فخرانيات الاثنين

انا حرد مكان وزير الصحه يا استاذ مصطفى
اسمحلى يا استاذ مصطفى اقولك انك انت بتتهم وزارة الصحه بالتقصير وانت عارف انى انا راجل مش فاضى لا لمستشفيات الحكومه ولا للشعب اللى انت بتتكلم عليه لانى بصريح العباره انا راجل طبيب بس من الاطباء البزنس مان وانا صاحب دار الفؤاد المعروفه اللى عاملها للبهوات الكبار اللى جابونى للوزراه وبعدين انا دخلت الوزاره برضاكم والا لو كنتوا مش راضيين عنى كانوا نوابكم فى مجلس الشعب قلبوا الدنيا وبعدين انت عايزنى اعمل ايه فى مستشفياتكم الحكوميه دى زباله وانا قولت كده فى احدى زياراتى ليها واتنشر الموضوع ده فى كل الجرايد انه وزير الصحه بيقول مستشفيات الحكومه صفايح زباله حد في نوابكم اتكلم ولا قال انت بتقول ايه وبعدين يا سيدى الموت علينا حق ولما يكون عدد السكان اقل بيكون انجاز لوزير الصحه وكمان انا اولوياتى فى بهوات البلد وعشان كده همه متعاقدين مع مستشفى دار الفؤاد والمركز الطبى العالمى و الفرنساوى وبعدين بخصوص الادويه فدى محتكرها شركات كبيره ليهم ثقلهم وفلوسهم اللى بيدفعوها للوزاره وللنواب يعنى انا لو عملت اى حركه كده ولا كده حتلاقى الدنيا تتقلب عليا فى مجلس الشعب لصالح شركات الادويه وانا اللى حطلع حرامى وبعدين مش انا لوحدى كده دى البلد كلها تعالى شوف مدارس القاهره الحكومى استثناء التجربيه مفيش مدرسه الا فيها ع الاقل 30 حاله انفلونزا الطيور وطبعا الوزير مش بيقول والحلات بتزيد ووزير التعليم يهمه اولا واخيرا انه يقعد فى الوزاره وتحرياته تكون سليمه وبيرسل شيكات بملايين لوزير الداخليه وملائه كل امتحانات من فلوس المدرسين الغلابه عشان يتقرب الى الرئيس زلفى ووزير الداخليه بدوره يهمه انه الريس وعيلته يرضوا عنه ويعمل اى حاجه عشانهم وانت عارف وكمان مديرين المدارس فى القاهره بياخدوا مرتبات المدرسين كل شهر بمقابل انه المدرسين يشرحوا المنهج فى بيوتهم وميشرحوش فى المدرسه وانت فاهم وكمان تعالى فى المحاكم لو معاك فلوس وتعرف قهوة المحكمه كل حاجه حتتظبط تقابل سكرتير الجلسه او سكرتير النيابه واللى انت عايزه حيخلص يعنى لو معاك وصل امانه ولا شيك حيجيبهولك من ملف القضيه وحيحط مكانه واحد مزور ويخليك تطعن بالتزوير وتبص تلاقى صاحب الحق هو اللى اتحبس بتهمة التزوير وتروح للمرور تلاقى الرخصه الخاصه ب 200 جنيه والثالثه 300 والتانيه 400 وهكذا وبرائة الذمه بكذا وتروح للشوارع والمواقف تلاقى عسكرى المرور بانى عمارتين وتلاقى مخبر البلد اللى تبع المركز احسن واغنى من عمدة البلد والموسم بتاعه لما يكون فيه مشكله بين عيلتين وتروح لنواب المجلسين الموقريت تلاقى ابناؤهم واخوانهم عاملين كشف بالاسعار الوظايف من ناحيه وتخليص المواضيع من ناحيه طبعا كل نائب دايره مش بيلعب فى دايرته بره وده معروف واللى ميعترفش بكده يبقى غبى تروح لوزارة الاوقاف تلاقيهم حرموا تحفيظ القران فى المساجد وكتبه الخطبه للشيخ وبقى زى الببغاء يردد ما يقال له ولولا الملامه لكان فرض علي الائمه يصلوا ركعتين للراجل الكبير وعياله ومراته وتلاقى الراجل الكبير فى ظل هذا الجو من الفساد ينقص ان ينادى ويقول انا ربكم الاعلى او يقول ما اريكم الا ما ارى وما اهديكم الا سبيل الرشاد او ينادى فى قومه اليس لى ملك مصر وهذه الانهار تجرى من تحتى افلا تبصرون فهذا ردى عليك يا استاذ مصطفى والفساد عام ومش عندى انا بس
التوقيع وزير الصحه

العلم يرفع بيوتا لا عماد لها --- والجهل يخفض بيوت العز والكرم