يأتري ............ العيب في مين؟!!!!
طبعا كلنا عايشين في مجتمع واحد وعاداته وتقاليده متشابها كثير ومن الموضوعات المهمة والمنتشرة اللي قابلتها داخل مجتمعنا وخاصة الصعيد والقرى والأماكن المغلقة نسبيا موضوع اجتماعي في المقام الأول ...... يمكن في البداية بيكون كلام بسيط وعادي من الأهل بس أحيانا بتترتب عليه مصائر ناس آخرين و الناس اللي بتكلم عنهم بنكون إنا وانته أو أنتي وأي حد نعرفه الموضوع من غير ما أطول اكتر من كده هو أننا أول ما بنتولد أهلنا بيقولو فلان لفلانة أو فلانة لفلان مثلا محمد لهدي وهدي لمحمد وافتكروا الاسمين دول !!!! وأوقات بيقروا الفاتحة علي كده وعلي أساس أنهم عارفين مصلحتنا فين وبيدوروا علي سعادتنا وإحنا غلبنا بنكون في {الفـــــــــة} وااااااااااااااااء ............من غير مايشورونا ولا يسبونا لما نكبر ونفهم ونختار...
المشكلة دية عاشها كثير من الناس وأنا اعرف منهم كثير وأنا أولهم ولكن المشكلة تختلف من شخص للتاني مثلا فيه حالات الأولاد لما بيكبرو هما عارفين وسامعين الكلام ده بتتولد آلفة وترابط وتفاهم بين الاثنين وبيتعلقو ببعض وبيحصل نصب ويتم الزواج اللي خطط ليه الأهل من البداية وده قلما يحدث وبيكون زواج تقليدي وعادة مايكون ناجح
وفيه حالات بتعدي عادي ومحدش بيفكر في والتاني وكل واحد بيشوف طريقة ومستقبله ومش بيحصل مشاكل وبتفضل ذكري نفتكرها ونضحك عليها
......ولكن الحالات الأكثر انتشارا هي إن احد الطرفين سواء كان بنت أو ولد يتعلق بالآخر وعندما يصلوا ألي سن الارتباط يكتشف إن الطرف الآخر لا يبادله نفس الشعور ويضع العديد من المبررات سواء كانت مادية أو ثقافية اومستوي تعليمي اوقبول أو حني إن الطرف الآخر يكون قد مال لشخص تاني ووجد الحب في مكان أخر ولا يفكر فيها ولديه حسابات اخري ............بس للآسف الطرف اللي بيتعلق بالطرف التاني بيكون هو الضحية .. لأنه بيتعلق بيه من كل قلبه وغير مستعد لقبول شخص غيره ليشاركه باقية حياته اللي رسمها في خياله ....... وطبعا لو تم إجبار احد الطرفين علي هذا الارتباط من قبل الاهل فالكل بعرف ما هي النتيجة ؟؟؟
وصدقوني يا جماعة المشكلة بتواجه الكثير من الشباب في مجتمعنا وعندي نماذج كنير ممكن اذكرها بس للأسف اللي بيتعلق بالطرف الأخر غالبا ماتكون البنت وخاصة في الصعيد والفري لان البنت بتعيش في مجتمع مغلق نسبيا يعني عادة مفيش خروج كتير ولا بتشوف ناس كتير يعني مش شايفه حد غيره ولا هيجي في تفكيرها حد تاني فبتكون البنت من البداية هيأت نفسها واعتبرت إن هو ده شريك حياته القادم لامحال.......
وياتري كام واحد أو واحدة فينا حصل معاه الموضوع ده ؟؟؟ وهل حد فينا ارتبط أو عنده استعداد يرتبط بشريك حياته من { الــــــــــــــــفه } واااااااااااااااء ؟؟؟
..............وفي النهاية عندي سؤال لكل واحد عنده ضمير هو ده عيب مين او غلطة مين؟؟؟؟؟غلطة الولد ولاغلطة البنت ولا غلطة الاهل ولا العيب في المجتمع اللي إحنا عايشين فيه ؟؟؟؟؟؟؟
موضوع: يأتري ............ العيب في مين؟!!!! 
22/6/2010, 6:29 am
