مسابقة شعرية في الرباعيات لأعضاء المنارة

جميــــــــــــــــــــل

طيب

اشكي لمين بلوتي وخايف من الشامتين

اصاحب الصاحب الاقيه فاتني مع الفايتين

قدري ونصيبي من الدنيا وليه ظالماني

ومين رماني علي مر الصحاب غير الامرين

نامت عيون اللي خالي البال وانا سهران

عشقت عدّ النجوم وغرقت ف الهذيان

ياللي تلوم السهارى وانتا ماتدري

العشق ليه سطوته العشق ليه سلطان

ناهيك تفكر لو حتي فيه ثانيه وتعيد عليه القول

اصله صاحب دون وغراه كدا الدنيا ولاقي الحظ معدول

واخد في نفسه قلم عال من راجل تقيل معدول

تشتكي منه للزمان يقولك ايه وقعك مع دول
وعجبي ههههه

نورتنا يامدير .......وانا مع الجميل سهران

اسمع كلامه الحلو... واغزله للحبيب فستان

طبع الحبايب كده .......ودلعهم ملوش اخر

والاخر يناموا...... واظل انا للجميل سهران

عذرا ايها الاخوه

هههههه معلش يامديرنا اصلي كل يوم انكشه واسيبه وانام ههههه
بتدلع عليه
نكمل علي حرف النون

نحكي سوا وانا وانت سهاري الليل

يطلع علينا الفجر واحنا نقول مواويل

عتاب الاحباب علي الصحاب ياليل ياعين

تعاتب زمانك ليه والجرح من الصحاب بدليل

ليه حق يتكبر....... وانا السبب في علاه

ورفعت وزنه وخليته........ قمر ف سماه

وربنا المعبود........... لو يوم انا شفته

لرجعه واقيده بعقال......... وكلامه مستناه

هامسك دوايتي وهاسهر ويا عب فتاح

راجل ولا كل الرجال صاحب جبين وضّاح

أصل المروءة وعنده للقيم مفتاح

خدنا الأجازة وقاعد معاك حتى الصباح

حبيبي طال غيابه في ارض الله

بستناه كل ليله وبتجه بالدعاء لله

سهرة جميله قبل العيد ياحبايبنا

جمعت الخلان الفتاح وابن عبدالله

مع كامل الاحترام وحفظ الالقاب طبعاً

هسمع كلام الحبايب .....والقوه دي من الله

غالين علينا ونسايب...... والكريم ليه الله

بعوده ليام ...........وينعاد عليكو بالخير

ياحماده الاصيل..... واستاذنا ابو عبد الله

هِزلت خيولي الجموحة وانحنى ضهري

واليأس كتَّف إيديا وانهزم فكري

أنا كنت يوم يا بشر فارس كبير مغوار

واليوم من الهم مات سيفي و كسيح مُهري

ياللي تلوم علي الزمان وتنعي معاه همه

الفارس المغاور يعمل مابداله ولاحد ف الارض بيهمه

طول ما انت ياصاحبي علي الحق متخافش من اللايمين

خليك محافظ علي الحق هيقولوا الولد راجل شبيه عمه

هنسي كلام العوازل........ واقول اللي فات مر

هي كده الدنيا........ ايام وشهور وسنين بتمر

والعاقل مايعمل حساب.......... للعزول واقواله

كلامه ملوش معني..... زي سحابة صيف وتمر

رسمت أيادي الزمن فوق الجبين حكايات

تسرد مراحل حياتك ، توصف اللي فات

حكايات تضحك تبكي أهو كله كان مكتوب

على جبينك يا غافل عن خُطى السنوات

تريحني كلمة حلوه اسمعها انا منك

سهله وصعبه لكن كبيره اكيد منك

حاكم وعاقل والعدل من طبعك

واخدينك القدوه برغم صغر سنك

عمنا عبد الفتاح راح ينام عشان عنده شغل

أكمل مكانه

كام مرة أفرِد قلوعي للسفر وارجع

كام مرة أكتم دموعي والجراح توجع

ما يحتمل وَجْعتي إلا جبال الصبر

يا مين يزيل دمعتي ولشكوتي يسمع

-------

[ندعوك للتسجيل في المنتدى أو التعريف بنفسك لمعاينة هذا الرابط]

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى