مساجلة شعرية بين الأستاذ عبد الفتاح والأستاذة زهرة

هما بيقولوا صحيح رزق الإله مشكوك فيه

ولا شطارتك أو حداقتك تقدر تتسيطر عليه

الرزق مقسوم فى السما ماذا تملك انت فيه

الزم حدودك واعترف رزق نفسك هو الكفيل بيه

هومقسم الارزاق..... ولكل واحد نصيب محدود

لاشطاره ولا حداقه..... كل شئ عند الاله موجود

ماقلنا عميت قلوبهم .......... لاسماع ولا رؤيه

الرؤيه موجوده ..........في علم الكتاب وشهود

دوا القلوب المرضانه موجود عند علام الغيوب

لا سعره غالى ولا عمره كان مستورد أو محجوب

ولا فى يوم يقول لك الصنف دا عزيز ومش موجود

إرفع إيديك للسما وقول يارب تلاقى نفسك عند الإله محبوب

بانت لفلبي ايات .....من نور الكريم وحالات

رفعت الاكف لفوق...... وقلت للكريم دعوات

عالم بالغيوب هو..... ولاعنده عتاب ولا لوم

لكل تايب نصوح........... بيناجي بابتهالات

توبه نصوحة ارزقنى بيها يارب من عندك

ونظرة رضا أمشى بيها أنا على دربك

وبساط محبة وقبول يسهل لى الوصول

سكة سلامة وهدى يا مؤمن هديه من ربك

كل القلوب بتنادي ....وتقول يا رب كريم

تدعي الاله ........الواحدبكل جاه وعليم

طمعانه في رحمته ........يمكن ينولوها

مابينسي عبده ابدا .....ابو القليب السليم

ما تيجى نحسب حياتنا ونقدروها تجاره

ماشيين فيها بمكسب ولا بنجنى الخساره

أرواحنا تقدر تسافر وتعدى فوق الصعاب

تمضى لأعلى الغايات وتصير لذاتك مناره

كفاياك تقول حكايات .....وانت ما تعنيها

فرحت انا بورود....... وقلت لي هتهديها

ومشيت لوعد جميل .......وبقلبي صدقتك

وبالوعد ما وفيت .....ظنوني فين اوديها

..................
نغير المود شويه

أشك فيك إزاى ؟؟ وإنت اللى تملك هواى

القلب شرق وغرب.. لكن غرامك طريقى

أنا مين انا ولا انت.. مش شايفه نفسى معاك

فنيت فى حبك وشفت صورتك ساكنه جوا ذاتى

يامن تفكر لوحدك...... بيوت شعري هغنيها

ورود الهوي لو بايدي......... ماراح اخبيها

قطف الورود مهنتي......... والزرع وجنايني

اطلب جناين الكون........... واوامرك البيها

إحذر وحاذر من الهوى إنت جناينى لكن الورد ليه أشواكه

حكم الهوى متبوع وكلامه صحيح مسموع دا لأنه حاكم بذاته

مسكين ياللى تصاب بالغرام والهوى والعشق قالوا جنون

جابولى راقى الهوى يداوينى لا شوفته جنبى ولا نفعت رقياته

الله الله
......

طيب
...........

اشواك الورد....... لسعتها تزيد الشوق ولهيبه

وتعيش مع الاحلام .......يروح الحبيب وتجيبه

كتاب الهوي دواوين.... بس مين اللي كان يقرأ

واللي مايقرأيروح فيها ...ياخدو الزمان مايجيبه

هوى القلوب.... دوامه بس محبوبه

ولهيب الأشواق.. مشاعر كلها مطلوبه

والشاطر اللى... يعدى البحر ولا يتبل

لكن شطارته خلت نبضات الحبايب محجوبه

جميل

.........

هنادي واقول اهات........ لحد ما ينتهي عمري

شوق المشاعر غواني .....ياليته جاني من بدري

شاطر واعدي البحر.......... واطلع بدون بللان

وان لان الحبيب مرة ........اصحي له من بدري

يارب إنت خالقنا وخلقت فينا الخواطر

خلى يقينك فى قلبك حاينجيك من المخاطر

قول يا علام الغيوب قلبى دا ملكك إنت

إنت اللى زرعت حبه إنت العالم بالسراير

ربيته صغير السن ... وكان الشوق ف عنيها

سقيته كاس الوداد .....مكانش ف يوم لاقيها

حكم قالوها زمان .......وامثال للكبار نرددها

يازارع احصد..... ومن ولع النار لازم يطفيها

الحب مارد كبير يخرج و مالهوش حل

بتحكم إنت من بعيد وقاعد فى وسط الضل

مش حايسيبك تفكر دا الحب يفنى العقول

خلى جروحك فى قلبك مادام ما فيش حلول

لاموني الناس...... وشلت الهموم في قلبي ما اتكلم

لكن تعبت..... وعاوز لي صاحب امين ومعاه اتكلم

جروحي ماندملت .....وكل ماجيب السيره توجعني

بجد اللي يوجعني..... اني لحد الان مش قادر اتكلم

مليت انا من م الدنيا وزهقت وفى طبعى عمرى ما شوفت

أحب الوفا والوداد ومساعدة الأصحاب ومنهم ياما شربت

يا دنيا ليه معانده وفى طبع الناس مشاركه فين الوصال والموده

اعملى فيا ما بالك أنا ماشيه وسايبهالك أنا عمرى ليكى ما ملت

تهون الامور... ورحمة الله اوسع من الدنيه

هنشكي ليه....... ورب العباد قال انها فانيه

العاقل ......ياخد من الدنيا حسنات ومواعظ

ومن يياس من رحمة الله يكفر كده ف ثانيه

هاتى ما تجيبى يا دنيا كله إلا اليأس

دا فضل ربك حوانى فى الرخا والبئس

يقينى جوا قلبى حمانى من ضربتك ليا

ربى وحده كفانى وأمره على العين والرأس

انا لا بضرب...... ولا ف ايدي عصايه ملويه

كلامك .....هو اللي خلاني احكي كلام بعصبيه

ارسي لك علي... بر تحبي الصبر ولا معترضه

ورحمة الله.. لكل الناس فوق الارض دي هديه

هو فيه حد على حكم ربه يعترض

ولو فيه حايعمل إيه طب إفترض

باحب انا اعصبك يا ابو جمال دايما

وأحب كل مسلم من غيرتك على دينك يقترض

الغيره ع الدين مطلوبه...... وافهم كلامي زين

العقل ف الراس زينه ........لكل لبيب و رزين

ماجبرتك انا ...........علي الطاعه اوالعصيان

الطايع يفوز بالخير........والعاصي تملي حزين

نور اليقين والتقى .. مالى قلوب المحبين

حانلاقى فين مصدر سعادة غير الشرع والدين

لو ملكوا مفاتيح الكنوز.. والملاهى كتيره

ما تعدل ذرة فرح للصب من الهدى واليقين

» مساجلة شعرية بين الأستاذ مصطفى عدلي و الأستاذ محمد جلال
» مساجلة شعرية بين الأستاذ صلاح النجار و المهندس حمادة شحات
» مساجلة شعرية جديدة للأعضاء
» حوار رمضانى شيق مع الاستاذ عبد الفتاح
» تهنئة خاصة الى استاذ نصر الدين عبد الفتاح