لماذا انا زملكاوى

ما زلت ارفض تشجيع اهلى البطولات وانحاز الى زمالك الوكسات وذلك للاسباب والملابسات التالية
تشجيع الاهلى يجعلك تعيش فى حالة غريبة من النشوة ...انتصارات وبطولات لا تنتهى لدرجة ممكن جدا معها ان ترى العالم وكأنه حلم وردى ...تشجيع الزمالك على العكس يجعلك تعيش فى حالة توازن نفسى رائع ( فزنا كان بها خسرنا ده العادى)
تشجيع الزمالك يعطيك احساسا بالتفرد والخصوصية تشجيع الاهلى يجعلك مجرد قطرة فى بحر
المثل بيقول يا بخت من بات مظلوم ولا بات ظالم وبات مغلوب ولا بات غالب وهذه دعوه صريحة لكى تكون زملكاوى
انا بفرح مرتين لما الزمالك يفوز او الاهلى يتغلب
انه الفريق الوحيد اللى كل 6 شهور يغير جهاز فنى وده نادر لما تلاقيه فى فرق تانيه
نجوم نظرية المؤامرة يزعمون انه فى بلدان العالم الثالث يتم توظيف الكورة اداة لالهاء الشعب عن مشاكلة ووسيلة جيدة لكى تنسى الجماهير واقعها المحبط الاهلى يساعد على نجاح هذه المؤامرة .....الزمالك يجعلها تفشل
ان تكون زملكاويا فأنت تنتمى الى اقليه وسط اغلبية ومعروف ان الاقليات فى اى مجتمع لديها دائما حوافز للابداع حتى تحافظ على وجودها ولا تبتلعها الاغلبية
لو انك اهلاوى وعرفت ان من يجلس بجوارك فى الميكروباص او يقف الى جانبك فى المترو اهلاوى مثلك لكان الامر شيئا عاديا اما لو كنت زملكاوى وتعرفت على زملكاةى اخر لاصبح الموضوع حدثا استثنائيا يستحق ان ترويه للمدام حينما تعود للبيت
اذا سألت اهلاويا لماذا تشجع الاهلى لاجابك بسرعة وبطريقة ميكانيكية وكأنه تلميذ بيسمع جدول الضرب علشان الدم اللى فى عروقى احمر اما لو طرحت السؤال على زملكاوى لاستغرق منه الامر وقتا وغالبا سيغير الموضوع قبل ان يجيبك

احيك على حبك لفريقك الزمالك مع انى اهلاوى وافتخر بس موقفك دة مشبة فى حاجت كتير

ومتزعلش انت بردة لو حد سالك انتى لية ذملكاوى قول علشان كورات الدم البيضة

وتمنيات لفريق الزملك ان يرجع الى مستواة حتا نحصل على دورى شيق وقوى

وكلة فى صلح منتخب مصر

شكرا لموضوعك الجميل

احسن ما فيه العشق والمعشقة وشويتن ضحك وتريقة
اشكرك اخى التايه

والله يا استاذ مصطفى انا زملكاوى للنخاع بس بحاول اعرف لحد امتى هنفضل كده وعلى العموم انا الوحيد اللى معلق علم الزمالك فى المحل بتاعى فى واجهة المحل والله ودا من حبى فى الزمالك والله