مسابقة شعرية في الرباعيات لأعضاء المنارة

ياما فى القوم ناديت
ورحت بلاد ولفيت
قالوا الرجولة ادب والحب اهات
والذوق دا فن ويمثله ابو شحات

تغيب تغيب وترجع منور لبيتك ومكانك

سهرنا كتير وقولنا كتير ومكناش علي بالك

لو باليد حيله وعارفين طريقك مكنا سكتنا وجينالك

شفت اسمك منور امبارح قولت يا واد الفرح اهو جالك

كنت قاعد والقعدة بين الناس لامة

والضحكةحلوة والطيور هامة

شفت وشوش منها الفرحة طالة

وابوشحات منور وعلى شفته كلمة

تاهت مني معاني الحروف واللسان اتجمد

يمكن اكون عارفه بس معاك بكون بتعمد

اسمع لشعرك وكلامك وزجلك ياعمنا

كلامك طرب علي العود ياعمنا محمد

دا الحب كلمة وللفرح عنوان

لو تاهت دروبنا ما نعرف للصدق مكان

الصدق دا حرفة وللفضيلة بيان

والبسمة الصافية ابو شحات ليها عنوان

بديت بالكلام امس ......واليوم انا البادي

كلام العوازل يحير........ والاظلم البادي

لكل كلام معني......... ولكل بيت عنوان

وميزان الشعر كله .......عند ابو العبادي

يا عيد الضحية منين ابتدي موال وأغني

دي لحظة ترضي تخلي القلب متهني

يا رب توعدنا بالحج وزيارة دا مستني

شوقي ودعوتك ليا وكل واحد فينا متمني

يا رب كل اللي نفسه يحج حقق له
واعطيه مناه واكرمه وأبوابك افتح له
واجعل دعاء المسلمين فوق عرفة متقبل
وارزقني يارب علشان أقدر أوصل له

هلت ليالى العمر والعمر فيه كام ليلة

دى اجمل ليالى العمر بس ياخسارة قليلة

دى زيارة الحبيب تشفى القلوب العليلة

وليلة فى بيت الله تساوى الف ليلة

هنا وهناك والفرق بين الكلمتين زى الحى والاموات

هنا كل المعاصى والذنوب ودنيا غداره ساعات وساعات

الفرق مش حرف فى جمل يدرك معانيها اللبيب

الفرق ان هنا الدنيا وان هناك عرفات

دعاني رب الكون .......انا قلت لبيتك

ندرن علي لجيلك....... لحد باب بيتك

وازور الحرم واصلي..... في الروضه

واكبر بعلو الصوت.... واقول انا جيتك

كل يوم يطلع علينا من الفجر تلاقينا بنتمنا

نزور البيت نقول لبيك ورب العرش يضمنا

للسعي بين الصفا والمروه ولعرفات بنتمنا

وحياة حبيبك النبي تستجيب الدعوه وتقبلنا

أمانة يا زوار الحبيب سلامي عنديكم

تبلغوه للنبي الغالي ومش لوحديكم

قلبي مرفرف ومش عارف أراضيكم

والروضا والجنة فيها الصلا تراضيكم

مكه الشريفه فيها تلاقي زمزم والحرم

تزورها العباد ويحسرته اللي منها اتحرم

تطوف البيت وتقول لبيك وتدعي من قلبك

ترجع لروحك وتشفي جروحك من الالم

منور هلال الكون........ علي مكه وجبل عرفات

زيارة نبينا محمد ...........تمحي الذنوب والزلات

وفي الروضه الشريفه .....نصلي وننتظر شفاعات

وفي الاخره مامن منجي............ الا رب السموات

تهل يا هلال العيد .....وتجينا في ذي الحجه

يارب متحرم حد .........من الزياره والحجه

قبل فوات الاوان............ والعمر منا بيعدي

واللي يصلي في الروضه...... تكتبها ليه حجه

هنقول كلام زين والسهرة معاك تحلالي

نمدح سوا نبي زين وسيرته قاعده بتلالي

في القلوب ساكن وفي العقل شاغل كدا بالي

اسمه محمد وعلي كل القلوب والله العظيم غالي

يارايحين للنبي خدوني معاكم انا مشتاق

ازور الحرم وادعي واقول بحور اشواق

غفور ورحيم ربنا ومايرض للظالمين

وياخد حق الغلابه ويعاقب بعذاب حراق

قول ياعمنا وكلامك زين موزون وليه معنا

ياما جو القلوب كلامك ساعات تلاقيه بيوجعنا

تريحنا في ثواني بكلام زين وساعات العتاب بيوجعنا

ماتيجي ننسي اللي فات اصله عمر العتاب ما ينفعنا

اعذرني انا اعلم انها تنتهي بحرف الياء ولكن القافيه حكمت هههههه

إنتا نويت الزيارة ؟ ما تنساش الدُّعا لينا
بلغ رسالة الحنين والشوق لنبينا
أحمد دا شافع مُشفع عند رب الكون
يوم القيامة يكون هوا الحِمى لينا

عدلتها كذا مرة

وهيا بدايتها مش كده
لكن اعمل إيه لحماده

هههههه

يا مديرنا احنا في عصر السرعه
لازم الواحد يعصر نفوخه ويطلع
اللي جواه في ثواني وانتم سايبني بحارب لوحدي مع الكبار
اعمل ايه تاني ههههههه
بترموني مع الجبابره والعملاقه وتسيبوني معاهم
بالشهر لوحدي

نكمل علي حرف الالف

أنا ليا صاحب زين........ ميتخيرش عن السامعين

احب ادوم الاغيه............ له وجه حلو بين الاذنين

سالت عليه مره قلولي........... صاحبك نسي وجفاك

قلت والله لروح اجيبو ........... واحميه من العدويين

تم التعديل بواسطة علي عبد الله

انا كمان لخبطت

جبابرة مين ياشيخ بلاش تواضع

ندهوا عليه لقوه اخدته اللي عمره ما اداها

قليل الاصل من يومه وحذاري بيه تتباها

من طبع الاصيل يا اخوانا مايفوت ابدا صاحبه

لو يوم نسيني يبقي عشرتي خساره فيه وانساها

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى