عبر عن مواجيدك هنا فى المنارة

الأبنودى خدنا من الحوار اللى كنا بنتكلم فيه
وبتهرب لما باسالك الشباب والرجال ايه اخبارهم فى التقاليع الجديده
حاتقول ولا أقول أنا

والله يازهرة انا بهرب لانها حاجه تكسف
بصي ياستي دلوقتي الرجال اصبحوا اشبه منهم بالنساء وكان فيه موضوع مثار قبل كده كنت اتكلمت عنه وهو التشبه بين الناس بتقاليع الغرب والله فعلا موضوع مش قد كده بس عموما هنا الرجال منهم من يتماشي مع موضه العصر ويركب الموجه وهي البس المقطع برضو وتلاقي البنطلون فيه الوان غريبه كأنه مدلوق عليه كلور ومبقع والاغرب كمان انك تلاقي الشباب لابسين بنطلونات ومنزلينها ويظهروا الملابس الداخليه وده اعلاناته بتيجي في التليفزيون يقولوا عليه مان او بالانجليزي

Man
ودي اخر التقاليع ولسه ياما هنشوف لانه كمان اصبح زي النساء الضيق هو موضه الرجال
وربنا يرحمنا من اللي بنشوفه وخاصه ع الكورنيش وفي المقاهي والافراح

ايوه موضة البنطلون الواقع
والمشجر والشعر الملفوف والجل الكتييييير قوى
حاجات تقرف بصراحه
آه والتاتو والصدر المفتوح والسلسله المتعلقه
اقتداء بتامر بيه حسنى وأمثاله

[ندعوك للتسجيل في المنتدى أو التعريف بنفسك لمعاينة هذه الصورة]

سؤال
انت مش ملاحظ معايا ان انا وانت بس اللى بنتكلم
هو الموضوع مش عاجب حد ولا ايه

تقريبا كده والله اعلم متاخديش علي خاطرك اكيد لسه هينضم لينا الاساتذه الكبار بتوعنا بس الجو حر وهما حرانين شويه اصبري عليهم

حرانين ليه هو انا مش جبتلكم آيس كريم من شويه
ولا انت مش واخد لبالك
عموما ممكن نغير موضوع النقاش زى ما هما عايزين
احنا تحت امرهم والله

في حالة تشبع يازهرة من الساده الاعضاء او مش لاقيين كلام يقولوه ههههههه
بيتفرجوا فقط ليس الا

الهديه مقبوله يازهره

الم اقل لك من قبل انك تعرفين من اين تؤكل الكتف

الموضه هي الرجوع للوراء مع احداث بعض التغيرات الطفيفه علي الاشياء

لا تتعجبواا صدقوني هذه هي الموضه في السبعينات كانت المضه السائده للشباب انذاك هي البنطلون الشارلستون

ورجل الفيل والحذاء ذو الكعب العالي اقول للشباب وليس للبنات وما ان انتشرت الموضه حتي طبقت علي البنات

واتذكر في ذلك الوقت كان لي صديق دراسه احضر لي في احد الايام صوره لوالده وحين رايتها لم اصدق نفسي

فالصوره ماخوذه في عام 1936 وكان والد هذا الصديق يرتدي بنطلون اشبه بالشارلستون وادكنا حيبنها انا وصديقي

ان مانرتديه الان هو موضه قديمه وليست موضه حديثه ومن حينها قررنا الا نرتدي هذا النوع من البنطلونات

وعدنا الي البنطلون العادي ولو رجعتم بعض الشئ الي الوراء وشاهدتم افلام الابيض والاسود ستجدون ان هناك

الميتي والمايكرو والبكيني والكات والشابونيز (موضه) ولكن كانت قاصرة علي طبقات معينه من الناس ما الفرق بين الكات او

الشابونيز وبين البادي الان ذاك يكشف الصدر والاكتاف وهذا يكشف بالاضافه الي ماكشف سابقا جزء من البطن والظهر

ولكن كما قلت كان مقصور ذلك علي فئه بعينها او طبقه مجتمعيه بعينها

اما الان فالموضوع اصبح بجاحه اذاصح التعبير او قل عدم حياء او قل عدم تربيه او قل حريه شخصيه

او قل ماشات هذه هي المصيبه وكما قال حماده الادهي من ذلك هو الغباء في استخدام الموضه وعدم معفة استخدامها فهذا يزيد

الطين بله مثلا تجدين شاب او فتاه يرتدي النظارة الشمسيه وهو داخل مكان ظل او يرتدي او ترتدي نظاره حجمها كبير

جدا يكاد يخفي 90 بالمائه من وجهه او وجهها في حين ان وجهه كد العشرة قروش الفضه اي عدم تناسق وسوء استعمال

او شخص ضعيف جدا بدنيا ويتدي جينز ضيق فتظهر سيقانه كانهما زوج من العصي ونفس الشئ للفتاه

وكما لقبهم احد النقاد بانهم ملكات جمال العظام واشياء كثيره لا تعد ولا تحصي يتقمصها شبابنا من الغرب والشرق

مما كان من اهم اسباب ضياع هويتنا المصريه هدي الله شبابنا وبناتنا وحفظهم من السوء وردهم الله الي الصواب

ان شاء الله اللهم امين

سلاااااااام عليكم

هو انا اروح مكة يومين ارجع القيكم دخلتو في رمضان وايام زمان

واليشمك وجمال عبد الناصر

واحب اقول حاجه لحماده علشان سال عن علاقة جمال عبدالناصر بالموضوع

اصل جمال بيمثل ايام اليشمك اما الايام ديه ولبسها فبيمثلها الزعيم الحالي ههههههههههههههه

وصحيح هنا في السعودية بيلبسو الاسود ومتغطين كلهم

بس تحت ده هتلاقي امر من اللي بيتلبس في مصر الايام ديه ومنتهي الفجر

اللي اقصده ان اللبس صحيح بيصون البنت نما مش مقياس علي الادب

وعلي فكرة رمضان زمان كان جميل وليه طعم

وكل سنه بنلاقي حلاوة رمضان بتقل زي الاعياد كده

حمد لله ع السلامه ياحامل المسك

وانشاء الله عمرة مقبوله

ومرحبا بك علي صفحات هذا الحوار

تزيده علما ومعرفه وتالقا ونوراا

يا سلام
مفاجأة جميله ان أجد الاستاذ عبد الفتاح وحامل المسك هنا مرة أخرى
بعد ان تضايقنا بالأمس أنا والاستاذ حماده ووجدنا اننا وحدنا الذين نتناقش هنا
وقلت فى نفسى الاستاذ عبد الفتاح مش عاجبه الكلام ولا ايه
الحمد لله انك معانا على الخط
فعلا يا استاذ عبد الفتاح كان فى الستينات طبعا ودا موجود فى افلام الأبيض وأسود
موضة المينى والمايكرو والحاجات القرف دى
بس هنا برضه كان فيه شوية تقليد على قد نفسهم
يعنى كان اللبس قصير بس تحت الركبه
وديكولتيه الصدر مفتوح بدرجه كبيره
شفت الناس الكبيره كانو بيلبسوه
وتعمل نفسها مغطيه صدرها بالطرحة
حب التقليد موجود فى كل زمان ومكان
لكن البنطلون الآن ليس له حل لأنها تظهر به وهو يصف جسدها وكأنها عارية
والطرحة ما يثيرنى هو انهم يظلمون الطرحة ظلم بين مع هذا الملبس

صباح الخير اختي زهره

انا لفيتك مش موجوده وحامل المسك دخل في الموضوع

ومحدش رحب بيه ولا حاجه فقلت احط نفسي مكانك

وارحب بالراجل هو ايه يعني زهره مش موجوده خلاص

نقفل الموضوع ولا ايه

طبعا لا وراكي رجاله متخافيش

انا عارفه يا استاذ عبد الفتاح
وبعدين نحن اتفقنا اتفاقا قبل ذلك
مافيش كلمة موضوعك وموضوعى
كلنا اسرة واحده وموضوعى هو موضوعك
نجاح اى موضوع لا يأتى من فرد واحد
انما يكون نتاج التعاون بين الجميع
ومش حاتهرب منى تانى يا استاذ عبد الفتاح
حالا ستجدنى طارحة عليك
صورة للنقاش عن ايام زمان
لان كلامك شيق ويزيدنا بالمعلومات

أستخراج المياه بأستخدام " الطرونبة "

[ندعوك للتسجيل في المنتدى أو التعريف بنفسك لمعاينة هذه الصورة]

حد يعرف حاجه عن الطرمبه
ممكن يكلمنا شويه عنها

الطفلان اللذان نراهم في الصوره شكلهم مصري والمراه شكلها ومن يقف ورائهم باين له خواجه

تركيبه غريبه (انتي جبتي الصوره دي منين ) علي كل

الطرنبه او الطرمبه

كانت هذه الماكينه اذا جاز التعبير هي المصدر الوحيد لمياه الشرب في قري مركز دشنا

قبل ان تعم شبكات مياه الشرب الحكوميه وندفع في فواتيرها دم قلوبنا فكان الناس يعتمدون علي الطرمبه

اعتناد كلي في شتي صنوف حياتهم كالشرب والطبخ والغسيل وشراب الماشيه وصناعة الطوب الاحمر

وم الي ذلك زكانت تقاس بالقدم وتراوح طول المواسير التي تغرس في الرض لجلب الماء الي الاطرمبه

مابين ا10 الي 60 قدم وذلك بفعل بعد المياه من سطح الرض من منطقه الي اخري ومنها مايستخدمه الناس باليد او الرجل

ولا يكاد يخلو بيت من القريه من طرمبه الا ماندر ويقال بيت فلان طرمبتهم ماؤها حلو او عذب يعني

وطرمبة بيت فلان ميتها مش كويسه مالحه وتري الناس يتكالبون علي ملئ جرارهم من الطرمبات الحلوه

ويحدث اذدحام شديد من الاطفال والبنات لملا مالديهم وتحدث اشياء اخري ايضا مثلا شاب يريد الزواج

فيجلس علي ناصية الشارع اللذي توجد باحد منازله طرمبة ميه حلوه ليشاهد البنات او الفتيات وهم ذاهبين لملئ جرارهم

ذهابا وايابا لينتقي لنقسه واحده من هذه الفتيات يتقدم لزواجها لانه كانت عمليه نقل المياه من الطرمبه الي اي منزل

الغالبيه العظمي فيها تقوم به الفتيات والفتيات ايضا كن يذهبن لملا جرارهم وهم في زينه يعني حرده حلوه طرحه حلوه جلابيه

ملونه تسريحه حلوة زي قصة شاديه وكانت مشهوره جدا لانهن يدركن ان هناك من ينظر اليهم لانتقاء احداهن للزواج

ولكن كان يتم ذلك بكل ادب ودون معاكسات او ماشابه ذلك مما نراه هذه الايام من الشباب هداهم الله

وكانت مياه مجانيه لا فواتير ولا غرامات

حلوه قوى كلمة حرده حلوه وقصة شاديه دى يا استاذ عبد الفتاح
بس برضه مهما كان فيه فواتير للمياه الا انها نعمة كبيره فى بيوتنا ونظافة
دا احنا لما بتنقطع لها ساعتين بنشد فى شعرنا وبنبقى فى حالة قرف وضيق
بس عندى سؤال غبى لو تسمح لى
مية الطرمبه بتيجى منين يعنى آبار جوفيه
ولا مواسير ممدوده ولا ايه

ايه يازهره معندكوش قرايب في القري وشفتي الطرمبه عنديهم والا ايه

عجبتك قوي الحرده وقصة شاديه

طبي ازيدك من الشعر بيت كما يقولون؟

ولا بلش احسن تضحكي علينا

اظن ابو العبادي متواجد الان وياريت يهويني شويه

هو مفيش غير انا وانت بس في المنارة؟

ماء الطرمبه ياتي من جوف الارض وماء نقي جدا ونظيف وبارد صيفا ودافئا شتاءا

ونهايه الماسوره من اسفل كانت مسدوده ولكن المتر الاخير من الماسورة السفلي كانت

به ثقوب صغيره جدا جدا وقد لفت بلفافه معدنيه من النحاسزو طبقات متعدده كي تعمل علي

دخول الماء الي الماسوره دون ان يدخل معه اي شوائب او طين او اي شئ

ما تضحكش عليا يا أستاذ عبد الفتاح
انا طبعا يشرفنى ان يكون لى قرايب فى القرى مالها القرية
القرية وناسها البسطاء اللى على طبيعتهم وسجيتهم
بس للأسف فعلا ليس لى اقارب فى قرى
وعمرى ما ذهبت الى قرية
اقولك على حاجه تضحكك
انا اول مره اعرف ان الطماطم بتتزرع فى الأرض
من فترة قريبه
كنت فاكره انها بتنبت فى شجر زى البرتقال
معلتش استحملنى شويه

[ندعوك للتسجيل في المنتدى أو التعريف بنفسك لمعاينة هذه الصورة]

الأهرمات وقت الفيضان
حد فاكر ايام الفيضان
يا استاذ عبد الفتاح
ممكن تكلمنا عنه مما سمعته
حضرتك ماذا كان يحدث ايام الفيضان
لغاية ما ييجى الاستاذ حماده يشاركنا الحوار

هههههههههههههههههههههههه

معلش مطضر اضحك انا يا زهرة

يعني مش تعرفي الطرومبة خالص

الطرومبة موجودة في دشنا نفسها

بس قليل عن زمان وانا ياما كنت( بنطل )منها هههههههههههههه

وانا اصلي من قرية بس بعد الاستاذ عبد الفتاح بشوية

هي اخر حدود مركز دشنا

والطرومبة بدون فوتير طبعا الا اذا كان راكبلها ماتور سحب

والماتور بيستهلك كهرباء وطبعا مش بتقطع خالص

وفيه طرومبة بجيب مياه علي طول وفيه طرومبة

بتحتاج نحط فيها شوية مياه من عندنا علشان تجيب مياه

والمياه نظيفة يا استاذة زهرة لانها بتيجي من عمق الارض

بالتحديد من طبقة زلطية او رملية والمياه بتكون نقية

لان الرمل والزلط بينقيها من اي شؤائب بس اوقات تكون مالحة شوية

والمياه وصلت اغلب القري بس بتقطع كتير وموضوع البنات تروح تعبي

المياه من عند الجيران اعتقد انه خلاص قرب ينتهي

اضحك براحتك يا حامل المسك
انت ولد يعنى كنت سيادتك بتسرح كتير
تروح هنا وهناك انا بقى حاروح
فين علشان اشوف الطرمبه
ومنكم نستفيد يا حامل المسك
بس بوادر كويسه انك تشارك فى الحوار

انا بسرح كتير ياريت

انا اعرف ده من بلدنا مش اكتر

لاني كنت بروح في الاجازات وكده

زيارة مش اكتر

وانا بشارك علي قد ما اقدار

بس الايام اللي فاتت مكونتش موجود

وكمان انا بدخل بعد ما الناس تنام

وانا لما يصحو يعني فين فين لما لاقي حد اون لاين

لكن ممكن اسأل سؤال
لهجتك يا حامل المسك بتقول حاجه غريبه
ممكن تفسرها
يعنى مثلا انت خريج ايه
اكثر وقت من عمرك قضيته فين
بجد والله مش هزار

انا مش عارف ايه مشكلة لهجتي ديه حمادة كان فاكرني مش مصري زمان

انا خريج خدمة اجتماعة قنا المعهد العالي 2004

وانا مولود في دشنا نجع الخولي وبعدها نقلنا نجع قطيب في بدايته

واصلي من فاو بحري والدي من هناك ومسافر السعودية من اقل من سنتين

واللي بيشوفني بيقول من بحري يسمع صوتي ولهجتي يوقل صعيد او سوداني ههههههههه

يعنى انت عامل كوكتيل
ومحير الناس كلها
ماشى يا حامل المسك
طبعا لا انا ولا انت حانقدر
نتناقش فى موضوع الفيضان
فانت اختار موضوع للنقاش
ونؤجل موضوع الفيضان
لحد ما الاساتذه ييجو

ايوه انا كوكتيل بس بطريقة غريبة
والفيضان سمعت عنه بس مقدارش اتكلم عنه
واحب نتكلم عن المراة زمان والمراة دلوقتي
المراة زمان كانت بتشتغل في بيتها وتلاقيها
واقفة مع زوجها في الارض وتربي بهايم
وقلبها علي زوجها بسيطة وطلباتها بسيطة جدا
كل همها بيتها واولادها بتقوم باعمال المنزل لوحدها
ده طبعا بعيد عن مساعدة التكنولوجيا الغسالة كانت طشت
والبتوجاز كان كانون او وابور جاز والتلاجة كانت طاقة
والمكنسة كهربة كانت مقشة او سباطة مفيش دش او انتر نت
والمياه كانت بتروح مشوار علشان تجيبها مش في الحنفية
ولا فيه كهرباء ولا اي حاجه من الرفاهية اللي احنا فيه دلوقتي
ورغم كل ده ما شا الله صعب تشتكي من اي شيء ولا يشوفها
دكتور ولا تاخد علاج غير بقي بتوع الايام ديه

» فضل المنارة
» معا من أجل المنارة
» الى كل محبى المنارة
» طابع المنارة
» اين وردة المنارة ؟؟