عبر عن مواجيدك هنا فى المنارة

انتظر ياحامل المسك لما نرحب بالكبير بتاعنا ونضرب نار علشان شرفنا ونورنا الاول
اذا حضر الكبير الاستاذ عبدالفتاح نستعد ونجهز لليله من اروع الليالي ولازم ياخد واجب الترحيب كما انزل ده الريس بتاعنا

صباح الفل والياسمين يا استاذ عبد الفتاح

منورنا

عمنا الكبير عبدالفتاح عاوزينك النهارده تكلمنا عن الاحترام زماااااااان ومالفرق بينه وبين الان
لاننا زمان كنا نعرف قدر المعلم جيداً اما الزمن اللي احنا فيه دلوقتي اجارك الله والله بقت حاجه تكسف ما بين التلميذ واستاذه كنا زمان لو المدرس عده بس او مر خياله في مكان حتي لو بعيد عن المدرسه بترتجف الاجساد من الاحترام والتقدير لدوره المقدس اما الان اصبح المدرس صاحب التلميذ وكأنهم زمايل غرزة واحده اعتذذر عن التعبير ولكن هذا انسب تعبير يقال
اتفضل قول يا عمنا

الله يخليك محمد باشا

هو الباشمهندس فين؟

انا خايف والله يامحمد

احسن قنابله دي تنفجر فينا علي قولتك

بس اكيد انفجارها هيكون حلو لاني عارفه وعارف قنابله

ههههههههههههه
لاتقلق انها قنابل الفن الشعبي وقاربت علي الانتهاء وانها امنه تماما والفتيل احتفظت به لكي افجره في غفله من المشاهدين والمستمعين قريباً

نشا الله بس متكونش ناوي تخليني ادخل في الموضوع

وتسيبنا وتنام

والله ياباشمهندس الموضوع زي ماوصفته انت بالضبط

اصبح التلميذ واستاذه زي زمايل في الغرزه بدون اعتذار لانه ده ال حاصل

انا اذكر انه في اجازات المداترس زمان كنا نروح الكتاب

وفي الاجازه الكبيره كان ياجي البحر الفيضان يعني

عارف سيدنا في الكتاب كان بيعمل ايه؟

كان معاه قلم كوبيه زي قلم الالوان حاليا لونه ازرق لانه هي القلامه التي كانت منتشرة انذاك

كان يكتب بالفلم علي رجلينا عند قصبة الرجل كده يكتب ارقام يعني 5**7

8**10**وهكذا عارف ده كان معناه ايه؟

انه اليرح يستحم في البحر الكتابه هتروح من الميه والاستحمام

تاني يوم ال ياجي ومفيش كتابه علي رجله معناها نزل البحر

اذن يستحق عقاب ضرب بالعصا علي حسب الرقم الكان مكتوب علي رجله

تصدق بالله كنا حتي بنحرم الستحمام في البيت علشان الكتابه متروحش

من خوفنا من سيدنا

هههههههههه اضحك الله سنك ياعمنا بس علي فكره انا كنت ايضا في الكتاب وكان علي ايامنا في الفلقه واجارك الله منها
بس اقسم بالله كان ونعم التعليم ليس الحال كما هو الان تعرف والله هذا المنظر شاهدته بعيني الاستاذ يعطي التلميذ السيجاره ويشعلها له والطامه الكبري اين تقع هذه الكارثه تخيل ؟
في حوش المدرسه علي مرئ ومسمع الجميع اين نحن من زمن الكتاب الان ؟

اذا كان المدرس بياخد فلوس من الطالب
علشان يدرسه يبقي صعب الاستاذ
يجبر الطالب علي شيء
الدروس الخصوصية مشكلة كبيرة

صادق والله ياباشمهندس

صدقني علي قولتك كان الواحد لما يشوف المدرس في الشارع

يطير ويدخل البيت زي البنات خايف لحد يشوفه

طيب ال امر من كده تلميذ اعدادي يتبادل كليبات خليعه مع المدرس

من الموبايل (صباح الخير يا استاذ مفيش جديد النهارده)ولا ادري كما تفضلت في اي زمن نحن ؟

بالله عليك تحت اي بند يوضع المدرس حالياً ؟
بند التعليم
ام بند التجاره شطاره ؟

بالذمه مش شيئ يحزن يا استاذ عبدالفتاح وحاجه تحرق الدم

جبت التايهه يا حامل المسك

هي دي المصيبه الكبري

انت عارف لما كنا نحتاج قوي قوي لدرس خصوصي في ماده معينه

مكناش نعطو فلوس للمدرس ولكن كان الوالد هو الذي يحاسبه ولم نكن نعرف عطاه كام وميكونش

عطية الفلوس قدامنا نحن كنا لا ندرك ما معني هذا ولكن حين كبرنا عرفنا السبب

وهو حفظ هيبة المدرس امام تلاميذه

والان يا استاذ عبدالفتاح المدرس بيتفق علي قيمة الدرس معاك وكأنها مقاوله وانت لاحول الله مجبر علشان ابنك ينجح وياريت ينجح بمجهوده او شرح المدرس لالالالا بالعكس وحضرتك اكيد عارف
علي فكره زهرة كانت طرحت الموضوع ده قبل كده في نفس القسم وكان فيه صولات وجولات

زمان غير دلوقتي

انما دلوقتي تحس ان الطالب كاسر عين الاستاذ

اعرف مدرس كان يباخد من كل طالب داخل الحصة 3 جنية

اللي مش جايب التلاتة جنية يرجع

يبقي منتظر ايه يحصل في الحصة

هزار ومسخرة بين الطالب والاستاذ

هو ده اللي حاصل بالفعل ياحامل المسك المدرس اصبح عينه مكسورة من تلاميذه لانها اصبحت تجاره مش تعليم

والله كمان ياحماده تحت اي بند دي لازم لها وقفه

متنساش كمان الحاجه والعوز والغلو والمصاريف

اصبحت شئ لا بيكفيه دروس ولا مرتبات كمان من ناحيه تانيه انا معاك

فيه جشع من بعض المدرسين في هذا الموضوع

زمان والله العظيم انت عارف الفكهه لما تنزل السوق اول مره في اوانها اصل زمان كان كل نوع من الفاكهه ليه موسم سنوي

ينزل فيه مش زي دروك الصوبات خلتنا مش عارفين ده اوان ايه من الفاكهه والبيوت المحميه وماشابه

عارف مين كان بشتري الفاكهه اول نزولها؟ موظف الحكومه

ليه لان مرتبه كان يكفيه وزياده احسن فاكهه يشتريها الوظف واحسن خضار يشتريه الموظف واحلي لحمه تروح من عند الجزار

للموظف مع ان راتبه علي ايام ما كنا في ابتدائي لا يتجاوز خمسه سته جنيه لكن كان فيه بركه

والدنيا رخيصه

ياباشا اصبح دلوقتي الفاكهه والخضار واللحمه وخلي تحت كلمة اللحمه دي الف خط ههههههه
متلاقيهاش غير عند المدرسين والدكاترة و........ ونقط ههههههه
اصل الواحد لما بيروح عند الجزار دلوقتي مش بيروح يشتري لالالالا بيروح علشان يوقف قدام الدبيحه ويقول لها في صوت عالي يارب تروحي النار
ويسبل امرة لله ويمشي ويكتفي بالمشاهده عن بعد

اسمحو لى اكون متطفل واشارك فى الموضوع
زمان ا ه اه
من زمان واحترام زمان واكل زمان وعيشة زمان
وغناوى زمان وفن زمان
زمان كان المدرس مدرس والتلمذ تلميذ
والله كنا لما نشوف المدرس وانا بنلعب
فى الشارع نجرى نستخبى
اما موضوع الدروس الخصوصية
فهذه مصيبة لانها مقدمة لالغاء مجانية التعليم

ياريت زهره كانت موجوده

كانت شاركتنا هذا الحوار لكن البركه فيك وغي حامل المسك

بس انا لي سؤال لحامل المسك

ايه السر في التسميه وايه موضوع الولد الصغير ده

لازم اسمع اجابه ومتحاولش تهرب مني

والله صقر فعلا وتستحق اللقب
دائما ما تصيب كل اللي بيدور في عقولنا يلا قول ياحامل المسك اعترف بسرعه

منور يا استاذ محمد

وبلاش كلام في السياسة هههههههههههه

انا سامه ان اللحمة هتتامم زي قناة السويس

ابو العبادي وصل

يادي النور يادي النور

هو ده بالظبط يابوحسن ال بنتكلم فيه

وانا عارف انك بتعاني من هذا الموضوع

لكن صدقني نحن نبحث عن الاحترام المفقود بين التلميذ والاستاذ

(خلي بالك ده ينفع عنوان مقاله)عندك استعداد انت والباشمهندس وحامل المسك ان تبحثوا فب الاسباب؟

نورت يا استاذ محمد والله حمدلله علي سلامتك
شفت الهنا يا استاذ عبدالفتاح احنا بقينا اسعد بوصول الجميل والرائع الاستاذ محمد وتشريفه للموضوع
وعاوزين نسمع ونستفيد من خبراتكم الجميله
ومقلتليش موضوع اللحمه نعمل فيه ايه ههههههه
اما بخصوص البحث انا جاهز وعندي استعداد للمشاركه فيه

هستئذن من حضراتكم لحظات وارجع تاني بعد اذنكم يا اساتذتنا الكرام

ههههههههههههههه

ماشي

اسم حامل المسك هو اسم لشركة عطور سعودية

وكانت من اهم الرعاة لقناة العفاسي بتاعت الشيخ مشاري راشد العفاسي

وانا من اشد المعجبين بيه وبقناته واناشيده وشدني اسم الشركة

بالاضافة للحديث الشريف للحبيب صلي الله عليه وسلم ‏‏قال

" ‏ ‏إنما مثل الجليس الصالح والجليس السوء ‏‏ كحامل المسك ونافخ الكير.. فحامل المسك ‏ إما أن ‏ ‏يحذيك ‏ ‏وإما أن ‏ ‏تبتاع ‏ ‏منه وإما أن تجد منه ريحا طيبة.. ونافخ الكير إما أن يحرق ثيابك وإما أن تجد ريحا خبيثة "

وانا اتمني اكون كحامل المسك مع من حولي

انما الصورة انا بحب الاطفال والطفل ده لابس جلبة وطاقية

وتحس انه طيب ونظرته فيها شيء مختلف اوقات بحس انه انا

» معا من أجل المنارة
» فضل المنارة
» الى كل محبى المنارة
» المنارة سوق كبير
» طابع المنارة