مساجلة شعرية بين الأستاذ مصطفى عدلي و الأستاذ محمد جلال

تبدأ اليوم ثاني المساجلات الشعرية

وستكون بين الأستاذ مصطفى عدلي و الأستاذ محمد جلال

وستكون مقتصرة عليهما وعلى باقي الأعضاء عدم الرد

تنتهي هذه المساجلة يوم الخميس القادم

ابدأا على بركة الله

موفقين

اول كلامى حصلى على الى انشق له الهلال

ورحب بصاحبى وخلى حبيبى محمد جلال

وعن نفسى انا لست شاعر ومعرفش اكتب مقال

لكن وجود الاحبه واكبر مكاسبى الرجال

لازمن يكون السبق ليك والبعاد لي
ويا ريت تستحملنى لاني مفيش معاد لي
وعاوزك تشد حيلك وتجيب كل اللى عندك
المنافسة شديدة ...وانت قدها يا ابو عدلي

ياصاحبى متخافش متقلقش من المواعيد

الحال من بعضه وربك يعدل المواعيد

وادينا بنحاول نعدى البحر بهدومنا

واوعى تلومنا لو موجنا عليكو يزيد

دنــيـا مـا لـيها أمـان ولا بتحفظ عهد
تـلـف بـيـنـا تـجـريـنـا نـنـده ولا بترد
واللى انكـتـب نــافـد ومـا فـي شـــك
اعشم ف مولاك ولا تعتمد على حــد

دايما ياصاحبى كده الراجل المليح بيبان

من كتر الافكار رديت على بيبان

واعزرنى ياصاحبى على كتر الغياب عنك

انا كل مااسد طاقه تتفتح بيبان

الاستاذ/على عبد الله التمس من سيادتكم

وبعد اذن الاستاذ/محمد جلال والاخوه الاعضاء

مد المسابقه اسبوع اخر وذلك لعد م متابعه الموضوع بسب ظروف خارجه

وان شاء الله سنتواصل خلال الفتره القادمه بشكل جيد

تم مد المساجلة أسبوع لظروف تواجد مصطفى ومحمد

نستنى الفــجـر يطــلع مــن جبـينك كل يوم
والشمــس نــايمه بـردانه واللا خايفه تقوم
الحبل عــلم ف الـــرقاب ومفيش جـــواب
والعجوز اللى اسمه الوطن بيموت مهموم

من صغر سنى بمول ع الرباب مقامات

والناس معادن ياولدى والرجال مقامات

حاسب من الدنيا قلابه وغداره

والنفس اماره ومسيرنا مع الاموات

_____________________________________

كل الشكر والتقدير لااداره المناره على مد الساجله

تكتب حــروفك يا قـلم أحلى كلام وكلام
يملى قلوبنا بفـرح وحــياتنا خير وسلام
بس اوعى يوم تنكسر وتبيع مدادك للئيم
تخسر قضيتك ,تنتهي, وتدمـر الأحلام

مهما طعمت الخسيس عيشك مايتمر فيه

نصيحه منى اديه واجبك وماشيه

الواطى واطى لو ساكن ف طياره

تسقيه بماء العسل برضه المراره فيه

اعلن غلق باب المساجلة
مع المتميز مصطفى عدلي
سعدت باللقاءات التى تمت رغم تباعدها
ومبروك تأهلك للمستوى الثانى للمسابقة

طالما المساجله تم اغلاقها ممكن اتدخل
واضحك بس علي المشاركه الرائعه الاخيرة من
عمنا الكبير ابو عمر الذي اصاب كبد الحقيقه
طيب مش ننتظر الحكم يا عمنا ولا خلاص
انت اعلنت الغلق والنتيجه بفوزك ؟
هههههههههههههههههههههههههههه
الف مبروك انا اؤيد هذا القرار وخيرها
في غيرها يا ابو عدلي معلش
القيادة حكمت خلاص ههههههههه

يا راجل حرام عليك
دا انا باقول له مبروك عليك التأهل للمستوى التاني
يعنى هو اللى فاز مش أنا
ركز معانا بأه

انا مركز والله جدا
بس حضرتك نسيت ان ابو عدلي زملكاوي
زي حلاتي هههه وهيفهما زي بالضبط واراهنك
لاننا اتعودنا علي المركز التاني خلاص
بقي طبع فينا ههههههه وصلتك ياباشا

بس أنا علشان أهلاوى فهمتهامن أول مرة
يا أبوحسام مش بقولك أتعودتم على
المركز التانى خلاص ههههههههه

كنا نتمنى أن نقرأ المزيد من الرباعيات الرائعة

وأعلم أن بجعبة الشاعرين دررا كثيرة

لكن ظروف العمل والانشغال

شكرا لكما

سعدت جدا بالمشاركه الرائعه مه المتميز

ابو عمر

وانا اذا كنت بشارك معاه لانى بحاول اتعلم منه

وانا كنت فى قمه السعاده فى المساجله ولو كنت حكما لااخترت ابو عمر

شكرا للمشاركه الرائعه من ابو شريكو/ابو حسام ورشيق المناره ا/سعيد

واكرر عزرى بسب عدم الانتظام وخلاص انا ركبت نت عندى فى المحل

وان شاء الله نلتزم شويه

كل سنه وانتم طيبون سعداء بمشاكاتكم نرجو ان نكون ضيوف خفاف عليكم

مبروك.... لفارس بني هلال

وللاستاذ/ محمد جـــــــــلال

وكما قال ابو عبد الله

ان في جعبة الشاعرين الكثير من الابداع

ولكنها ظروف العمل

نتمني ان لا يطول الغياب يامصطفي ويستمر الانتظام

خاصة بعد تركيب النت في المحل.....لاننا ننتظر ابداعك بشوق ولهفه

لاحرمنا الله تواجدك بيننا

الف مبرووووووووووووك
....................

نحن في انتظار حضور الأستاذ أسامة

لكي يبدأ المساجلة مع الأستاذ سعيد

مساجلة جميلة وقويه بين فارس بنى هلال

وقناص المنارة محمد جلال
شاكرين لكم على امتاعنا

وفى انتظار مساجلة سعيد والاستاذ اسامة
شكرا للإدارة على تنظيم هذه المساجلات الممتعة

شكرا للشاعران الكبيران
محمد بيه جلال
ومصطفى بيك عدلى
على ما امتعونا به من رباعيات
وكل عام وانتم بخير

» مساجلة شعرية بين الأستاذ عبد الفتاح والأستاذة زهرة
» مساجلة شعرية بين الأستاذ صلاح النجار و المهندس حمادة شحات
» وفاة والد الأستاذ /محمد محمد مصطفى خليصي
» مساجلة شعرية جديدة للأعضاء
» الى شهيدات الأقصى