عبقرينوووو المنارة واستجواب رمضانى

يعنى يا صقر المناره
مش فاكر للراجل غير فضيحة اللحمه دى
طيب ما تجيب له هريس من بتاع قطر

عموما واجب الضيافه عندى النهارده
علشان عبقرينوو يجاوب وهو صاحى
وانا اروح انام واسيبهولكم

[ندعوك للتسجيل في المنتدى أو التعريف بنفسك لمعاينة هذه الصورة]

لقمة القاضى
انا مش باحبها قوى
او بمعنى اصح ما اعرفش اعملها
بالهنا والشفا

بلح الشام
[ندعوك للتسجيل في المنتدى أو التعريف بنفسك لمعاينة هذه الصورة]
عصير طبقات
باعمله فى غاية الروعة

[ندعوك للتسجيل في المنتدى أو التعريف بنفسك لمعاينة هذه الصورة]

نعم تنامي ليه ان شاء الله هو في حد بينام دلوقتي
دا احنا لسه بنقول ياهادي بس اقولك فكرة جميله روحي نامي يازهرة علي الاقل يبقي في فرصه للهرب من اسئلتك اليوم هههههههه

يا عبقرينووو
اذكر لنا موقف طريف مررت به وكل ما تفتكره تضحك؟

المواقف كتيره جدا والله يازهرة بس هو ممكن افتكر مرة حصل معايا موقف ظريف
ومنساهوش لما ناويت اتجوز وعقدت النيه خلاص يوم الزفاف كل شيئ كان مترتب وتمام التمام
فاضل بس علي حضور الشخص الذي سيهذب الشعر يعني الحلاق
طبعاً عندنا في الصعيد عاده جميله شويه ان كل اولاد عم العريس وصحابه يحلقوا علي حساب العريس في اليوم دا
المهم طبعا العيله بسم الله ماشاء الله عددهم قليل شويه ههههههه
فضلوا يتخانقوا علي اللي يحلق الاول ودارت مشكله مابينهم علي اولويه الجلوس امام الراجل
الكلام دا كان قبل خروجي علشان اجيب العروسه مثلا بحوالي ساعتين او حاجه زي كده المهم لما الصوت علي والموضوع كبر وانا عمال احاول اهديهم والمسئله بقت عمليه عند مابينهم وشدوا مع بعض جامد جدا
وفي لحظه لقينا عمي الكبير دخل علينا وماسك عصا محترمه وهاتك ياشتيمه ويا اولاد كذا وكذا انتوا في ايه ايه اللي بتعملوه دا واشتغل زي الفل وراح حالف طلاق مافي حد هيحلق خالص والحلاق يمشي حالا
الكل فضل يضحك وانا عمال اقوله مفيش وقت ياعمي انا العريس ولازم احلق ومفيش وقت اجيب حد تاني
قالي خلاص انا حلفت واللي كان وهما فطسوا من الضحك بعد المشكله ما كانت مولعه بينهم فضلت اضرب كف علي كف والعمل طيب دا خلاص مفيش وقت والله قالي اي حد يحلقلك والسلام وعليه ولاد عمي قاموا باللازم واجارك الله علي اللي حصل فيا بقيت في الكوشه ملزق من كل الجهات كأني لسه خارج من عركه
دا اللي مش ممكن انساه ابداً لاني لو نسيته الصور بتفكرني بيه ههههه
شر البليه مايضحك تعملها ناس وتقع فيها ناس غيرهم

عايزين صورة من الصور دى يا عبقرينوو

علشان نضحك معاك

بس ايه العاده المنيله دى
اللى طبلت على راسك فى الآخر

س/ احكى لنا كيف اكتشفت المناره هنا
وما هو انطباعك الاول عنها؟

نعيما" يااستاذ حمادة المهم القطن اتباع عشان ينفعك فى مصاريف الفرح ههههه affraid

اكتشفت المنارة عن طريق الصدفه البحته كنت بدور علي ملف صوتي لفنان صعيدي اسمه محمد اليمني
واثناء البحث وجدت بعض اعماله في المنارة فضلت اتصفح المنارة وبالاخص قسم الفن الشعبي بصراحه
عجبني الحال جدا ولقيت اغاني ومواويل وسير وملاحم حلوه انا معظمها عندي بس طالما هي متاحه هنا قلت لنفسي اكيد هيكون في جديد مش عندي من النوعيه دي من الفن فضلت علي الحال ده حوالي من 10 الي 15 يوم تقريباً ادخل اتصفح القسم واتمتع بالكنوز الي فيه ومرة من المرات كان فيه موضوع مثار في المنارة وتابعته عن قرب ولقيت كم من الترابط الاسري جميل جدا وعجبني بصرحه الانتماء وصوت العقل الي بيحكم المنارة وشفت قد ايه الاعضاء بيربطهم ولاء وترابط اسري بجد
المهم قلت متسجل انت هتخسر ايه ويمكن دي تاني مرة اسجل في منتدي واشترك لاني مبحبش ارتبط بمشاركات واجيب لنفسي وجع الدماغ واشوف ما لاترضاه عيني من حوارات فاضيه ومشاكل بس المهم فضلت عادي جدا اشارك في القسم بتاع الفن الشعبي وارد علي المشرفين والاعضاء اللي بيرفعوا الحجات الحلوه دي ولقيت منهم ترحاب جميل ومن الاداره
لقيت نفسي بشارك وارفع بعض الاعمال هههههههههه برضوا افتكرت موقف مضحك جدا لاني في البدايه مكنتش عارف ارفع الاعمال ازاي للمنارة وطلعت عين الاستاذ /علي عبدالله والاستاذ/ محمد جلال والله بجد يازهرة فضلت اراسلهم وشوفوا يجماعه انا رفعت كذا ومش لاقيه لحد مازهقتهم والله المهم هما كمان كانوا بيردوا عليا والله بسرعه برضوا وحاولوا معايا كتيررررر جدا لحد مالاستاذ /محمد جلال عمل موضوع عن طريقه التسجيل في موقع الفور شيرد بالصور وبعدها فهمت ازاي تتم عمليه الرفع جات اللحظه اللي عدد مشاركاتي زادت والاعمال اللي برفعها نالت اعجاب الاعضاء والمشرفين والاداره ومرة واحده كده وبدون مقدمات لقيت رساله خاصه من الاستاذ /محمد جلال نصها كالاتي
استاذ حماده شحات نظراً لجهودك المبذوله والملحوظه للاداره ايه رأيك انا عاوزك معانا في فريق الاشراف لو موافق اختار القسم اللي يعجبك
بصراحه انا احترت في البدايه ورديت عليه وشكرته طبعاً علي الثقهالغاليه دي بس واله فضلت محتار فتره كبيرة وخايف بصدق واله كنت خايف جدا وكأني داخل علي امتحان صعب زي امتحان الرياضيات بس توالت بقي الاعمال وبدأت في تولي الاعمال الاشرافيه واعدت ترتيب القسم من جديد نظرا لظروف تغيب الاستاذ مصطفي عدلي خلال تلك الفتره لظروف خاصه بيه وكنا علي اتصال متواصل احنا الاتنين ونشترك في ترتيب القسم وايه اللي عاوزين نعمله لرقي هذا القسم ايوه فاكره كان في مرة موضوع ليكي انا علقت عليه بخفة ظل عن الحموات تقريباً وانتي زعلتي ورديتي عليا وافهمتني وكان كلامك باين انه غضب ولما اعتذرت ليكي انتي وافهمتك وجه نظري اقتنعتي اني كنت بتكلم جد والله ومش بزر بس انا طريقتي يغلب عليها روح الدعابه احياناً
يعني ومن تلك الايام باتت المنارة هي الشيئ الرئيس اللي مينفعش اتركه ابدا وانها اصبحت بيتي والناس اللي فيها اهلي وبدأت في البحث عن طرق التعارف مع الناس المحترمه الموجوده هنا واتصل بيهم للاطمئنان عليهم وزيادة العلاقات والترابط بينا لاني كمان كنت بقول اني من بلد غير البلد بس دلوقتي انا خلاص اخدت الجنسيه الدشناويه

مراحب يا استاذ اسامه
ازيك ياباشا ومنور والله
المشكله ان اللزق مكانش قطن هههههه كان لزق طبي مدور ههههه
المكسب الوحيد هي زوجتي بصراحه لانها كل الدنيا بعد ابويا وامي
اصبحت هي كمان كل شيئ حلو في حياتي وبعدها ربنا اكرمني بحسام
ودول اهم مكاسبي في الحياه

يارب يجعلها زوجه صالحة وابناء صالحين ويرزقك الرزق الطيب ويوسع عليك وقيل ان حسنة الدنيا الزوجه الصالحة التى تعينك على الطاعة وربنا يجعل حياتك كلها سعادة .........يارب........

ربنا يبارك فيك يا استاذ اسامه ويتقبل الله منك الدعاء لان الزوجه الصالحه بتريح والله
اللهم لك الف حمد والف شكر علي نعمتك

يا حماده
انا حادور على الموضوع بتاع الحموات ده
علشان اشوف احنا كنا بنتكلم ازاى
نسيت والله
كل اللى انا فاكراه
انى كنت بتضايق منك
ومن تعليقاتك
ودا كان غلط منى انا
علشان كنت حديثة عهد بالمنتديات
وفاكره انى ارص الموضوعات كده
وما حدش يعلق عليها ودمتم

استني هبعتلك الرابط والموضوع كان اسمه علي ما اعتقد نصائح امهات تقريباً

[ندعوك للتسجيل في المنتدى أو التعريف بنفسك لمعاينة هذا الرابط]
اتفرجي علي حوارتنا زماااااااان هههههههههههههههههههه

حلوه حكاية الحلاق دي ياحماده

والله ما مسكت نفسي من الضحك

سيبك انت....انت راجل ظريف وبس

لكن ايه الحكايه؟؟؟

الاسئله خلصت ولا الارانب عملت مفعوله وطلبت هدنه

طيب اسمع

يقول تعالي

انا عرضنا الامانة علي السموات والارض والجبال فابين ان يحملنها

واشفقن منها وحملها الانسان انه كان ظلوما جهولا

صدق الله العظيم

لو استلمت رساله من شخص ما

كتب عليها ...ارجو عدم قراءتها الا بعد وفاتي

1-هل ستقرا الرساله من باب الفضول؟

2- هل ستلتزم بوصية الرجل وامانته

3- ستقرا الرساله لربما يكون خطبا قد الم بالرجل

وباستطاعتك انقاذه

وماذا تعني لك الامانه من وجهة نظرك؟

وهل تعرضت لموقف مشابه؟؟

الزواج قسمة ونصيب والانسان بين خيارين ام صابر او شاكر وذلك للزوج والزوجة فانت من اى صنف

الاسئلة نازله على نافوخك زى المطر يا عبقرينوو
استلم ربنا يعينك

عبقرينووووووو

مش موجود اون لاين

الظاهر.............

والله اعلم

عبقرينووو
خرج من ساعه وقال حاينام علشان معاه شغل بدرى

السلام والتحيه لاغلي الناس كيف حالكم
ان شاء الله تكونوا بخير
سأقوم بالاجابه علي كل الاسئله بس بعد الفطار علشان المعده تكون مليانه قوم العقل يشتغل ويشوف الواحد يكتب
انما دلوقتي انا بقالي ربع ساعه بكتب الكلمتين دول هههههه

"عبد الفتاح عبد الشافي"]ه

لو استلمت رساله من شخص ما

كتب عليها ...ارجو عدم قراءتها الا بعد وفاتي

1-هل ستقرا الرساله من باب الفضول؟

2- هل ستلتزم بوصية الرجل وامانته

3- ستقرا الرساله لربما يكون خطبا قد الم بالرجل

وباستطاعتك انقاذه

وماذا تعني لك الامانه من وجهة نظرك؟

وهل تعرضت لموقف مشابه؟؟

اولاً :-
اذا استلمت رساله من شخص واعتبرها امانه واوصاني الا افتحها عقب وفاته لن اقوم بفتحها مهما كانت الاسباب لقوله وادوا الامانات الي اهلها
وبعدين حاجه شخصيه جدا عندي وهي احترام رأي الغير وحريته الشخصيه وذلك يرجع لانه وثق في وهذا في حد ذاته قيد حديدي لااقدر ان افك منه نهائياً

ثانياً:-
تعني الامانه لي اشياء كثيرة جدا بس انت موضحتش ان الشخص دا عزيز عليا ولا اي كلام هههههه
الامانه هي
الأمانة الواردة في قوله تعالى: إِنَّا
عَرَضْنَا الأَمَانَةَ عَلَى السَّمَوَاتِ وَالأَرْضِ
وَالْجِبَالِ[الأحزاب:72]؟
فأين انا من تلك الايه ؟ ما انا الا عبد فقير والامانه تقيله جدا جدا ممكن الواحد مينامش بسببها ياصقر المنارة

ثالثا:-
اتعرضت لمواقف كثيرة جدا بس مش بنفس المعني يعني الامانات كانت تتشال عندي عبارة عن نقود لصديق ليا واعتز به جدا لكن اي حد اخر لم يسبق لي ان احمل امانه من هذا النوع

الاستاذ/ اسامه
موضوع الزواج كان بالنسبه لي تقليدي جدا والحمد لله كنت من الشاكرين لان الحمد لله اعتبر ان ام حسام هي الدنيا بالنسبه لي فلقد اكرمني الله بها وهي جوهرة اعتز بها ونعمة من الله اشكره عليها في كل وقت والله
وبيني وبينك في مثل قديم حلو جدا بيقولك ايه اللي ليك ليك بلا كلام فاضي وكتر تلاكيك ههههههه
يعني لما تكون الزوجه قريبتك بتهون عليك الدنيا وتبقي عارف هي مين واهلها مين ورجالتها مين
علي الحلوه هتعيش معاك ومبسوطه علي المرة هتعيش معاك وصابرة
عمرها ماهتطلع سرك وان غلطت في يوم ليها راجل يترد عليه وبعدين انت بتبقي عارف اصولها ونسبها من جدوروه
وهي بتكون عارفه عاداتك وتقاليدك يعني من الاخر مخلوقه ليك واللي له نصيب في شيئ بيشوفه غصب عنه
لانه مكتوب لك والزوجه بتبقي رزقك اللي كاتبه ليك المولي
وانتا وبختك يا ابو بخيت هههههههه

وخلي بالك الزوجه تعتبر امانه ودا مثل حي للامانه من موضوع سؤال الاستاذ عبدالفتاح
بس دي امانه من نوع تاني تقيل جدا للي يقدر معني الامانه ويصونها

10/10 ناجح

هايل يابو حسام

لا لا......الايه الكريمه واين انت منها

انا لا اقصد ذلك....ولكن كان وضع الايه في المقدمه هو استهلال

لما اريد ان اطرحه من السؤال.....وايضا للتذكير بالامانه

من قبل رب العزه

شكرا لك

طيب

الخجل والحياء صفة يتصف بها بعض الناس

وليس الكل طبعا فهناك من لا خجل ولا حياء لديه

مع ان الحياء شعبه من شعب الايمان...واظن الخجل

يكاد يكون مرادف للحياء

متي رايت نفسك في شدة الخجل

وتمنيت ان تخرج من الموقف باي شكل؟؟

الاستاذ/ اسامه
يارب النتيجه الحلوه دي تكون فاتحه خير ههههههههه
وانا تلميذ فاشل ربنا يبارك فيك ويباركلك في صحتك واهلك واولادك يارب

كثيراً والله ياصقر المنارة رأيت نفسي في شدة الخجل واردت ان اخرج من بعض المواقف ومنها علي سبيل المثال عندما قررت في يوم من الايام الابتعاد عن اهلي وصحبتي في المنارة ووجدت كم من الحب والتقدير وهمسات العتاب هههه اتتذكر كلماتك ياصقر المنارة وانا لم اكن اعرفك جيداً ولبيت النداء وكنت خجلان جداً من نفسي
انا اللي يخليني اخجل من نفسي اني يكلمني واحد اكبر مني سناً حتي لو يكبرني بعام واحد اكن له التقدير ولا اعرف ان ارد له طلباً
المهم خجلت مرة من المرات جدا جدا من نفسي عندما اخدتني الشهامه وحبيت اعمل كبير في موضوع ابويا طرف فيه
كان موضوع عائلي واعمامي متواجدين وخوالي والعيله يعني كانوا بيحاولوا يصلحوا الامور علشان خلاف بين اختي وزوجها والموضوع كان مستفز جدا وانا كنت مضايق قوي وقمت وسط القعده وقلت لا البنت مش هتروح لجوزها الا لما يتعلم الادب اتاري الحاج كان ادهم كلمه انهم يحلوا الامر وانا كنت لسه راجع من الشغل معرفش ايه الحوار اللي دار
المهم اتعصبت جدا وقلت مش هتروح والسلام لان الامر ابويا في بعض الاشياء مايعرفهاش هاتوا الولد قدامي وانا اناقشه فيها امامكم جميعا رد واحد من الناس الموجوده وقالي هو انت هتنفذ علي ابوك ؟؟؟؟
ابويا بص ليا وسكت انا بقيت في نص هدومي والحق بتاعنا ضاع لكن ابويا كان اداهم الكلمه وخلصت بقيت عامل زي الي مدلوق عليه مياه بارده لاعارف ارد شمال ولا يمين واتمنيت الارض تبلعني لما عرفت ان الزوج كمان صالح امراته والامر منتهي وهما كانوا بيحطوا الشروط اللي هيمشي عليها الزوج
اتمنيت ان الارض تتشق وتبلعني لاني عملت عنتر والموضوع منتهي يعني ماليش كلمه خلاص بعد الحاج وكلمة الراجل ده جات عليا كالصاعقه قلت في بالي ايه ياعم الحاج انت جاي تهدي النفوس ولا ايه هههههههه بس غير كدا كتيررر بس الواحد بيعمل نفسه مطنش وبيعديها علي الاساس دا انه مش واخد باله علشان يطلع من اي مطب بيقوم متجاهل الامور شويه او يتلاشاها بمعني ادق

» حوار رمضانى شيق مع الاستاذ عبد الفتاح
» معا من أجل المنارة
» فضل المنارة
» عبر عن مواجيدك هنا فى المنارة
» الى كل محبى المنارة