منتدى منارة دشنا
فخرانيات الاثنين GWGt0-n1M5_651305796
منتدى منارة دشنا
فخرانيات الاثنين GWGt0-n1M5_651305796
منتدى منارة دشنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةLatest imagesالتسجيلدخول

 

 فخرانيات الاثنين

اذهب الى الأسفل 
4 مشترك
كاتب الموضوعرسالة
مصطفى احمد الفخرانى
عضو فعال
عضو فعال
مصطفى احمد الفخرانى


ذكر

العمر : 50
عدد الرسائل : 386
تاريخ التسجيل : 23/05/2009

فخرانيات الاثنين Empty
مُساهمةموضوع: فخرانيات الاثنين   فخرانيات الاثنين I_icon_minitime22/11/2009, 5:45 pm

الحقيقة مش عارف ابدا منين لان ذهنى مشتت وقلبى منفطر للاسف .مع ذلك ساكتب وساقول كل ما يجول به خاطرى ولن ابالى والى يحصل يحصل .
اولا تحيا الملوخية العربية والكوسة والبطاطس .
انهزمت مصر وطلعت من كاس العالم لا هو نهاية الدنيا ولا اخرها وعادى بالسلامة وفى ستين الف داهية الكورة .
لكن ما حدث من البرابرة الفرنسيين ما سحى الجزم المرتزقة هو الشىء الدنىء والفظيع والملفت للنظر ولو انى ادرك شعب الجزائر جيدا واعلمة وما هو بجديد علية تلك المهاترات وقد نمى الى علمى كثيرا ممن عاشوا فى فرنسا ان هؤلاء الناس مرتزقة ويستخدمون احيانا كقتلة ماجورين .
ولكنى فى عجابة من الامر لا ادرى ان كنت اشكر الجزائر ام اذمها واحتقرها .فالحقيقة ما فعلة الجزائريين وضع علامات استفهام متعددة وكثيرة ومن بين علامات الاستفهام هذة .
السكوت الغير مبرر من قبل الحكومة والقيادة وردة الفعل الباردة المعهودة فى كل المواقف واسلوب نانسى عجرم اطبطب وادلع .
وتعالى فى حضنى يا غالى تعالى دا واضح يا جماعة اننا بلد هشك بشك فعلا دا لا ردة ولا كلمة عليها القيمة تبرد الناس ولا اى شىء .
عموما دة الى اتعودنا علية .
لكن سالت نفسى لما كل هذا الهوان ولما نرضى ونسكت ؟ واجدنى طلعت بشوية حجات واتمنى تكون غلط . احنا يا جماعة دوما طبعا بندور على الصالح بمعنى ان لينا رعايا فى الجزائر ولينا مشاريع خد بالك من الى بقولة فطيب لو تعاملنا مع الجزائر بردة فعل عنيفة طيب خد الى ليك ومش عاوزينك وطبعا دة عيب فى حقنا .
ايه يعنى كام قلم على كام جزمة قديمة تاخدهم على دماغك من اخوك الجزائرى دة عربى زيك مش عيب يعنى لما كل واحد يمسك اخوة العربى ويديلة جزمتين ولا كل واحدة تدى اختها العربية شبشبين . ما انتا بتاخدهم فى بلدك ومبتقولش اى .
وبعدين فى مثل بيقول اذا ضربك اخوك الجزائرى على خدك الايمن فاجرى وجهز له الايسر .
تمام لحد هنا . اعتقد انه تمام ولو انه والله ما تمام ابدا .
المهم اصبحت سيطرة راس المال والمصالح والمشاريع الى هى طبعا تتمثل فى فطاحل المستثمرين اوراسكوم نجيب ساويرس والمقاولون العرب وغيرهم طبعا وكل دول بيدفعوا وبالعملة الصعبة .
يبقى متقليش شعب وناس فى ستين داهية الفلوس اهم وابدى .
ناجى للحتة الاهم طبعا طلع كتير وقليل من المسئولين وهممهم وقال احنا لدينا وعندينا وممكن نعمل ونسوى وهاتك يا كلام لا يودى ولا يجيب وفى الاخر بلا نيلة . تمخض الجبل فولد عصفورا . لان فار ربما يكون كبير شوية .
لكن من حسن حظى او من سوء حظى كنت بتفرج وانا اصلا مش بفتح تلفزيونات ولا بحب اشوفها ومخمود على النت لان هو الملاذ الوحيد وفتحت قناة المحور وواحد اسمهة معرفش مكرم مين كدة بيقدم برنامج وجايب واحد لواء .
وعمنا اللواء قال ما قال واحنا نعمل ونسوى وقادرين والكلام الى بالكم فيه .وفى النهاية راح محود الدفة على حسن نصر الله وايران وقطر .
فشهقت وقلتلة يا سيدى عيب عليك الله يلعنكم ويلعن البطون الى جابتكم وانجبتكم يعنى احنا مفيش فى بقنا غير حسن نصر الله وايران وقطر .والغريب اننا تركنا اسرائيل خدوا بالكم .
علما ان فى تقديرى واعتقادى المتواضع ان لا اسرائيل ولا ايران ولا قطر ولا حسن نصر الله لهم دخل بالى حصل
لان يا جماعة وبكل بساطة الجزائر ومنذ زمن يكن لنا كل الحقد والكرة ودة واضح للعيان وللطفل قبل الكبير فمش عارف لمصلحة مين نلقى يقصورنا وتهالكنا وخيبة املنا على غيرنا نحن عاجزين يا حضرات على ردع الجزائر وبالبسيط المفيد من اجل مصالح رجال الاعمال اما باقى المبررات فهى واهية ولا سند لها ولا صحة .
طبعا مصر حليف امريكى اسرائيلى دة امر معروف وعلى عينك يا تاجر فحسن نصر الله وايران اعداء لكلتا البلدين والانظمة الموالية لكل من امريكا واسرائيل تحارب تلك الجبهات فى كل مكان .
عموما لن اطيل فى هذا الموضوع حتى لا اخرج عن الموضوع لكن لماذا نلقى بالتهم جزافا على الغير والغير برىء منها وطالما انت على علم ان دة من ايران وحسن نصر الله وقطر لماذا لم ترد ؟ هل انت عاجز عن حق الرد ؟ اذن انت لا تصلح .
وارجع واذكركم بجمال عبد الناصر والسادات تلك الرجال وعلى الرغم انى لا مع السادات ولا عبد الناصر فى حجات كتيرة وغير متفق معهم لكن تبقى اشياء ومواقف خالدة لا يستطيع لا الصغير ولا الكبير ان ينكرها انهم ومع كل الاختلاف رجال لهم هيبة ووقار وكرامة المصرى فى عهدهم كانت شكلا اخر .
الحقيقة انا كنت حابب اشوف وزير الخارجية ابو الفدادين الى طلع حتى مش محصل ابو الداربيس .يقول كلمة يحمى بيها وشنا جايز الراجل طلع وانا الى ابن _________________ وبتجنى عليه لانى مش بشوف تلفزيون .
يا اخوانى فين النظام فين الحكام فين اولوا الامر فين .
اتنتظرون ان ياتى الجزائريين الى عقر الدار ويستبيحوا النساء والاعراض والاطفال هو دة المنتظر من لمامة البشر الجزائر يا ناس تعمل فينا كدة حتة بلد لا لها تاريخ ولا رقم جلوس ولا اسم على الخريطة بالمرة وان كان لها فمصر هى الى عملتوا لها يعنى الجزائر صناعة مصرية حالها حال كل الدول العربية .وفى النهاية يكون دة المصير ودة الحال .
من هنا ومن بلد الملوخية العربية .
بشكرك يا حكومة على موقفك الجميل المبدع وردة فعلك الممتازة الى فعلا كانت متوقعة وليست بجديدة عليكم فانتم رجال حكماء اتحفنا الزمان بكم اطال الله فى عمركم كمان وكمان .
نشكركم على حسن تعاملكم الصحيح مع الازمة واسلوب نحن اخوة عرب واشقاء .نشكركم على حسن تقديركم للامور .
نفتح لهم البيوت حتى ياتوا بكل ارتياح لينتهكوا الاعراض ويفعلوا ما يشاءوا بس اهم شىء يا حكومتنا المبجلة تكونى انتى راضية .
لكن اقولها لكم لن ننسى ثارنا مع الجزائر ولن ننسى ما حيينا فعلتهم النكراء واسلوبهم الواطى المتعنت ومفيش غير الجزمة القديمة وخليكى انتى يا حكومة طبطبى ودلعى براحتك وانا شايف بردة ان المصلحة ابدى .
بس اتركوا الشعوب تعبر بقى براحتها . والى ميقلش اى فى النهاية .
وطبعا انتوا فاكرين ان الموضوع عدى لا يا حبايب انتهى مسلسل الجزائر وبكرة هنشوف طبعا دول اخرى ومن الادنى الى الاعلى كمان هتضرب فينا باوسخ جزمة وعينكم تشوف وان كنا من اهل الدنيا تقولوا الفخرانى قالها فى فخرانياتة ان بكرة سوف تهجم علينا الدول البخس من كل فج وصوب لانهم قاسونا وعرفوا اخرنا اية احنا اخوة وعرب وطبطب ودلع ومعلهش ولازم نتوخى الحكمة والحذر ولازم تكون ردة الفعل كذا وكذا .
يا راجل يا محترم كيف يكون لك قيمة مع دول ولا شعوب اخرى وكل يوم على اليوتيوب مئات من ملفات الفديو تبث وتعرض ما تعرض نساء داخل اقسام الشرطة تتعرض الى تعذيب واغتصاب كيف يكون لك كرامة وانت تعرض لك ملفات فديو وانت بتنضرب بالجزمة على قفاك كيف يكون لك قيمة لدى البربر وغيرهم وانت بتنضرب بالنار من حتة امين شرطة .
كيف يا حضرات كيف تطلب ود الغير واحترامة وانت فى قلب بلدك تهان وتذل .
الى متى الذل والهوان ؟
رحمالك ربى من هذا البلاء المبين وحسبنا الله ونعم الوكيل


عدل سابقا من قبل مصطفى احمد الفخرانى في 28/11/2009, 10:06 pm عدل 1 مرات
الرجوع الى أعلى الصفحة اذهب الى الأسفل
http://knol.google.com/k/mostafa-ahmed-alfakhrany/
المستشارصلاح رسلان
مشرف سابق
المستشارصلاح رسلان


ذكر

العمر : 48
عدد الرسائل : 864
تاريخ التسجيل : 05/12/2008

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime22/11/2009, 6:17 pm

الله عليك يا فخرانى وانت بتقول اللى خايف انه يحصل واللى حاسس انه حيحصل انا قولت ممكن تيجى انفلونزا النمل وننصرف عن موضوع الجزاير وننساه للابد ونفكر فى ازاى نتجنب ونعدم النمل او ممكن يطلعوا تامر حسنى انه كان بنت وقلب عشان نتكلم فى الموضوع ده وننسى الجزم اللى كلناها فى السودان او ممكن اللحمه تغلى او الزيت او يلغوا الكادر بتاع المعلمين او يخلوا المعلمين مهندسين او التجار دكاتره عشان نلاقى حاجه نتكلم فيها والله انا امبارح الراجل الكبير فى خطابه ((شجب اللى حصل )) واول ما شجب واستنكر الدنيا اتقلب تصفيق وهتافات على الشجب اللى لبس البنت اللى خلعوها تى شيرتها وردلها كرامتها واللى رد الكرامه للمصريين يا فرحتنا بالشجب على راى عادل امام فى الزعيم لما قاله اشجب الاتفاق اللى حصل فى غزه واريحا
المهم بقى انا خايف يكون اخرنا الشجب اللى حصل ده وننسى تانى ما هو احنا زى ما بيقولوا علينا بلد المليون رقاصه وبلد ليلى علوى لكن فى المقابل الراجل بتاعهم بو تفليقه طلع الخطرين والمسجلين وجهزهم باسلحتهم البيضا وسيوفهم وركبهم طائرات حربيه للسودان وعلى لسان واحد جزائرى ارسلى رساله انه الريس بتاعهم خلى سعر تذكرة الطياره ربع سعرها للى عايز يروح من عامة الشعب غير طبعا المسجلين اللى راحوا ببلاش فى طيارات حربيه وكمان من ناحيه تانيه انهم وهمه طالعين من هناك لا تفتيش ولا بوابات اكترونيه فى المطار كل واحد رايح وعلى راى عبله كامل سندوتشاته فى شنطته ومطوته فى جيبه واللى يكلمه يقطعه ومن غير ما يكلمه هو مستنى حد يكلمه والحكومه معاه والريس معاه
تحيا الملوخيه والكوسه يا فخرانى
الرجوع الى أعلى الصفحة اذهب الى الأسفل
مصطفى احمد الفخرانى
عضو فعال
عضو فعال
مصطفى احمد الفخرانى


ذكر

العمر : 50
عدد الرسائل : 386
تاريخ التسجيل : 23/05/2009

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime22/11/2009, 6:59 pm

لن اقول يا سيادة المستشار الا
لله الامر من قبل ومن بعد وحسبنا الله ونعم الوكيل
الرجوع الى أعلى الصفحة اذهب الى الأسفل
http://knol.google.com/k/mostafa-ahmed-alfakhrany/
ناجي شمندي عوض
عضو فعال
عضو فعال
ناجي شمندي عوض


ذكر

العمر : 52
عدد الرسائل : 257
تاريخ التسجيل : 04/04/2009

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime22/11/2009, 7:41 pm

الاخوه الافاضل صلاح بيه ومصطفي بيه تحياتي ووحشتوني وانا من الانفلونزا الخنازير دخلت في خنازير الجزائر يعني ضربتيين في الراس يوجعوا وبعديين اضربت ليومين عن الطعام يعني حالي كحال كل المصريين لا يسر عدو ولا عدو لاننا ملناش حبيب العيب فينا ولا في الي بيكرهونا فيه حاجات كتير خطا
منها اننا تعاملنا مع الموضوع قبل المباراه بشئ من التخازل وكاننا رايحين نلاعب فريق نجع حمادي في نجع حمادي
فين رجالتنا ومشجعينا الحققيقيين
فين
ليه سكتنا علي الحادثه المفبركه بتاعه الاتوبيس في القاهره
ليه ماثبتناش كزبهم للعالم قبل المباراه الاولي
فين اعلام مصر الي كل همه انه موجه للشعب المصري فقط ولسان حاله يقولي الدنيا ربيع الدنيا ربيع ولم ينقل للعالم كذب الجزائر وسفيرها الهمام
وزير الاعلام بتاعنا مهمتهغسل مخ المصريين فقط وكانه هو الي في الساحه لوحده
الجزائريين نجحوا في ارهابنا في مصر وفي السودان وفي الجزائر
الجزائرييننجحوا في نقل الصوره للعالم انهم مجني عليهم في القاهره وليسوا الجناه ونجحوا ان يجعلوا العالم يقول المصريين هم الي عملوا المشاكل علشان خسروا المباراه ومش راضيين بفوز الاخضر نجحوا ان ينقلوا للعالم ان المصريين جناه وليس مجني عليهم ونحن نجحنا في ان نفشل في كل شئ وصفر جديد لنا
في انجازتنا
اعلام بوزيره فاشل وكانهم لسه صحيوا بعد المعبد ما اتهد علي الي فيه
ودلوقت الكلام في الاعلام زي البكاء علي الميت لا يودي ولا يجيب لله الامر وانا لله وانا اليه راجعون
الرجوع الى أعلى الصفحة اذهب الى الأسفل
مصطفى احمد الفخرانى
عضو فعال
عضو فعال
مصطفى احمد الفخرانى


ذكر

العمر : 50
عدد الرسائل : 386
تاريخ التسجيل : 23/05/2009

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime22/11/2009, 9:12 pm

الاخ الفاضل / ناجى شمندى
شكرا على مرورك الكريم وانتا كمان وحشتنا والله .
هو على العموم كل ما استطيع ان اقولة اننا لية مستغربين او لية محيرين انفسنا عبارات بتغرق وتموت الناس بالالوف والجانى بيتهرب وخد بالك من كلمة بيتهرب مش بيهرب .
قطارات بتتحرق فوق الغلابة وتتفحم وخليك مع الله وبردة اكفى على الخبر حلة وسخة .
واخرها فيلم انا والقطار والجاموسة دة اخر واهم انتاج واضخم انتاج لهيئة السكة الحديد الى عمرها مبتقول للغلط اة وبتقول للغلط لا .
الى طلعتنا حرامية بنسرق حنفيات القطارات .

معالى الخنزير المقال السابق شايف اننا حرامية وبنسرق وراح عامل اعلانات مكلفة الدولة ملايين الجنيهات علشان فى الاخر يطلعنا حرامية قطارات واتفرج يا سلام على عينك يا تاجر وطبعا العالم شايف المصرى بيعمل اية الى النيل رواة والخير جواة ههههههههههههههههههههههههههه امور مضحكة وتهريج ما بعدة تهريج .
طيب ايه الجديد من خيابة الى خيابة ويا قلب لا تحزن .
ادى الاعلام ان جاز التعبير يا استاذ ناجى هو كدة اعلامنا احنا فى نظرة حرامية قطارات الى ان اتت العناية الالهية وقالت خد عندك مفيش شهر او شهر ونصف وينكشف الخنزير المقال على حقيقتة وتجى فضيحتة على يد جاموسة وما اكثر وزارء الجاموس فى البلد يا سيدى .
وربنا يكرمنا بكام جاموسة تانى بفضحوا الخنازير بتوعنا ولما يقال يقلها انتى طلعتيلى منين بس ؟
كفاية يا جماعة ضحك على الدقون
تقبل تحياتى استاذ
ناجى شمندى
الرجوع الى أعلى الصفحة اذهب الى الأسفل
http://knol.google.com/k/mostafa-ahmed-alfakhrany/
مصطفى احمد الفخرانى
عضو فعال
عضو فعال
مصطفى احمد الفخرانى


ذكر

العمر : 50
عدد الرسائل : 386
تاريخ التسجيل : 23/05/2009

فخرانيات الاثنين Empty
مُساهمةموضوع: شكرا لمن كلف نفسة حق الرد   فخرانيات الاثنين I_icon_minitime23/11/2009, 3:43 pm

اشكر جميع الاخوة الذين تفاعلوا مع فخرانيات وكتبوا لها رد
مع ارق امنياتى وكل عام وانتم بخير
الرجوع الى أعلى الصفحة اذهب الى الأسفل
http://knol.google.com/k/mostafa-ahmed-alfakhrany/
مصطفى احمد الفخرانى
عضو فعال
عضو فعال
مصطفى احمد الفخرانى


ذكر

العمر : 50
عدد الرسائل : 386
تاريخ التسجيل : 23/05/2009

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime24/11/2009, 6:43 pm

كل عام وانتم جميعا بخير واضحى مبارك ان شاء الله
الرجوع الى أعلى الصفحة اذهب الى الأسفل
http://knol.google.com/k/mostafa-ahmed-alfakhrany/
نصرالدين عبدالفتاح محمد
كبير مشرفين
نصرالدين عبدالفتاح محمد


ذكر

عدد الرسائل : 845
تاريخ التسجيل : 01/09/2008

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime24/11/2009, 11:40 pm

السلام عليكم جميعا وكل عام وانتم بخير
باختصار
المنتصر الوحيد فى تلك الاحداث هم اليهود
يا حلاوة العرب وهم يتشاجرون
ويا حسرتى على ما يحدث فى اطفال المسلمين
ويا حلاوتك يا فخرانى على فخرانياتك
تقبلوا تحياتى
الرجوع الى أعلى الصفحة اذهب الى الأسفل
مصطفى احمد الفخرانى
عضو فعال
عضو فعال
مصطفى احمد الفخرانى


ذكر

العمر : 50
عدد الرسائل : 386
تاريخ التسجيل : 23/05/2009

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime24/11/2009, 11:44 pm

الله يكرمك ابو سيف
اتمنى تكون الفخرانيات دوما عند حسن ظنك وظن الاخوة القراء سواء كانوا زائرين ام اعضاء بالمنتدى
وتقبل تحياتى وكل عام وانت واسرتك واهلك الكرام بخير
مصطفى
الرجوع الى أعلى الصفحة اذهب الى الأسفل
http://knol.google.com/k/mostafa-ahmed-alfakhrany/
مصطفى احمد الفخرانى
عضو فعال
عضو فعال
مصطفى احمد الفخرانى


ذكر

العمر : 50
عدد الرسائل : 386
تاريخ التسجيل : 23/05/2009

فخرانيات الاثنين Empty
مُساهمةموضوع: رد: فخرانيات الاثنين   فخرانيات الاثنين I_icon_minitime26/11/2009, 9:30 pm

كل عام وانتم بخير وعيدكم سعيد يا اهل المنارة ويا اعضاءها ويا زائريها
ان شاء الله تنعاد الايام علينا جميعا بالخير واليمن والبركات
وتكون المنارة دائما منورة باهلها واحبابها وزوارها
كل عيد وانتم بخير واضحى مبارك
الرجوع الى أعلى الصفحة اذهب الى الأسفل
http://knol.google.com/k/mostafa-ahmed-alfakhrany/
 
فخرانيات الاثنين
الرجوع الى أعلى الصفحة 
صفحة 1 من اصل 1
 مواضيع مماثلة
-
» فخرانيات الاثنين
» فخرانيات الاثنين
» فخرانيات الاثنين
» فخرانيات الاثنين 14/12/2009
» فخرانيات الاثنين 14/12/2009

صلاحيات هذا المنتدى:لاتستطيع الرد على المواضيع في هذا المنتدى
منتدى منارة دشنا :: قسم الأدب والفنون :: أقلام الأعضاء-
انتقل الى: