مصر

ومسؤلين اهل مصر

وشعب اهل مصر

طعام الغلابه

المساكين ...من هم تحت خط الفقر

تصنعه الصين وتصدره الينا بالدولار

الذي نحن احوج مانكون اليه لشراء ماهو اهم

لنهضة البلد وعصرنتها

هذا ما يؤلم ويحزن

لك كل موده

ودامت صحبتكم

» أطلب العلم ولو في الصين
» طبيعة الصين
» اخر اختراع فى الصين
» الصين تحاول اغراق مصر بجنيه معدنى مزيف
» خبر عاجل من الصين......