صور كروية دشناوية شديدة

[ندعوك للتسجيل في المنتدى أو التعريف بنفسك لمعاينة هذه الصورة]

منقووووووووووووووول ومصطفي عارف

السلام عليكم ورحمته وبركاته مبروك قسم الرياضه وعجبتنى الصوره الموضوعه بالمنتدى واستاذن الاستاذ عبد الباسط فى التعليق على الصور
وابدا بالصوره الاخيره لانها ذكرتنى بالعصر الذهبى لجيل لو توفرت له الامكانيات لكان له شان اخر
هذه الصوره لفريق مركز شباب العزازيه ويرجع عهد الصوره لعام 81/82واذكر الفريق و شرفت بالعب معهم ولكن اصبت فى فتره ولم اكمل معهم وهذا الفريق ترقى فى دورات كرويه فى هذه الفتره تحت قياد الكابتن الرائع انس فتوح وكان يتكون من كمال عطيه فى حراسه المرمى وعرفه ومحمد على ابو السبال وحمدى يونس ومصطف كامل قاعود وسيد ضاحى وسيد سعيد والخلوق والنجم الرائع الذى تستمتع وانت تشاهده الكابتن حمدون والرائع توام روحى فى الملاعب محمد عبد العزيز نجم وسط الملعب بفريق نجع الخولى فى عصره الذهبى وانضم للفريق فتره ايمن رافت وهناك بعض الاسماء التى لا اتذكرها واخر دوره فاز بها الفريق دوره مجمعه فى اسوان وكانت دوره ترقى للعب فى الدرجه الثالثه ولكن لظروف المذاكره وكنا داخلين على امتحانات الثانويه العامه انفرط عقد الفريق واتذكر اخر مباره لعبت فيها امام استاد قنا واصبت فى نهايه الشوط الثانى بكسر فى صابع القدم ولمن لايتذكر نجوم العصر الذهبى لدشنا فى كره القدم اذكر على السبيل المثال لا الحصر
نجوم الصعايده مشهور ابو الفحار ومحمد عمر وعبد المنعم الحر وعبد الرحيم السنجق وعبد الله السنجق المشهور بالجارم للتشابه فى الملامح واللعب وسيد انور وحارس المرمى العملاق عبد الباسط ابو حامد والمرحوم صبرى الباغه ومحمود ابو شورى ومندور الحر وكثيرين ونجع الخولى كان يضم نجوم لهم باع كبير امثال الكابتن محمد حسانين وكان يلقب بفاروق جعفر وحارس مرمى رائع اسمه عبد العزيز وكان يلقب الهضوبى والمهندس يحيا والعزازيه ايام فريق السكه الحديد واتذكر لاعب من فريق المراشده لاعب مهارى لايقل عن محمود الخطيب ايام عصره الذهبى ولاانسى اشهر حكام كره القدم فى دشنا المرحوم محمد حسانى والمرحوم رافت فوزى والرائع عبد الصمد سامى ....
وفى النهايه ارجو الا اكون قد اطلت واسهبت ولكن عذرى انى تذكرت ايام جميله لاتنسى ابدا

سعد عبدالعزيز

حلوه الذكريات الجميله دي

يا اشرف

والاحتفاظ بها اجمل واجمل

بس ياريت تحت كل صوره تحط السنه التي التقطت فيها الصوره

واسماء بعض اللاعبين او كلهم ان امكن

حتي لو هتستعين بشخص اخر في التعرف علي الصور

بس بجد موضوع رائع

الاستاذ/اشرف والاستاذ مصطفى /الحاج اسامه

ياريت ياحاج اسامه تقعد مع الحاج عبد الباسط وتستدرجه فى لحظه صفاء عن ذكريات زمان
وعموما ساحكى لك قصه جميله عن فريق السباعات بقياده الاستاذ صلاح السبيعى والمهندس صلاح يوسف والرائع وخفيف الدم الاستاذ مجدى ابو عزت وانت عارف انا اقصد ايه بخفه الدم
عموما كان فيه دوره منظمه تحت رعايه نادى دشنا الرياضى بنجع الخولى وكان على مااتذكر تضم الصعايده بفريقين والمسيحين ونجع الخولى بفريقين وصفاره والعزازيه وفريق السباعات الثامن
اهم ما فى الموضوع كان فريق نجع الخولى اصغر الفرق فى السن وكان يضم مجموعه رائعه من اللاعبين
ومن المواقف المضحكه التى لا تنسى ان اى ماتش لفريق السباعات مع اى فريق اخر كان يحدث فيه مفارقات كومديه لا تنسى ومن المواقف اذا فاز فريق السباعات الماتش ينتهى بدون اى مشاكل (الجزائر) اما اذا كانوا مهزومين فالنار تشتعل والضرب وفى الاخر واحد يشوت الكوره خارج السور وياخدوا الكوره ونفضل نتفاوض على الكوره تيجى ازاى وطبعا بشروطهم ونعيد الماتش ويفوز فريق السباعات وفى النهائى كان طبعا بين فريق السباعات وفريقنا وفضلنا نلعب نجيب جون والحكم يلغيه وهكذا لحين مااحرز السباعات هدف بعداذان المغرب والمفاجاه مين احرز الهدف .......الحكم لانه ذهق وصعبنا عليه من الضرب تخيل واحد عنده 15 سنه بيلعب ضد واحد عنده 25/ 28 سنه وفارق الطول يبلغ الضعف وشوف ياحاج اسامه لما يدخل عليك صلاح ابو يوسف

تحياتى لك وللحاج عبد الباسط وكل عام وانتم بخير

الله يفرحك ياحاج سعد كان زمن جميل والقصه ديه كانت فى السوق عشان انت عارف انه لايوجد ملعب فبعد مينتهي السوق يتحول ملعب المهم ياحاج سعد الكوره كانت زمان متعوب عليها فكانت زي من عارف من نفاخه ( بلونه) للمعرفينش كلمة نفاخه ونجيب شرطان قديمه من القماش ولف يمعلم ونروح عند الخواجه نجيب لفتين خيط عشان نغطي القماش وتصبح محبوكه وتقيله وبعدين نجيب شراب او قطعة قماش ونخيطها من بره وتصبح كوره على كيفك وفى النهايه زي متفضلت عندما يلعب فريق السبعات ويكون مغلوب يكون فيه واحد معروف انه سريع زي مصطفي عبده كده منتظر بجوار السكه وتتشاط الكوره له ويجري عارف ليه عشان يتعاد المتشط يابطل.
ياحج سعد ان نسيت ناس كتير كانت لعيبه مثل محمد ابوكحل وعاشور فاوي ومحمد عبدالمتجلي حسانين وخالد الوجيه وابو عسل وفتحي عبدالرازق وابو العجور
كان زمن جميل وفيه كوره اجمل والناس ديه ياحج سعد لو فى هذا الزمن كانت احترفتوشرفت الكورة المصرية بجد والحين نسمع ملايين ندفع من غير حلاوه ولا اداء زي شيكابالا وحياتك ياخى سعد شيكابالا ياجي حاجه فى الكابتن عادل زعزوع زمان او سراج الفحار او محمد عبدالعزيز او ابو الحصين ولو فتحنا مش هنخلص
شكرا لك ياحاج سعد وسلام خاص من حبيبك الحاج عبدالباسط
وكل عام وانت والاسرة بالف خير

أنا عايز أعرف فين صورة الأستاذ مصطفى كامل قاعود ؟
وعلى فكرة مدير الشباب والرياضة في الوقت ده كان الوالد
أي خدمة

استاذ اسامه

انا عرفت مين الكان بيجرى وياخد الكوره من على السكه الحديد ...اكيد انت عرفت...

ياعم سعد كل سنة وانت طيب ورمضان كريم

الحبيب الغالى الاخ سعد عبدالعزيز خالص تحيات حبيبك العزيزالحاج عبدالباسط حامد ونعرفك ياباشا اليوم عملت بنصيحتك وكنت على الافطار معاه ووصلت سلامك ليه وانت عزيز على قلبه جدا جدا
وذكرلى بعض المقططفات ايام زمان وذكر بعد الاسماء الكبيره فى كرة القدم امثال المهندس جمال فرج الله وكان اسرع واحد فى دشنا والكابتن الكبير منصور الجزارواللواء عبدالرحيم والمهندس جاب الله ابو العض و سيد عكاشه والغزالى وحمدي صادق
وكان الملعب امام المحطة خلف المركز الحالي
وللحديث بقيه ........

تسلم ياعم الشباب والرياضه
بس يبقي اجمل لو فيه قائمة بالاسماء
علشان نعرف لعيبة الصعيد الجمال
عارفك سداد وهتجيبهم

اهلا بيك يا استاذ حسينى