قصيدة اللحمة

موضوع: *قصيدة اللحمة* 4/10/2010, 7:22 am

قصيدة اللحمة
****
أشعار الدكتور صبرى إسماعيل
*****
اللحمة يومى يصيبها جِنان==مِدخّلة الناس فى مورستان
ماهو السبب لبص البُعدا======معذّبين صنف الإنسان
*****
متعلّقة وبتغيظ فينا===========اللحمة عند أفندينا
كفاية تِبقى الفرجة بلاش=======عليها جوّة الفاترينة
****
نجيب مِنين حق اللحمة====فى عِيشة مزنوقة ورِِخمة
ماباقى غير نُصرخ ونقول======العدل ياخلق الرحمة
*****
طيورنا ماتت م الأحزان====حتى السمك صابه الهزيان
من غير سبب هجّ حمامنا======بخوفه مِن دبح اللبان
*****
أمّا العليقة صابها غرور====تمنها يفضح فى المستور
يربّى ليه عم مخيمر!=======وليه يقرّب م المحظور؟
*****
ياجزّارين حِنّوا علينا========أنا ومجاهد مع مينا
ياإمّا هارفع إيدى لفوق=====واهجّ واطلع على سينا
*****
ويكرمك ياللى اِسمك فول====هنهتفوا بإسمك ونقول
تِعيش يامالى بطون الناس===ويسقط العجل المسطول
ويسقط العجل المسطول

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: *قصيدة اللحمة* 4/10/2010, 1:17 pm

[ندعوك للتسجيل في المنتدى أو التعريف بنفسك لمعاينة هذه الصورة]

معلش ما لقيت رد ع الموضوع غير ده

موضوع: رد: *قصيدة اللحمة* 4/10/2010, 1:25 pm

ولا يهمك يا استاذنا

حانعمل ايه

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: *قصيدة اللحمة* 4/10/2010, 2:13 pm

زمان كنت بأقول لو القضيايا العربية دى أتحلت .التلفزيون والجرايد هيتكلموا فى ايه دلوقتى بدل القضية فيه مليون واللى ليه نفس يتكلم .ومش هيحتار قدامه مليون أختيار .يشوف اى موضوع من المليون ويتكلم فيه بس ياريت يلاقى حد يسمعه.فاصل ونواصل.

موضوع: رد: *قصيدة اللحمة* 4/10/2010, 7:22 pm

اخص عليكي يالحمه تعملي كدا في الناس ؟
مالوا الفول مش احسن من العجل المسطول
ههههههههههههههههههههههههههه
موضوع جميل شكرا ام شروق

موضوع: رد: *قصيدة اللحمة* 5/10/2010, 5:53 am

اسكتوا خالص ما تجيبوش سيرة الفول

أحسن يغلوه تيقى مصيبه وانتوا السبب فيها

*قصيدة اللحمة*

قصيدة اللحمة