نفحــــــات النـــور { حصرى }

يا مكة قومى البسى النور وارمى
تواب الضلالة
أمن الليالى اللى حرمتيه جاك فى
صبح الرسالة
اعطاك نفحة من الروح علوية
حلت سماك
الفيل جاى للخراب وبسره
ربى حماك
قومى اسمعى للآذان ما فيش غير
رب واحد
مش حانلقى عندك طواغيت حانلقى
راكع وساجد
مش حاتسمعى عن هبل ولا تسمعى
عن مناه
حكاوى كانت هبل وشرع
بارد كرهناه
فيه مجتمع قبل أحمد فى الكون
سادت عبيده
العبد راكب ويحدى وجارر
الناقه سيده
ابن الوليد مين يحاسبه ومين
يقرا فى كتابه
بلال الأسود يحاسبه ويسأله
عن مكاسبه
الله يا بن العواتك يا ازهر يا
عالى الجبين
يا صبح كل الليالى يا ربيع
كل السنين
والله يا بن العواتك ما حد
فسر كتابك
ولا عرف مين تكون ولا
قرب من جنابك
ولا سرا مسراك ولا
عرج معراجك

شوفوا الحضاره الحديثه وتاريخها
ايه فى العبيد
ما فيش حساب للامومة ولا
حساب للوليد
وكل اسود خدوه عجنوه فى
طين المدينة
يخدم ويشقى حياته ويشوف
صنوف العذاب
وان جسمه كل وتعب يرموه
عشا للكلاب
شوف المكمل قال ايه لشاب
صمم يجاهد
عرف ان والديه حيين ارجع
ففيهم فجاهد
فى الف عام ما اكتمل واكتر
قانون الرومان
حكيم يعارض حكيم فى زياده
أو نقصان
وفى أقل من ربع قرن يكمل
عظيم البيان
مش فكر مكدود وتايه
لكنه القرآن
من الحروف للمعانى منها
لبحر الشهود
ثم استقم وكما أمرت
بآى هود

زهرة

شوفوا الحضاره الحديثه وتاريخها
ايه فى العبيد
ما فيش حساب للامومة ولا
حساب للوليد

جزاك الله خير ام شروق

علي هذا التجلي والروحانيات

طلعي طلعي لسه بدري

ولسه ياما نشوف

استقم كما امرت من الايات التي قال عنها الرسول

صلي الله عليه وسلم( شيبتني هود)

ثم استقم وكما أمرت
بآى هود
...............

دائماً تتحفينا بأعمالك الشيقه
علي رأي الاستاذ عبدالفتاح
طلعي طلعي لسه بدري قوي
فين الكنوز اللي مستخبيه
انتي والاستاذ علي عبدالله
عندكم كنوز ومخبينها ومدكنيين من ورانا
احسنتي والله يا ام شروق روعه الروعه

أبو جمال

هى القصيده كانت طويله قوى
وأبياتها مش منظمه ...إختزلتها فى دول أيام ما كنت داخله المسابقة

على عجالة من أمرى وثبتت على كده

شاكرة لك تشجيعك الدائم
ربنا ما يحرمنى منك

عبقرينووو
مدكنه إيه بس دا انا غلباااانه

شاكرة لك يا ابو حسام

قومى اسمعى للآذان ما فيش غير
رب واحد
مش حانلقى عندك طواغيت حانلقى
راكع وساجد

شكرا ام شروق على هذه الكلمات الجميلة
فوالله لم تخلق مكة الأ للركوع والسجود
لذا أختارها المعبود لتكون أرضا لبيته
هى أطهر بقاع الأرض بلا منازع
هى جنة الله فى أرضه .هى زمزم
هى البيت الحرام هى روضة من رياض
الجنة .هى مطلب كل مسلم ونور كل
قلب مظلم .رزقنا الله وأياكم والمسلمين
جميعا حج بيته الحرام والتمتع بالجمال
الحقيقى .شكرا أم شروق على الموضوع الرائع

يارب ربنا يستجيب لهذه الدعوات الحلوه يا سعيد

شاكرة لك

[ندعوك للتسجيل في المنتدى أو التعريف بنفسك لمعاينة هذه الصورة]

مكه وفيها جبال النور طلة على البيت المعمور
دخلنا باب السلامغمر قلوبنا السلام بعفو رب غفور

فوقنا حمام الحما عدد نجوم السما
طاير علينا يطوف الوف تتابع الوف
طاير يهني ضيوف بالعفو والمرحمه
واللي نظم سيره واحد ما فيش غيره
دعاني لبيته لحد باب بيته واما تجلى لي بالدمع ناجيته
[ندعوك للتسجيل في المنتدى أو التعريف بنفسك لمعاينة هذه الصورة]
جينا على روضه هلا من الجنة
فيها الاحبه تنول كل اللي تتمنى
فيها طرب وسرور وفيها نور على نور
وكاس محبه يدور واللي شرب غنى
وملائكة الرحمان كانت لنا ندمان
بالصفح والغفران جاية تبشرن
ا يا ريت حبايبنا ينولوا ما نلنا
يا رب توعدهم يا رب و اقبلنا
دعاني لبيته لحد باب بيته واما تجلى لي بالدمع ناجيته

منقووووووووول

يا ريت حبايبنا ينولوا ما نلنا
يا رب توعدهم يا رب و اقبلنا
أمين يارب .شكرا ابوجمال وفعلا أجمل وصف وما
وصفه الأشخص ذاق هذه الحلاوة وعاش فيها

ده كلام عمنا بيرم التونسي ياسعيد

وشدت به انشادا كوكب الشرق

....................