عبر عن مواجيدك هنا فى المنارة

اتفضل يا حماده

في انتظارك

وعلي الاستعداد للبحث عن اسباب

ولكن ديه مشكلة عايزة حلول من فوق

من الحكومة اولا

سيدىاالاحترام فقد منذ الانفتاح العشوائى
الذى تم فى سبعينيات القرن الماضى لما
فتحت البلد وبقية سداح مداح لكل من هب
ودب واستوردنا عادات وتقاليد غريبةعنا
واصبحنا نسمع مصطلحات جديدة فبدلا من ان
نقول ابوى كان بيعمل كذا وجدى كان بيعمل كذا
اصبحنا نقول فى اريكا بيحصل كذا وفى بريطانيا
وفرنسابيحصل كذا

مشكور علي الاعتراف

ياحامل المسك

اسباب وجيهه فعلا

وربنا يكرمك بدستة عيال

قول امين

ابو حسن احنا بنتكلم في الاسباب

علي راي حامل المسك متتكلمش في السياسه

الاسباب وبس والحلول القترحه

اما تنفيذ الحلولفهذه قضيه

اخري

ابو جمال هذا من ضمن الاسباب ان لم يكن
اهم الاسباب التى ادت بنا الى الانحدار
الذى تراه الان لان الغزو الثقافى مصيبة كبيرة
طيب بزمتك ماصدفتش مرة وانت بتتكلم مع ابنك
مقلكش مرة فى الفيلم الفلانى بيعملو كذا وكذا

امييييييين

الانفتاح علي الغرب ليس مشكلة لو كان في حدود

ما يتماشي مع عاداتنا وتقليدنا وليس انفتاح وتقليد اعمي

اذا كان دلوقتي بعض الشباب بيخلط الكلام

نصه عربي ونصه انجليزي وشايف ان ده هو التطور

وزمان سمعت ان الشباب في اروبا كان بيفتخر لو قدار يعرف

كلمة عربي وبيكون هو اللي جاب الديب من ديله زي ما بيقولو

لان العلم زمان كان عند العرب واغلب العلماء عرب

انما دلوقتي ربنا يعديها بالستر

الانفتاح الجيد والمحدود الذى تاخذ منه ما
يناسبك وتترك مالايناسبك ليس فيه مشكلة
المشكلة ان لحنا قلدنا كل شئ تقليد اعمى
وانا لما قلت الغزو الثقافى الذى اتانا مع
الانفتاح ماهو الغزو الثقافى اللى نجحو فيه
ماهو الا تغير عاداتنا وتقاليدنا التى تربينا
عليها منذ الاف السنين

ومين اللي هيحدد ما يتماشي معنا او مع مجتمعنا

احنا بنشوف شباب في سن المراهقة بيقلد وخلاص

وهو مش فاهم يعني يلبس تيشيرتات عليها كلمات

انجليزي هو مش عارف معنها ومنها ما يسبه هو

ده غير اللبس الغريب والتسريحات وغيره

والعادات والتقليد من يتمسك بها ينعت بالمتخلف والرجعي

ياجماعه اهدوا بس

انا معاكم والله لكن مصيبتنا الكبري زي ماقال حامل المسك نص الكلام

بقي عربي ونصه التاني غربي

انا لسه اليوم كنت بتكلم عن اللغه العربيه واهميتها في حياتنا

متروحوش بعيد احنا في الاحترام المفقود بين التلميذ والاستاذ

نعم للانفتاح عيوبه كما للموبايل عيوبه وللانتر نت عيوبه ولكل شئ اتت به التكنولوجيا

الحديثه وثورة الاتصالات عيوبه ولكن بالمقابل هناك ايجابيات كثيره في هذه الاشياء

ولماذا نعلق اخطاؤنا علي شماعات الغرب؟
.
اين نحن من تربيه ابنائنا؟

اين نحن من المثل والقيم؟

اين نحن من لغتنا العربيه؟

اين نحن من زرع القيم الدينيه في عقول اطفالنا

يا اخي الام واقول الام

كما قال الشاعر مدرسه اذا اعددنها الي اخر البيت

الاب ودوره المحوري في الوعيه لابناءه

نحن سبب مباشر في هذا الانحدار الاخلاقي

قبل كل شئ

حتى ادلل لك على كلامى اين كتاب التربيةالقومية
الذى كنا ندرسه زمان اما التربية الدينية
كيف تغرسها فى الطفل وهى مادة دراسية غير
مؤثرة يعنى لاتنجح ولاتسقط واحنا لانتكلم على
التكنولوجيا نحن نتكلم على تغير العادات
والتقاليد من مفهوم ثقافى وهل هناك احد
عاقل يرفض التقدم العلمى والتكنولوجى

نعيب زماننا والعيب فينا ... وما لزمننا عيبا سوانا

نعم العيب عندنا نحن في البداية اقصد الاباء والامهات

وكل مسؤل في هذه البلد لو كان راتب المدرس محترم

فلن يحتاج المدرس ليعطي دروس لو كانت الوزارة

تهتم بالمناهج وتطورها لما احتجنا للدروس

لو كان المدرس يؤدي واجبه علي اكمل وجه لما احتجنا للدروس

لو قرر الاباء الاكتفاء بالمدرسة مع قيامهم بمساعدة ابنائهم في دراستهم لما احتجنا للدروس

لو قامت المدارس بعمل مجموعات تقوية باسعار رمزية لقضينا بنسبة كبيرة علي الدروس

ومنع الضرب في المدارس ايضا سبب في انعدام الاحترام بين المدرس والطالب

ماهو انت بتقول الغزو الثقافي يامحمد

هو الغزو الثقافي جانا منين؟

جه بطيارة يعني؟

ولا من خلال التكنولوجيا ووسائل الاتصال

والتشيرتات جات منين ياحامل المسك

مش من الاسواق الفتوحه التي نري اعلاناتها من خلال وسائل الاتصال ليل ونهار

والكلام الغربي جانا منين ؟ مش من الافلام الاجنبيه في وسائل الاتصال

وبعدين معاكم انتم ناويين تطلعوا روحي والا ايه

ولما هي حلوه التكنولوجيا والتقدم العلمي ليه مناخدش منه ما يتماشي مع عاداتنا كما قال حامل المسك

ليه نجيب اللوم علي الغرب وتنولوجيته المتقدمه طالما حلوه كده التكنولوجيا

ليه مانشفرش القنوات والمنتديات والمواقع

ولا نرجع تاني نقول الغرب والانفتاح

يااخي بين الصالح والفاسد ضغطة زرار لا اكتر ولا اقل

الله يفتح عليك ياحامل المسك

اصبت كبد الحقيقه كما يقولون

كويس انك فاكر الموضوع الاساسي بتاعنا الاستاذ والتلميذ

فعلا لو كل واحد قام باداء واجبه مضبوط لانصلح حالنا

يا استاذ عبد الفتاح

كم منا يحسن الاختيار وكم منا لديه القدرة علي استخدم الجزء الجيد

والبعد عن الجزء السيء من التكنولوجيا او الانفتاح

اغلب شباب هذه الايام تربي بعشوائي وتعود علي العيش هكذا

ولذالك لا نستطيع ان نعطيه بندقية ولا نعلمه فيما يستخدمها في الخير ام الشر

في الدفاع عن البلد او في قتل الناس ... او تعطيني هاتف محمول

وانا لا اعرف فيما استخدمه او متي استخدمه

عندما تعطيني شيء فيجب ان تعلمني كيف ومتي واين استخدمه

دائما أتاخر عن النقاشات الجميله دى
بس انتو بتتكلموا فى توقيت يفرق معايا كتير
الموضوعات اللى اتكلمنتوا فيها فعلا مهمة جدا
المدرس فقد احترام الطالب له انا حاتكلم عن نفسى
زمان وانا فى ابتدائى واعدادى كانت نظرتى للمدرس نظره مبالغ فيها
كنت فاكره ان المدرس دا حاجه كبيره قوى
انه غيرنا كلنا
حتى فى تصرفاته وفى حياته
فى انفعالاته
وكنت احترم المدرس جدا جدا
بعد كده
ادركت العالم المحيط من حولى
ووجدت وضع المدرس ينحدر
بتدنيه الى مستوى لا يليق به
فى معاملاته مع الطالبات
وآسفه اننى اقول هذا الكلام
هناك نمازج غير مشرفه بالمرة
يعنى ايه مدرس يبالغ فى التهريج
ويتبادل النظرات مع هذه وتلك
وينزل الى هذا المستوى الرخيص
كيف تحترمه
وكيف تتقبله وتصدقه
هذه النمازج اضافة الى موضوع الدروس الخصوصية
خلطت الحابل بالنابل وأضاعت قدر المعلم بشكل كبيرررر جدا

سلام عليكم

صباح الفل يا استاذة زهرة

النوعية اللي اتكلمتي عنها من المدرسين موجودة

وغلبا بيكونو شباب حديثي التخرج وشايفين نفسهم شوية

ولكن علي الجانب الاخر هناك بعض المدرسين الواحد بيحترمهم

لانهم اثرو فيه وليهم بصمة في شخصيته

ما هو لو تلاحظ يا حامل المسك انا قلت البعض
هو الذى يشوه صورة المدرس
وللأسف السيئة تعم

وهناك نوعيات تسقط من نظر الطلبة
علشان موضوع الدروس الخصوصية فعلا
كيف ترجع هيبة المدرس

اسمحوا لى بهذه المداخلة
اختنا العزيزة / زهرة الجنوب
ليس دفاعنا عن المعليمن
ولكن احقاقا للحق
النماذج التى تكلمتى حضرتك عنها
لم تصل إلى هذه الدرجة إلا
عن طريق الطالبات انفسهن
من المستحيل أن يجرؤ مدرس
بالمبالغة فى الحديث مع الطالبات
إلا اذا سمحن بذلك
اما عن الدروس الخصوصية
اغلبية اولياء الامور
يبحثون عنها بحجة تدنى المدرسة
اعنى بذلك أن المجتمع نفسه هو
الذى ينصب الفخ للمعلم
ثم يطالبه بالاعتدال
تقبلوا تحياتى

فعلا يا استاذ نصر بيحصل ان البنت احيانا هى اللى بتبتدى
لكن نرجع ونقول الطبيعة الفسيلوجية التكوينية للبنات فى هذه السن
لها تأثير مباشر على عواطفها والمدرس الذى يتقى الله يعلم ذلك تماما
فيتجنب التقرب الى البنات او المزاح معهم
وبعدين حانقول ايه يا استاذ نصر..هناك غزو لا اخلاقى دخل بيوتنا جميعا
فى وسائل الاعلام افقد البنت حياءها الذى هو ردائها الجميل الذى وهبها الله اياه
والله يا سيدى انى فى حيرة....هل ذهب الحياء بلا رجعة ولا هو رايح مشوار وراجع تانى
طبعا احنا ما بنعممش هناك بنات مؤدبات قمة فى الروعة ..لكن للأسف النمازج السيئة
جعلت النظرة موحدة

شكرا لك اختنا الكريمة
لقد اصبتى الحقيقة
وشكرا لروعة الرد
والحيادية التامة
اللهم ارزقنا التقوى والفلاح
لك كل الاحترام والتقدير

شكرا يا استاذ نصر
وياريت حضرتك تتابع معانا
نحن هنا نطرح كل القضايا والأفكار
وعمك الاستاذ عبد الفتاح وحماده شحات
وحامل المسك والاستاذ محمد ابو العبادى
بيسهروا للصبح يتكلموا
والكلام فعلا جميل وواقعى

الله ايه الكلام الجميل ده انا فاتني كتير من امبارح
ايه فين الناس مش هنبدء السهرة المعهوده النهارده ولا ايه
اوعوا يكون الجو مأثر عليكم
اتفضلوا يا اساتذتنا الكبار نفتح باب الحوار ونكمل ما بدئته الرائعه زهرة والاستاذ نصرالدين وعمنا عبدالفتاح

أنا مستعده يا عبقرينو

اتفضلي يازهرة كلنا مستعدين للنقاش

» معا من أجل المنارة
» فضل المنارة
» الى كل محبى المنارة
» المنارة سوق كبير
» طابع المنارة