عبر عن مواجيدك هنا فى المنارة

تقبل اعتذاري فلم اجدها علي الجهاز حاليا وسأقوم برفعها لاحقا
ولكن هذا هو المقصود بالحضره

وهذه اجمل الذكريات وخاصه عندما تكون في احتفالات الشهر الكريم يا استاذ / عبدالفتاح فما هو شعورك وماهو الفرق بين الان وبين الزمان الذي مضي؟

بالله عليكم وعلشان خاطري تسمعوا الحبيب الغالي عبدالنبي الرنان وتقولي ايه رأيك مش من حقي احب زمااااان واتمسك بيه حتي الان ؟

مش هى دى الحضره يا عبقرينو
انا حاوريكم الحضره اللى على حق
الحضرة ذكر لله بأدب جم وصوت صاف وارواح محلقة
ومديح فى الحبيب بقلوب الهبها الشوق اليه
حالا سأقوم برفع حضرة او مجلس ذكر خلوتى
لأتباع الشيخ الطيب الحسانى
وادعولى

هندعيلك مقدماً انا كان عندي اجزاء كترة جدا بس للاسف مش موجوده حالياً بس هجيبها وارفعها

ياريت يا استاذ حماده
بس للاسف حاتنتظروا للغد علشان تسمعوا الذكر الخلوتى
النت دلوقتى ضعيف وكأنه ماشى على جمل
الصبح ان شاء الله
مجلس كامل مدته لا تقل عن ساعة ونصف
المهم كملوا كلامكم
يعنى يا استاذ عبد الفتاح
فى غير نجع حمادى
مثلا هنا فى دشنا ونواحيها الناس كانت بتصحى ازاى للسحور

حاجه جميله جدا جدا ياحماده

هكذا كانت الليالي مديح وذكر لله وقران

وهناك بعض العائلات كانت تعمل حاجه اسمها سهرة او يقولو عيلة فلان مسهرين السنه دي

في رمضان يعني جايبين مقرئ وتجلس الناس تستمع الي القران وبعد التلاوه يتباري الكبار في العمر في

روايات عن الصحابه والصالحين وعن القصص الماثوره التي تحوي العبر والحكم وكل يدلي بدلوه

واثناء ذلك الشاي والقهوه وبعض الحلويات ثم قران وتلاوه وهكذا حتي قرب موعد السحور واظن هذا

لازال موجود ولكن قد يكون بطريقه اخري

اما عن الحضرات والذكر فكان هناك شيخ رجل وقور اسمه الشيخ وافي محمد وافي هذا الرجل كان شيخ مشايخ الطريقه الرفاعيه

وعلي ما اذكر كان من اسيوط/ الغنايم الا انه كان دائم التواجد في محافظة قنا وله من المريدين الكثير والكثير

عندما ياتي هذا الرجل الي فاو يتجمع حوله مريدوه ويقال لهم (الدراويش) وكانوا يحيطونه بهاله من الاحترام

والتقدير ويروون عنه انه كان رجل بركه وله كرامات وانا اتذكر شكل هذا الرجل جيدا وجه احمر مضئ وجلباب نظيف وعمامه

بيضاء كالحليب كان الحضرة يفتتحها هذا الرجل بالمديح والذكر وتري الناس في ليلته يظلوا يتناقلون اخباها عدة شهور

هذا الرجل له ابن اسمه الشيخ حمام وله ضريح بمدينة قنا يذهب اليه مريدوه كل عام قي المولد السنوي للشيخ حمتام

رحم الله الجميع ومن مظاهر الحضره كانت (الدلاله)والدلاله هذه بفتح الدال وعدم تشديد اللام عبارة عن عصا تقف بطريقه راسيه وفي نهايتها العلويه تتقاطع معها عصا اخري بشكل افقي

طولها حةالي متر تقريبا في هذه العصا الافقيه يوضع عليها حوال من 7 الي 9 لمبات تعمل بالكيروسين وفتيله من القطن او القماش وبعد صلاة العشاء في المسجد يخرج الرجال او

الدراويش ومن

معهم ممن يحبون هذا النوع من الذكر حاملا احدهم الدلاله مضيئه لمباتها ويذهبون في موكب جماعي مرددين

الله الله الله الله**ويرد عليهم اخرون ابو القاسم نصب الحضره بلحن حلو وجميل حتي يصلون الي البيت الذي ستقام

عنده الحضرة وحال وصولهم يبداون في التهليل والتكبير وقراءه الفاتحه للاموات من المسلمين ولصاحب الليله

الذي يكون بدوره قد اعد العشاء مسبقا والشاي وما الي ذلك

هكذا كانت الحضرات في فاو ولا اعرف كيف كانت في بلاد بعض الاعضاء

وهذه كانت طقوس الحضره

اما الحضرة او مجلس الذكر عندنا فكان ولازال يأخذ اطار معين
يقام المجلس بعد صلاة العشاء بادئا بقراءة بعض سور القرآن الكريم
ثم قراءة جملة صلوات على رسولنا الكريم متبوعة بقراءة المنظومة منظومة اسماء الله الحسنى
ثم ذكر لاسماء الله يتخلله مديح
وذكر بكل أدب ..لا الذكر الراقص الذى تشاهدونه فى التلفزيون انما بكل ادب وتركيز
ويختم بعد ذلك بقراءة القرآن وسيل من الدعوات والفواتح لكل الموجودين وستستمعون اليه حال اكتمال الرفع

[ندعوك للتسجيل في المنتدى أو التعريف بنفسك لمعاينة هذا الرابط]

مجلس الذكر

اليشمك

[ندعوك للتسجيل في المنتدى أو التعريف بنفسك لمعاينة هذه الصورة]

فرق شاسع بين الصورتين
لو حبيتو ممكننغير شويه من الكلام عن رمضان على وعد بالعوده الى رمضان ولياليه
ونتكلم فى جانب آخر
شايفين الزى النسائى زمان والآن
نريد وقفة للكلام عن نساء زمان
لو تفضلتم علينا

[ندعوك للتسجيل في المنتدى أو التعريف بنفسك لمعاينة هذه الصورة]

اختنا زهرة سؤال بسيط
ماعلاقة الراحل جمال عبدالناصر باليشمك
هههههه
اكيد لو تقصدي زماااانه انا معاكي بس علي ما اعتقد انه كان فيه تحرر في زمانه
موضوع الفرق بين زمان والان في الزي النسائي يحتاج منا لوقفات كبيرة جدا لانك كما ذكرتي هناك فرق شاسع جدا جدا جدا

طبعا لا علاقة بين اليشمك والرئيس الراحل
انما صورة الرئيس الراحل هدية منى للاستاذ عبد الفتاح
وبمثابة مصيده كى اصطاده ليبادلنا النقاش
وهيا نواصل نقاشنا الممتد

نحن في انتظاره حتي يعود ويبادلنا اطراف الحديث كما نتمني من كل الاساتذه اللافاضل الذين يسبقونا في العمر ان يتفضلوا ويبادلونا اطراف الحديث

طيب ما تكلمنا انت دلوقت عن مظاهر الملبس الحديث وانت عايش فى اجواء جو القاهرة
كلمنا عن أغرب التقليعات التى صادفتك سواء نسائى او رجالى

والله يازهرة لو اتكلمنا عن التقاليع الغريبه جدا عندنا هنا في القاهرة
انا هختار تقليعه غريبه اتكلم عنها وهي تقليعه البنطلونات الجينس المقطعه ويقولوا موضه موضة ايه دي اللي تخلي الاجساد شبه عاريه حاجه مستفزة والله وكمان اللبس الي بيكون قصير جدا معلش انا اسف هتكلم بصراحه شويه
اللي يغيظ جدا جدا ان الواحده من دول تكون لابسه بادي قصير جدا اعلي الجسد وطول ماهي ماشيه بتشد فيه طيب لما انتي عارفه انه قصير بتلبسيه ليه ؟
وفين الرقابه الاسريه فين دور الاب فين دور الاخ فين دور الام
ازاي اصلا سمحوا لها بالخروج بالمنظر ده والله الموضوع ده مستفز جدا
وانا عن نفسي بخلي العيب والمسئوليه علي الاب والاخ والام لانهم هما الاساس في التربيه والتعليم للقيم والمبادئ والقيم الاخلاقيه اللي اندثرت حاليا في معظم الاسر
الله يرحم زمااااااااااان واهل زماااااااااااااان
يخسارة

والله خليتنى اضحك ضحك يا استاذ حماده اضحك الله سنك
نفس الكلمه بتاعة البودى اللى بتشد فيه ده انا قلتها مره
وانا متغاظه جدا وباقول فين مامتها دى وغيرها كتير
العدوى دى انتشرت عندنا يا استاذ حماده
والبنطلون المقطع ده يا راجل له مده طويله
أول مره شفته فى عرض أحد المحلات وقفت مزهوله
يعنى ايه ده
ما كنتش قادره استوعب ابدا ان فيه اى بنت ترضى تلبس الهرجله دى
كمل كمل
كلمنا كمان عن التحف اللى بتقابلك

لا الغريب كمان حاجه جميله ومضحكه جدا
انا لاحظتها في اخر زيارة ليا للصعيد من حوالي شهر ونصف تقريبا
في ماده غريبه كده مش عارف اسمها بتتوضع علي الوجه لتفتيح البشرة تقريبا
المهم هنا في القاهرة ممكن تكون ثقافة التقليد معقوله شويه مهما كانت الاسباب هنخوض الكلام عنها بعد قليل بس خلينا الاول في الزيارة
شفت منظر مضحك وغريب ومستفز ايضا واحده سمراء وواضعه من الماده دي بس بغباء فالوجه ابيض وعليه 2 كيلو جير وباقي الجسد باين اسمر حتي في التقليد فاشلين والله والمهم ان الاب ماشي معاها والاسره ومعجبين جدا ببنتهم وعادي مفيش مشكله شكلهم كده واله اعلم ناوين علي اصطياد عريس
هل هذا يرجع فعلا لعدم اقبال الشباب علي الزواج برغم الظروف الاقتصاديه ولا ايه ؟
الكلام كله هيدخل في مجالات كتيره يازهرة ومش هنخلص لان الواحد جواه بلاوي متلتله والله من اللي بيشوفه وبيسمعه
هل اصبحت الطريقه المثلي في اصطياد العريس ان البنت تعمل في نفسها العمايل دي برضا من الاهل ؟؟؟؟؟
هل يعقل هذا بالله عليكم

عارفه كان نفسي اقولهم حاجه واحده بس للاسف مقدرتش لانه مش من حقي
كنت عاوز اقول لهم الله يرحم زمن الجبه والملس
وبس خلاص مش هكمل

شبهت رقبتها بنخلة في الصعيد

إذا
هبهبت لرياح بيزينها الجريد

شبهت
رقبتها بنخلة في العجب
إذا
هبهبت لرياح بيزينها الرطب

رايحة
فين يا حاجة

يا ام
شال قطيفة؟

رايحة
أزور النبي

والكعبة
الشريفة.
من كلمات الخال عمنا عبدالرحمن الابنودي

[ندعوك للتسجيل في المنتدى أو التعريف بنفسك لمعاينة هذه الصورة]

زمان كانوا بيقولولنا البنت ما تتزوقش الا لعريسها
وكانت الواحده مننا لا تعرف طريق الماكياج الا فى يوم خطوبتها أو فرحها
الآن انا باشوف البنات بتتقن وضع الماكياج باحتراف
وتعرف انواعا واشياء انا عن نفسى لا افقه فيها شيئا
كثيرا ما نحب التنزه ليلا فى شوارع قنا
انظر فأجد بنات الجامعات يضعن ماكياج كامل وصارخ ومستفز
ومع ذلك ترتدى طرخة على راسها
تعرف الواحده اذا كانت متزوجه ام لا من مكياجها
اذا كانت تضع ماكياج صارخ تبقى فتاة تعرض جمالها على المارة
واذا كانت مدهوله فى نفسها تبقى متزوجه

الحاجات اللى انت جايبها دى جميله وفرحت بيها
بس فين الروابط بسرعة الصاروخ هاتها لو سمحت

اليكي الرابط وابداعات الخال هديه لكم

[ندعوك للتسجيل في المنتدى أو التعريف بنفسك لمعاينة هذا الرابط]

باطلق شيح
للحمام اللي كان مليح
باطلق عدس
للحمام اللي اتنَفَس (أي أصابته نفس أو عين حسود)
وقبل أن تغادر بنية الحمام تقول:
طالعة زمقانة (غاضبة)
من البنية الخربانة

تحفه

لالا ودي كمان روعه

أحس بيكي خارجه من بحر
أحس
بيكي خارجه من وهم
أحس
بعيونك ـ بلابل الحكمه ـ ناقصهم فهم
حلفتكي
بالله من أنهي وادي؟
فربما
اتقابلنا في طفوله
أو في
حارات ماتت
أو في
فصول المدرسه الأولى
أو تحت
ضل سفينه محلوله
حلفتكي
بالله من أنهي وادي؟
فلا
طيور في دي الجهه ولا عش
ولا حسد
ولا غش
ولا
زمان ولا وقت
ولا
ضجيج ولا صمت
كل
الأمور ع الأرض مرميه
والناس
معديه

» فضل المنارة
» معا من أجل المنارة
» الى كل محبى المنارة
» طابع المنارة
» اين وردة المنارة ؟؟