سامحينا يا غزة

قولو يالى سيمتونى بااسم عربى

قول ياجدى ايه نهايه كل ظالم كل طاغى بارضى حالم

كل طامع فى نبض قلبى

قولها تانى قول ياجدى

انتو علمتونا نكدب من زمان

شاب شباب العمر من قبل الاوان

نحلم بقصر على نسكن فى وهم عالى

والحقيقه اننا وسط الحطام

الحقيقه غايبه عنا

الحقيقه هى انا

كل مانقول انتفاضه كل مانقول السياده

نرجع من تانى للظلام

كل عربى فينا الله لسه خايف

لسه شايف

اننا سلعه رخيصه لليهود

اشتروها بالدراهم الدولار

دم اطفالك ياغزه بكام دولار

صوت صراخ بغداد بينده حد سامع

كل مدنه فى كل جامع

صوت بلال طافح مرار

سامعك ياقدس بتصرخى

بغداد خنقها العم سام

ومهما يا امى هتندهى

ماانا زيهم برضه جبان

بص تانى

دوق معايا ياكل عربى قولى ايه طعم الاهانه

اطفال بتنهش لحمها غربان جعان

صوت الجوامع قال حرام

جرس الكنيسه قال خيانه

وخيول بلادنا متكتفه بغصن الزتون

طابت عناقيد العنب

فوق الشجر

حلم البنات الى انتحر جوه العيون

ايه ياعرب

صعبه عليكو المسئله

قمم السلام عنديكو حسبه معضله

والطاغى فاتح جو جسمى زوايا المنقله

والطفل كاتب بدمه فوق المريله

تهون حياتى ياقدس وحياتك لاتهون

مصطفى عدلى




عزرا ياقدس فلا املك بجعبتى قوس ورمح

فقد علمونا ان نخرس حناجرنا حتى لا يطولنا الحراس

فاتجهنا الى الورقه والكراس

وفى الخفاء نكتب لنا

نبكى لنا وان حاولنا ان نعلن عن حق ضائع او مغتصب

كرباج بيضرب فى السطور

تسقط الكلمه شهيده

مشنقه على كل سور

للى ناوى يقيم صلاه



شكرا لصاحب الموضوع وكل من شارك ويشارك معنا

وتقبلو مرورى المتواضع