إيه رأيكم فى المصيبة دى

موضوع: إيه رأيكم فى المصيبة دى 2/11/2010, 10:51 am

دا نموزج لإمتحان مصحح

دققوا فيه

[ندعوك للتسجيل في المنتدى أو التعريف بنفسك لمعاينة هذه الصورة]
ده ذى ما انتم
شيفين
لو الصوره مش موضحه
ده الى مكتوب فى الدايره الحمره

يقول السؤال : هل يمكن للمكتبة ان تؤدي دورها دون فهرسه ؟ ولماذا ؟

جواب الطالب : لا لأنه لا يمكن الوصول للهدف دون زيدان

زيدان = لاعب فرنسا

والمصيبة ان الأستاذ كاتب له أحسنت

!!

م ن ق و ل

موضوع: رد: إيه رأيكم فى المصيبة دى 2/11/2010, 11:24 am

زهرة الجنوب كتب:: دا نموزج لإمتحان مصحح

دققوا فيه

[ندعوك للتسجيل في المنتدى أو التعريف بنفسك لمعاينة هذه الصورة]
ده ذى ما انتم
شيفين
لو الصوره مش موضحه
ده الى مكتوب فى الدايره الحمره

يقول السؤال : هل يمكن للمكتبة ان تؤدي دورها دون فهرسه ؟ ولماذا ؟

جواب الطالب : لا لأنه لا يمكن الوصول للهدف دون زيدان

زيدان = لاعب فرنسا

والمصيبة ان الأستاذ كاتب له أحسنت

!!

م ن ق و ل

اختى زهرة الجنوب بجد لا تعليق كلمه مصيبة لا تكفى

موضوع: رد: إيه رأيكم فى المصيبة دى 2/11/2010, 11:26 am

ولا مصيبة ولاحاجة يا أم شروق ماهو الولد
أجاب اجابة نموذجية ماهو زيدان فى الكورة
زى الفهرس فى المكتبة وهوضرب مثال من
المجال اللى بيفهم فيه ولا هو الطالب لازم
يُجيب من المقرر.ليه عوزين نحجر على الأبداع
الله يسهل لخلقه وبصراحة يستاهل كلمة أحسنت
وبعدين المشكلة مش فى الأجابة المشكلة فى السؤال
فين السؤال اصلا وهو الأختبار ده لسنةكام بالضبط ؟

موضوع: رد: إيه رأيكم فى المصيبة دى 2/11/2010, 12:15 pm

الأسئلة اصبحت كلها على هذه الشاكلة يا سعيد

حاجات ترفع الضغط

وجاوب وبعدين اعترض

واللى عاجبه

موضوع: رد: إيه رأيكم فى المصيبة دى 2/11/2010, 3:51 pm

ايه ياسعيد؟؟

انت ناسي ان زهره متخصصة في المكتبات والفهرسه؟؟

وبعدين معاك حق ابداع بجد والله

كان المفروض الاسئله تكون

عن الدوري الاوربي

واخر الكلبات واخبار الفنانين

والممثلين والمطربين

مثل تموره وعموره وعجرمونه....هذه هي الاشياء

التي يتقنها شبابنا هذه الايام....ولا يقع اللوم عليهم بالطبع

لكن الوم يقع علي.....اقول ايه بس حسبنا الله ونعم الوكيل

..................

موضوع: رد: إيه رأيكم فى المصيبة دى 2/11/2010, 4:27 pm

أستاذ ياسر قدرى
اشكرك على تفاعلك وربنا يصلح لنا أحوالنا

موضوع: رد: إيه رأيكم فى المصيبة دى 2/11/2010, 4:29 pm

أبو جمال
معاك حق هما المفروض برضه يختاروا نوع اسئلة تتماشى وروح الجيل الجديد

بس حلوه كلمة عجرمونه دى
اسكت ليقولوا علينا متخلفين

موضوع: رد: إيه رأيكم فى المصيبة دى 2/11/2010, 4:32 pm

انا كتبتها كده علشان تمشي مع الوزن

عموره وتموره

واذا كان ده تخلف

فانا اقر واعترف انني اول المتخلفين

هما لسه هيقولوا يازهره؟؟

قالوا من بدري دقه قديمه ومش متحضرين و....و...

شكرا لك
..........

موضوع: رد: إيه رأيكم فى المصيبة دى 2/11/2010, 5:01 pm

يقولوا اللى يقولوه يا ابو جمال

زى بعضه

احنا اساسا من العصر الحجرى

موضوع: رد: إيه رأيكم فى المصيبة دى 2/11/2010, 5:11 pm

يا أخواننا الموضوع ده من الممكن النظر اليه من أكثر من
أتجاه فردالطالب لا ينم عن غباء ولكنه رد فى منتهى الذكاء
وأنا مستغرب من هذا الرد فليس من المعقول ان يكون هذا
الرد لطالب فى الأبتدائية مثلا فهذا رد لطالب لم يعجبه السؤال
وهذا نوع من أنواع الأعتراض على السؤال ولكن أجمل مافى
الموضوع ان المدرس قال له أحسنت شكله هو كمان معترض
على السؤال أولم يقرأ الأجابة من الأصل وكله محصل بعضه

موضوع: رد: إيه رأيكم فى المصيبة دى 2/11/2010, 5:32 pm

هل يمكن للمكتبة ان تؤدي دورها دون فهرسه ؟ ولماذا ؟

..............................

انت بتتكلم جد ياسعيد ولا بتسخر من الطالب والاستاذ؟؟؟؟

اولا السؤال مفهوش اي عيب ومنطقي جدا

المكتبات لازم يكون فيها فهرسة لجميع الكتب الموجوده فيها

والا فان امين المكتبه او القائم عليها

لا يستطيع ان يؤدي الدور المنوط به

في الحفاظ علي محتوياتها وعمليات استعارة الكتب

من قبل الزائرين للمكتبه

وسيفقد اغلب محتوياتها ولا يستطيع حصر

ما بها من مؤلفات

والفهرسه لابد ان تكون من كل الاتجاهات

مثلا....ولو اني مش متخصص في هذا المجال

لكن لابد ان تكون فهرسه بعدد الكتب

فهرسه بعدد المؤلفين واسماؤهم

فهرسه لعدد دور النشر واسمائهم

وهكذا.....ممكن تقول وايه علاقة الطالب بالموضوع؟؟

اقول لك ممكن يكون الطالب بيدرس هذا النوع من الفروع

وهو علم قائم بذاته ....علوم المكتبات وتنظيمها

وتطويرها وادارتها

لان ذلك الخط ليس خط طالب ابتدائي ابدا

ياراجل الناس في ثانويه عامه ومتعرفش تكتب

ولديها من الاخطاء الاملائيه مالذ وطاب

وبالنسبه للتصحيح لو تلاحظ الموضوع مكتوب علي ورق اجنده

وليس كشكول محاضرات مدرسي

او كراسة ماده

لذلك من الممكن ان يكون ذلك ضمن واجب منزلي

او شئ من هذا القبيل....ومن الممكن ان يكون الموضوع سقط سهوا

من الاستاذ....وهنا الطامه الكبري

بدل ان يعاقبه علي الاستهانه بالسؤال والسخريه منه

يقول له احسنت

احسنت يا سعيد وشكرا لك
...............

موضوع: رد: إيه رأيكم فى المصيبة دى 2/11/2010, 5:41 pm

يا سعيد أنا مع ابو جمال

هذا سؤال تخصص
وليس سؤالا عاما

موضوع: رد: إيه رأيكم فى المصيبة دى 2/11/2010, 5:46 pm

يا أبوجمال لو السؤال ده فى ثانوية عامة مكنش اللى جرى جرى
وكان الطلاب حصلوا على الدرجات النهائية فى المواد ورد الطالب
يدل على انه فى مرحلة متقدمة فعلا ولكن لأول مرة أجد موضوعا
عن المكتبات فى التعليم الثانوى أو الأعدادى الأ اذا كان فيه تعديل
فى المناهج فالله أعلم والسؤال لا يزيد عن كونه سؤال عام من
الممكن أن يجيب عليه أى أنسان وهذا ماقصدته فالسؤال سهل
جدا وهذا الطالب يعرف أجابتها والأ لما كان رد هذا الرد
يا أبوجمال أسلوب الرد بهذه الطريقة ليس جديدا وحدث
كثيرا وعايز اقولك للأسف النتيجة كانت هى نفسها النتيجة
السابقة مش عارف ليه ممكن يكون المدرس مش بيشوف
الأجابة اصلا والطالب مش مهم عنده نتيجة اختبار
وده مش سؤال تخصص يا أم شروق والله ده سؤال عام

موضوع: رد: إيه رأيكم فى المصيبة دى 2/11/2010, 5:55 pm

أقولكم على كارثة حصلت هنا فى دشنا من فترة مش حاتصدقوها

مدرس بيصحح فى مادة التربية الدينية

وصحح ورقة اجابة على انها صح وميه ميه

بعد كده اللجنة تكتشف ان الطالب اسمه فلان بن فلان ...مسيحى

ودى ورقة اجابه فى التربية الدينية المسيحية

إيه رايكم بقى ؟

موضوع: رد: إيه رأيكم فى المصيبة دى 2/11/2010, 6:01 pm

أزيكم بقى؟
لا دى حكاية تانية خالص دى أكيد وضع النتيجة دون ان ينظر
لأى أجابات للطلاب من الأساس وأنا بقول السؤال اللى فات ده
عام علشان الولد أجاب عن أسئلة التخصص بالفعل وعلشان
معجبهوش السؤال العام ده فرد الرد اللى أحنا شفناه أما الأستاذ
التانى ده الخاص بالتربية الدينية فدى مش مشكلة ليه هيتعب نفسه
ويصحح مادة لا تُحسب ضمن درجات الطالب دى حتى مافيش
حالات رسوب فيها يعنى الموضوع محصل بعضه

موضوع: رد: إيه رأيكم فى المصيبة دى 2/11/2010, 6:29 pm

علشان اقول ده سؤال عام محدش مصدقنى أدى سؤال التخصص
وياريت حد يقدر يجيب عليه :[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: إيه رأيكم فى المصيبة دى 2/11/2010, 6:49 pm

انا كمان بكل هدوء اعصاب هقوله احسنت
لانه المدرس بصراحه تحفه هو دا التعليم والا فلا
حسبي الله ونعم الوكيل

موضوع: رد: إيه رأيكم فى المصيبة دى 2/11/2010, 6:59 pm

ليه كده يا أبوحسام على فكرة دى مادة فيزياء
ثانوية عامة يعنى اكيد مرت عليك قبل كده
وهوده التعليم الحقيقى والأسئلة الجميلة وزى
ما أنت شايف السؤال عليه 16درجة يعنى
كافيين لنجاحك فى المادة .

موضوع: رد: إيه رأيكم فى المصيبة دى 2/11/2010, 7:04 pm

انا بتكلم عن موضوع زيدان ياسعيد

موضوع: رد: إيه رأيكم فى المصيبة دى 2/11/2010, 7:09 pm

ماهو للأسف يا ابوحسام الموضوعين بتوع زيدان بس واحد
فرنسى والتانى مصرى .وكله تعليم ياعبقرينوووو وربك يصلح
الحال ويبعد عنه زيدان .

موضوع: رد: إيه رأيكم فى المصيبة دى 2/11/2010, 7:18 pm

ويبعد عنه ابو تريكه وذكي وشيكا كمان

موضوع: رد: إيه رأيكم فى المصيبة دى 3/11/2010, 11:14 pm

يا جماعة عند مناقشة هذا الموضوع
ياريت تناقشوا كل جوانبه
المدرس عند تعيينه جديد
يشد فى اللجان ---- ينضرب ويتهان
يصحح بضمير ---- يتنقل ام درمان

طبعا انا ضد تهاون المدرس فى عمله
لكن اقصد اقول ليس وحده السبب فى تدنى التعليم
المدرس احيانا يكون مطالب بتصحيح
كمية كبيرة من الورق فى وقت قياسى
والاهم ان الدرجة لازم تكون تناسب
الاستاذ الفاضل المسئول عن كعك العيد
وإلا هيروح المعلم فى حديد
تقبلوا تحياتى

موضوع: رد: إيه رأيكم فى المصيبة دى 4/11/2010, 7:39 am

احنا عارفين يا استاذ نصر ان فيه عوامل اخرى كثيرة

بتتحكم فى قدرة المدرس على تأدية واجبه على أكمل وجه

لكننا ننادى الضمير الحى بداخله بغض النظر عن اى متاعب تحيط به

لأن ما فى يده أمانة لا ينبغى التهاون أو التفريط فيها ولو على حساب نفسه

موضوع: رد: إيه رأيكم فى المصيبة دى 5/11/2010, 12:04 pm

نعم معك حق اختنا الفاضلة
لابد من صحوة الضمير مهما كانت المتاعب
جزاك الله خير الجزاء

موضوع: رد: إيه رأيكم فى المصيبة دى 5/11/2010, 2:22 pm

[ندعوك للتسجيل في المنتدى أو التعريف بنفسك لمعاينة هذه الصورة]

» موضات مجنونه تقرف ....ولا ايه رأيكم
» حمله لتنشيط الاقلام ما رأيكم
» اية رأيكم فى د . زويل رئيسا لجمهورية دشنا
» ما رأيكم ان تشاركوني هذه الفكره وتدلون بأرائكم
» ما رأيكم في الاعلانات المبتذله والسخيفه التي تخدش حياء الاسره