بسم الله الرحمن الرحيم ..... تخيل وليس على الله ذلك ببعيد .....بأنة صدر لشخصكم الكريم أمر تكليف برئاسة مجلس مركز ومدينة دشنا لمد ة شهرين ..... ماذا أنت فاعل ....... هل تتقبل أمر هذا التكليف وتعمل جاهدا فى خدمة بلدنا الحبيب المظلوم دائما ؟ ..... ماذا أنت فاعل فى الحال المتردى لمدينتنا الفاضلة ؟ ماذا أنت فاعل فى حال الصرف الصحى . وكم قرن باقى على انجازة ؟ ماذا أنت فاعل فى الكم الهائل من القمامة والقازورات ؟ ..... من تحاسب على حفر الشوارع من بعد رصفها . أم ستغفل عن ذلك كمن سبقوك .. وتحاول ايجاد مبالغ أخرى لرصف المحفور من الشوارع تانى وتالت ورابع ويمكن خامس مين عارف!!!!! ماذا انت فاعل فى الشوارع الكالحة؟؟ .......ماذا أنت فاعل فى التعديات وتساهل مهندسى التنظيم عن قصد حاشى لله او بدون قصد؟......... ماذا انت فاعل فى تجاوز وعلو وارتفاع قيمة استهلاك فواتير الكهرباء الشهرية ؟؟؟ ماذا أنت فا عل فى فواتير المياه المجانية ؟؟؟؟ ..... ماذا أنت فاعل مع تجاوز الباعة الجائلين واحتلالهم للطريق دون ترك اى مساحة لكى يمر فيها الناس من بعد اذنهم يعنى ؟؟؟؟؟....... شارع المركز يكتظ بالباعة بتوعالفواكه و الخضار والخس والفجل والليمون والبصل والقصب والجرجير والكرات والحلبة الخضراء كل دول انتاج محلى ناهيك عن بائعى الكرشة والسمك وكمان التمر هندى ؟ اقصد سمك لبن تمر هندى .. وكذا الجزارون الذين يذبحون خارج السلخانة اوعى تأخذك الجلالة بالمنصب وتعمل استنى شوية لما اقولك فى ودنك أنت برضة من بلدنا وغالى علينا ياعم .. خلينا كدة بعيد عن اللحمة زى بتوع الصحة مش واخدين بالهم من حاجة وبياكلوا زينا يعنى احنا نفرق عنهم فى اية ياعم دول بتوع الصحة وعارفين صحتنا كويس واحنا نبلع الزلط والملوحة المعفنة الفاسدة بناكلها ولا فارقة معانا ؟ .... يلهوى دا إحنا بعدنا عن الموضوع .... ماذا أنت فاعل مع بتوع السرفيس تقدر ياعم تتكلم معاهم وتسأ ل عن نمر العربيات دى جاية منين تصدق بالله إحنا اللى مش عارفين نركب سيبك منهم . التوتوك حل الموضوع دة حتى العيال الصغيرة بتسوقة اصلة ساهل ياشيخ برضة سيبك من دول لغاية ماتوقع جريمة وحادثة ابقى اتحرك اصلى اللى مش عاجبة يمشى على رجليه احسن دا لولقى لية مكان يحط رجلة ؟؟؟؟؟ تصدق الحكاية صعبة والواحد يظهر هايورطكم ياجماعة فى الوظيفة دى .. بلاها ياعم !!!!!!! ماذا أنت فاعل فى الغرز ؟ مذا أنت فاعل مع بتوع التموين اللى مش بيحاسبوا بتوع المخابز !!!! ياعم اسكت احسن يتعمل لك محضر تموين والله يظهر انا هااوديكم فى داهية ولا انا حتى عارف الدنيا ماشية ازاى ....!!! استنى شوية اوعى تقولى اسحب أمر التكليف وقطعة وارمية عند سكان القمر ولا الشمس ولا المريخ الفريق بتاع السودان دة اللى زى نادى الزمالك عندنا وكمان الهلال اللى زى الاهلى عمنا وعم الكل ؟؟ ياعم بلاش هزار خلينا فى الوظيفة هو فيه حد لاقى وظايف اليومين دول النواب أخدوها لنفسهم اسكت بئة ماجيبش الكلام لينا خلينا بعيد احسن !!!!! نرجع تانى نصدعك . ماذا انت فاعل مع سائقى عربيات الكبود بتاعتة السمطا اللى عاملة موقف فى قلب شارع المركز !!! ياعم خلينا بعيد عن الجماعة دول أحسن !!!!!!! ماذا أنت فاعل فى الكراسى الموجودة فى الشوارع قدام القهاوى فى الصعايدة وصفارة والخولا والعزازية !!!!! تعالى لما أقولك فى الذمة ياشيخ اوعى تقول انى قلت ليك خد بالك من الجماعة اللى بياخدوا رشاوى دول علشان يمشى ليك اى مخالفة .. والنبى اوعى تقول اصلهم عارفين إنى بأفتن عليهم ياعم وحياتك ولا حد عملهم حاجة اقولك برضة سيبهم دول . تعالى ندور انا وانت على حاجة تانى غير الوظيفة دى .......... والله بتكلم بجد تقدر تغير حاجة لو مسكت المنصب د ه من ديلة والتعلب فات فات ومعاة سبع لفات ... يظهر والله أعلم انا باهزر والموضوع مطروح للنقاش لكل من يرى انه يستطيع ان يغير أى حاجة وحشة والنبى ..... رجاء اخذ الموضوع على محمل الجد لا الهزار والتقديم والمسوغات الخاصة بالتعيين ساهلة لان الوظيفة ساهلة وهى خدمة بلنا عن جــــد