فضيلة الشيخ /شمس الدين الأزهري

شمس الدين الأزهري
( 1306 - 1403 هـ)
( 1888 - 1982 م)

سيرة الشاعر:
شمس الدين بن محيي الدين بن أحمد سعيد الأنصاري.
ولد في قرية الصعايدة بحري (إدفو - محافظة أسوان)، وفيها توفي.
قضى حياته في مصر، وقصد الحجاز حاجًا.
حفظ القرآن الكريم وتلقى تعليمه الأولي في الإسكندرية، حيث التحق بمعهد الإسكندرية الديني ومسجد أولاد الشيخ بحي محرم بك قبل أن يلتحق بمعهد المعلمين ويحصل على شهادته (كفاءة المعلمين).
عمل بالتدريس في أول مدرسة تنشأ في مسقط رأسه، وبعدها في مدرسة البصيلة بحري بنجع السباع، ثم نقل إلى مدرسة الصعايدة بحري (1935) عند افتتاحها وظل
بها حتى إحالته إلى التقاعد.
كان عضوًا بجمعية أبناء الأنصار، يتطوع بالإرشاد والفتيا.

الإنتاج الشعري:

- له «منظومة «أسماء الله الحسنى» - مطبعة الفجالة الجديدة - القاهرة 1950، و«ديوان ينبوع الحكمة في الأدب»، و«القصيدة الهمزية في مدح خير البرية»، و«نهج البردة المباركة في مدح الرسول الأعظم»، (القصيدة تخميس لبردة البوصيري، نظمها المترجم إبان رحلته لأداء فريضة الحج عام 1952).

الأعمال الأخرى:

- له: «مناهل الوعظ في التصوف»، و«موسوعة الأحاديث النبوية».
شاعر واعظ تقليدي، تتقدم منظومته أسماء الله الحسنى نتاجه الشعري، استهلها بمقدمة ثم بدأ كل بيت منها باسم من أسمائه عز وجل، آخذة إطار البديعيات، متعددة
القوافي، تتبع الأعجاز فيها الصدور، ولغته أقرب للمباشرة منها للمجاز، مالت منظوماته إلى الوعظ والإرشاد والدعوة إلى التحلي بالأخلاق الكريمة.

مصادر الدراسة:

- مقابلة أجراها الباحث أحمد الطعمي مع بعض أفراد أسرة المترجم له - الصعايدة بحري (مدينة إدفو) - 2004.
عناوين القصائد:
مناجاة وابتهال
كنز العلم
السراج الوهاج
جئت
مناجاة وابتهال
من منظومة أسماء الله الحسنى

يا ربِّ بالأسماء والصفاتِ ___________________________________
بما لكم من كبرياء الذاتِ ___________________________________

ندعوك يا توابُ بالخشوعِ ___________________________________
ونمزج التوبة بالدموعِ ___________________________________

جئناك بالذلّ والاِنكسارِ ___________________________________
فافتحْ لنا خزائن الأسرارِ ___________________________________

وهبْ لنا من علمك المكنونِ ___________________________________
وحُفّنا بسرّك المصونِ ___________________________________

ونوِّرِ القلب بنور المعرفه ___________________________________
واحفظْه من شرّ الفسوق والسفه ___________________________________

واسدل علينا من غناك سترا ___________________________________
فلا نخاف عيْلةً وفقرا ___________________________________

وامحُ الهوى والبغضَ والتنازُعْ ___________________________________
وحَلِّنا بحُلة التواضُعْ ___________________________________

واصفحْ عن الزلات إن عصينا ___________________________________
ولا تسلِّطْ ظالمًا علينا ___________________________________

وهذِّبِ الأرواحَ والنفوسا ___________________________________
واجعلْ لنا من التَّقى لَبوسا ___________________________________

وأصلح الأحوالَ يا مولاهُ ___________________________________
وأنقذِ المحزون من بلواهُ ___________________________________

ويسِّرِ الأرزاقَ والأمورا ___________________________________
واشرحْ بنور هديِك الصدورا ___________________________________

واكتبْ لنا سعادة الدارينِ ___________________________________
ولا تحمِّلنا عناءَ الدينِ ___________________________________

وخُصّنا بالفضل من نَداكا ___________________________________
ولا توَل أمرنا سواكا ___________________________________

وأيِّدِ الفضلَ بأهل الفضلِ ___________________________________
ولا تدعنا في ظلام الجهلِ ___________________________________

واجعلْ قوى عقولنا مفكِّره ___________________________________
حتى نرى في كلّ شيءٍ تَبْصِرَه ___________________________________

واكبحْ جماح النفس عن شرّ الهوى ___________________________________
وأغننا بفضلكم عن السوى ___________________________________

وحبِّبِ التقوى إلى القلوبِ ___________________________________
ونقنا من دنس الذنوبِ ___________________________________

واجعلْ لنا القرآن خيرَ زادِ ___________________________________
وأرنا وجهَ النبيِّ الهادي ___________________________________

ثم الصلاة معْ سلامٍ يُتلى ___________________________________
على نبيٍّ بالهدى تحلّى ___________________________________

وآله وصحبه الكرامِ ___________________________________
ما فاح مسكُ البدءِ والختامِ ___________________________________

كنز العلم
بالثناء الجمِّ والشعر النضيرْ ___________________________________
حيِّ كنزَ العلم والقُطب الشهيرْ ___________________________________

عالمَ الأنصار فياضَ الندى ___________________________________
كعبةَ القُصّاد كالليث المزير ___________________________________

قصةُ الإسراء من تأليفهِ ___________________________________
بهجةُ الروح وإيقاظُ الضمير ___________________________________

نظمُه في كل فنٍّ رشفةٌ ___________________________________
في فم الظمآن كالعذب النمير ___________________________________

يا إمامًا في التقى نمْ هانئًا ___________________________________
في نعيم الخُلْد والملْك الكبير ___________________________________

سائل الضادَ عن الحَبر الذي ___________________________________
أخلصتْه حبّها وهْو صغير ___________________________________

عن أميرٍ كان في أحضانها ___________________________________
صاحبِ التاج المفدّى والسرير ___________________________________

هات لي خزائنًا في نظمها ___________________________________
شارداتُ النحوِ والعلم الغزير ___________________________________

هات لي من نثره أو شعره ___________________________________
حلّةً غراءَ من وشيِ «جرير» ___________________________________

هات لي من مدحه للمصطفى ___________________________________
ما يفوق الروضَ مسكًا وعبير ___________________________________

كان فينا كوكبًا طلعتُه ___________________________________
طلعةَ الإصباح والبدر المنير ___________________________________

في فراديس العلا تاريخُه ___________________________________
رحمةُ الله على الحَبر الأمير ___________________________________

السراج الوهاج
بعث الأميرُ سراجه الوهّاجا ___________________________________
فهدى شِعابًا بالنُّهى وفِجاجا ___________________________________

واسترشدَ الساري بضوء يَراعِه ___________________________________
وبيانه الإسراءَ والمعراجا ___________________________________

إن «الأمير» ولا إخالُك جاهلا ___________________________________
قد كان في ليل الخُطوب سِراجا ___________________________________

المنتجُ الباني فلا تلقى له ___________________________________
غيرَ المعارف والندى إنتاجا ___________________________________

وبمدح خيرِ المرسلين وتاجِهم ___________________________________
قد كان فخرَ المادحين وتاجا ___________________________________

جئت
جئت العقولَ بأطيبِ الثمرات ___________________________________
ونظمت فقهَ مذاهبِ السادات ___________________________________

ودخلتَ روضات المعارفِ باحثًا ___________________________________
فاخترتَ منها باسمَ الزهرات ___________________________________

وفتحت كنزًا من تراث أئمةٍ ___________________________________
كانوا لدين الله خيرَ هداة ___________________________________

لله درُّك قد أتيت بدرّة ___________________________________
فاقت بهاءَ الدرّ في الصدفات ___________________________________

ربّعتَها فتربّعت بجمالها ___________________________________
في كل قلب مشرقِ الجنبات ___________________________________

كانت لطلاّب الشريعة منهلاً ___________________________________
عذبَ الورود مبارك الغدوات ___________________________________

وبدتْ فكانت روضةً قد عطَّرت ___________________________________
معنى الوجودِ بعاطرِ النفحات ___________________________________

فإذا أتاها طالبٌ أو عالمٌ ___________________________________
وجدا لديها أصدقَ الرغبات ___________________________________

«الشافعيُّ» و«مالكٌ» حفِلاَ بها ___________________________________
بل كان «أحمدُ» باديَ البسمات ___________________________________

و«أبوحنيفةَ» كلّما ذكرتْ لهُ ___________________________________
أهدى الثناءَ لساكن الجنات ___________________________________

كان «الأميرُ» موفّقًا في كل ما ___________________________________
أدّى لأهل العلم من خدمات ___________________________________

كان «الأميرُ» سحابَ غيثٍ ممطرٍ ___________________________________
فعلى الأمير سحائبُ الرحمات ___________________________________

رحم الله فضيلة الشيخ الشاعر
وبارك الله فيك يا استاذ / على
على هذا الموضوع الجميل

اشكرك يا استاذ على على نقل هذا الموضوع القيم ولك جزيل الشكر
وارجو نقل القصيده الى المكتبه حتى تكون زخرا للقراء

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

اقدم لكم نفسى انا اسمى محمد تاج الدين عبد الرازق نور الدين احمد سعيد الانصارى
كان من طرائف الشيخ شمس الدين اللى قالها لابويا لانه بيقولى انه كان دائما ملازمه مابيسبهوش لانه كان من الصالحين وليه كتب وقصايد بيقولها النقشبند وكلام كتير جدا ما من مجال لكتابتها
قاله فى يوم
انت عارف يا تاج الدين
قاله : قول ياشيخ
قاله انا لما انط فى سنه من السنين ...اضمنها كلها يعنى يضمن انه يعيش السنه كلها
وفعلا ابويا بيقولى مات فى ديسمبر

والدى قالى لو عاوزين تتعرفوا على الشيخ اكتر واكتر اطلبوا وحيقدملكوا روائع عنه
على فكره انا جدى الشيخ عبدالرازق نور الدين احمد سعيد ابن عم الشيخ شمس الدين
وجدى لما مات من خمس سنين ظهرت له كرامات لو حكيتها انا متيقن ان مافيش حد هيصدقها لكن ده اللى حصل واللى مش مصدق وعاوز يعرف يسال اهل الصعايده بحرى
هيسمع كلام اغرب من الخيال

أخي الكريم / محمد تاج الدين
شكرا لك على الإضافة والمساهمة في الموضوع القيم
وأنا أريد منك أن تكتب لنا عن كل ما تعرفه عن فضيلة الشيخ
شمس الدين وعن جدكم الشيخ عبد الرازق نور الدين
وعن أي شخصية من شخصيات الصعيد
لكن لي سؤال هل أنت من أبناء مدينة إدفو
وكيف عثرت على منارة دشنا ؟

نحن عايزين نعرف منك ياعم الانصارى

اولا اتشرفت انى اتعرفت على المنتدى ده واشتركت فيه واتشرفت بالردود بتاعتكم و بالذات الرد الذيذ بتاع عم الانصارى ده هههه
اصلا الوالد من اسوان وادفو من الصعايده بحرى الوالد ا/تاج الدين موجه اول لغه عربيه ودين فى اسكندريه هنا
الشيخ عبد الرازق الجد خلى كل الصبيان ازاهره والبنات اللى عاوز يتعلم يتعلم واللى مش عاوز يقعد فى البيت الوالد خريج كليه اللغه العربيه الازهريه
عمى الشيخ فاروق عبد الرازق خريج كليه اللغه العريه الازهريه وحاليا مدير معهد فى ادفو
عمى الشيخ نور الدين موجه اول لغه عربيه فى ادفو
عمى التالت الشيخ عز الدين مدرس اول عربى
عمتى مدرسه اولى عربى فى الصعايده فى البلد
عمتى التانيه والتالته والرابعه ربات بيوت فى البلد
انا حاليا عايش فى اسكندريه مع والدى ووالدتى اللى هى برضه مدرسه اولى عربى
واخويا الكبير مدرس عربى واخويا الصغير 3 اعدادى واللى لو دخل عربى هقتله او انا هنتحر
بنت الشيخ شمس الدين عايشه هنا فى اسكندريه فى الفراهده مع ابنها مدرس العربى
( ا ( انا عارف تلاقيكوا كرهتوا العربى..امال انا اعمل ايه
هقولكوا كام حاجه حصلت مع الشيخ بدالرازق لما توفى عقبال ما اجيب ترجمه الشيخ شمس من ابويا
قبل ما يتوفى الشيخ عبدالرازق بيوم اتصلوا بينا فى البيت وقالوا ان الشيخ تعبان وان الشيخ تاج لازم يحضر.اتارى الشيخ عبدالرازق بقاله سبع تيام مابياكلش وبيسقوله الميه فى بؤه تسقيه
كان معروف عن الشيخ انه كان ليه حال مع ربنا محدش يعرف عنه حاجه
المهم الوالد لما جه الاتصال ماكانش فى البيت كان فى الشغل
الوالده قالت محدش يقوله الا لما ييجى يستريح وياكل ويقعد
وفعلا جه وكل واستريح
الشيخ تعبان
مين قالكوا
اتصلوا بينا
حس ان فى حاجه
اتصل بيهم
الشيخ فاروق واللى هو اكبر واحد وصفله الحاله
الوالد قال اتكل على الله بكره فى القطر
قعد مع نفسه شويه عالساعه عشره بالليل لاقيناه بيحضر الشنطه ولابس ونازل........زعلى فين؟
الشيخ بيودع انا رايحله
صحينا الصبح على تليفون,,,البقاء لله
كان الوالد وصل اسيوط تانى يوم الصبح..التصل بيهم ايه اخبار الشيخ.البقاء لله
خد تاكسى وطلع على ادفو
كان فى ساعتها غسلوا الشيخ وكفنوه
اصبحت 12 الضهر والشيخ حافظ اللى هو تاج الدين (لان زى ماانتوا عارفين فى الصعيد بيبقى والحد ليه اسمين
طب ياجماعه الشيخ حافظ ماجاش والضهر صليناه والدنيا حر واكرام الميت دفنه
طب نتوكل على الله ونطلع بيه
شالوا النعش وطلعوا بيه .....كان ابويا فى الطريق
الستات صوتت مع السلامه ياشيخ و النحيب وكده
فجأه يلاقوا النعش جاى تانى؟
فى ناس هتصدق وناس لا ........بس ده اللى حصل
فى ايه ياجماعه ..الشيخ مش عايز يطلع
الشيخ مش عايز يطلع ...يعنى ايه احنا بنلعب ديه جنازه يا رجاله؟
الكلام كان للشيخ فاروق
قالولوه تعالى انت جرب وشوف
شال النعش بيحلف انى مكنتش شايله النعش كان خفيف جدا وهو اللى كان بيحركنا والدليل ان كان فى بركه مياه النعش دخلنا بينا فيها وطلعنا الجلاليب طينه لغايه نصها من الطينه اللى فى البركه
الشيخ فاروق قال للشيخ عبدالرازق ..انا سمعتها وضحكت...فى ايه ياشيخ متتوكل على الله بيتكلم مع النعش
المهم النعش ياخدهم ويلف بيهم البلد كلها ودخل بيهم المسجد اللى كان بياذن ويام ويخطب فيه وبعدين يطلع بيهم على بيته القديم وبعدين لف على بيوت عياله اللى هم عمامى واحد واحد وبعدين يرجع تانى للبيت الكبير بتاعه تانى اللى طلع منه والنسوان بدل ما تصوت اتقلبت زراغيت والشيخ جاى تانى
ده اللى حصل واللى مش مصدق يسال بنفسه ابويا قالى ديه اسمها كرامات الاولياء
المهم النعش بقى فى نص المندره والرجاله قاعدين حواليه مش عارفين يعملوا ايه
الشيخ فاروق قام اتصل بالازهر؟....حصل كذا كذا كذا
قالهم الشيخ عبدالرازق توفى
انا لله وانا اليه راجعون
بس المشكله انه حصل كذا كذا كذا
طيب اسمع يا شيخ
هو ليه حد بره اخوه ابنه صديقه اى حد
قالهم ابنه تاج الدين وفى السكه قالوله استنوا لغايه ما ييجى يدخل يسلم عليه لو طلع كان بها ما طلعش ادفنوه فى المكان اللى بيرجعله كل مره
خلاص ماشى يا مشايخ
والبقاء لله يا شيخ واعظم الله اجركم واجرنا فى الشيخ حفظكم الله
سلام عليكم
وعليكم السلام
قفل التليفون
ابويا وصل

اكمل بعدين لان ايدى وجعتنى والكيبورد شويه وهيشتمنى..فاصل ثم نعود

اولا بشكر الاستاذ على عبد الله ع المعلومات دى
ثانيا احب اعرفكوا بنفسى انا ايهاب كامل محمد شمس الدين
والشيخ شمس الدين ابو جدى طبعا
ثالثا بشكرا تاج ع الكلام الرائع ده وياريت يكمل بقيت الحديث
رابعا هضيف حاجه صغيره جدا انى الشيخ شمس الدين كان زميل شخصى جدا لفضيلة الشيخ سيد محمد النقشبندي أستاذ المداحين..وصاحب مدرسة متميزة في الابتهالات
ومتقلقوش يا جماعه سوف اجمع لكم كل المعلومات انشاء الله قريباً

» تاج الدين ابن الشيخ جلال الدين الدشناوي
» فضيلة الشيخ صالح جابر
» فضيلة الشيخ القارىء / أحمد الرزيقى - إبن أرمنت البار
» فضيلة الشيخ / عبدالغفار عبد العال سليم
» فضيلة الشيخ محمد عبدالله الخطارى (من ابناء صعايدة الخطاره)