مسابقة شعرية في الرباعيات لأعضاء المنارة

تاج الوقار فصلوه ليك يالى الادب على شانك

والمرجله قبل لابيك والود كله عشانك

استاذنا غالى علينا منك نتهجى حروفك

لو كان ياخالى بيدينا اطير بجناحى لمكانك

كلام الرجال الكوامل....... مسك الدرر فيها

يخش جو العقول....... ويحب السكن فيها

شوقتني بالله لشوفتك... وحسن الطباع منك

وانا منك ممنون...... للعزازيه وكل اهاليها

اقول الكلمه لكن معرفش.......... اعيد القول من تاني

وارص حروف ليها معني...... واحطها حلقه ف وداني

اسمع كلامي ياسامع القول ........وافهمني انا اقصد ايه

مديت لك ايدي ما حسنتش.......... القا لك طريق تاني

ياسامعين القول مش كل الى قال قوال

الكلمه لو تتوزن مايساوى تقلها مال

والرك مش ع الكلام الرك ع الافعال

يالى مسكت القلم اكتب لى حداك موال

ليه انت تهجرني وانا باطرق بيبان بيتك

ازمر من العشا للفجر واغني وفي صيتك

لاانت رديت ولا حتى الحيطان وانا اديتك

أتاريني بأدن في مالطة وهيا مش بيتك

كان العشم والامل فيكم يا اهلي وناسي كبير

وحقي ضاع وسطكم واتهنت واتجرحت بكل ضمير

دا الجرح والله جوايا صعيب قوي ومالهوش دوا

اصل الدوا غالي عليا واللي حصل مالوش تفسير

ردينا باب العزول ...............قفلناه ملوش رجعه

حقك علينا يالغالي.......... أأمر ومن كل عين دمعه

فرحت القلوب برجوعك.......... وعقبال كمان زهره

وعم الشباب موجود....... والاجر من عند الاله نعمه

هانت عليكم عشرتنا خلاص ياعمي بالساهل

يا اهل دشنا وناسي الحكايه كانت متستاهل

عم الشباب انحاز ورا واحد والله ما يستاهل

انا حقي هيوصل وانت هتجيبه وانا حقي مش ساهل

لو تطلب العيون تهون ......وبالمال والنفس افديك

حقك علينا ومن عنينا ........وتطلب ايه اجيبو ليك

العشره ماتهون علينا ...... ولا بناكل حقوق الناس

تكونشي طمعان في النسب ........ والود اجيبه ليك

كل الفخر والشرف معاك بالنسب يحصلي

لو كل الحقوق تاجي كدا كنت اتمنيت اللي حصلي

نسبك ياصقرنا شرف لي لما يأتيني ويحصلي

خليك انت كدا علطول امام وانا وراك راح اصلي

لا......لا.....ياعم بالراحه انا مش كدك

طيب

ياهندسه ناسبنا نص البلد...... والشرف لينا

ولاد الاصول نسبهم ..........يعلي المقام لينا

ضهر وسند للزمان............ من كل ماّسيه

نسبنا الحكومه بحالها............وطالت ايادينا

ابدأ بصفحه جديده .....واقول الحبايب فين

الكل ساكت ليه........ ماكفايه يانور العين

تعبنا م والعتاب ........خلينا ف موضوعنا

والشعر من غيره......... نخاطب يامين

نوينا نبدء صفحه بيضا وياكم من تاني

اصل العشرة الطويله متهونش في ثواني

لحظة غضب وراحت خلاص وانطوت

كبرت انا ليكم واعتبرت حقي خلاص جاني

يا حاسنين الودوالعشره..... زمان العداوه فات

دخل الشيطان بينا.... طردناه ف ظرف ساعات

صافيه القلوب منا......... والكل عاد مبسوط

قدامكم مثل حي........ حماده واللقب شحات

تاني بتخجلني بطيب كلامك والقلب يرتاح

هو يوم وخلاص عدا وولي زمنه وراح

مش عاوزين نفتكرة يوم مطلعش ليه شمس

وحمامة سلام المنارة الصقر الكبير عبدالفتاح

اخوتى الاحبة اسمحوا لى بالمشاركة فى رباعياتكم الجميلة
حمامة حطة هنا ما بينا شايلة محبة وسلام
بتمسى على الى حاضر ما بينا
من قلوب لاتهدى ولا تنام

حبيت فيك التسامح.... ورحت انا اناجيك

سهرت ليك الليالي..... اسمع انا اغانيك

مراقب عام المنارة ........ومين يقدرلك

اتمني واطلب تجاب...... قلي ايه يرضيك

هلا وغلا ابو حسن

اتفضل طال عمرك

مدارس الرجولة قفلت وقفل معاهاباب الفصل والخطاب
ولبن الجاموسة جف وصبح يتباع على الباب
ومنارتنافاتحة بابهالكل صاحب ادب وكمان اخلاق
من المغرب لحد الصبح لكل صاحب فكر طيب الاخلاق

خلي بالك ابو حسن

من شروط المشاركات انك تمشي ع القافيه

يعني علي اخر حرف كتبه من قبلك

ال هو كان حرف الكاف

المفروض تبدا بيه

يا عزيزى لم ارى رسالتك فكتبت على
اخر مشاركة لى وكانت تنتهى بحرف الميم

قول الكلام اللى يرضيك وأنا سامع

طالما الحب موجود يبقى أنا مسامح

أطلب عيونى الأتنين معنديش مانع

الحب باقى ولازم فى يوم هنتصالح

ولا يهمك

مع القاف

قلت اداوي الجروح.............. طلعت لي جروح تاني

وكل ما قفلت سباك.................. يفتحولي باب تاني

زمان العجب والعبر................. وفيه كل شئ جايز

وجايز تروح الجراح ........ بس اخاف تعاودني احزاني

ياللى غويت الفن وبتقول انا فنان
دحنا الفن ربباته وعاشقينه من زمان
بنسهر الليل عشان نقول الغنوة والموال
دا اللى يعشق الفن عيونه صاحية وقلبه ما ينام

مين اللي نور الرباعيات وبينادي

شرف لينا كبير انا والله وولادي

قالوا القمر موجود معانا ولا ايه ؟

رديت وقلتلهم دا محمد ابو العبادي

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى