هام جدا

السلام عليكم
أ/ مصطفى
بصراحة دا مش عذر كافى ولا حتى مقنع
وبعدين ماهو كلنا مشغولين وكلنا ورانا ألتزمات حتى لو أختلفنا فى أهميتها
وبعدين هل انت مشغول لدرجة انك ماتتوجدش معانا لمدة ساعة مرتين فى الأسبوع أو مرة واحدة
لو مسكت كل واحد فينا عنده مسئوليات أكتر من التانى ومع ذلك مافيش حد فينا بعد عن المنارة بالشكل اللى انت عملته
لو فى حاجة مزعلاك يبقى تقول بصراحة واكيد كل الناس اللى هنا زى ما انت بتقول أخواتك يبقى أكيد حايوصلو لحل يرضيك لكن تقول مشغول أنا مش مقتنعة بالرد ده مع أحترامى الشديد لك
يعنى انت مشغول أكتر من المستشار صلاح
ولا اكتر من منحة اللى مسئولة عن بيت وأطفال وأسرة وأهى برضه عندها شغلها وماقصرتش معانا
وغيرهم كتير بدون ذكر أسماء المسئولية موجودة فى حياتنا موجودة
لكن وجودك هنا معانا له طعم تانى لك ولينا يكفى أنك بتتعرف على اشخاص وأفكار وأراء متعددة كلها موجودة فى مناخ صحى طيب الأصل لا فيه حقد ولا حسد ولا عدم أمان وزى أنت ماقولت أخوات من غير مانشوف بعض ولا نتقابل كل دا من خلال شاشة وشوية زراير أجتمعنا وبنجتمع فى الود والخير وعلى أهم حاجة بنجتمع عليها
لا إله إلا الله
ودا كفاية شوف كلهم بيطالبو برجوعك بس أسمحلى أقولك
لو المنارة ما فرقتش معاك فى حياتك ولو ماغيرتش زرة من شخصيتك انا بقولك ماترجعش خلاص مش عايزينك زى ماانت مش عايزنا ولو كانت المنارة مش غالية عليك ماكنتش دخلت دلوقت تبرر غيابك برد أكيد كلنا مش مقتنعين بيه
وفى النهاية انت أدرى بظروفك بس حاول ماتغبش كتير خد وقتك وأرجع على فترات شارك بكلمة أو بعزاء أو حتى شارك فى فرحنا يعز علينا فراق أخ من غير أسباب
أتركك فى رعاية الله وأمنه

حمدا لله الواحد الأحد على عودة سيادتكم للمنارة

إنه لفخر لنا جميعا فنحن في أشد الحاجة إلى أفكاركم المستنيرة