مسابقة شعرية في الرباعيات لأعضاء المنارة

عذرا ياجماعه

حان الان وقت صلاة الفجر عندنا

سألوني عنكم في الغياب عيوني وجفوني

وتردد معاهم نبضات القلب وتقول اشتقنا ياعيوني

لاخوه طاهرة وصحبه جميله ويا الاهل والاحباب

وتلاقي الجوارح تزعق تقول والله وحشتوني

ياحلو يااللى تلات ايام شاغلنا

نلف وندور عليك سايبين مشاغلنا

والله وبدونك ياابو الشحات ماننفع

وجميع الحبايب قالو عنك ما نستغنا

انا الود ودي اقضي العمر وياكم

يمضي الوقت وابعد وارجع تاني وياكم

لو نامت عينيوني تلاقي قلبي وياكم

حافظ الوداد والصحبه واصون العهد وياكم

ما فتكم يوم ليه ياحبايبى فتونى

لما المرض طال اعز الناس فاتونى

فرحو العوازل قالو لى ملكش حبيب

قلت الحبايب كتير ليه ياحبايبى نيستونى

ياللي انت غاوي العزف اعزف ع العود واوتاره

يخرج لحن شجي وموزن بالقافيه من اوتاره

مين يقدر ينسي الحبايب والخلان يابوعدلي

اصل الادب والاحترام موجودين بينا بغزاره

هقول امانه يافقر من الغلبان................... خد بالك

لا ف يوم ناسيني يافقر ولايوم رحت......... من بالك

قام الفقر ع البين......................... ضربه بكفين

ماباقي عندي غير ضرسين يافقر.............. خد بالك

كلامك عن الفقر وعمايله يخوفني

صاحب جميل عليا ومعايا ساكن مخوفني

طيب وايه العمل في الفقر ياعمي

اطرده من الباب ....من الشباك القاه مشرفني

يعني يقولك زمان شافوا الفقر قالوا رايح فين ياحيلتها

قال الفقر انا رايح لناس ليهم معايا عشره وعارفها

قالوا اهل الخير الناس دي ماتت يافقر

قال وماله يا اخوان اروح واتبع خلايفها

هههههههههههههههههههههههه متفكرش تهرب منه جاي جاي

حلوه ياحماده

لا....متخافش دي مصطلحات مجازيه....الحمد لله ياراجل الكريم لايضام ابدا

طيب
..............

انا اللي الفقر خاف مني...... ورجع مسافات

لاني من بيت كرم... وعمري فاتح الضيافات

الفقر ليه ناس يعرفها....... ويعشق خلايفها

اما الكريم ليه سرعه ..سابقه الفقر بالكيلوات

طيب خد عندك ياعمي

تفوح روايح المسك من بيتك

تلاقي الكرم اصله طالع من بيتك

الاسم عبدالفتاح واللقب شافي

ادعيلك من قلبي الفقر مايعرف طريق بيتك

الله عليك
........

طيب

.......

كانت روايح المسك بتفوح........... لما تكون عندي

يشرفني وجودك واغني كلام........ حلو من وجدي

دايما لقا الحبايب فيه م العليل......... نســـــــــــمات

وان عزت الناس......تلاقي ابو شحات كل يوم عندي

ياسعدي انا ويافرحي بيوم اللقا الموعود

يكون معايا الزمان شاهد وانا عند الكبير موجود

بيت الكرم بيتك وانت اهل الكرم والجود

يارب اشوفك قريب بين الاهل والخلان ياعمنا موجود

داري علي شمعتك... من الحساد وافعالهم...تعيش مرتاح

واتأني في غربتك.....الصبر زين..........وللفرج مفتاح

واصبر علي بلوتك.........صبر ايوب......علي الاجراح

واتهني في جنتك.........بريح المسك...........والافراح

حداري علي بلواي وانسي الهموم وياك

كاتم السر في قلبي ولازم ابوح بيه وياك

اصلك حبيبي وصاحبي قبل ماتكون عمي

احكيلك السر وتوعدني القي راحة البال وياك

كلامك زين..............وسرك في بير ملوههش قرار

وجوا العين............اشيلهولك من الحساد والاشرار

وغيرك مين..........حبيب الروح وف غيابك انا احتار

والاقي فين ........حبيب زيك يامن صاحبه ع الاسرار

رحل الحبيب وفات القلب مجروح ومتحير

ناديت كتير بلهفه وشوق وذهب الفكر واتغير

رحل الزمان ومش راجع ومفضلش منه الا مواجع

عمرها مافرقت مابين كبير في السن وصغير

رايح فين بكلامك ...........هو الحبيب اتدس

اقول لك حبيبي.......... ماسكلي رحل وبس

تنادي بلهفه وشوق .......مانا جنبك تعالا لي

اقول لك الم نشرح ..........و تقول لي عبس

سمعت الكلام ومن جوا الكلام الغاز
كلامك سهام تطلقها تطفي نار مولعه بالغاز
تقدر تصيب وبكلامك تجيب المعني
وكل حرف ليه عند صاحبه توضيح وايجاز

زين الكلام لما يجي منك والكلام معدول

احب اسمع نصايحك لو كنت قاعد اقوم معدول

اشوف افعالك زي السهام افضل ادعيلك

واقول ياريت سمعت كلامك وياقلبي ايه وقعك مع دول

ليك معاي كلام ..............مقلهوشي لاحد غيرك

احب الاغيك .............واطلع المدفون من خيرك

محشوم ياهندسةالكلام ........من الوقوف والصمت

وان ضاقت الدنيا............ مليش فيها حبيب غيرك
..................

محشوم بمعني العفو

كلامك سبق فعلك وصحا الجرح من تاني

جواي جرح قديم بفعل الصحاب صحي تاني

ضمد ت الجراح ولملمت الهموم واحزاني

لقيت العوزال يقولوا ما ارتحنا وايه رجعك تاني

ياللى بتحكى عن الرجوع ومايرجع الأ اللى غاب

وازاى تغيب وانت فى القلب ساكن مع الأحباب

لويوم فى وشك باب أتقفل يتفتح لك الف باب

بس هى الدنيا كده ده حتى الموت له اسباب

بستنى يعدى الفرح والوقت جارينى

ساكن مع الاحزان وعوازلى جارينى

احلامى فوق الورق ممنوعه م التحقيق

سكين وقتى سرق احلامى وسنينى

ياللي مسكت القلم وقولت ع الورق عبارات

يتوه العقل فيها وتسمع للقلب دقات واهات

كلامك زين وموزون بحرف الميم والنون

واحنا عطاشا في بحورك يافارس الكلمات

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى