مساجلة شعرية بين الأستاذ عبد الفتاح والأستاذة زهرة

تبدأ اليوم أول المساجلات الشعرية

وستكون بين الأستاذ عبد الفتاح والأستاذة زهرة

وستكون مقتصرة عليهما وعلى باقي الأعضاء عدم الرد

تنتهي هذه المساجلة يوم الخميس القادم

ابدأا على بركة الله

موفقين

هبدأ واقول كلام زين.... من القلب لاصحابه

وقار وهيبه........ ودايما يخش البيت من بابه

يسلمها ربك ستار العيوب.. والذنوب وغافرها

هدعي و اناجيه ....واقعد طول العمر علي بابه

هو السند والشفا لكل ما بيك وما بى

بادعى لنفسى وليك ولكل أحبابى

بنفحة نور وسكينة وقرب وتناجى

يسبل علينا ستره ولا يطول غيابى

يارب تتقبل دعا الطيبين... وبشايرنا

كريم انت ولايرضيك ظالم.... يحايرنا

بواب السما مفتوحه... لدعوة الطيبين

ولايردها.......عارف القلوب وجابرنا

أنا كنت تايه حيران ولا دارى ما بى

رفعت كفوفى للسما وراح كل ارتيابى

لقيت سحابة رحمات ورضا على ابوابى

نصيحة منى اليك فى وقت السحر للرب ناجى

يارب النصايح كتيرة بس الدعا ياريت يكون مقبول

من صغر سني بنادي الكريم.... وبعلو حسي اقول

ترحم عبيدك برحمتك......... ومن المهالك تنجيهم

ملهمش غيرك ..كريم. رحيم.غافر الذنوب وعدول

للقمر انا بصيت وإشتقت قالوا القمر عالى

قلت لهم نجوم السما بتغازله طول الليالى

قالولى مالنا ومال النجوم دى فى السما بتلالى

قلت وفضيت أنا القول أصل مدحه بيحلالى

ياريت الناس..... للكلام يوعوه

ويفهموا المعني.. ويردوه لابوه

فيه ناس..... بتقرا الكلام وبس

من غير حس والمعني يحرفوه

هو فيه معنى تانى..... للقول يوعوه

ولا فيه حب تانى... فى القلب يشيلوه

خلاص يسيبوا الكلام..... ولأهله يردوه

وأهل القول مخلصين ليه ولا عمرهم يبيعوه

الله الله الله.. علي الكلام ومعانيه

عديم الزمه.. يحور للكلام معانيه

خصله.. واتربي عليها من صغره

لان عمره... مافهم للحلال معانيه

اعتذر عن القافيه

ما انتبهت اطلاقا

اسف مرة اخري

ولا يهمك يا ابو جمال

بس بالراحة على انا مش قدك

هانت عليه أخرته سابها و للدنيا كان بايعها

ما عارفش انه بكنوز الدنيا ولا يمكن يعوضها

حواليه ملايكة ربك وأعماله للسما رافعينها

يبكى ما يبكى خلاص خلصت ومين الدنيا ضامنها

عذرا علي التاخير الشغل وحاله

كل ده ومش كدي؟

..........

طيب
........

اشكيه لرب الكون...... يتصرف بافعاله

سبحانه...... هو العلام بالظالم وافعاله

خلاص الحقوق هو..... لايغفل ولا بينام

ماهو خالق الكل وعارف الردي واحواله

هو الردى والظلوم ..شايف لنفسه حساب

ولا بيفكر ان عدل ربه مستنيه على الأبواب

مسكين ظلوم وجهول وسط الدروب تايه

طاب هو امتى وكيف ..كان عدل ربك غاب

بقول عدل الاله مايغيب......كلام ماهوش محجوب

امنا بيه من صغرنا...............ورضينا بالمكتوب

فيه ناس كتير مننا ...........لا همها حساب ولادين

وان تاب الردي مره ........يرجع لاصله وكله عيوب

بنادى رب كريم وسط ظلام الليل وبهاتى

ما تستعجلش حكم ربك دا كل بعيد آتى

بس انت إعدل عقالك وبعزم ما فيك نادى

حاتشوف سحابة رضا ربك كريم هادى

يارب ياكريم.. ترضي عن كل تاواب

تسامح وتغفر...... لكل من جاك اواب

ملوش غيرك يناديه انت للقلوب عارف

ومين يقبل التوبه... وانت للقلوب قلاب

باعتب على كل واحد لحكم ربه كان معاند

ويطيح فى الدنيا شرق وغرب وللحقايق مطارد

ومين بس يقدر... يحجب شموس الحقايق

غير الظلوم الجهول اللى ماشى فى الدنيا شارد

دعيت من قلبي... يستر عرض الولايا

وسهرت ليلي بطوله اناجي رب البرايا

مايرد دعا الخاشعين.. وكريم ولايبخل

لطيف بعباده هو ..وعالم بحال الولايا

الحفظ موجود من ربك بس لو تصفى النوايا

ربك موجود وعارف سابل بستره على الولايا

والعفة تغزل توابها ...وتزين بيها الصبايا

والطهر فاحت رواحيه ربك عالم بالخفايا

الحمد لله ستار العيوب عالم الاحوال وشايفها

واستعيذه من كل الشياطين.. في الدنيا جايبها

طهر وعفاف القلوب...... هوالهدي للناس

وعمايل الناس متخفاش عليه ماهو هو شايفها

أبو جمال طبعه حامى وغيور خايف على بنات الإسلام

وانا من قلبى وياه بادعى بالستر والأمن وبلوغ المرام

وشرع الله سايد وعادل ومالى الكون مادمنا بنطبق الأحكام

ياريت الناس تخاف على بعضيها ساعتها كله يبقى تمام

مشكوره يابنت لجواد ...اللي يفهم يريح فؤادي

كلامك صحيح ......والمصطفي نبينا طه الهادي

الشرف غالي وعزيز........ ومين في الحياه كدّه

من الصغر ربونا عليه... مش ع السهر والنوادي

يا عقل أوقف معانا وبنورك اوعى تغيب

لو غبت لحظه علينا يضل فيها الحبيب

وشرع ربك قصادك هو الشفا والطبيب

يا عقل أوعى تنام من غيرك أبقى غريب

» مساجلة شعرية بين الأستاذ مصطفى عدلي و الأستاذ محمد جلال
» مساجلة شعرية بين الأستاذ صلاح النجار و المهندس حمادة شحات
» مساجلة شعرية جديدة للأعضاء
» حوار رمضانى شيق مع الاستاذ عبد الفتاح
» تهنئة خاصة الى استاذ نصر الدين عبد الفتاح