عبقرينوووو المنارة واستجواب رمضانى

اتكلم بصراحه شديده جدا اكبر علامة استفهام وقفت قدامها كانت هنا في المنارة
عندما حاول بعض الاشخاص ان يبعدوني عنكم مع اني والله لم اؤذي اي حد منهم في شيئ
ومازلت حتي الان ابحث عن سبب لم اجد ولكن بكل امانه وقوف الاستاذ علي عبدالله والاستاذ محمد جلال وحضرتك وزهرة المنارة والاخوه الاعضاء بجواري خلاني نسيت كل ده
بس هي الحكايه ليه ؟
وتحتها 100 خط ايه السبب
لو عندك اجابه ياريت تقولي لاني مستغرب
لدرجة اني في مرة قولت للاستاذ / علي اني علشان مش من البلد عندكم ؟
وكان رده ورد الاستاذ / محمد جلال وحضراتكم واضح جداً
مفيش حاجه اسمها مش مننا
الناس دي طردت نفسها بنفسها من المنارة ولكن بقيت علامات الاستفهام ؟؟؟؟؟؟
ليه وايه السبب واخيراً والحمد لله جانا الفرج وقائمة المنبوذين
والله بكل امانه هي دي اكبر علامة استفهام وقفت قدامها وفضلت حيران

والله لو اعرف لاقول لك

لكن مسيرها الايام ما هتكشف كل شئ طبعا

لكن للدرجه دي شغلك هذا الموضوع؟

بصراحه هي دي كانت علامة الاستفهام الكبيرة جدا والله
ونفسي اعرف اجابه ليها بس بيني وبينك مبقيتش اهتم بيهم
من بعد الموضوع بتاع الرسايل وقائمة الاعضاء والمنبوذين

غلطان انت يا عبقرينووو
فى هذه الاجابة

لا ينبغى ان تضع موضوعا تافها كهذا كعلامة استفهام

هم لا يستحقون حيرتك او اهتمامك لا من قريب ولا من بعيد

وتذكر
فالنار تاكل بعضها ان لم تجد ما تاكله

بصي يازهرة اي علامة استفهام بيجي ليها وقت وتعرف معناها وايه اللي كان مقصود بيها وليه
بطبيعة الحال الدنيا هي كدا
لكن الاغرب انك تقفي امام موضوع محدد وبدون اي مبررات
وتلاقي نفسك علي المحك زي مابيقولوا وانتي مش فاهمة ليه هي دي اكبر
علامات الاستفهام والله لانك لما تعيدي حساباتك او بمعني اصح وادق اعيد تفكيري في مواضيعي في مشاركاتي
مش شايف اني اسأت لشخص او لمكان او للمنتدي
يوم ما بحس ان مشاركتي فيه غلط لو مش ظاهر وممكن يعدي والله ما بسيبه لازم اعدله فوراً
لان دي الاصول الحاجه لازم تطلع في الاخر تشرف المنارة وتزيدها تألق
طيب انت يامن كنت السبب في التطفيش كنتم عاوزيبن ايه بالضط ؟
سؤال محير ليه ؟
ولما جينا اتكلمنا في الموضوع بتاع الرسايل من فترة وقلنا عدة اقتراحات كان الاقتراح بتاع العبد لله موفق ومنها اطلق عبقرينو لو تتذكري وتوالت الاحداث طيب من فين عبقرينوا ومن فين مش عارف اجاوب علي علامة الاستفهام الكبيرة التي مازالت تحيرني ؟
علي فكرة مش محتار من اشخاص والله لالالالا من السبب نفسي اعرفه وخلاص لغرض في نفسي
انا مبفتحش موضوع اتقفل والله انا بجواب بصدق علي سؤال طرح في الاستجواب
علي فكره ايضاً الكل شايف انه موضوع تافه وانتي منهم برضوا يا ام شروق شايفه انه تافه
مع خالص الاعتذار لكم جميعاً عندي مش تافه لا دا كان ولاحظوا انه كان ههههههه ذو قيمة كبيرة جدا جدا
القائم حاليا هو علامة الاستفهام فقط لاغير كحب استطلاع يعني ههههه

بصي كنت بحب جدا اشوف ابيات الشعر دي فيها معاني ولا لااحلي ولا اسمي ولا اروع من دا كله لو وصلت معانيها لحضراتكم زي ما وصلتني في الفترة دي بكدا اجابتي هتكون كمان وصل

نزعل .. ونتكبّــر ... وحنا .. من الطيـــن ......

والكل .. منا .... صــــدّ .... لا .. أقبل ...... خويّــه ....!!

نفخر .. نقول ... إنا ... على الصد .. قاوين ....

وهــــيّ .. علينا .... في الحقيقـــــة ........ قــــويه ......!!

نشفق على الطيبة ... وكسب ... الكريمين..

وهذي بنا ...؟؟ .. لاشك.... فعــــلة.... رديـــــــــه .....!!

ننسى نهايتنا .. وعلى .. وين .. ماشيــــن ......

وننسى الزمان ... اللي ... جمعنا ........ ســـــــويه .....!!

المشكلة .. ماهي بـ حاجة .... لــ تخمين ........

ولاهي .. بعد ... ياناس ...... صعبـــــة ..... القضيـــه ....!!

دق الرقم : كيفك ... هلا فيك ... وأهليــن .......

أنــا .. الخـــوي ....... اللـي مـــــزعّــل .... خويــــه ......!!

قلّه : تغيب .... وصـــورتك .. داخل العين .......

ويبقــى لـ حبك .... في خفـــوقي .... بقيـــــــــــــــه .......!!

أخوان حنا ... لو .... يجي بيننا .. شيــن ......

و مانفتـــــــــــرق .. دام المحبـــــــة ..... نديــــه .......!!

خلك قــوي ... لاتحتــــكرك .. الشياطين ........

قبل الفوات .... وقبل ...... وقت ... المنيــــــــــــــــه ........!!

كلّم خويــك .. بـــ اطيب الهرج ... واللين ......

وأعرف ... جميل الهرج ..... يمســــح ... رديـــــــه .....!!

هذي ... هي الدنيا ... من الحين .. لـ الحين ......

لابد ... بين الناس ........ تحصــــــل ...... خطيـــــــــه ....!!

ومن لايقدّر .. غلطــــة أحبابه ....... الحيــن ...

يقـــــرأ .... حـــــروفي ... ويعتبرها .......... هــديه ...!!

باكر .. تمر .. سنين ... وسنين ... وسنيـــــن ......

والــــــكل .. يرحـــــــل في الدروب ...... المـــــديـه .....!!

صدقني .. تندم .. وأذكر .. حروفنا .... زين .......

تندم على خلك .. إذا ...... غاب ......... ضيّـــــــــــــه .......!!

دنيا ... غريبــــة ... وأكثر .. الناس .... ماشين .....

وكم ... صــــاحبٍ ... والله .... دفنته ...... بــ يديــــــه

كلام جميل ياعبقرينوووو وعظة لمن يريد أن يتعظ .ولكن المتكبر لا تؤثر فيه الكلمة ولايعى لها بالا حتى عندما تخرج من فمه تخرج بغطرسة وعدم مراعاة لمشاعر الاخرين .نصيحة من أخ أصغر أرمى ورا ظهرك وأنسى الماضى لأنه أنتهى وابحث عن المستقبل لأنه الحياه

من ليس له ماضي ليس له حاضر وليس له مستقبل يا استاذ سعيد
ينفع تبني بيت من غير اساس ؟؟؟
هيقع ولو وقف علي حيله مش هيكمل
انا ممكن اتلاشاه ولا اعنيه اعتباراً في تلك الجزئيه لكن انسي الماضي بالكامل لالالالالا
الموضوع دا زي ما كان بيزعل كان بيفرح عرفت معادن الناس
وعرفت مين هم الاهل والاصدقاء
زي مافيه الجانب الوحش
كان فيه الجانب المضيئ المليئ بالحب
الاخوه الطاهرة الخالصه لوجه الله
كان فيه سلبيات ولكن كان فيه ايجابيات اكتر

أيوه يا عبقرينووو بس ماتنساش أن أساس البيت بيتدفن فى التراب ولا يظهر الأ الجزء العلوى من البناء .فرجاء أدفن الجزء البغيض فى التراب مثل أساس البيت

خلاصة الكلام يا عبقرينووو
ان الحياة مليئة بالتجارب

ارمى السىء وراء ظهرك

واحفظ للاوفياء عهودهم

وانظر الى غد مشرق

هذا ما تريد ان تقوله لنا

امال أنا سميتك عبقرينووو ليه

تم دفنه بالفعل لاني وضعته تحت اقدامي لارتفع انا عليه
ولايعنيني في شيئ كما قلت لك ولكن هو الذي ابقي علامة الاستفهام
الموضوع منتهي تماما الحمد لله والله ولايحرك لي ساكناً
زهرة اثارت السؤال الذي كنت واثق انها ستسأله هههههه
وباقي لسه كام سؤال انا عارف وعندي احساس انهم
هيتسئلوا وخايف منهم لان زهرة وصقر المنارة انا عارفهم
ناويين عليا قريب جدا وعاوزين يجيبوا اخري وما ادراك يا استاذ سعيد
لو اجتمعت زهرة المنارة مع صقرها يبقي حذاري ان تقترب حتي الانتهاء
ههههههه اخواتي الكبار وانا عارفهم كويس

مش بقولك يا استاذ سعيد
زهرة عارفه انا عاوز اقول ايه جابت الخلاصه المفيده
بس بأختصار هههههه
شكرا ام شروق الغاليه

أبو حسام

ما هو الحلم الذي يشغل بالك هذه الأيام

وتتمنى تحقيقه ؟

الاستاذ/ علي عبدالله
اخونا الكبير ومديرنا العزيز
اسعدنا تواجدك معنا في الحوار والله
الاحلام كتيره والله وبتمني من الله انه يحققها لكن الحلم الحالي الذي يدور في رأسي واتمني ان يتحقق هو قدوم المولوده الجديده علي خير لاني بصراحه شايل الهم ومنتظر اللحظه دي وخايف منها في تلك الايام واتمني اني اقدر بأمر الله اوفر ليهم عيشه كريمة وربنا يقدرني علي تربيتهم من الحلال ويطرح فيهم البركه ويكونوا صالحين واعرف اعلمهم كويس واعيشهم كويس
علشان ربنا يكرمني فيهم ويكونوا صالحين بارين بيا وبوالدتهم ومسيبش ليهم حاجه تتعبهم ابداً واعرف اكون ليهم مستقبل كويس علشان يدعولي بعد مماتي ويقولوا الله يرحمه كان كويس ووفر لينا العيشه الكريمه ومتعبناش
عاوز اترك ليهم ما يؤمن مستقبلهم بالكامل ومحسش اني قصرت معاهم في ظل الظروف الراهنه والزمن اللي احنا عايشين فيه وبعد كدا بتتوالي الاحلام بصراحه وانا طماع عاوز اعمل حجات كتيرة بس الحلم ده هو الي شاغلني حالياً والله

عبقرينووو

ايه السؤال اللى كان نفسك نسالهولك وما حصلش

انتوا خليتوا حاجه مسئلتوش فيها ههههههههه
انتم ايه السؤال اللي عاوزين تسئلوه تاني

عزيزى ابو حسام كل سنه وانت طيب ومنور المناره
خلى قلبك جامدانا شايف ان الاسئلة سهله وانت عبقرينو

خلاص يا عبقرينوو

طيب

تاخد هديتك الاول

وبعدين

تسال كل واحد فينا سؤال

وبعد كده نطلع بالتقرير النهائى

موافقووون

وادى الهدية

تعبت قوى علشان اجيبهالك

الشيخ محمد عبد الهادى

قصة اللقاء الاخير

[ندعوك للتسجيل في المنتدى أو التعريف بنفسك لمعاينة هذا الرابط]

على الله تعجبك

اسير الغربه
اخي الحبيب نورت الحوار علي مدار الكام يوم اللي فاتو ومتشيلش هم اخوك سداد هههههه
اي حد نفسه في حاجه يسئل لاننا اوشكنا نهائياً علي الانتهاء من الاستجواب وهاخد افراج اخيراً علشان اعيد بقي ههههههه

[flash][/flash]

طبعا فيه اسئله يا عبقرينووو

بعيدا عن الاسره والعمل

ماهي اهتماماتك الاخري؟؟؟

وماذا يعجبك من فراءة الموضوعات العامه

وهل انت سعيد الان.....بما تحقق لك

طولي بالك يازهره

لسه باقي يومين في رمضان

عبقرينوو انا حاولت وضع المقطع للاستماع
لكن ما نفعش

اتعب اعمله
وقوللى عملت ايه علشان بعد كده انفذ لوحدى

علشان الكل يسمع
دى جميله فعلا
اياك يتمر فيك
يا عبقرينووو

والله اجمل هديه يا ام شروق ربنا مايحرمنا منك يارب يا اخت الجميع وسيدة المنارة الاولي
بصي انا اوجه الاسئله لاخواتي وحبايبي
زهرة الجنوب بماذا تحلمين للغد ؟
صقر المنارة الاستاذ / عبدالفتاح
هل انت راضي عن اسلوبنا في النقاش والمشاركات ؟
الاستاذ/ علي عبدالله
ماهي الخطوات الجديده والافكار في الارتقاء بمستوي المنارة التي تدور برأسك وتتنمي ان تتحقق ؟
الاستاذ/ سعيد العارف
ما هي طموحاتك في المستقبل ؟
الاستاذ/ اسامه احمد
متي عودتك للبلاد سالماً بأمر الله تعالي ؟
الاستاذ/ مصطفي عدلي
لماذا تبخل علينا بأعمالك الشعريه التي تنال الاعجاب من رواد المنارة واين مجهوداتك بقسم الفن الشعبي والكنوز اللي عندك لسه مظهرتش ليه ؟ ههههه
الاستاذ/ اشرف محمد
ماذا تعني الصداقه لديك لانك من اروع الناس اهتماماً بالجميع ؟
الاستاذ/ اسير الغربه
متي سيفك الله اسر غربتك وتعود الينا بالسلامه ؟
الاستاذ/ سيد بسيوني
افتقدنا اعراب القرأن في الايام الاخيره واصبحنا ننتظرة بشغف فلماذا لاتأتينا بالمزيد ؟
الاستاذ/ محمد صافي
ماهي طموحاتك في المستقبل واري انك شاب متدين وعلي خلق فبماذا تحلم ؟
اعتذر ان كنت نسيت احد واللي مسئلتهوش هسئله عقب الاجابات لاني مش محاور بارع زي ام شروق هههههههه

ماشي يازهرة هعمله انا بحمل المقطع حاليا وهضعه ليكم وهقولك علي الطريقه
وتمر فيا والله ههههه

هجاوبك ابو حسام

بس بعد اجابتك لسؤالي الاخير اعلاه

» حوار رمضانى شيق مع الاستاذ عبد الفتاح
» معا من أجل المنارة
» فضل المنارة
» عبر عن مواجيدك هنا فى المنارة
» الى كل محبى المنارة