مسابقة جديدة (( اكتب أكثر موقف محرج في حياتك ))

السادة اعضاء المنتدى
مسابقة جميلة وظريفة وجديدة
كل عضو فينا تعرض لمواقف محرجة في حياته
نريد من كل عضو ان يقول لنا عن أكثر هذه المواقف حرجاً
ومش عايزين نتكسف عادي يعني لأن أغلب المواقف المحرجة تكون مضحكة
وأسيبكم تتفضلوا تكتبوا هذا الموقف
وتقبلوا تحياتي

لا يا استاذ احمد

تلاقيهم محرجين بس مش اكتر ههههههههههه

وللاسف انا محصلش معايا موقف محرج يستحق

اني اذكره اصلي للاسف بعمل مواقف محرجه في الناس ههههههههههه

انا هقول اكتر موقف محرج حصل معاي
في احدي ايام الدراسة كان معانا واحد صاحبنا علي قد مهو جدع دمة تقيل
المهم انا قبل اليوم دة شفت قلم مع واحد صاحبي
واصريت اني اشترية رحت دشنا مخصوص علشان
اشترية المهم جيت اليوم دة وحاطط القلم في جيبي راح الواد دة واخد القلم واداة لواحد تاني وقلة خلية معاك
انا بصراحة اتضايقت وبعد الطابور في واحد منهم اللي خد القلم
جاني الفصل وقلي انا والله قلتلة يديك القلم بس هو مش راضي
انا قلتلة عادي خلاص راح مطلع القلم بتاعة واداهوني انا قلتلة لا راح مشي
قعدت اقله خد خد مردش رحت شاوحلة القلم الكلام دا كلة في الفصل
المهم القلم راح علي الحيطة ونزل فوق راس بنت
والبنات زي مانتوا عارفين عايزين يعملوا اي حاجة يثبتوا فيها ان فيهم رقة ومش عارف ايه
وهم مفهمش ولا حاجة من دول
واحد صاحبي كمان بارد راح وقالها هاتي القلم
قالتله لا انا هادية للاخصائي وخلي صاحبك يروح ياخدة منة
وبعد الحصة الاولي راحت للاخصائي
وقبل الفسحة جا الاخصائي وقال القلم دا بتاع مين
انا وقفت وقلت بتاعي انا
راح قالي تعالالي بعد الفسحة قلت حاضر
وانا بعد اليوم دة
كرهت حاجة اسمها بنات سم سم سم
مش علشان الاخصائي قالي حاجة بس
علشان الاحراج وكدة
ارجو محدش يضحك علي ويقول عبيط ولا حاجة
اديني انا اصغر واحد وقلت موقف حصل معاي
واللي مش هيقول فيكم يا كبار
انا هاسيب المنتدي دة
هشيل كبل النت مش الجهاز
اوك